鋾鋾星林居

营业中

休息中

路經此店，就試吓吧叫咗豬大腸雲南米線豬大腸唔好食…湯底重味精，食完皮膚有敏感反應…而且湯底是偏向酸臭味道(有酸豆)，唔係香港人嘅酸辣湯底口味…試過就算，不會再來

【尖沙咀星林居米線食評🔥】 今日去咗尖沙咀星林居食米線，真係正到爆！叫咗碗大辣湯底，辣到噴火但超上癮🌶️，豬軟骨煮到冧晒，一啖咬落去啲肉即化，仲有陣滷水香，正！豬大腸洗得乾淨冇異味，咬落去外脆內軟，索晒啲辣湯，勁惹味😋。雞翼都唔輸蝕，滷得入味，皮滑肉嫩，一啖咬落去仲有肉汁爆出嚟，正過癮！ 配埋凍可樂🥤，一啖辣一啖凍，爽到震！星林居果然係米線界嘅王者，大辣愛好者必試，食完包你「辣到飛起」但又想encore！下次再戰！ #星林居 #大辣挑戰 #米線控

食佐好多年，曾經好鍾意的星林居係咩廚師換佐，完全面目全非1.多蔥多芽根本見唔到有幾條芽菜，顧客要求形同虛設2.湯底好清湯寡水好淡唔再濃郁，點佐大辣，只有之前小辣的程度，份量也小佐好多，加的料價錢一路攀升，份量亦越來越小3.價錢什麼貴，味道份量同質素一路下降，曾經吸引我的閃光點全都變佐灰暗，嚴重懷疑係咩廚師換佐，十分失望，唔會再去，老闆曾經的得獎榮耀，應該好好反省為何做到如今呢步，真係太令人失望…

食咗星林居好耐，之前水準一直都好好保持到到，但近幾次食，啲食物質素都好差，今晚仲要嗌嘅嗰兩個餸都冇(嗌咗豬紅同油麥菜)，問我可唔可以轉生菜同另一個餸，甘我都冇所謂，可以轉，最後轉左豬皮同生菜。上枱速度的確係好快，每次嗌完唔夠5分鐘都一定上到枱，但係今日個湯係酸到好似倒瀉咗成支醋咁! 自問自己都係食得酸嘅人，但個湯底真係酸得太過分!最後仲要問佢攞咗個清湯溝淡啲，如果唔係真係食唔到! 碗麵我寫咗要多芽菜走芫荽，結果上到枱碗麵冇芽菜多芫茜，本身我都覺得配料嘅嘢多多少少我冇所謂，但係我remark咗而個配菜係完全冇喺入邊，係咪可以同我講聲先? 仲要我食到一半先聽到廚房大嗌同樓面講冇芽菜，冇油麥菜。其實我落單嘅時候就有啲餸已經冇㗎啦，咁點解廚房唔可以一早同樓面講，等之後嘅客人知道? 跟住嗌咗杯凍檸茶，有幾粒冰喺上邊，但係完全唔凍，如果係咁我嗌熱檸茶得啦，點解要俾多幾蚊嗌杯凍檸茶。service差就不嬲都係，但係我一直都覺得冇乜所謂，因為我食個麵都冇咩特別話要Service。但係好似今日咁，乜嘢都冇，食材都冇，Service又冇，咁我覺得我唔需要再幫襯呢間餐廳。

以前係尖沙咀做野🍱🍴諗吾到食乜就揀佢😄味道同食物都保持水準咁多年味道如一服務態度一向如是不要有任何要求或投訴🫠價錢愈來愈貴😨食物質數一般🫠食完預左口渴 味道偏濃上菜速度快💨💨

第一次食呢間分店夜晚10點幾嚟到估唔到都仲係好多人食緊有人嗌外賣生意幾好叫咗碗豬大腸腐竹米線 酸度揀咗超級酸驚喜位係米線大大碗好足料啲腐竹食極都仲有同埋個湯真係好酸好好食好開胃芫荽酸菜芽茶嗰啲配料亦都好多50幾蚊一碗真係冇得輸

剛剛吃了小鍋米線，豬腩肉，豆卜，生菜，腐皮角，小小辣，小酸，好好吃👍👍👍😍😍😍再加一個榴槤棉棉冰，百香果爆珠和藍莓爆珠，好大份，值得推薦，一定要試試⋯⋯👍👍😍😍

一碗小窩米線4至5片豬腩片痴埋一舊未解凍去煮，一舊直接上枱，向店員反映，店員無行埋枱，一直隔住一張枱距離對答，仲反問即係點？出單亦出錯，收多客錢，需然退回款項，但感覺不老實。以後不會再幫襯。

星林居，食咗好多年，最早都係食金馬倫道三樓嗰間居多，樂道呢間就近公司方便d。早幾年味道都幾好，偶有發揮不正常嘅時候，但都過得去！但我想講近呢年幾去咗差唔多五六次，冇一次食到正常水準，今次更加令人激氣呀！首先一入到去嗰阿姐就鬼咁串講嘢，三個人逐個落單都唔得，串住叫我哋全部人揀好先落單，OK，我哋照做！我剔咗中辣非常酸+米線煮久，落單後2分鐘有野食，仲驚訝咁高效，結果筷子撩咗一條米線就知瀨嘢，好硬…即刻叫人煮過，等咗一陣先有個男伙計走來問乜事，之後拎返入廚房重新煮過，但煮完後所有配料腐竹都淋嗮😤此時先食嗰味道，我話過嗌咗「非常酸」但今次又係同之前幾次一樣係冇酸味嘅…無奈將就自己加d醋求其食啲算！兩個frd嗰碗就畀錯料，其中一個frd嗌咗豆卜，但d豆卜係冇煮過嘅又干又硬… 嗰環境係好逼唔使講，門口部冷氣又冇開到喎⋯⋯我哋就咁吹著風扇嘅熱風食到周身汗…連續幾次嗌親d嘢煮出來都唔啱，真係唔知佢哋搞緊乜！？係覺得自己太好生意定唔想做呢？！開得門做生意應該對食客負責呢啲基本嘢喇！今時今日仲咁串（西）嘅態度，講真影衰香港飲食業！大佬我下次寧願食隔離兩餸飯都絕對唔會再幫襯喇！

