錦榮餐廳 (已搬遷)

琴日星期日同男朋友行葵廣 本來諗住係個到掃街 點知勁多人又中伏飲左杯好難飲既珍珠奶茶迫到我地都覺得太辛苦 不如搵下附近d茶記下午茶穿過街市 行左一段路 位置覺得比較偏僻開頭都無抱d咩期望入到去 個時4點半 岩岩好仲有一張空枱我叫左炸雞翼加沙律 加熱奶茶男朋友叫佢最出名既芝士肉醬通粉 加 凍檸茶一食個沙律好正完完全全係細個個隻味道 雞翼都炸得岩岩好男朋友個個都好正 d芝士焗到岩岩好脆脆地最後我都唔客氣係甘甲佢個個食重點嚟啦仲要係好平 29 + 32 有埋野飲 今時今日仲有呢個價仲要係好食同d員工傾左幾句覺得好有人情味見到佢餐牌 係開到7點幾（如我無記錯）7點之前都仲係有下午茶餐食 （其實係可當晚飯食）支持良心小店 故此寫個靚食評支持下以後去開個邊都會去幫襯下…查看更多

上星期要去葵芳打波🏸🏸，咁就喺葵芳塭食先，午餐就打算食平D... 前一晚上Openrice 塭，見到呢間有個出名嘅鑊仔芝士焗肉醬通粉！😌😌🤗一入餐廳，睇完餐牌，見寫住「金牌鑊仔芝士焗肉醬意粉」！😎😎二話不說，就即刻order!!! 🙋🏻🙋🏻🙋🏻即叫即焗，等咗十幾分鐘，終於上台！香噴噴嘅芝士味已經湧出嚟😋😋😎😎👍🏻👍🏻一义落去！我先發現原來我叫咗意粉，但其實明明係想食通粉㗎？😱😓🤔🤔⋯⋯再睇多次成張餐牌，都無寫焗通粉wor.... anyway, 意粉都好好食吖！芝士濃厚！芝士同肉醬份量慢都好多！都算無嚟錯，平民化的午餐🤤🤤🤤🤤…查看更多

尋日去左食早餐，因為唔想去連鎖店食，行行下就黎左呢間錦榮餐廳。其實係門面睇真係有d up dup 同埋係舊式既餐廳黎，不過呢類型既餐廳先往往會有驚喜。呢間餐廳既早餐有中式都有西式，我就淨係食西式既啫。扒類早餐有得拼煙肉其實我好喜歡吃煙肉的！不過因為唔想又食炸魚柳又食煙肉好似好heavy 咁，所以叫左個煎蛋。奶茶好好味～果然係舊式餐廳既熱奶茶先係最好飲既！好有茶香又唔會澀早餐話咁快就送到啦～見到有茄汁豆真係好驚喜，而且係牛角包呀！依家d 餐廳好多都用餐包or多士，估唔到呢類既店舖會仟牛角包呀！個牛角包好香牛油味，咬落鬆軟。可惜無翻熱，如果唔係一定仲正！個早餐個feel 好英式呀哈哈～個魚柳雖然睇落好似好大，但係佢有d 扁。不過都無損我對佢既好評價…查看更多

每天一到午飯時間, 同事們都會不停地互問去哪家餐廳吃午餐, 但大家通常都沒有決定, 自不然就選了最近的地方隨意找家餐廳吃, 但來來去去都是吃那些重覆的食物, 剛好今天我想吃茶餐廳, 各同事又沒有異議, 所以一同來到這家茶餐廳之前已經來吃過這裡很有名的芝士焗肉醬通粉, 味道是挺不錯的, 雖然有下午茶, 但大部分都是粉面小食, 今天想吃飯, 所以另選了飯餐<<煎蛋豬排飯>>配了黑椒汁, 味道香濃入味, 非常多汁, 拌飯一流, 煎蛋是太陽蛋, 一拮穿蛋黃就流出蛋汁, 豬排很大塊, 口感軟熟, 煎得剛剛好, 不會太乾身, 而白飯質感較軟身, 易入口又易咀嚼, 簡單的一個碟頭飯, 已經很美味 …查看更多

