影片
温泉蛋葱伴烟熏鲜鲍鱼 ⭐️⭐️⭐️⭐️⭐️呢一个烟熏鲍鱼温泉蛋 完全系啱啱好每一种味道都行得出 烟熏唔会遮盖原本食物嘅味道（特色六小碟）有6小碟菜式特别系呢一个 话梅冻小茄 ⭐️⭐️⭐️⭐️⭐️因为其他小食都系煎炸， 呢一个话梅小茄 嘅新鲜冲淡左油腻冰冻鲜甜 芝麻虾多士 呢个没有太大惊喜鸡蛋焗蚝仔砵 我已经忘记咗呢一个嘅味道金沙炸鱼皮 爽口嘅炸鱼皮煎焗墨鱼角 相比起其他呢个冇咁出色鲍鱼汁炆鸡脚 大厨话系用头先嘅鲍鱼汁炆鸡脚 我感觉到有丰富嘅骨胶原招牌花雕蒸海红蟹⭐️⭐️⭐️⭐️⭐️呢一个𩠌菜，又系佢嘅招牌菜特色出色特别系记得一定一定要点佢嘅醋唔点佢嘅醋，可以食到蟹嘅鲜味 仲有花雕嘅香味点左可以食到醋的甜味平时钟意原汁原味嘅我，我都差唔多，食咗两匙羹醋梅菜芯蒸龙趸斑旗⭐️⭐️⭐️⭐️⭐️好新鲜嘅龙趸班旗我只系记得佢淡淡的骨胶原一哥烧云腿伴头抽煎海虾⭐️⭐️⭐️⭐️⭐️海虾新鲜不在话下，个重点系烧云腿好食到 不能用言语表达佢好似食紧天妇罗番薯， 但其实佢系 唔咸嘅金华火腿 （就系碟菜式，上边粉红色𠮶一块）Juicy 香口好味 龙井茶叶熏鲜鸡⭐️⭐️⭐️⭐️⭐️首先一摆落口 就食出淡淡的烟熏味道之后有一种好香嘅清香 原来系茶叶烟熏只鸡系高水平，连鸡胸肉都系好滑好Juice米皇金汤浸时蔬由于其他𩠌菜都非常吸睛，变成呢一个没有太大特别生炒腊味糯米饭⭐️⭐️唔系好识评论糯米饭，平时少食唔系好油腻，粒粒饭分明每位$768免收加一服务费免收开瓶费
继续阅读
5526 浏览
出入跑马地时早就留意到奕荫街上有新店「锦汶馆」装修，等到初秋终于见到佢开张，不同媒体亦纷纷报导，介绍主厨李灼汶师傅为「厨皇教父」钟锦师傅嘅得意门生，来头咁劲㖞，大食会梗系要凑凑热闹见识吓啦！私房菜现阶段只做晚市一轮，由于座位有限，食客必需预先订座及定好菜单。正如门面展出嘅菜单样板所示，开瓶费及服务费全免，啱哂酒鬼。店子楼底高高，落地玻璃窗身后有两张四人及六人枱，据悉有需要时可合拼成一张十人枱。最中央为光亮洁净嘅开放式厨房，贵客可任意观摩「刀哥」汶师傅嘅厨艺。（嘻嘻，初相识即俾XO仔八到师傅咁响嘅朵，唔用实在有啲嘥，故仔就留返有心想知嘅人亲自访问刀哥啦！）用餐大堂光线充裕，简洁企理，就连洗手间都相当卫生。十人派对被安排入座后方私隐度较高嘅位置，不过满座时杂声同回音都几劲，建议可加舖厚厚嘅地毯帮助吸音。室内并无花巧之装潢，单凭墙边嘅酒樽及挂墙海报，已可感受到客人及店主均为好酒之人。大肥爸爸用餐当晚先决定睇菜单，竟然一野就发现列出嘅九大簋（$738/位）有齐鸡、鱼、猪、牛、虾、蟹、菜、汤、面，唯独欠甜品一环。虽然未能成为十全十美，但可令贵客期待回头品尝，换个角度黎睇都可以话系缺憾美黎嘅。每位席上都有齐备嘅自用及公用餐具。场内嘅服务生友善落力，长辈应推介试咗个特色牛蒡茶，嗜酒嘅细佬少呷茶，只可以话茶品个牛蒡味好浓啰。温泉蛋葱油凉拌蛏子皇：打头阵嘅头盘好似西餐咁讲求摆盘，每人一碟。预先切成细细条嘅蛏子皇鲜甜爽脆，拌上葱油尤其醒胃；散发出天然咸香嘅冰菜脆嫩清爽；羮上嘅温泉蛋柔润香浓、溏心又富弹性，三个主角各具特色。特色八小碟：等咗大半个钟，第二道八小碟终于一次过上，当中除咗冷盘，部份菜式理应衬热食，不过等到相机食完再分哂俾十人后，食物都已经冻哂。