銀座•鮨

营业中

休息中

母親節 。鉗完公仔搵嘢食度度都爆滿 。三個人。排咗勁耐都過晒時 。好彩餐廳安排到。但入到去都唔係一件好事。🤣好多選擇，但好多都買晒生意太好啦，根本做唔切要啲食客等咁耐隔籬枱位等咗八個字最後啲食物都未上取消啲食物🤷🏿‍♀️個個職員都好忙 的確冇辦法刺身新鮮 。嘢食好味，但份量超超少而天水圍黎計佢算係貴，但佢食物較出色生熟牛帶子壽司都好正👍🏿👍🏿👍🏿👍🏿飯同埋沙律比較失望，份量太少環境唔錯，座位唔迫，但舖頭細

話說今日我同我個friend去呢間餐廳食晏晝飯我個friend嗌咗個細烏冬配壽司套餐加咗一份蟹籽沙律同埋三文魚刺身而我就嗌咗個冷烏冬套餐我哋喺1:03落單我個friend啲嘢1:10就到齊晒我嗰個冷烏冬仲要催咗佢兩次先有真心想問一個冷烏冬要煮幾耐終於到咗1:20個冷烏冬上咗份嘢仲冇我個friend一份細烏冬嘅大小我唔夠3分鐘就食晒真心我唔係啲食好多嘢嘅人但呢個餐真係好細份加上佢個冷烏冬並唔係特別好食最重要係呢個冷烏冬值$75呢間餐廳真係唔會再嚟過

今日去咗銀座度食午餐，未諗到食乜嘢所以就周圍去睇吓，見到呢間銀座。鮨，好似好多人食，所以就俾佢吸引咗，就入去試一試。。入到去睇個餐牌，見到個價錢都唔係好貴，如果係食壽司套餐，大約係$100港幣，今日我就係食定食，一個日本定食套餐，佢係有一個麵豉湯，再加一個前菜沙律，而我今日食嘅就係吉列豬扒，豬扒炸得好脆，配合埋沙律醬好夾，同埋佢哋嘅米飯係使用日本米，所以米飯的質感非常之好食。美中不足的是竟然冇配餐飲。

會為哩個而再來..沙律：蘋果條 入口爽脆、清甜，好特別夾雜 鹹鹹地嘅 蟹柳，整體味道 少少鹹，多多甜。再加上蟹子卜卜脆其他：中規中矩座位 寬敞，冷氣夠平日 lunch time 都滿坐

吉列豬扒定食＄68吉列皮 好鬆化、如脆口、唔會油淋淋豬扒 較為少少偏薄身，如果厚小小會好d沙律菜 嘅 dressing 應該係芝麻沙律醬，但同平時嗰啲有些唔一樣，呢個冇咁酸，較為好味前菜 中華海草 味道偏淡麵豉湯 正常味道，有海帶同埋豆腐粒追加雞軟骨餃子＄15有三隻，味道同份量都唔錯冇加一

行過見到佢啲火炙壽司個賣相好似幾吸引 條尾好長哈哈 於是就決定今晚晚餐食呢間六點幾嘅時候餐廳仲有位唔使等叫咗啲火炙壽司同埋牛油果軟殼蟹小卷 火炙壽司黎講三文魚最抵食都係$12一嚿牛油蝦就$18 和牛壽司就最唔抵食 要$28 另外壽司都幾長份量其實都唔係好大件 飯都好細舊 唯一係夠魚生都幾長牛油果玄學蟹小卷，雖然又係唔大舊，但係好精緻同埋都好食另外仲嗌多咗個黑豚辣鍋 （$88）豚肉份量都好夠 整體嚟講都算好食😆總結嚟講有少少比舊火炙壽司呃咗入嚟😂 點知唔算好大件 但係壽司同埋嘢食質素都唔錯

