銓仔記海鮮晚飯小菜

营业中

休息中

呢個星期日去咗踩咗轉吐露港，回程啱啱好6:00食飯時間，就諗住上熟食中心睇吓有咩食，入到去見到呢間大排檔啱啱六點都已經有幾台客喺度食緊海鮮小菜，就俾佢吸引咗，我哋叫咗三款小菜島，但最吸引嘅竟然係佢食到最尾嘅一款甜品，夠哂癮世，大排檔好少有嘅椰皇甜品！蜆蚧鯪魚球拼泰式炸豬頸肉我哋人多有人想食鯪魚球有人想食豬頸肉，但驚如果普通正常一份份量會太多，所以就走去問店員可唔可以額外做個雙拼，點知店員好好人就話可以幫你哋每個份量減一半。個蜆蚧好香，鯪魚球用咗米通嚟做外層去炸，炸得好香好脆，入邊嘅鯪魚球都夠彈牙。炸豬頸肉就不過不失個外皮炸到比平時燒豬頸肉嘅脆，配上個泰式醬汁點嚟食幾好食。海皇蝦乾魚肚浸莧菜呢兜嘢好足料，唔單止成碗都係菜，上面放滿晒大大隻蝦乾同埋好多嚿魚肚，下降隻隻都好大隻好香，浸落啲湯度啱啱好，魚肚發得夠腍夠大嚿。豉椒炒蟶子配米粉餅店員介紹今日嘅蟶子仔好新鮮好甜，所以我哋就叫咗碟豉椒炒蟶子雖然唔係平時食嗰啲大大隻蟶子王，但係每一粒蟶子肉都好肥美好甜，而冇平時嗰啲咁大依啲咬同吞，配上豆豉豉椒嚟炒炒得好香，最重要嘅係，底下係煎米粉餅，煎得好脆好好食，加埋啲豉椒汁嚟食，簡直一流！當我哋食完晒

大埔呢間親民既隱世小店銓仔記 @cyunzaigei有多達16款雞煲味道選擇晚市時間$168就可以任食雞煲最抵下午茶$118就食到！今次我揀左至尊麻辣雞煲味雞係一早煎香、炒好一上枱已經聞到好香口又惹味食落去每嚿雞都好嫩滑入味最正係可以事先同店員講加雞🐥再飲埋佢地自家製飲品百香果茶、竹蔗茅根、水蜜桃烏龍茶非常解膩😋最後加湯打邊爐 有非常多配料選擇 食到好滿足🍲

想食小菜，去左新街市銓仔記！ 舒舒服服有冷氣，又經濟！ 以前都係就咁嗌小菜，今日發現原來可以買海鮮🦞🦀🦐🐟上去加工 ! 見到隔籬枱食清蒸長腳蟹💕🥬啫啫通菜煲～－上枱就有好香啫啫鑊氣味，唔會過鹹，裏便啲蝦米乾到幾大粒😜🦐籠仔糯米蝦$128～估唔到裏面啲蝦都好爽口，蝦🦐份量都幾多，糯米飯薄薄一層啱啱好兩個人份量🤣🐟多寳魚～想食魚，職員推介呢款，初頭諗住油炸會比較硬身，估唔到魚肉都滑捋捋，面層又好惹味。

🌸椒鹽魷魚🌟🌟🌟🌟🌟脆卜卜，魷魚大大嚿，炸得夠乾身，完全唔覺得油膩。🌸黑椒薯仔牛柳粒🌟🌟🌟🌟🌟這個必吃，黑椒味濃郁，薯仔有炸過，蜜汁夠香甜，牛柳粒帶有筋位而夠淋身，配料還有紫洋蔥及彩椒。🌸蒜蓉炒菜心🌟🌟🌟🌟🌟夠多新鮮蒜蓉，菜心新鮮爽脆，還有脆卜卜豬油渣。======詳情======銓仔記海鮮晚飯小菜 (大埔)大埔鄉事會街8號大埔墟街市及熟食中心2樓CF34-35號舖================

大埔出名美食多，今次專程去到有大埔墟街市熟食中心食晚飯，大埔friend 推介我去呢間晚飯小菜，話好味大碟兼抵食😏果然無介紹錯😋😋份量超多。雖然話熟食中心，但冷氣充足，夏天黎都唔怕，環境比預期乾淨。今次叫咗3款小菜，有1款仲要佢地自家製作,一試難忘🤤🤤1. 大蝦伊麵 💰$138呢個人叫我又叫系列，見到隔離枱食，上面爆滿芝士，焗咗超靚仔，就跟住叫碟試下，賣相超正，大蝦超大隻138 蚊有6~7隻咁多，仲要蝦頭有膏😍，伊面掛滿芝士汁，啖啖都咁香口，雖然邪惡，但堅忍唔到口🤤2. 煎蠔餅 💰$78咬落去超香口，用粉漿唔多，好明顯見到好多粒既蠔，仲配咗香菜，煎炸之物但唔算油膩，配埋啤酒一流👍🏻3. 欖菜肉碎豆腐💰$78呢個係店員推介話係佢地自家研製既豆腐，叫咗2款heavy 既，就一於食返個清淡d .佢地用既係玉子+豆腐再用荷葉+蒸籠蒸。 呢個真係一試難忘，超滑既玉子豆腐，配欖菜+肉碎，滑嘟嘟又夠味，食到停唔到口，用黎餸飯更正🤩我會為咗呢個餸再黎😍😍3樣野又海鮮，加埋都唔洗300蚊，絕對超值

