銀河牛腩牛雜粉麵

营业中

休息中

事源我坐在餐廳左手邊，最角落果個2人位。坐坐下，有冷氣機滴水滴到我頭、上身、椅子濕了。於是我提出想轉位，其中一個圓圓地面形的女侍應，好大聲話😡😡😡我，邊有滴水呀？邊有滴水呀？為什麼她不是仔細看清楚，而是無理取鬧我。另外一個女侍應，來看看👀她真的是，證明有滴水情況💦💦💦並關了冷氣機。我原本想好好享用今晚，晚餐。原先100分，但因這次事，不敢再堂食光顧、由100分正面改變為印象負分👎👎👎👎👎👎👎👎👎👎🏿👎🏿👎🏿👎🏿👎🏿態度👎🏿👎🏿👎🏿👎🏿👎🏿👎🏿👎🏿

【元朗區】【銀河牛腩牛雜粉麵】入到嚟天水圍幾乎係盡頭嘅天恆地段，可能熟悉我嘅朋友都知道我喺呢邊有過一段過去。因此，當我諗唔到自己要去邊度，又或者個人嘅情緒需要調整嘅時候，我都會嚟到呢度好好咁樣唔開心一下，叫做有個出口。其實由天水圍站月台開始，個腦已經空白咗，本身都冇諗住話去邊度食嘢，新北江都仲有好幾間餐廳未食，但係唔知點樣條件反射之下又會上咗 K76 入去。行吓附近嘅商場，同幾年前嘅變動不大，好多地方都冇乜改動。行到俊宏軒嗰邊，我之前成日食煎炸嘢嗰間嘢都仲喺度，只係勸我唔好食咁多呢啲嘢嘅嗰個人已經離我遠去。我仲好記得啲炸嘢個味道，真係唔錯，不過真係好油。唔食喇，食其他嘢啦，行到天恆輕鐵站嗰邊見到呢間，就入去食。冇咩 idea 想食乜，見佢寫自己係牛腩牛雜麵店，就叫個「牛腩牛雜粗麵」，點知都幾唔錯喎，牛腩肥瘦適中，牛味又香。牛雜就發揮得比較正常，膀位切得比較薄，唔會食到太潺嘅感覺。以求其食碗麵嚟講，呢碗幾有驚喜嘅。叫埋杯「凍檸茶」走甜解吓油膩感，紙杯上嘅，味道正常。夾埋埋單 $47，個人覺得碗嘢嘅質素絕對對得住呢個價。可惜嘅係，我已經唔會再成日過嚟呢邊，畢竟我已經遠離咗愛情。暫時而家忙中

喺銀河食牛腩飯唔驚唔夠餸，唔可以話佢啲牛腩屬於超好食，但係好多時佢比嘅都係牛筋腩半筋半肉，通常都唔會un or好瘦，當然有時睇下好唔好彩，但係食10次有8次個牛腩都係唔係勁瘦果啲咬唔郁佢個牛腩飯最好係有菜，而且算係多，又夠汁，多數都起碼8舊牛腩，當然都睇邊個師傅，但都唔會勁少，$45一個牛腩飯仲想點，佢算係好抵食，我老公成日話出面啲牛腩飯啲牛腩勁少，食咁多間呢間真係好良心，疫情果時老公都怕佢執笠，叫我多啲幫襯係俊宏軒地舖都幾經常轉舖頭，呢間銀河算係我見證佢開以來都仲生存到嘅舖頭佢飯都大盒，係滿滿的，凍奶茶都唔錯係有茶味佢牛腩麵都唔錯，雲吞食過一次但係冇咩特別，去佢到買野食一定買牛腩

牛腩似湯渣，又柴、勝在價錢平民化，用急凍牛腩，湯味精重，食完好口喝，無爽腩和崩沙腩。食完例牌痴牙，環境一般，無炸雲吞，以前有潮州菜脯，依家老細慳皮，菜脯無咗。依家好少幫襯，大喜好少少

響銀河牛腩牛雜粉麵買全日超值套餐 $52。平時食開嘅牛雜麵可能得一兩舊餸，呢間有每種餸有3舊。河粉：算滑分量多牛腸：洗得唔乾淨，好多肥脂牛肚：有啲稔牛肺：軟易咬奶茶嗌左少糖，唔知係咪因為咁，味道淡。套餐可以揀魚皮，可惜今次賣曬，揀左菜，菜新鮮夠嫩甜。

我叫既係墨丸雲吞麵，但我一粒墨丸都見唔到。打電話落去，佢堅稱話無比錯。佢話如果唔岩既叫我自己拎落去換，或者聽日再黎拎番碗麵然後我唔收你錢。店員無禮貌服務態度又差。

係天水圍好食既食肆選擇不多，其中一間我經常到的飯堂便是銀河牛腩，不論堂食或外賣，每周總會點一次來吃。每次必定會點牛腩河或是淨牛腩。牛腩方面還可以要求要肥腩、或是爽腩。過瘦的牛腩容易偏柴，建議可以點偏肥一點的牛腩。肉質方面炆得很淋，牛腩中的油脂甘香而又入味，但不會過鹹。但由於有時河粉面質不同，不太穩定。有時河粉質地會過粉，一夾起便斷。有時便能維持質素，河粉既有彈性又軟滑。若大家有預算的話，可以點淨牛腩，是相當不錯的選擇！

依間野性價比都幾抵食重點係真係大大兜淨牛腩先$85 睇落以為啲菜墊底但其實都有成兩層牛腩一個人食真係分到兩餐🧚🏻‍♀️😆另外仲加多左個油菜走油$15都好大兜輕輕鬆鬆唔洗自己煮 仲有菜有肉讚