餐廳氣氛好，waiter and waitress 友善。天婦羅 𧎚 南瓜 金菇 冬菇 都好味，蕃薯無食，下次再試；加洲卷如果有青瓜一定更好味；燒牛肉定食唔錯；鰻魚定食新鮮。會再去和推介給朋友們。

去開嘉湖銀座商場，想食日本野搵OpenRice 搵到呢間餐廳去到餐廳門口望完menu 覺得價錢合理就入去進餐Menu 內有壽司亦有熟食，例如烏冬、拉麵、飯，而我哋今次就揀咗食壽司🍣壽司👍🏻超推薦三文魚壽司和帶子壽司，北寄貝壽司就不過不失卷物- 牛油果軟殼蟹小卷 $48飯卷上舖滿蟹籽，卷物內有牛油果、紫菜同炸軟殼蟹和壽司飯，味道唔錯，會想再order🫶🏻火灸壽司系列點了醬油火灸三文魚、火灸牛油帶子、火灸左口魚邊和醬燒芝士蟹棒，最推薦醬燒芝士蟹棒，燒過嘅蟹柳配上蛋黄醬，味道好夾😛

這間位於天水圍嘅日式餐廳。餐廳裝修很簡單，但一啲日式風格，但整體光猛企理又整潔。炒雜菜炒雜菜幾好鑊氣，炒得唔油膩，雖然係全素，但味道都不錯。西京銀鱈魚西京銀鱈魚份量十足，銀鱈魚大大件，燒得口感香滑又冇乜骨，啖啖肉，帶一點點西京燒醬的甜味，加上魚脂的甘香，送飯一流。雞軟骨雞軟骨十分爽口爽脆，帶少少鹽燒風味，唔係好乾。牛肉卷牛肉卷份量足，味道唔錯，牛肉口感軟滑唔柴，有肉味，充滿日式風格。炸天婦羅蝦天婦羅蝦雖然炸衣比較厚，但勝在口感鬆脆，又有少少蝦嘅鮮味，味道唔錯，炸得唔油膩。

今晚25/12聖誕夜，支持香港政府留港消費，同老公K君落屋企對面銀座，食日本野，原本K君話要食地下新開果間一人燒肉，但鬼死咁多人等位，所以上去一樓食銀座脂，起初見到門口個歺牌，聖誕歺2人$488，以為一定要食聖誕歺，後來問門口職員才知可以散叫，唔一定食聖誕歺，於是便入去，我要坐卡位，這裡坐落環境舒服。推介：1. 鹽燒開邊雞中翼原因：燒得好好味2. 火炙招牌鰻魚卷原因：鰻魚卷上面灑上白色芝麻，很香口3. 火炙和牛荀小卷原因：入口即溶，好重黃牛味4. 火炙焦糖三文魚原因：入口有D甜甜地酸酸地的味道，好特別5. 辣味黑豚鍋原因：一D都唔覺好辣，味道不錯6. 帆立貝壽司原因：是我至愛埋單時見到張單$321，我以為佢計少咗，點解咁扺食嘅，職員叫免加一，門口有寫，oic，我哋睇唔到個免字，以為要加一🤣整體來講，這間在天水圍區日本菜是優質水準高的一間，感覺到廚師是用心製作食物，值得一試，老實講，老公K君對食好高要求，佢今次都讚不絕口，所以會有下次，還有送咗張$20優惠券，可以下次用😋