估唔到，今時今日物價咁高，仲有餐廳供應30蚊一個可以當做午餐分量嘅茶餐！除咗包熱飲一包，食物質素都唔錯，又足料，點可以唔撐？講緊嘅係葵芳一家茶餐廳。好多人都去葵芳，都只係識去新都會廣場同葵涌廣場搵嘢食，前者可以坐得舒服，後者可以不停行嚟行去，食盡3層，鍛煉腳骨力同食力……其實，呢2個地方以外，葵涌運動場同街市那一邊亦有唔少美食好去處。上星期，我就去咗呢間茶記。茶記只開早午市以及下午茶時段，不做晚市，亦因為咁，下午茶時間會延至晚上7點！這天，我跟朋友6時多入座，去嘆個 Late Tea, Early Dinner！一心為咗個鑊仔乜乜乜而來，雖然不太愛吃肉醬，但最後還是點了鑊仔芝士焗肉醬通粉，始終都是太吸引了。 個焗通粉用原個鑊仔上檯，畫面其實幾震撼，可以呃到唔少 LIKE！加上份量真的不少！平時去連鎖快餐店吃個芝士焗豬扒飯，碟淺飯少但也叫價至四十多元，這個鑊咁大，肉醬跟芝士多，真係令人感動！ 通粉最上面的就是芝士，焗過的芝士和肉醬把通粉覆蓋住，要食通粉，就要牽芝了。用叉一牽，芝士竟然拉到絲來！哈，人們花上近百元去食韓國嘢，都係為可咗呢啲「拉芝」，我今次用$30就拉到，真係抵！ 芝士同肉醬混合著，一拉便傳來陣陣香味！食通粉前，將所有肉醬、芝士和通粉拌勻，令通粉可以吸收芝士同肉醬嘅精華。 通粉好軟，但唔會過稔；肉醬嘅蕃茄味唔會過酸，甜度恰好；加咗芝士之後都唔會好鹹，唔愛食肉醬意粉嘅我都可以將所有通粉清掉，真係好難得！食完之後亦無感到「好滯」「好膩」，係意料之外嘅！個餐仲包一杯熱飲，呢個時候梗係要飲返杯熱檸水啦！…查看更多

剛去完醉鮮靚湯特色粉麵食完午餐又即刻行過隔離食錦榮餐廳食下午茶， 真係即刻個種。兩間都係第一次去。 錦榮是間舊式茶餐廳，佢都幾好生意，我哋三點幾去到都差不多坐滿人，都坐得好迫。   一坐低就即刻叫咗兩個主打下午茶， 芝士肉醬通心粉和豬扒包。好多客都係叫 芝士肉醬通心粉，聽講只有下午茶先有得食，但作為下午茶又真喺有D𢸍撼 ，連隻鑊一齊上，咁大份點食? 好多肉醬，芝士可以拉絲， 每一啖都好有滿足感。原本只想叫一個下午茶， 但怕唔好意思就叫埋個豬扒包， 係間餐廳到周圍都寫滿推介豬扒包嘅廣告。 個包係軟熟個種, 塊豬扒有汁又唔靭，都可以。 我同老公食晒所有嘢， 晚餐無食淨飲水都飽。 …查看更多

好耐無入葵芳食野，今日專程去錦榮餐廳試下佢個鍋仔焗芝士通心粉，果然幾好味。下午茶2點半先開始，2點零鐘都俾入去座下，叫左個最出名既鍋仔焗通心粉，30蚊連熱飲、布甸或橙汁，好抵食。另外，試左焗葡國雞飯，葡汁ok, 但雞麻麻，有雪味，都係焗通心粉好味d。野飲叫左熱奶茶，茶底太苦，唔岩口味。餐廳氣氛好有住家feel，伙記都算親切，好多街坊幫襯…查看更多

去開葵涌廣場行街，行到攰攰地想抖下，朋友帶左我泥呢度試下葵廣以外嘅平食。叫左兩個下午茶餐share。先泥芝士肉醬焗通粉，用鑊仔上枱，好霸氣咁款。好多芝士丫，仲拉到絲架～～～肉醬同醬汁混合晒，好腍滑，惹味得泥又無過咸，同通粉好夾～通粉比較淋身，如果可以彈牙啲就更好。至於避風塘雞翼炒公仔麵，「喔～啲麵有啲唔同嘅」食落唔係丁麵，又比平時嘅公仔麵幼身，麵質彈牙，同埋炒得好乾身，有少少似豉油王炒麵嘅感覺。雞翼炸得好香脆，肉質juicy，不過有啲唔夠味。跟餐嘅布甸，質地比較散，似食緊液體，最開心係加左花奶，最後飲晒～總結呢間地區茶記，食物味道有住家feel，又唔會過份濃味，食完都無好口渴，下午茶份量雖然唔算多，但30蚊泥講都係葵廣以外嘅抵食之選。…查看更多