成個世紀冇去街市熟食中心食嘢，呢種大排檔feel已經買少見少，今次路經過嚟食過早飯羅白清湯牛腩 $118牛腩份量算多，夠腍夠入味，清湯比較清唔會好濁，又唔會太重味，感覺比較健康，牛腩味更出金銀蛋菠菜 $78菜新鮮夠嫩，金銀蛋唔會煮得過熟，完全唔覺有味精，夠健康炸乳鴿 $46上枱熱辣辣，皮夠脆，雖然唔算好大隻，不過夠入味，仲炸得啱啱好唔錯，唔會勁糖勁鹽，較健康，食物選擇勁多，原來仲可以喺樓下街市直接買海鮮食材嚟加工，下次試吓先，價錢相宜，抵食👍🏻

去街市熟食中心尋寶，二話不說就衝咗上銓仔記！🤩 🌟 蝦乾魚肚浸白菜仔 🥬🌟蝦乾同魚肚嘅鮮味完全滲入晒白菜仔度，白菜仔吸收晒精華，軟硬度啱啱好！🌟 豉汁蒸鯧魚 🐟🌟條鯧魚蒸得啱啱好，肉質勁滑勁嫩，一啲都唔腥！豉汁夠味但又唔會過鹹🤤🌟 白汁燉豬肺湯 🥣🌟豬肺處理得好乾淨，完全冇異味！湯底濃郁creamy，飲得出係花咗心機去燉，滋補養顏 💖✨大埔覓食記，環境都算乾淨企理，冷氣夠，樓底高，感覺好開揚！

👭姊妹們約會，今次有所不同約係大埔街市🥢大排當晚飯🌬️冷氣強勁，圍檯食飯唔逼夾🥘叫咗幾款撚手小菜，都幾有新派😋鑊氣夠惹味🍻加多支啤酒啱晒🐓Wasabi手絲雞～半隻雞「中•日」食法，鮮雞鹹嫩撈埋芫荽更正Wasabi微刺鼻，別有一番風味🐟三色椒多寶魚2食拆骨起肉，好多嚿魚，連骨都可食埋炸得乾身香脆🦐龍仔糯米蝦荷葉飄香大大籠，米蝦大細適中新鮮有膏精華滲落下面既陳村粉，食都唔怕肥🤭🦑魷魚韭菜花魷魚、腰果、韭菜花豐富蝦醬炒微辣好惹味🍻嘉士伯～順滑冰凍

自疫情以來，幾年冇去過大埔街市熟食中心食嘢難得路經大埔，我同朋友即刻上去睇吓上到去，發現原來有銓仔記，二話不說即刻坐低首先食個煎藕餅，非常香脆好有咬口，脆卜卜嘅聲音響個嘴裏面，爽呀！跟住嚟一個馬拉盞通菜，大大碟肉碎好夠份量，又唔會太鹹，通菜又唔會炒得過淋，正有一個有趣嘅發現，就係差不多每一台都會點芝士大蝦伊麵，所以我當然唔執輸，$128真係抵食，蝦新鮮，芝士汁好濃，配合伊麵煙煙韌韌，口感豐富，唔怪之得枱枱都叫啦兩個人食三樣嘢，埋單都唔使三舊，捧住個肚走，開心呀😊

一早訂位，等極都唔比位，訂位都冇用！訂咗8:00 點鐘，7:45去到見到有空位都唔俾坐話未夠8:00唔俾位，但係去到8:00佢又話冇位俾我咁樣嘅態度真係超差俾錢買難受，所以香港飲食業先會搞到咁😓