平時經過都見到一堆人，可能今次妟咗去食飯就無咁多人，門口有個木牌講明全日唔會加一收費，店舖一眼睇哂。座位不是很多， 但坐底時如果想要茶就麻煩請示意，如果無特別要求，佢係唔會俾你，茶真係好滾熱… 亦証明水温好夠。正呀！我哋2個人就唔可以食太多野，係咁易叫左小小試吓先… 因為二人枱比較細小，所以我想影相影得好啲都比較難，就麻煩自己遷就位置啦。上菜速度還可以，通常來左第一樣食物，就跟住陸續送上嚟。由於是星期日所以所有魚頭都沽清了！唯有等下一次早d來食😂串燒日本豬腩（兩串）計好厚身啖啖肉，好味😋 唔會乾身鞋口。仲有啲肉汁係腩肉鎖住咗。西京燒銀鱈魚定食鱈魚就咁睇未食就已經知道係靚，魚肉白身入口好滑，唔使用沙律醬都可以，而且都煮得啱啱好，食得出用日本米。冷稻庭手打烏冬聽另一伴講話手打烏冬好好味，特別係個汁同其他舖頭係唔同嘅，佢話有少少甜甜地幾好味😋 手打烏冬都好滑脫脫❤️土佐豆腐豆腐質地食得出係日本豆腐，不過炸時候有少少over左，外皮如果唔係咁厚身就會好味好多。以下2款火炙壽司好味， wasabi易入口，食得出唔係便宜貨。火炙芝士蟹柳 (一個）計芝士🧀濃烈撘上原條蟹柳好好味。火炙三文魚腩 （一個）

星期六唔想煮飯落街食呢間日本野經過好多次 但今日終於入去食喇叫左豚肉鍋同角切魚生飯，蒜香一口牛豚肉鍋無跟飯 要另外叫份量幾多 唔洗一百蚊 味增湯好好味！唔會過咸！我覺得角切魚生飯一般般 三文魚唔太鮮其實刺身尚可，佢有一隻赤蝦、一隻帶子、仲有八爪魚粒，係豐富嘅，可惜食落唔太鮮！一口牛質數都係麻麻 好多油 唔太吸引佢係區內少有嘅日本菜價錢係唔似區內嘅平民價 似出面嘅價錢我個人嚟講 覺得Wetland個邊間十勝牛係抵食啲！

食完這幾天一直沒有打算寫食評，但一直好像不推薦這麼讃的餐廳，好似好對佢唔住🤣🤣🤣路過荒蕪之地-嘉湖銀座， 被餐廳門口的壽司新品推介及價錢吸引原本以為元x價錢，又沒有什麼奢華裝修的小店，不要抱什麼期望，最終超乎想像的好食及抵食，超鑽👍🏻👍🏻👍🏻我們一行三人試過了全部新品壽司，不論是魚生或者是火炙壽司，材料都非常正，賣相好，又大件，元x價錢, 極度推介宮崎牛生/熟壽司，超好味😋😋😋叫了太多壽司，沒有吃太多熟食，下次會再去👍🏻👍🏻👍🏻*唯一缺點/優點：壽司魚生太大件，飯太少，要食好多先飽😭😭😭

一直想試食，後聽朋友講唔錯，就一家人去食晚餐，試左，真心天水圍的日式餐廳比較下，算是最好的一間。晚市有加一服務費，消息$200就有現金卷$20回贈，可下次用，本身打算午餐用，可惜只限晚市可用。午餐就沒有加一，午餐也算抵食，昨天叫了個吉列豬扒拉麵+3件壽司都只是$70，牛肉拉麵+3件壽司係$75，食完壽司，先發現忘記了影壽司相，我哋仲加配左其他都只是$1x-$2x, 加左雞軟骨餃子$15，三文魚刺身三片$22，2個拉麵餐同其它加配都好好味，所以食到超飽。

食lunch喺天水圍，就揀咗呢一間銀座。鰭。呢一間係一間日本料理餐廳，佢lunch set有好多選擇，你可以食吉列豬扒飯，鯖魚飯等等嘅日式飯。而我就揀咗，壽司套餐。呢度嘅壽司套餐，係有一set嘅壽司，壽司嘅份量都好多，有三文魚，大蝦等等嘅高質壽司。除咗有壽司之外，仲有一碗烏冬作為主要食量。成個餐都非常好食唯一美中不足嘅係，壽司飯嘅份量比較少。其實壽司飯上面嘅刺身嘅size係正常嘅，只係嗰舊飯比較細。