影片
以上资料只供参考，请与餐厅确认详情
知道系为长者就业而设的社企食肆, 餐牌售价标榜售廉人人负担得起, 所以过来试试, 今次是第3次试, 但失望的一次比一次差!餐牌上𩠌菜的售价几蚊至十几蚊看似很平, 但一上枱$15梅花扣肉 (没有影相) 的份量少得至平时两𩠌饭半壳的份量都没有, 3小薄片的扣肉和少量梅菜, 与我上次来食的份量一看就觉得少了差不多一半 (虽然同样是8cm左右的小碗), 7-11的梅菜扣肉叮饭的𩠌份量一半也多过佢!因为突然咁少份量唔够饱, 便加多一个萝卜牛腩$12, 这个仲过份! 成碗汁只得3小旧牛腩碎和3小粒萝卜, 堆埋一起只得半平小碗, 咁就$12! 两𩠌饭的一壳份量一定是它的3倍啰! 但两𩠌饭的一𩠌也只是$8-12, 更过份是隔离枱同样上的竟然是大粒萝卜, 我的只是半碗都冇的牛腩碎!赞的是罗汉果茶和白粥只是$2质素才不错! 如果只是想食下白粥, 饮下果茶, 来呢间冰室都可以推荐, 食𩠌就无谓了.....
继续阅读
平到你唔信😳 $2只烚蛋😱 $2碗白粥😱$2白饭 $10份炒面/炒米😱 呢间社企专为银发族提供就业机会👍 这是其中以平价又大碟家庭式的店，似回家食饭无味精少盐少油少糖的健康饭𩠌🫰南乳猪手 $12 份量都不少㖞🤩仲有好多花生😋 忟得够淋同入味👍味道唔错👍香菇饭 $12 碗饭都唔细架😊仲跟咗几条菜好健康👍冬菇够淋好有菇味👍罗汉果茶 $2 少少甜够润喉😋卤水豆腐$5 卤得耐咗，有点老不够滑😅埋单$31唔讲得好好味但唔难食系平实的一餐， 一餐饭除了为自己饱腹，亦帮到长者就业🫰 幸福满满🫶
继续阅读
㖊日（26-12-2024 Thur）boxing day晏昼，同老公去冬日美食展，遇上银杏馆booth，有卖鱼皮花生，蝴蝶酥，曲奇，咸柑桔...我见到曲奇有柑桔味，而姐姐过佢哋自己喺上水有机种植，咁就买一包$45.00啦。夜晚食完饭后，忍唔住拎出嚟食，睇到一包有六件长方形嘅，食落，口感有啲硬，味道系有柑桔味但有啲涩，成个麻麻地好食。睇返上芫荽味曲奇嘅食评，原来都唔好食（食评系2024年4月9日刊登嘅呢篇：https://www.openrice.com/zh/hongkong/review/%E9%A0%88%E8%AA%BF%E6%95%B4%E5%90%93-e5397746）睇嚟银杏馆嘅烘焙产品唔系几得。
继续阅读
是一间幸福感满满的，银发族就业社企。餐牌食物以豆腐鸡蛋青菜为主，清淡适合长者吞咽。当然亦有一般茶餐厅的梅菜扣肉、清蒸海斑，不过就要耐心等候。节瓜粉丝虾米饭（$12）, 清淡的家常便饭，节瓜切得很幼细很入味，妈妈煮的感觉。咖哩鱼柳饭（$18), 一般的茶餐厅水准，细细碟，可以多试其他食物。蕃茄肉碎炒蛋幸福饭餐（$20), 这种易学难精的家常食物，做得很出色，味道融合得很好。青菜也切得碎碎，方便吞咽，十分细心。因为上两样已经有白饭，叫了走饭，希望不会走掉幸福！卤水豆腐($5）,个人觉得比较淡味，没有传闻中的出色。埋单55蚊，吃得饱饱，幸福满满，穷人恩物。门口还有银发族的手作食物，记得支持！
继续阅读
平爆香港！！我唔理你是 NGO 又好，乜东东芫茜葱也好，最紧要cp值高！平，才是王道 ~这间「银杏冰室」 平爆全港九，就是铁一般事实， 有图有真相，睇睇 menu, 睇睇帐单，就知我不是老吹，冇老点大墨鱼 ~豉油王炒面 $10：大大碟，炒得香口，够色够味，完全不需要加其他酱料，面条炒得干身，爽口弹牙，油量少，厨师功夫有料到 ~酱焖香香菇 $8：咪睇碗仔细细，其实份量都唔少，冬菇非常入味，而且有好菇菌味，够腍之余亦不失咬口感 ~凉瓜卤水豆腐饭 (跟汤) $28：系！$28 一大碟饭， 仲要跟个汤！卤水豆腐非常入味，十分出色，凉瓜亦煮得香口，有凉瓜味之余又孑会太过苦涩，个豆豉汁跟凉瓜和豆腐超 match, 超推介 ~南瓜粟米汤：家庭式靓汤，无味精无添加，冇话整式整水，龙飞凤舞咁 .... 踏踏实实一碗好汤 ~食后感就系，饱肚好味，又够平！如果不推介这间冰室，就对唔住自己 ~本篇完 ~
继续阅读