影片
去庆祝生日，谂住食好d，2个人食左1700蚊lunch 但价全完全唔值！首先食物质素不如预期！800多元的日本和牛 出黎的咁只是一pat肥膏 同入口即溶完全两回事！要求更换的时候，个服务员仲问我：「你想换咩？系咁㗎㖞」个上年纪的服务员态度极差！冇谂过一间高级餐厅嘅服务员系咁嘅款！ 同时餐厅亦都无隔板，同场有2枱客人隔枱大声讲嘢，d口水飞来飞去，极唔卫生。海景亦只有小部分，性价比极低，当时没有参考其他食评，现在极度后悔。
继续阅读
预订了三点半的铁板烧， set lunch晚餐任君选择。 生日饭， 食豪啲晚餐铁板烧。 因疫情关系， 鲍鱼欠奉， 很多海鲜也没有入货。 也是可以理解的。餐厅环境不错， 舒适。鱼生尚算可以， 师傅刀功比食材更优势。铁板烧不错， 但以晚饭格价来说， 只可说是中规中矩。 铁板烧师傅厨艺不俗，但欠缺那份热诚， 低头斋煮。 当问及要餐巾时， 相信是管理层的人仕答覆:" set lunch是没有的， 晚餐先有。 " 顿时对餐厅扣分， 以高级餐厅来说，给予一条餐巾也要以客人点餐来衡量。 再者， 连我的order也没有了解就断定我是叫set lunch， 给人白鸽眼的感觉。 曾经叱咤一时的香港铁板烧料理先驱， 已经今非昔比。
继续阅读
以往老公生日都系海外过，今年冇得去旅行，惟有留港食好啲。成日食日本野，但老公未食过日本铁板烧，生日决定豪一豪！黎K11 Musea食哩间银座，系因为唔过海少高级铁板烧选择，另外睇中有海景view，book枱有讲明海景位。7:15左右黎到，在场有一枱，可惜铁板2人餐已经话卖晒（真的吗？），然后叫左2个一人铁板烧餐，另外加池鱼刺身同烧鳗鱼。池鱼刺身唔错，比较爽口！烧鳗鱼干身薄薄的，口感一流！铁板烧餐包前菜，鹅肝、鲍鱼、和牛薄切、银鳕鱼、炒饭同甜品，铁板烧中规中矩，唔够热；甜品甜而不腻，反而不错👍最后冇影海景相，因为double window系关埋既☹️
继续阅读
今日禁岩朋友放假，想揾个坐得舒服嘅地方吹下水，食个lunch，所以就拣左银座啦。之前都黎过几次嘅，有食过lunch，又有食过dinner。其实质素就差唔多，不过价钱就差好远，dinner 1000-1500蚊位埋单，lunch起码平一半，抵食好多。和风装修，一入门口比人嘅感觉系中高级日本菜，似系去左日本食怀石料理，而且枱同枱之间距离远，私隐度十足。朋友拣左坐窗口位，可以睇到维港海景，所以无坐铁板烧位，唔能够睇住师傅一边煮一边食。铁板烧位有两间房，可以望住师傅表演，都系铁板烧嘅特色，不过房就完全无景，睇唔到海。我地拣左黑豚同埋日本和牛西冷 share 前菜有莲藕片、蟹肉沙律、蒸蛋。莲藕片爽脆，蒸蛋滑嘟嘟。蟹肉沙律酸酸地，好开胃，蟹肉结实有蟹鲜味，好想食完再食呀。银鳕鱼火喉岩岩好，岩岩熟保持到肉汁，又唔会一夹散晒。两面金黄，卖相一流，配埋点海鲜嘅酱汁，好味。虾头好细心剥左壳方便食，又够大只，已经切开左几旧，但我觉得无咩虾嘅鲜味，而且有啲过老，太干身。和牛西冷5成熟，目测出黎有7成熟，油脂丰富，食落口啖啖牛香味爆出黎，肉质好淋，配埋旁边嘅竹炭盐，吊吊味又唔会抢左牛肉味道。豚肉之前算过好正架，但今次有啲失望，太熟啦，搅到好「柴」，而且太瘦，唔够油脂，食落唔够香口，不过个汁ok嘅，系麻酱。渍物、面豉汤同炒饭炒饭有啲湿，做唔到粒粒分明，而且好淡口，好单调。炒杂菜，其实系炒芽菜，够爽口，后尾我拎左黎配炒饭，无禁「寡」。甜品有提子哈密瓜，好香甜。麻薯，太甜。紫薯布甸好味，香滑有奶香有紫薯香，又唔会太甜。之前黎过几次觉得服务好好，上菜前都会介绍下啲菜，今次个待应读得好快，听唔得清楚讲咩，觉得若有所失。疫市85折，其实都唔平，食物质素之前好啲，不过而家都唔系差嘅，只系呢个价钱会有更高期望。环境一流，无论餐厅装修定系海景都一绝 ，同朋友坐下倾下计，都几舒服。
继续阅读
啱啱琴晚喺WA Theatre Restaurant食完一顿不太满足嘅日本晚餐，今日喺K11 Musea，唔觉意嚟咗呢度试吓佢嘅午市套餐，一连写咗两个日本餐review。因为Walk in所以张枱要限时交还，反正都系谂住轻食快闪，所以都冇问题。餐厅环境简约舒适，坐喺窗边有无敌海景，蓝天碧海令人心旷神怡。两个人都唔系太肚饿，见套餐都好似好丰富，只系点左一个$750澳洲和牛薄烧铁板餐share，但系话晒有两个人，所以喺a la carte 拣多几款小吃，再加多一细支sake，咁就好睇啲。食物方面，无论质素味道和份量，都有返咁上下水准，个套餐两个人食勉强都几够。澳洲和牛虽然话系薄切，但系薄得来又有啲厚感，唔会薄到风都吹得起𠮶只。大虾好靓，好有虾味，虾头都𡁻埋。银雪鱼煎得刚好。天妇罗炸得唔错，分量十足。虽然烧银杏都几贵，要成$200，不过份量OK，又热又香，粒粒都好容易拉出嚟。炒饭炒得粒粒干身香喷喷，不过就有啲奇怪，炒饭嚟先过和牛铁板，系唯一嘅美中不足。埋单有八五折优惠，再用埋K Dollar，都几开心。服务方面亦都冇乜问题，经理Paul好细心，好attentive。下次返嚟，会spend多啲时间，正正经经食返一餐完美嘅日本菜。😍
继续阅读