銀龍粉麵茶餐廳 (已結業)

雖說呢間銀龍茶餐廳距離我家2分鐘路程, 但當唔想落街, 都會間唔中叫吓外賣, 呢晚就電話落單, 叫咗個炒米, 亦要求走辣, 但對方即廚師上身, 話呢個菜式本身唔辣, 我就話, 我唔知辣唔辣, 但講定最穏陣...點知40分鐘後, 外賣到了, 天啊! 裏面竟然有好多辣椒, 見到真係火都嚟 , 咁就梗係即刻打電話落去投訴啦, 對方補獲, 話即時再炒過比我, 兼第一個送到, 咁就算數啦。可惜, 過咗差唔多半個鐘, 都見唔到半個人影, 於是我又打電話落去嘈, 雖然對方話同事已經上緊黎, 但我覺得佢講嘢已經唔可信, 加上我唔想再等, 便要求退錢, 退錢方面, 估唔到好快, 快過盒外賣, 5 分鐘內搞掂晒, 當我以為成件事已經close file, 喺呢個時候, 竟然又有銀龍既職員摸上門, 話送外賣, 吓? 唔係啩, 遲唔遲啲呀!! 超離譜, 由我第一次投訴到呢家, 足足50分鐘, 究竟呢位仁兄去咗邊呀? 又話第一個送比我既?  見佢手上乜外賣都冇, 究竟佢係冇聽同事指示第一個送, 定係去咗吞POK? 退埋錢都唔知, 仲喺度同我嘈....我想簡簡單單叫個外賣啫, 估唔到都咁多波折, 搞足1個半小時, 係球賽都做完喇!!! 想以後再幫襯都難!!!!!…查看更多

因為昨天去食飯大魚大肉，今日要食得清淡啲平衡番！午餐食碗魚蛋河粉加油菜最好！魚蛋粉好快上枱，除了魚蛋及魚片，仲有炸蒜！加一條魚皮！魚蛋唔彈牙！無魚味！魚片切得太薄！無乜咬口！魚皮已經淋咗唔脆！河粉都滑！湯底雖然唔味精但較油膩！唔係清魚湯！唯一係面頭灑啲炸蒜好香，一上枱陣香味真係好搶！增加食慾！但整體係好普通一個魚蛋粉！油菜（少蠔油），呢個簡直失望，廚師應該淥過籠！菜心梗全部軟巴巴，一啲咬口都無，菜葉更加唔使講！淋晒，菜心本身唔老，但淥到咁淋，真係浪費晒！點蠔油都無乜幫助！ 地方繼續乾淨好坐！店員勤快！但今餐食物真係失望！仲要$33碗粉，加$12碟咁嘅質素油菜！ 下次都係炒粉麵有保障啲！廁所不在店內，要行去好遠商場廁所，好殘舊兼污糟！唔方便！…查看更多

工作中嘅午餐！到場已經九成滿！為咗要睇車！等到窗邊大卡位！地方普通茶餐廳格局，幾乾淨！不過無😋廁所！要行到幾遠商場內嘅公眾廁所！位置唔方便同幾污糟！叫咗：越式九層塔豬頸肉炒米粉（$35）--跟餐羅宋湯熱檸水先上個湯！溫度夠熱！但比平時浠！同埋味道淡咗！而且湯料亦少了！熱檸水正常到個炒米粉上枱！居然賣相唔錯！好乾身！睇得出即炒！米粉炒得鬆！唔乾又煙煙韌韌！豬頸肉切條！爆香過！唔會過咸！亦唔會乾嚡，自己好鍾意九層塔獨特嘅香味！不過呢度九層塔放得唔算多！幸好整體炒出來個效果好！唔錯！食物好快上，上碟時連辣椒醬一齊上！但到同事都係食炒粉麵！就無跟上辣椒醬！可能個別侍應細心度不同,侍應都好爽手勤快！我搵到個卡位都即刻幫我收拾好！…查看更多

那天7月19日晚上, 我在加班直到零晨時份才回家,肚子很想食点東西,想起天水圍晚上12点几,四圍冇咩食,隨即想到天慈村有間銀龍茶餐廳,滿心歡喜一手拿起手提叫外賣自取。我叫了份干抄牛河+凍奶茶一共45元:)當我到茶餐廳, 巳經差不多1点, 但還等了5分鐘,:(我回家不要2分鐘。當打開盒,正打算開餐, 發覺牛河勁難食硬硬的一舊舊,番開入面,重見到白雪雪河粉。至於杯奶茶冰河溶了大半,好淡。…查看更多