之前看了YT条片 牛杂有点被忽视，被牛腩抢了风头，所以都想试试这间行不行叫了碗牛杂走肠，料多（比九记多成陪） - 有牛蒡，牛肚，牛肺 （叫了走肠）汤底稍为偏浓，河粉还可以吧如果汤底稍为清点少油点，河粉再硬点，会有惊喜这个价钱（$34），我觉得是值得一试，下次经过会试牛三宝

男朋友經常介紹同我推薦呢一間餐廳嘅牛腩面， 平時夜晚時間肚餓就會落嚟食宵夜，所以今次就特登帶我來試吓牛腩面！見到餐廳店面細，但係就坐滿人，我相信10成9都係街坊幫襯，見到有啲客人都會同店員有講有笑，可見累積唔少熟客🤣🤣餐廳菜式主要就是各種牛腩牛丸麵條，麵條的選擇有河粉、粗麵、米粉等，另外還有小食例如雲吞跟飲料。男朋友叫咗碗招牌的牛腩粗麵，我就叫咗牛丸河粉，故意選了不同的麵同餸share試食，來比較一下XD先講下湯頭，不算清澈，但看起來味道也不重，想不到喝起來是濃郁的，對淡口味來說應該會覺得微鹹的那種，有牛肉香氣！牛腩就燉得未夠軟嫩，吃起來有嚼感。牛丸就令我好驚喜，一咬落去必哂啲肉汁，好香甜！食到一半再加左一啲菜甫，味道辣口刺激，又係不一樣嘅味道！餐廳環境來講唔算好好，很有香港小店的味道呢度唔同商場入邊嘅連鎖餐廳，食緊除咗係牛腩麵之外，仲係一份街坊味道，珍惜現有的小店，盡力保留每一間，因為一旦消失了，就再無辦法回到過去。 支持街坊小店

呢一間牛腩麵點，我一路都食開，就係想嚇我知道佢嘅牛腩係最出色㗎。呢一間鋪頭提供外賣同埋堂食兩種選擇比顧客。所以我呢次都會點左牛腩麵作為我嘅午餐。值得一提嘅係，佢用嘅牛腩係崩沙腩黎，味道濃郁，十分之好食，係區內數一數二嘅牛腩。絕對值得推介👍👍👍👍👍👍出餐嘅速度亦都唔錯，我只需要等候大約15分鐘嘅時間已經可以享用我嘅午餐。唯一較為遜色嘅係地理位置，呢間鋪頭坐落於天水圍北，對於外來嘅人士如果唔揸車嘅話相對比較困難去到。 總括而言，會再食，極力推介👍👍👍👍

呢間粉麵店開到凌晨一時，天水圍區深夜時段無咩食店開，呢間平，靚，正既麵店，就岩哂係天水圍鐘意消夜既朋友！呢次我去左呢間粉麵店食宵夜，叫左碗雙餸麵（外賣自取），牛腩牛肚麵，$42 hkd。食物品質：算係天水圍黎講頭幾位既麵店，牛腩真係冇得輸，必食！，推薦指數👍👍👍👍牛肚都唔錯。服務：外賣粉麵會幫你分開湯同麵。唔洗驚拎到返去d麵會淋哂。 如果想揸車去買，可以打定電話落單，職員願意幫你攞出黎馬路邊交收，方便司機攞外賣，值得讚👍 食物相如下：

夜麻麻有啲餓，我係特登坐車嚟食碗粉，再返屋企。聽呢邊街方朋友講牛雜勁有份量，落咗車一直向前行終於搵到個門口細細地嘅鋪， 我係第一次嚟食都感受到嗰份親切，我幾廿歲仲有靚姨叫我呀妹喎即刻後生曬，心情都靚曬。年紀大越係要向身體指數挑戰，無眼睇 食埋今餐先理個指數高高高 我係叫牛雜河 加蒡，靚姨話唔洗加蒡夠食㗎喇!!我即時麥兜上身，咁加肺吖靚姨再話:呀妹碗粉有蒡有肺夠曬食㗎喇😏雖然我個黑洞，但靚姨咁肯定，我唯有聽話啦！!睇一睇碗粉，嗯…齊料，真係有蒡有肺，事不宜遲起筷!菜圃枱面自行加料，我好奇怪總係好鍾意台面啲配料，包括麻辣醬 碗粉越食越唔對路， 唔係因為吸湯粉發脹， 而係粉量真係好多好多，我呢個黑洞差幾啖先完成一碗，所以胃口細啲可以嗌小粉，費。3十幾蚊食呢碗粉我係勁滿足，對於街坊嚟講係唔錯嘅!!

天水圍想食碗牛腩麵都有好選擇-銀河牛腩我食開”林”d(圖右下角), 呢間合我口味，最正係可以揀其他餸, 仲有佢秘製既汁，有風味，佢開到好夜，岩哂夜放工好攰又想食碗麵充電既人。👍🏻

牛腩雲吞麵，哩間係我食過最好食嘅一間，好多粉麵店都係用雪藏牛腩，哩間店係用新鮮牛腩，牛腩真係有種新鮮嘅味道，入口肥瘦均衡，仲要好多份量，真係唔可以睇少，係天水圍都有間咁出色嘅舖頭，我食開雙拼雲吞，佢啲雲吞真係好足料，成粒乒乓球咁，啲豬肉好紮實，蝦肉都幾夠彈牙，個腩汁底真係愈食愈過癮。啲河粉又係好滑溜易入口，依家價錢加咗啲，但都合理，因為份量都係咁多。所以有朋友入黎探我我都會帶佢地去食哩間牛腩粉，因為真係值得推介。