芝士肉醬焗通心粉🧀 ($30)港版肉醬Mac n Cheese，滿滿嘅芝士肉醬覆蓋成碟通粉，再放係隻鑊仔度焗，玩味十足🤗。肉醬茄味適中，偏向港式嘅鹹香味多啲，食落仲會有美極嘅鮮味，配埋啲芝士焗到好似熔漿咁，超淫賤😍。份量唔細，下午茶黎講，性價比都幾高。…查看更多

一間餐廳點好食，d員工5得成間餐廳都5好得去邊！😠聽電話嗰個又無禮貌，5想接電話5好接啊嘛，咁無禮貌都點啊，語氣勁差勁5耐煩“得la得la得la“，兒加好似我對緊個客多個你對緊個客喎咁多算，我call外賣，5係同你過人世，但我係個電話度同你千叮萬囑走蔥走蔥，講左幾次，你仲同我“知la，走蔥啊嘛“，臨收線我都驚你發緊夢，講多次到最後，阿姐，點解我盒飯仲有咁q多蔥呢？…查看更多

星期六，午餐出動搵食!今日黎到葵芳，要去食一樣食完必肥既野!芝士肉醬焗通粉 - 聽個名已經覺得肥，果然黎到既時候見到上面勁多芝士!不過對於我呢個要增肥既人黎講絕對冇有怕~平時食肉醬意粉食得多,原來肉醬通心粉都幾特別, D肉醬汁加上細細粒既通粉更入味,果然係呢度既名物, 正!蕃茄咸牛治烘底，蕃茄同咸牛中間加左d沙律汁，一d都唔hea，咁樣加埋都幾好食!常餐，睇個樣覺得好正喎!!食落奶油豬夠脆!奄列味道正常~米粉揀兩款餸要左菜同沙嗲牛肉,都OK好食!…查看更多

放假隨便係屋企附近搵間茶餐廳食個午飯。叫左個午餐芙蓉蛋飯，份量好大份食唔晒，一大塊芙蓉蛋蓋係飯上面，再加d豉油，芙蓉蛋做得唔錯，有蔥+洋蔥+火腿係蛋入面，煎得幾香，唔會煎得太熟，又唔會太咸，不過我嫌佢蔥太多，d飯幾乾身唔會好濕，都算係唔錯既街坊野。…查看更多

去葵涌廣場買衫，search咗附近有咩食，被錦榮餐廳啲拉絲芝士吸引咗，咁就順便去食個下午茶。都係一貫港式茶餐廳格局，燈光充足、裝修簡潔。下午茶餐除咗有三文治、多士外，仲有炒粉麵等等，定價$28至$30不等，包一杯熱飲，都算合理。我呢次係為咗芝士而嚟，原本想叫芝士肉醬焗通心粉，不過怕食得太飽，見有芝士肉醬焗多士（$28），就轉軚要佢。厚多士塗滿番茄肉醬同碎芝士，再入爐焗脆，當日嘅芝士拉絲效果唔明顯，好彩芝士份量多，完全滿足到我呢個芝士控。唯一要彈係番茄肉醬質感比較濕，令到麵包變得腍身，味精濃度亦唔輕，食完都幾口渴。熱奶茶，茶味稍淡，不過整體都幾順滑嘅。…查看更多

專程來試煎三文治。 即叫即做，煎比烘要花多好幾倍的時間，絕對是一道心機料理。煎的效果沒烘的那麼脆，但香得沒話可說，是非常不同的兩種風味。 如果你認同慢活的生活態度，不仿來此嘆個下午茶，讓師傅慢慢的為你煎一客三文治，在茶餐廳內自製一點浪漫。 奶茶用瓷杯上，未試喝先加分，心理上已勝過用塑料杯上。茶底稍薄，整體還是不錯的。…查看更多

第一次食煎三文治係用牛油煎到麵包微脆紋理十分漂亮外脆內軟饀料係蕃茄牛肉份量適中蕃茄有助減低油膩感好味😁下午茶時間仲送飲品天氣急降下緊係飲番杯熱奶茶走糖估吾到都幾有水準香滑而不過甜而且夠熱好耐無飲過甘正的奶茶侍應都好親切留下好印象…查看更多