影片
继续学人写食评😎😎寻晚无意中周老公发现左lee间车仔面，心思思入去食咗，初初都担心唔好食，因为本身都系想食好西！哈哈，一入去到就有张卡位，开心ing！坐低望望张车仔𩠌子，都算几多选择😛😛！今次我叫左麻辣金钱肚、鱼皮饺、醉辣肉碎、瑞士鸡翼尖、腩汁中辣米线。我老公就叫萝白、木耳饺同牛筋，腩汁火线！想讲讲既系每个𩠌都好好味！好特别！先讲下麻辣牛肚唔系得个辣味，系食到牛肚既香味，而且膻味架😋😋，另外居然食到鱼皮饺既鲜味🥰🥰！瑞士鸡翼尖嘅瑞士汁都相当之浓郁，正正正啦最后讲吓木耳饺，店主系写住必食，木耳饺🥟🥟本身爽爽地皮都算薄，好有口感，最后我哋仲叫咗个小食添啊，就系椒盐金沙骨，卖相同味道都唔错啊，脆脆嘅金沙骨带点肉汁嘅香味，虽然咸咗少少但送落个面度都相当唔错，值得一去！本公主下次会再去😚😚🥰🥰#食评 #食好西系列 #车仔面
继续阅读
今晚冇咩胃口就去左食车仔面🤔食左一段时间外卖今日终于有时间堂食喇😆10点左右去食唔洗排队但差唔多每张枱都有坐人我同朋友一人叫左一碗面加一个小食同一碟菜再加两杯饮品店员态度正常都会提你量左体温先入座朋左叫左一碗幼面配鸡翼尖，紫菜同金莎骨佢就觉得幼面太淋冇乜咬口，金莎骨就正正常常冇特别但啲肉都唔会好"鞋"而我就叫左一碗油面配猪红，木耳同支竹猪红唔会系腥个啲味，都几岩我口味🙈木耳我就觉切得太过碎，支竹都有啲剪得太碎不过都吸到汤既我叫左中辣加腩汁，好钟意佢个辣味够辣得黎仲食到我细个食开个个辣味唔知点话比大家个系咩味😂不过对我黎讲系一种儿时既味道所以我都几钟意佢个辣之后我地仲叫左一个墨鱼春卷小食，虽然望落好似炸得有啲过左火，因为都几深色但食落外皮脆脆地几香口👍🏻都唔错架饮品方面我地都叫左珍珠奶茶🥤但唔知点解啲珍珠有小小苦味又有小小仙草咁既味唔知系咪食惯出面个啲手摇饮品店，通常都系甜既珍珠所以唔惯呢间啲珍珠我试左就咁饮啲奶茶冇吸啲珍珠，奶茶味道又冇问题㖞👀仲几岩我个人口味不过佢出杯饮品个阵就系为快而快，就咁倒晒啲材料入去就算杯饮品上到枱店员叫我地自己搞下佢，一拎起小小支饮管就发现啲糖浆痴晒系饮管到🥴如果可以改善呢个情况整好先出比客人就会更好喇🙆🏻♀️个人认为客人唔多既时候应该花小小时间做好呢啲工作💪🏻
继续阅读
路德围附近真系好多黄店之前就已经介绍韩阁同元朗烧卖皇后今次就嚟到铭阳车仔面食完个面之后仲可以去埋珍煮丹买杯野饮🙈汤底好浓郁，加左佢个辣酱之后好惹味我就嗌左咖哩鱿鱼、猪红同鸡翼每个𩠌都好足料，好入味而且佢有好多小食同台式饮品拣不过因为𠮶日太饱所以就净系试左个车仔面推荐👍🏻👍🏻👍🏻 同埋依间铭阳车仔面佢系标榜无味精啲咁食个时都真系冇味精味同个汤底都好浓即使食完都唔会好口干平均一面3𩠌都系大概$4x左右🤤🤤
继续阅读
坚记素来钟意喺荃湾揾食，皆因地方近、选择多，呢日咁啱身处荃湾，咁啱路过呢间铭阳车仔面，又咁啱下午茶时间，咁就梗系唔好谂咁多，车个面先再讲🍜😎。传统车仔面店都系自己拎张点餐纸圈圈画画咁样样，店员安排入座之后，当然第一时间睇下有咩好嘢食先。𩠌同面类嘅选择都算多款，俾我到佢有个招牌鲜切面，话到明系招牌嘢，我就谂都唔谂一嘢圈落去，而𩠌方面，我就拣咗猪红猪皮牛筋。而嘢饮方面，都有好多选择，有好多台式饮品，珍珠或者水果茶，果然系下午茶嘅好地方，坚记钟情抹茶，就拣咗杯抹茶奶茶试试佢。因疫情关系，堂食嘅客人比较小，于是乎呢头落完单，唔使几耐果头就上餐。面一上，识食嘅当然系第一时间整啖汤先，而我为咗试真佢嘅汤，我特意冇order加任何腩汁或辣汁之类。首先汤头比较重，浓香，但又唔系死咸，可接受，如果食开重味嘅朋友会觉得超正。之后到个面，望落去好似淋patpat，坚记最怕食淋过毛巾嘅面，但系唔嚟都嚟咗，唔好谂咁多啦，拎起筷子一嘢夹落去，咦？又几实净㖞，唔会系一夹就断嘅朋友。一啖啪落去，非常弹牙，口感有啲似日式手打乌冬，烟烟韧韧咁样样，果然系招牌，厉害厉害，惊喜惊喜！而𩠌方面，首先牛筋同猪红系非常入味，牛筋焖得够哂林，非常软滑，但系又唔会话焖到烂哂咁样，猪红亦都冇话一夹就散，好食！再嚟就系猪皮，非常爽口，唔会话硬邦邦，非常干净冇猪毛，索一索啲汤然后一嘢啪入口………哗！爽呀！最后就系杯抹茶奶茶，由于台式饮品一般都系偏甜嘅，而坚记又唔饮得太甜，于是乎就拣咗少甜，味道调校得几好，正是我心目中想要的甜度，不错不错。总括而言，呢间车仔面可以话系抵食得嚟又好食，同相类似嘅车仔面店，价钱大同小异，但系佢份量就多多。今次就试住咁多先，下次一定会再去试埋其他面类或者小食😋👍👍
继续阅读
🍜招牌鲜切面+自制酱汁+大麻辣酱🌶️面质🍜可弹牙。。酱汁好特别。酸酸甜甜。🌶️够麻够辣🐖瑞士猪软骨。炭烧金沙骨🐷。咖哩鱼蛋🍢。鸳鸯🥤瑞士汁猪软骨🍖可大件。。好多软骨。。好软绵炭烧金沙骨🐖好好味。。有啲似凤爪排骨嘅酱汁。。好特别😋😋鱼蛋🍢都好入味又够弹牙正宗鸳鸯🥤山西刀削面🍜。腩汁。大麻辣酱🌶️面质好粗身够弹牙😋。。🌶️够麻够辣秘制牛筋🐂。味极猪脷🐖。红肠。哈密瓜🍈冰茶牛筋🐂炆得好腍又够大件。。哈密瓜🍈冰茶好特别环境好阔。。仲好有防疫意识tim👍👍👍👍
继续阅读