15
13
7
| 餐厅: | 銀龍粉麵茶餐廳 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
开饭介绍
多款素食菜式每天供应。
继续阅读
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
食家推介
平时都较少出嚟尖沙咀食晏，食晚饭就多，今回有特别任务，做一日车长带团出嚟食自助餐，而我哋几个车长就晌附近揾间茶记快快手医肚就算。一出酒店门口，无远就见到「银龙」，大家都喺无咩要求嘅人，就佢啦，最紧要就脚及快手。餐厅设晌地库，落到去都几大吓，都喺基本嘅茶记格局：2人枱、4人枱、卡位，四正够光猛。而餐具、基本调味料就放晒晌枱上，钟意佢有盖冚住，卫生啲。要快嘅，最好就喺拣午市套餐，星期一至日，每日有8款选择，定价$60-$72，尖沙咀嚟讲，算相宜架喇。虽然我哋一人叫一个饭，但都「些牙」少少嚟食。猪软骨餐肉煎蛋饭 $60呢度啲碟头好大，我哋3个人嘅午餐都好足份量，好似呢款就俾足3只煎蛋，两大片厚切餐肉，加埋多嚿猪软骨，非常有睇头。我就只喺黐嚿猪软骨试试，香浓惹味，啲肉又松化，真喺唔错㖞。头抽霸王鸡客饭 $68平常食烧味饭时，叫鸡饭啲鸡都喺俾到手掌大小嘅份量，但呢个霸王鸡就俾到一大碟，睇落仲好靓仔，唔肥，而食落鸡皮好爽，皮下脂肪又真喺少，肉质嫩滑，沾上一点头抽令肉味更鲜。刴椒豆腐蒸䲝鱼饭 $60小弟就拣咗蒸鱼，同样一整碟好大条䲝鱼，虽然以辣椒同葱花去蒸，但辣度好微，却有种提鲜之效，最紧要喺蒸得啱啱好，啲鱼肉确喺嫩滑，下面仲垫咗少少豆腐，沾上豉油，带微辣，实在唔错。热奶茶、热咖啡既然嚟到茶记，小弟嘅必然选择就喺热奶茶，睇落茶色似乎有少少淡，但幸而饮落又无话过多奶，茶奶比例都OK，茶味都够香。今餐都算快靓正，我自己就比较少帮衬「银龙」，食物嘅质素比预期好，招呼方面就一般般啦，无话好，亦无话差，叫做符合我哋想快嘅要求。
继续阅读
Lunch 时间又到🍽️今日试下银龙午市套餐鱼角牛丸河配鱼皮🐟冻 OT 🍹冇期望就冇失望🤭够快，落单5分钟已齐晒🏃🏃眼见都几多游客帮观楼面姐姐都好勤快唯一可以赞下嘅系冷气足够😅
继续阅读
从来冇食过咁难食嘅意粉⋯真系好难食好难食，成$70几一个意粉，竟然半碟水，味道极淡，意粉极硬好似冇熟咁🤢因为嗌俾小朋友，于是有礼询问店员可唔可以帮手焗熟啲。店员完全唔理，话呢个就系正宗口味🙏🏻另外嗌咗一个云吞鸡，啲汤系浓汤宝嘅味道，鸡肉全部都系鸡胸，皮厚肉柴，而且冇咩味，大半兜都食唔落去最重要系舖头店员态度极差😡同老板讲要点单直程唔理我哋（佢企喺隔离一定听到我哋讲嘢）⋯问店员落杯嘢饮都要等5分钟
继续阅读
嗌海南鸡饭嚟到发现根本系白切鸡，鸡肉又鞋又老又多骨一啲味都冇，见到都唔开胃，70几我去食个切鸡饭仲好食过佢，最好笑系比甜辣酱我点佢个白切鸡，银龙咁大间连锁餐厅都整埋啲咁伏嘅野？
继续阅读
一间正宗垃圾茶餐厅，超级极度差服务，垃圾级数食物，永远永远唔会再帮衬，就咁睇现场人士个个都想快啲走，赶客嘅服务加上价钱唔平，特别系当你正在进食嘅时间，那位戴眼镜唔知系唔系经理嘅男人用毛毛清洁客人头顶嘅冷气槽，另外那位唔知系唔系经理嘅男人不停在现场用粗鲁嘅语气同员工和客人沟通，问呢一位大哥想攞杯水好似去乞食咁。再讲食物质素，选择又唔系多，来来去去都系𠮶啲㗎啦，都可以做得咁差。仲有个环境清洁卫生，真系好似喺垃圾房食嘢咁。唔怪之得我朋友话有冇第二间选择？我终于发现点解佢咁抗拒。银龙茶餐厅开头嘅时候真系几好，而家发现原来一间店舖没落系有迹可寻，再见推介俾大家，千祈唔好去，你会后悔
继续阅读