影片
知道呢间嘢好耐，住附近好想去试吓，响网上面有人话好抵食，间舖头6:00开门，今晚平日6:30打电话去book枱7:00钟揸车去到试吓，即刻有位，仲可以免费泊车，京都骨好味道，好食过旁边𠮶间茶餐厅，肉丝炒面做得真系唔错，啫啫滑鸡煲热辣辣，不过味道普通咗啲，成餐饭两个人食咗总共$183认真抵食，仲有例汤免费派发，不过饮唔饮都无所谓，因为真系冇乜味，感觉系有少少味道嘅水🤣总括嚟讲好有七八十年代大排档嘅风味，食嘅系情怀，味道一般啦，不过唔系差𠮶种，性价比极高。
继续阅读
帮衬过两次先写食评，所有点过嘅菜式包括: 红烧乳鸽、腊味炒芥兰、银芽肉丝炒面、姜葱田鸡煲、鸡粥、粉丝杂菜煲、附送当天例汤，均有中高水平，菜式都很有镬气，好入味，唔驶点任何酱都好够味，姜葱田鸡煲劲多田鸡，腊味炒芥兰超多腊味，腊肉有点太多，好抵食！每次平均3个人食4𩠌1汤，约$300就埋到单，好抵食，而且味道确系唔错，最近秋冬天气够冻，排档确系晚饭消夜好选择，但都有几个缺点: 1.排档室外地方有人食烟，有时会吹到烟味过黎。2. 香港春夏天气太热，会失去意欲去食大排档。3. 无免费车位泊车，揸车去要泊响附近泰康围停车场($20/小时)
继续阅读