銀川餐廳 (已易手)

每天早上經過這裡，看進去燈光暗暗的，客人也不多亦不少，一直都沒有想進去的念頭。聽了同事說起，原來她們一直都有在這裡吃早餐的習慣，在乎於價錢實惠，食物尚可。聽著，聽著，心思思也想一試。剛好星期六上班半天，膽大妄為的我，進了餐廳一試。點了太陽蛋腸仔出前一丁麵，首要出前一丁，應該沒有差池，豈料吃下感覺就像比福麵好一點而已，吃不出是麻油味的出前丁，其實這裡的廚房是半開放式的，半隱約看到他們處理每一道食物，明明看到他們真的當下拆開出前一丁麵，順著時間來到我面前的，真的奇怪口感及味道就如福麵似的。如非親眼看到，真的不敢相信。太陽蛋及腸仔就很滿意，真的半熟蛋而沒有穿掉，還感覺很豐滿蛋黃唷，很有蛋味。而腸仔我吃得出來是我最愛吃的廚Ｘ牌子，不過就不太喜歡被變了八爪魚型狀，都是一整條好味一點。對，這是我對廚Ｘ牌子腸仔吃法的偏見及固執，與味道無關。另外可以加分的是咖啡，餐廳的黑咖啡來說，這裡尚算可以，有淡淡的咖啡豆味道。又是性價比問題，結帳只是25元，這價錢很餐廳有了，可惜不足是食物有點不滿意。最令我不想再來沒有下次的原因，其實是這裡的環境及衛生，我的天唷，燈光已夠昏暗，連地方都感覺骯髒呀，枱子表面還好，其

趁番工前食番個早餐~款式同一般茶記差唔多，多士;麥皮;粉麵...衷情蕃茄湯既我一見到有羅宋湯底就2話不說咁揀!!!當然又係配埋太陽蛋，火腿，牛油方包~~太陽蛋有燶邊，幾靚羅宋湯意粉有少量雜菜，味道酸甜適中，係好飲既意粉軟硬適中!早餐少不了的咖啡，雖然唔係話特別好飲，但絕對係幼滑香濃!!豐富既早餐都係價值$25，當然係抵!!!順帶一提，見到好多都係熟客，食完早餐就上樓上開工，證明質素有保證

去完九龍開會返OFFICE, 行經呢度已係下午3點, 堅餓!見到有越南牛河, 就整一碗。有牛丸, 幾片牛肉, 十零條河 (堅係得十零條)湯底(對唔住, 係水), 仲要係唔太熱既水三扒兩啖, 走人。湯底味道淡, 成碗野好似街邊車仔麵檔出品, 各樣野夾硬拼埋一碗。可以忘記。 

正月中旬‧潮濕原來這裡八個食評一個笑面也沒有，我就加一個，只給這裡的熱奶茶。就算要吃什麼大餐都好，下午總要喝一杯熱奶茶人才舒服一點。聽小巴大佬說這裡的熱奶茶不錯，來一試。茶身厚，奶味香且夠滑。喝多幾口就發現茶味不是太濃郁，但以一杯11元的熱奶茶來說，真的是收貨的了。下次來，要喝咖啡！

打完波肚餓, 行過見到早餐都係$20左右, 仲要由早供應到11:30am, 所以入去試下入到去, 衛生真係唔多好, 桌面有灰, 大概是因為沒有關大門的關係. 不過, 既然已經坐下, 便姑且試下叫了早餐b, 係火腿炒蛋牛油多配羅宋牛肉或雞肉通/米/意再加個茶走 ($20)炒蛋幾滑, 火腿牛多正常, 羅宋牛肉或雞肉米味道濃郁, 有大量薯仔和菜, 真的是多菜少肉... 酸酸甜甜幾開胃! 如果不理會環境, 這個早餐算是抵食的

2009-01-30是日與同事們午飯時間去了附近的體育館打羽毛球，一輪運動後只想快快食個飽，有氣有力趕番公司走著走著見到呢間就呢間頂，賴晒o野有好多午餐選，但似乎在吃的食客都是悠閒人士。我o地一行九人把僅餘的座位佔去。可能佢o地無乜幾何要一次過為咁多人落單，如果我o地分開單可能好o的。我o地叫o既o野數o黎數去，餐又好飲o野又好，個阿姐都弄錯……最後我o地幫佢覆核，佢都仲叫好聲好氣，只是結果仍是亂就說不過去……我$30的韓式牛肉意粉，與港式什菜牛肉意無咩分別吧？係有少少甜味o既汁，但……無預過呢個賣相及味道。總之味道都只係4/10分凍檸水，唔甜無味！篤晒檸檬都係咁與其多國，可能攪好一味的港式快餐還好

這家餐廳開業多年, 由於近在咫尺, 剛開業的時候曾經光顧過一次, 可是印象不佳。事隔數年, 應該會有所改善吧, 中午適逢下雨, 無謂舟車勞頓, 姑且給它多一次機會吧! 正所謂人誰無過, 過而能改, 善莫大焉!牆上餐牌寫有'路邊雞飯'的一款套餐, 名字很特別, 價錢$34, 包湯連啡, 好, 就點這款。開嚟見我, 唓, 我以為是甚麼新絲蘿蔔皮, 原來只是白切雞飯而已。正想將刀叉放入茶杯內清洗清洗, 赫然發現茶面浮起一浸油污, 於是著伙記更換, 伙記應得爽快, 換是有換過, 可惜仍舊是一浸噁心的油污, 使我極之懷疑那碟雞飯的潔淨程度, 餐廳主人用心經營的誠意也相應值得懷疑。痛定思痛, 下定決心, 無下次!

由於唔係咁熟悉個度附近有咩食的關係,所以見到呢個新開o既餐廳就入o左去食野!一碗日式餃子拉麵,都需要等一段時間先黎到!但呢碗拉麵令我十分失望,因為它的湯底用老火湯黎做,與拉麵十分不配合!日式餃子,放左入湯內,成舊野"林"晒..同普通餃子冇乜分別!而且d餃子有陣味係度..

Date: 26/1/08Time: 9pmI actually wanted to try out this place but unfortunately it was closed when I got there at around 9pm. Does anybody know if this place is closed for good?

跟媽媽去試新食肆,就食串燒啦!! 叫左個二人前套餐(包餐湯,前菜,白飯)($118) 餐湯:麵豉湯,好夠熱,幾好飲,不過飲完就勁口渴,應該落左唔少味精五款串燒包括: 白菌:個菌幾香,唔太乾,唔錯茄子:都係唔乾,保留到蔬菜0既水份,幾好雞中翼:味道ok,不過不失多春魚:唔錯,好香口牛柳:呢個唔太好,太咸招牌焗岩蠔:係呢度最好食既招牌菜!!個醬汁好香好好味,同個蠔0既味道好配合,good!! 另加: 雞腎($10):雞腎都燒得唔錯,幾爽,有咬口,唔太乾象拔蚌($40兩只):麻麻地,無醬汁,無乜味鮑魚仔($35兩只):呢個幾好,鮑魚仔既質感好爽扇貝仔兩隻($36):扇貝仔都幾好味招牌焗岩蠔($30兩只):因為太好味,所以encore!! 呢度只有夜晚先至做日本串燒,以日本串燒黎講質素只屬一般,賣點係平,d海鮮都算抵食,其中焗蠔係最令人難忘0既服務方面,都唔會要求太多,下次都係黎食焗蠔一樣得lu!!