影片
一直都有听讲银咖喱有个咖哩饭有1.5kg，咁就同朋友仔两个人去试下味，有芝士、蛋、汉堡扒、吉列猪、每样嘅料都好足，如果系女仔嘅话可以3个人食都好够饱，呢个饭先至$102，如果系学生嘅话仲会送两杯气水，喺香港你两个人食平均先至50几蚊，仲要试到咁多款料，又有汽水饮都已经算系平价餐厅，加上以呢个价钱，个质素唔算差，性价比都几高，如果真系咁啱想食咖喱，又唔想食咁贵嘅话银咖喱都系一个唔错嘅选择😮💨！
继续阅读
点咗佢哋嘅招牌猪排饭，真系一次愉快嘅体验！首先，价钱好合理，一份猪排饭连汤同小食，性价比真系唔错。下午6点几到访，餐厅几乎无人，环境清静舒适，啱晒想静静地食饭嘅我。服务方面，店员态度亲切有礼，仲好贴心咁问我要唔要加姜，感觉好窝心。讲到主角猪排饭，咖哩香浓顺滑，微辣嘅味道好开胃，配上炸得酥脆嘅猪排，外脆内嫩，咬下去仲有肉汁，实在满足！饭量刚刚好，唔会太饱腻，加上汤同小份嘅配菜，成个餐平衡又丰富。整体嚟讲，银咖哩嘅猪排饭无论味道、份量定服务都令人满意，特别系喺平日晚市咁少人嘅时段，感觉特别放松。
继续阅读
「银咖哩」系香港较为平价抵食嘅日式咖哩饭，🍛，系学生时代恩物。今次就试下megabox呢间银咖哩，我都好耐冇去megabox，我印象中呢间都新新地！咁多年嚟都冇勇气试下佢嘅富士山咖哩饭，我今次都冇。芝士猪扒蛋包咖哩饭🧀🥩🍛，吉列猪扒size正常，配埋芝士真心邪恶。滑滑炒蛋包饭加上银咖哩自己招牌咖哩汁，食得好开心！$54都真系抵啦！招牌吉列猪扒咖哩饭🍛只系$43！分别就系冇蛋同埋冇芝士，份量其实都足够！简简单单一餐又好，怀缅一下又好，挂住日式咖哩嘅香味亦都好，银咖哩真系一个唔错嘅选择！🙂
继续阅读
我点左蟹柳蛋包饭加$10沙律汤再加$3辣，朋友点左猪扒咖喱饭，加左三点辣粉就$3，不太好吃，朋友食一半就唔食，猪扒太柴太硬了，下次都系去返coco食。试一次无下次……………………………………………………………………………….
继续阅读