呢間茶餐廳係我樓下，所以我成日食但我食既主要原因得兩個1）佢有波睇2）佢開24小時所以正常情況日光日白係好難見到我入去食野因為佢D野食真係唔係好掂因為我都成日食，所以好難講番邊次食過D咩野佢D扒餐都好貴下，佢足球時段最底消費係50幾所以我睇波通常都係食扒餐扒餐D扒真係唔太得豬牛雞扒都係又薄又硬，D湯又求其係杯奶茶叫好少少，有茶餐廳水準有時睇波唔想食扒餐又要meet到個最低消費會食兩碗麵，佢D麵又係好差牛腩原全冇香味呢間野真係要改善下D質素淨係靠有線足球好難吸客就算佢足球時間有時都唔滿不過佢地只做屋邨生意，村入邊又冇乜競爭，質素係咁上下…查看更多

開業咁耐都未入過去幫襯因為有次入去諗住叫個茶餐想叫杯熱咖啡, 咖啡奶另上佢竟然話唔可以喎, 要就額外加錢?????叫埋經理出來周旋都唔做比我我一怒之下唔食走人為左杯咁既咖啡奶另上, 佢地寧願唔做我生意之後好耐都無諗過再去幫襯有咁多分店既連鎖餐廳都不能滿足到客人少少既要求咁既服務態度真係唔要得事隔一排怒氣消減一點後試左個外賣茶餐唔講得算好吃食得落囉無咩評論可言但係杯咖啡就好唔掂飲後手都震埋又濃又苦又澀又酸好難頂呀.....仲以前銀龍係名牌連鎖餐廳, 杯咖啡係應該唔差添點知令我大失望同普通既茶餐廳無異外賣自取有9折即管試試京都肉排係咩水準淨(食送)京都肉排(免切)因為免切, 所以額外整比我$37有兩塊大豬扒好厚, 唔夠稔d京都汁好稀, 唔入味d汁無同d豬扒煮過, 求其淋上去交貨罷了一句講哂: 唔好食:(呢間連鎖餐廳遠遠不及大排檔/懷舊老店的好吃!下次真係唔知可以再係到食d乜...無哂期望!:(…查看更多

為咗近近地睇場世界盃，方便聽日早起，特登打電話訂位睇波，可以話係第一次。場波緊張而唔精彩，D野食就更加難搞!2人前，樣樣都超濃超咸，大馬站煲咸, 咖哩雞又干又咸, 炸蓮藕又咸, 只有杯凍奶茶叫做唔咸，因為超甜!但咁大個仔，第一次係茶廳睇世界波，仲同大王一齊輸錢，難忘難忘。…查看更多

一心諗住銀龍,質素應該有返D保證..以前在屯門市中心果間都不錯(已執左),但呢間..O..簡直極度失望囉...上次去食..叫左個魚香茄子飯..但竟然一舊茄子都冇..我問返個侍應..佢竟然仲要用筷子"了"下佢..喂..姐姐~盲既都望到冇茄子啦..激死~~仲有有一次食左個滑蛋鮮茄雞絲飯..個番茄係青色的..d味極其怪囉..一D都冇番茄味...最慘係D野好難食..淡而冇味..仲有又唔係平囉...貴都唔係問題丫..食得起..最重要係比返同等價錢既質素丫...唔該..依家天慈村大家樂裝緊修..在冇得選擇下..都唔係咁架..係咪真係冇競爭先冇進步先?講真..如果再唔改善d食物質素我寧願行遠少少甚至搭車食其他囉..都唔再幫襯了..:…查看更多

星期六個日,因為唔想煮飯,所以去銀龍吃晚飯,本來以為新裝修,應該無問題薯不知,未食都知出問題。地下都好X多污垢,張台濕漉漉仲有d"是"應好趕客FEEL , 個日我本來想叫一個餸(??炒鮮魷)及一個炒X麵,佢即問是否散叫???<都唔知佢問咩>原來有個2餸餐($108),就送老火湯,& 2杯飲品>>>>>思考一下,都OK>>>:)那不要炒麵,叫多個西蘭花炒雞柳轉頭上餸,我就問我未叫餐飲, 佢簽"你叫散嗎" .....眼都凸左 之後當然要佢地改番食物方面味道 : OK量 : 好少(得大X樂的一半)…查看更多

在家附近新開了一間銀龍，廿四小時服務，頂替之前的「的式」茶餐廳，開張了不足一個月，經常有一些看上去是管理階層的人士在門口附近商量什麼似的，我心想，管理做得好之餘，也要食物質素好、價錢相宜才對吧。就由我來寫一篇食評吧！我最愛簡單的食物，小時候跟媽媽到大排檔吃魚蛋粉，在這兒居然可以尋回這種風味！今次買來外賣二十元一碗魚蛋粉，可能基於環保吧，湯和粉沒有分開放，統統放在一個碗內，所以有「乾水」現象。魚蛋加魚片是我的最愛，魚蛋彈牙，魚片炸後不會太硬，還有濃濃魚香。湯汁方面，可能是先放上湯再加牛腩汁，所以嚐不到牛腩味而粉方面，會有過稔的現象，夾起來就斷了。。。二十元一碗不包飲品，這個價錢，對於像我這些經常需要十一二時才回家的人來說，還可以吧。。。…查看更多