影片
招牌菜
见到银鑛湾酒店有生日优惠，包半自助晚餐，早餐，仲送生日蛋糕，加埋住一晚都系938，所以就同妈妈远渡而黎一试。6点半黎到，唔算多人，环境都好干净简洁。但眼前个个都一pair pair, 内心都有点不是味儿。幸好家母都算是美魔女，情侣档feel 呃得下人。先㨂一下主菜，本身仲谂住一个叫扒，另一个叫下意粉， 居然无， 最后唯有叫左两个扒。哈！一场黎到无理由叫中式饭吧。等食之际出去攞野食，真系一眼睇晒，menu上有d 沙律款其实佢都无既，选择真系唔系好多。最好食系沙律，冻虾其实唔算好鲜甜，个款不太结实，但加左海鲜酱算几好食，所以最后都食左至少二十只。烟三文鱼色水真系唔系好得，暗暗黑黑仲好咸。泰式鳯爪除左面果层d 汁有味，食落去其实系无味。(记得要自己取汁)罗宋汤最好饮最正常，饮左几碗。望住堆甜品，我的妈！蛋糕好干身，有个唔知系咩布甸？质地好实，食落有d 云呢嗱味。 甜品黎讲最好食应该系芒果啫哩望见个糖水，我的天！蕃薯糖水个色紫到好似利宾纳咁，有d 可怕，不过味道正常。望埋个生果，我的神啊！生果真系得苹果，同酸到爆既绿色的柑，真系酸到核爆。主菜叫左香煎猪鞍配白菌汁， 块扒超级大。肉质算几爽，不过无咩肉味。伴菜都系hea hea 地，最好食应该系条粟米。香草羊扒配蜜糖汁， 呢个反而系最好食，不过见佢好似好生咁，有d 位唔敢食，个汁甜甜地点粟米唔错。登登登登， 最后出场既系生日蛋糕。味道系红莓mousse cake, 味道好甜，卖相唔系好得，仲用个纸碟装住，真系好鬼hea..食物其实真系一般般，唔好抱有期望都ok.如果唔系有呢个优惠就应该唔会黎喇。
继续阅读
趁住两天假期，与男朋友一起离开巿区，到梅窝渡假，入住银鑛湾酒店，晚餐我们决定留在酒店餐厅用膳，有半自助餐或自助烧烤供选择，我最后拣选了半自助餐，除了主餐外，有自助前菜、甜品及饮品可供选择，虽然款式不多，但味道都尚算不错👌我点了柠檬牛油汁伴龙脷柳，清新的柠檬牛油汁，配上大大件香煎龙脷柳及炸薯条，一点都不觉得油腻，另人胃口大开。而男朋友则点选了香草西冷牛扒，香草味浓郁，但牛扒就过份熟透，咬口较韧，影响了整体的味道，不过仍算好味。重点是一边食住美食，一边望住沙滩美景，真是能够放松心情，增进食欲的好地方
继续阅读
男友生日，上网见到酒店有生日套餐优惠，所以决定来避世两日。套餐包含系酒店餐厅嘅半自助晚餐，即系前菜及甜品任食，另再加主菜。餐牌上睇落都好多嘢食，而实际上系无咩选择。甜品没有餐牌上嘅精选蛋糕，生果系苹果同梨。因为之前都有睇过下啲评论，所以我哋都不抱有任何期望。烟三文鱼嘅颜色好似浸烟水浸咗好耐咁，睇落唔新鲜，亦都吸引唔到我夹落去。沙律嘅味道普通，还算可以。虾嘅味道都尚算可以，男友都觉得啲虾系众多前菜中来讲，算系唔错其他枱嘅食客几乎都系成碟虾拎来食。主菜我哋一个拣牛，一个拣猪。男友以“茶餐厅嘅牛扒”来形容尼块西冷。食落肉质几嫩，味道亦不差。男友解释话应该系浸咗苏打水，所以块扒先咁大块，肉质先咁嫩。好似都几有道理🤔到我嘅“猪鞍”，其实即系猪扒。右半边嘅肉有啲脂肪，所以比较嫩。个食到另一边就变得好干好“鞋”。成碟最好味嘅系粟米🤣来到甜品，椰汁糕清甜爽口，奶冻好香云尼拿味，不过口感似系炖蛋🤔另外仲有餐汤同埋中式糖水。都系两样可以话系好味既。餐汤系罗宋汤，仲有好多蔬菜系入面，绝对唔系清汤寡水！木瓜雪耳都好足料。我去盛嘅时候已所剩无多，但都仲可以有雪耳＆木瓜。其实餐厅环境唔错，但食物方面可以有更多进步空间。不过因为系套餐，所以一开始就不抱有希望，所以亦不算失望。最后生日套餐仲送埋生日蛋糕。蛋糕系芝士蛋糕，味道亦不错，食落唔会太“流”。当系饭后甜点都不错
继续阅读
复活节最后一天念住写意下, 见佢下午茶有D游客系度饮啤酒，好似几休闲，又望住个海。当晚对住个海BBQ, 烧烤只得我地一台, 念住够清休, 点知....... 虽然见到网上有劣评，心念唔会甘差挂，点知就中伏啦, 食自助烧烤，佢D材料望落都好一般，全部放雪柜, 个样似放左好耐, 不过都算啦，都系一般野姐 完全无服务可言，烧烤坐露天，我入去歺厅拿只干净碟用，个女侍应即刻跟出来问我拿咩食，我话净系拿只碟，因为原本只碟已堆埋骨头，佢话D碟唔可以拿，有骨就自己倒左佢，后来个经理出来睇下我系有无拿佢D buffet 野食，吹账 , 后来想要杯水，个侍应叫我入去自己斟，入去见到刚才个经理，佢D水机都旡晒水，佢都唔加水，仲叫我比10蚊买支水，仲再次提返歺厅入面D碟唔可以随便拿，佢仲问我有无去过外面既烧烤场，都系得一只碟, 激气 ，只系用多一只碟姐, 话晒都系间酒店呀，佢唔同我换碟不单止，仲要话D顾客，果一歺我都食左几百蚊，简直一肚气, 激气到我要第一次写食评, 评分系负数啦...D侍应，上下员工都甘对D客，歺厅经理都系态度好差，系唔尊重客人 差不多烧完时, 见一批内地旅行团入住, 呢间酒店专接待内地旅客，唔知系咪甘，服务态度极度差劣真系试一次都觉得非常后悔
继续阅读
好耐冇喺度写食评,圣诞食既野依家先写~因为呢期实在太唔得闲la!圣诞放左几日假入左去银旷湾玩,第一次入黎..知道有间好似渡假式既酒店喺度,所以决定喺度住反晚.今次喺度试左个自助晚餐~款式唔算多,果度仲有BBQ.我果晚食得最多既系冷盘,因为比较好食D,其他果D味道好普遍.唯一比较满意既系翡翠螺,因为都几好肉,系最大果只码.够鲜甜.三文鱼系厚切,但好似冇咩味~BBQ系普通冻肉货.另外仲有D意粉,中式菜,蛋糕等...整体黎讲,最建议都系食返冷盘好食D~
继续阅读