見證住呢間嘢由好味到垃圾，講真香港人要求真係唔算高，你間嘢係好味既，你服務態度就算惡劣都會有人黎幫襯，甚至會當你係一個特色添，但係最近去食真係要乜無乜，好容易之前食評所講，好似「食神」咁，個湯無味，送菜明顯係唔新鮮隔到無曬味，我每次去都係叫好多送，埋單都90幾蚊落樓，但係最近去食佢連蔥啊芫荽呢啲配料都少左，明明我係tick多既，但係個服務員可以串到話係咁㗎啦你要加加6蚊架，我即刻食完就走，嘢食唔好味就算，仲要咁鬼串，入黎仲話咩轉型賣埋西米露，我建議真係唔好搞咁多嘢，做好本身自己擅長既嘢同埋個服務態度先，謝謝。 PS 原本入黎已經見到有班內地客係度投訴話嘢食唔掂…我仲怪佢地嘴刁，對唔住係我誤會左。

幾年前去食過，覺得呢間嘢嘅米線好好味，個湯底味道酸酸辣辣好開胃所以今次都抱住期待心情再食呢個米線。諗住而家熱辣辣就叫涼拌米線啦我就叫咗一碗豬肚涼拌米線，朋友就叫左豬軟骨油麥菜牛筋丸涼抹一上菜都知中伏! 首先，除咗芫茜我乜都睇唔到！啲米線好深色，可以一啲味都冇！連啲豬肚都可以係白烚！一啲味都冇畀張紙我揀酸同辣度有作用咩？！從來未食過一碗米線可以乜味都冇！我朋友叫咗個碗豬軟骨一樣係冇味！豬軟骨冇味之餘仲有陣豬蘇味🥲碟菜都係白烚！又係冇味！好x嘢呀真係! 個廚師係咪味覺有問題？好啦。。問佢拎個蠔油啦嚟嗰個阿叔好冷淡咁答咗一句：冇蠔油喎！得豉油咋喎！好似周星馳嗰句對白咁：冇bb油，得白花油。。。我自問咁大個人第一次食米線可以完全冇味要加豉油去食。。喺尖沙咀呢個美食天堂，突然間覺得自己好慘！仲要叫咗兩隻鹵水蛋個夥記竟然冇幫我落！之後同個收銀互相推卸責任！呢一間係乜鬼嘢爛舖頭！？本來一間香港人心目中都覺得好食嘅米線，到我今日再食，我終於明白點解而家香港人都唔願意再喺香港消費。。食物味道差！服務質素又差！呢一餐簡直浪費我肚嘅空間！一世都唔會再幫襯！再見！

想搵尖沙林好食，見到星林居都有所聽聞，就比次機會試下佢，叫左個小鍋米線豬紅，羅白，豬軟骨網上見d人都有食尼幾樣咪試下豬紅 ，3款中比較好 ，叫做本身調左下味，都ok羅白，淋但又未去甜，普通豬軟骨 15蚊但最垃圾係佢應該叫 豬硬骨，硬過你條命硬到都唔想食湯底叫左少酸少辣 ，黎到，垃圾，無乜底味既水咁，飲一淡都多餘唯一優點係配菜 佢係比得好足，多蔥多芽不過68蚊我諗大把選擇好過佢So bad

好耐冇嚟星林居 入到嚟先知多咗兩個字鋾鋾。我好少會寫食評，但今次真係太誇張，難怪依家冇人食。未講味道淨係講賣相已經唔掂，碗湯瀉晒，米線都dum晒出嚟， 出餐前都唔簡單整理一吓， 碟菜都有幾條掂住枱面， 出餐阿叔個手套油淰淰出餐又哩個手套送餐又係哩個手套，重點係碗米線湯滿到浸住阿叔嘅手套 ， 再拎到埋嚟面前俾人食 ， 睇到都作嘔🤮咁我俾面食兩啖啦， 個蘿蔔酸嘅 ， 個湯底都同以前唔同晒， 好單調同埋有少少怪味， 食咗幾啖米線之後都真係頂唔順 ， 即刻埋單走人， 真係以後都唔會再返嚟🙏🙏

鋾鋾星林居前身係星林居雲南米線餐廳，我幫襯左好多年既米線店，每次我都係叫小鍋米線，小辣會有肉碎，普通酸，必點豬腩肉，蘿蔔，雞中翼，豬紅，成碗米線滿滿，湯底好濃，食物入味 ，係我去尖沙咀必食既米線店

食過無數次嘅星林居～味道依然咁好食🤤豬軟骨係特色之處！每一次食都係好林，好入味🥰呢一樣餸係必點嘅！！！而今次叫咗大辣，辣得好過癮 🤣流酸到流哂口水，辣到個胃不斷翻騰🤯雖然係食咗好多次，亦都食咗好多年，味道依然都係冇改變到！！保持到應有水準👍🏻👍🏻係值得嘉許嘅😋😋另外，再試左一個雲南過橋，呢個就麻麻哋，啲麵全部都係凍嘅🙁啲配菜全部得一件，腸仔仲要得半條，蟹柳又係得半條🤯呢啲都唔係貴嘅食物…點解都要咁慳？所以以後都唔會再食雲南過橋，食返普通酸辣湯米線算😑