小弟愚见，如果啲小碟续样煮好即上，客人可一边送酒，一边享用，保持热度又减少冷场，绝对系一举两得！特色八小碟之芝麻虾多士：八款小碟中，个人最欣赏层次分明、香脆松化嘅芝麻虾多士。特色八小碟之话梅小冻茄：冻食嘅前菜其实一早已经可以上枱，蕃茄仔酸酸甜甜，清新开胃。特色八小碟之一哥烧云腿：意外地，卖相不甚吸引嘅云腿片毫不油腻，亦不干嚡，香甜脆身，送酒绝配！特色八小碟之金沙炸鱼皮：平心而论，炸鱼皮质感脆薄，唯一唔系好食得出有金沙咸蛋黄嘅成份。特色八小碟之盐烧沙尖鱼：此𩠌原本被小肥叮走咗，幸好刀哥唔觉意加返上去，因为席上嘅鱼王鱼后大赞鱼鱼烧得劲香口，仲即场表演「食鱼唔𦧲骨」，鱼骨直头脆到可以吞埋落肚！特色八小碟之煎焗墨鱼角：细细粒嘅墨鱼角爽弹易入口。特色八小碟之鸡蛋焗蚝仔砵：十人对蚝仔砵嘅评价有啲不一，正当蕃薯uncle觉得为极品时，XO仔就觉得砵中嘅蚝仔唔够肥嘟嘟，美人姐姐虽然觉得菜式美味，但却误以为食紧焗鱼肠。。。特色八小碟之脆皮牛坑腩：埋位时明明睇住刀哥为牛坑腩涂上秘酱后串起去烧，点知入口𠮶刻牛腩却只属和暖，唔得脆皮，而且偏干同嚡，估计同自己花时间影相及分𩠌后排到最尾先食所致嘅反效果。特色八小碟之鲍鱼汁炆鸡脚：鲍汁鸡脚软腍入味，吮脚趾经验丰富嘅长辈一食就话系新鲜货色，而并非平时饮茶𠮶啲急冻鸡脚，真系识货架噃！羊肚菌姬松茸炖竹丝鸡汤：一人一盅嘅鸡汤清甜足料，羊肚菌同姬松茸芳香嫩脆，但系咁大碗汤汤对酒鬼黎讲可能太多水，几个人都饮剩。招牌花雕蒸海红蟹：十人有两只嘅花雕蒸蟹醇香甜美，蟹肉幼嫩软滑，精华汁液留埋黎煮单尾，善用资源靓料。姜葱蒸盐鲜马友鱼：十人用餐同样有两条蒸鱼。刀哥讲解鱼鱼别号「半日鲜」，全因佢朝早新鲜买咗返黎即用盐馅咗半日，用餐前先用姜葱蒸。马友极之鲜甜嫩滑，鱼油温润，净睇以下两幅食前、食后对比照应该都知佢咩料啦！虾米酱粉丝炒花蛤皇：花蛤鲜爽惹味，虾米酱份量适中，粉丝炒得好干身又够爽，简单可口。芝麻焗贵妃鲜鸡：鸡鸡连杂上，证明用新鲜鸡整，肝肾唔够五秒即全部消失，即秒杀咁受欢迎！贵妃鸡芳香尤甚，皮下脂肪唔多，黑肉同白肉一样咁鲜嫩柔润，爱食鸡皮嘅小肥只系略嫌皮上嘅芝麻份量过多，盖过咗鸡皮原有嘅滑溜感。鲜茄金汤浸豆苗：豆苗本身爽嫩带脆，黏上含蛋花嘅金汤成功为嫩菜添上香滑。蟹汁捞乌冬：粗粗嘅乌冬面条肥润Q弹滑溜，沾满鲜浓甜美嘅花雕蒸蟹精华，明明食紧菜菜时个个都话饱，但三两吓手势就清碟，美味程度不言而喻！跑马地新店「锦汶馆」环境光鲜卫生，店员落力好客，三代同堂家庭式作业绝对同心！为确保食物质素，掌舵人刀哥专注每天只做一轮晚餐，态度诚恳认真，七百多元嘅九道菜餐单用材新鲜，菜式丰富美味，货真价实，确真做到令顾客有宾至如归嘅感觉！
继续阅读
今年万圣节活动终于可以覆常，所以一个月前已经约定朋友去吃好西，我们发现跑马地近排有间新的私房菜十分好味，性价比也颇高；而且可以吃返当年 Chef At Home 私房菜的味道，真系望穿秋水，喜出望外！因为全部都是出色的美味佳肴，尤其是他们的招牌花雕蒸海红蟹、蟹汁捞乌冬最为出色，其实生炒腊味糯米饭也很正😍此店只接受预约，大家记得预早订位呀😋
继续阅读