Extraordinaire Camus cognac，陳年佳釀老酒買少見少，絕版飲一支無一支﹗香醇潤澤飽滿厚身回甘，香氣在喉嚨及舌尖門遊蕩徘徊﹗陳年老酒可遇不可求，雖然不知道年份，飲落醇滑味香濃，估計超過20年佳釀。酒逢知已千杯少，大啖肉大啖酒爽乎﹗未開飯已輕微斷片，飲到頭盤送到已中度斷片，食食下直頭 AI 人工智能系統全開﹗諗住大大碌威士忌飲唔晒，啜下啜下一滴不留，再轉啤酒繼續飲勝！Sonderberg 森堡啤酒，完全唔知什麼來的，上望睇一睇，味道正常可以無問題。南乳豬腩肉，先來化皮再來乳香瘦肉，咸鮮味突出略濃，啖啖肉沾點南乳醬撈飯非常醒胃﹗蒜蓉炒西蘭花，爽甜翠綠，烚一烚快炒落味，蒜甜菜鮮﹗椒絲腐乳通菜，乳味飄香，椒絲惹味，大大注夾著嫩綠水通搭著椒絲掛滿汁，燙著嘴份外甜美。小炒皇⭐️⭐️⭐️有銀魚仔、蝦乾、蝦米、魷魚、韮菜花、彩椒、洋蔥、腰果，百鳥歸巢有鑊氣﹗最緊要多款食材齊齊趙，單一地品嚐食不到此道菜的精髓﹗韮菜花爽甜無渣，搭蝦乾魚仔份外美妙﹗豉汁蒸䱽魚⭐️⭐️⭐️茄子被鹿鳴居玩得出神入化天外飛仙，而蒸魚就非銓仔記莫屬﹗時間掌握得不差分毫，嬌嫩的魚肉散發濃濃魚甜味，啖啖魚汁夾雜豆豉香氣，整條

大夥人到大埔墟街市熟食市場食晚飯，兼夾預早慶祝父親節🫢我哋特別早些到下面巿場買咗兩條魚🐟同埋聖子比食肆加工當日好多人全場爆滿，冇大枱俾我哋最後三張細枱，雖然坐得唔係咁舒服，但係食物鑊氣夠整體食物好味😋 ～開邊蝦陳村粉 🔺味道偏淡😞 ～炒帶子米粉底 🔺好味鑊氣夠👍🏻 ～菠蘿炒牛肉粒 🔺牛肉炒得岩岩好😌 ～豆腐海鮮煲 🔺正常發揮🙃 ～金銀蛋莧菜 🔺普普通通🫢 ～炸乳鴿 🔺好味唔記得影相🤣 ～小炒王 🔺夠鑊氣👍🏻 ～雜菜煲等等

中午喺大埔要揾食，通常都會去大埔街市熟食中心3小姐銓仔記。大埔街市地面果層有好多海鮮檔，揀啱想食乜，喺海鮮檔俾錢後，海鮮材料可以帶去樓上熟食檔加錢加工。海鮮交俾3小姐銓仔記，伙記跟據你既海鮮去作出烹調方式介紹同埋報價。今次買到琵琶蝦，以上湯煮再配炸米粉餅墊底，剛剛熟，上湯可以突出琵琶蝦既鮮味，肉質彈牙而入味，米粉餅吸飽海鮮汁精華🤤蒜蓉粉絲扇貝，蒸煮時間恰到好處，再淋上豉油熟油，吸飽鮮味既粉絲先係主角豉油皇大蝦，size 比較大，伙記主動建議大蝦背脊割開，增加入味。鑊氣十足，離遠未上枱就聞到豉油熱炒既咸香味道👍油鹽水煮蜆， 一大窩，好香中芹味道，再配粉絲👍小炒叫了香荽墨魚餅，炸得甘脆香口，好多芫荽，以强勁芫荽味去減輕煎炸食物既油膩感再加多碟椒鹽鮮魷，炸漿酥脆唔饞口，但肉身比較單薄琵琶蝦/蜆/扇貝/大蝦“加功費”，另加兩碟小菜，幾罐汽水，大約六百（海鮮材料另計），食到好飽大滿足*熟食中心廁所經常都好乾淨清潔，又多格數👍**熟食檔黎講，環境算係好企理乾淨

行完山，又攰又餓，同班朋友黎左呢間銓仔記e下個肚。期間叫左份豆腐，侍應話要等半個鐘，都算了，結果一等就係成個鐘，我哋食晒啲飯餸先上，空口食豆腐，雖然豆腐味道係可以嘅，不過實在係等太耐了，唔值得。點左份牛仔骨，鹹到呢懷疑人生，又超級黏牙絕對係唔好食。至於其他嘅幾道菜就係普通大排檔水準，不過不失，無驚喜。埋單時，仲要計錯數，收多成400蚊有伏！我哋食飯期間個場都幾滿，多人嘅，問我會唔會再去，答案係否定的！

今日踩完單車，係大埔散水，就食埋飯先返屋企，上網搵想食d大排檔，原來熟食中心都有好多選擇。上到去成個場差唔多坐滿，見呢間都有d人排下隊，就揀呢間😅見到人地好多食海鮮，原來可以自己買完拎去俾佢收加工費幫你煮，個樣都好正不過我地兩個人，就叫左小菜食飯就算叫左個麻辣炒蜆，個汁都幾好味，但蜆係細粒左小小另外叫左個黑椒牛仔骨煲，好好味，黑椒汁好正，煲仔令到牛仔骨keep住有獲氣feel,正!我地仲專登叫左個飯撈佢既汁😂仲叫左個蒜蓉蝦蒸陳村粉，d蝦都幾有味，不過粉就有小小淡，但因為用荷葉包住，就有d荷葉香，整體都唔錯