釣魚翁 燒鵝．海鮮飯店 (已結業)

一家人 飲茶上次朋友介紹呢間酒樓唔錯 即刻走去試下 環境方面: 6.5/10其實係幾大 但唔知點解分左張細枱本身無咩點留意 但4個人到齊點心都未到 已經無咩位 地點方面: 7/10 對於我黎講 唔近MTR 唔近巴士站 但都算係方便 食物方面:8/10 整體黎講係幾好食 4個人叫左一大堆點心 上點心既速度都快印像想深既係個魚肚同九肚魚 真係整得唔錯 服務方面:9/10 基本上一舉手就有過黎要水有水 要茶飲茶 侍應都幾有禮貌總結一下期待下次同屋企人再去 …查看更多

今 日去荃灣釣魚翁食晚飯丶叫了份四至五人套餐。本來覺得ok丶但上上下菜上菜上錯咗一碟秋葵但無肉丁，我地問男經理時丶佢態度超惡劣咁話菜單印錯。我話印❌吾關我事，之後佢就係改口話落錯檯，然後仲問你地要唔要呀！你地撩過我地都會倒咗佢，然後聽到佢背住我地又對住落菜阿姐妖左一聲，聽到個人都吾爽呀，今時今日咁嘅服務態度係唔係要改善下呢！…查看更多

母親節點左半隻燒鵝味道滿意，但份量其少，碟底用筍充撐，中間部份不見鹅肉，直接看見碟底同筍，三分一鵝肉被扣起👎，燒鹅肶被削去一半肉，份量如例牌，太過份，不會再帮襯。…查看更多

Sunday，宜逛吃！逛買，很消耗身力！逛累了，不想煮飯，在外面吃過再回家。第１次來荃灣的釣魚翁，點了以下的：#貴妃雞半隻#金沙蝦#清蒸沙巴龍躉以上是「晚飯三寶」非常穩陣的配搭！３樣味道都挺好的！定價368元/份，weekend及公眾假期，加收100元/份三寶以外，再單點了：#蜜汁叉燒皇，這個是商家招牌，肥瘦適中，不會太甜 (很怕吃到太甜的叉燒！)味道的確好！#魚湯珍菌雜菜煲，這個份量很足！４人吃剛好！從停車場坐電梯上來，出口竟然是廚房！要經過濕滑的走廊，才到大堂，是個扣分項！…查看更多

疫情下已少了出街食嘢，今日難得要幫妹妹攞教科書，自己又晏起身(都成十一點幾囉)，索性早餐連晏奏一齊食。一閃之下諗起好耐冇食釣魚翁的七味軟殼蟹，又大隻(一開四)，一碟兩隻又夠野味又夠厚肉，剛剛炸完出嚟又夠Juice~唔~。咁就同太太二人攞完教科書後就一齊去。點知主角今日竟然變成~…查看更多

本人一家今晚在荃灣釣魚翁海鮮飯店食晚飯，晚上的短髮主管工作態度極差，我們一家點了晚市優惠套餐，到飲當晚例湯(粉葛赤小豆煲鯪魚)時發現該湯極鹹並向該主管反映，她並沒有說向廚房反映有該情況，亦立刻向我們表示該日只有這湯並沒有其他湯可換。我們並不是想她提供另一湯，只是想她向廚房反映，可惜她没有這樣做。她也令我對集團員工的服務態度刮目相看。當晚直到食完飯，我們一家也沒有喝過一口湯。😩😩😩😩😩😩…查看更多

第一次來食真係比我超大的驚喜，王牌燒鵝必點不用講，皮脆肉嫩真係好食過深井嗰啲好多，然後點左餐牌上冇嘅椒鹽翅邊，真係好食到不得了，下次去一定會再點，仲有一樣就係冰梅骨都係必點，到最後必點嘅甜品就係壽包，蓮蓉非常之香滑再包上鹹蛋黃極香，下次朋友聚會一定會再訂呢間👍…查看更多

食物質素唔錯，但偏貴，員工態度差，趕客走，一句講曬：唔值，簡直比錢買難受。冇下次，貼錢我都唔去啦🙂用餐日子係星期日中午時段，其實都知星期日要等位，但冇諗到會受到咁既對待姐當日約11:30去到，禁左飛，要等十幾張枱，等左好耐都冇咩點郁，等左約半小時，點知啲號碼跳得好快，見到仲有3張就到，心諗應該好快有位啦。點知呢個時候，啲號碼嗌返轉頭，我同其他食客都r曬頭？🤔不過都冇計啦，唯有照等。而呢個時候，有另一堆人禁飛，見佢等左5分鐘就有位，仲要同門口個知客好熟、有講有笑咁，姐係依家熟客就唔洗等，有特權？而我等緊既途中，見到有人打去問有冇位，個接待又即刻安排位比佢喎？咁點解其他人要等咁耐呢？咁對其他等好耐既人咪好唔公平囉🤔等等等，等左接近一小時，終於有位，但已經成肚氣。不過算啦，唔係熟客，都係要照等架啦！入到去，比左張好迫既枱我地坐，一出一入都好麻煩，因為係前後都頂住曬，身都轉唔到咁，仲要啲職員上菜係正你頭頂上，大佬，真係一唔小心就係咁先😇呢啲都小事呀，有野仲經典，坐左未夠半小時，啲職員夠膽死放個留位牌係你張枱到呀！問你死未？！🤨姐係「唔出聲趕你走，但我放個牌係到呀，吹咩？！」員工態度又差，黑口黑面咁。如果你一入座同我講係限30分鐘內交枱既，我咪唔食囉，又唔洗等一個鐘枱。但你唔係喎，食唔夠半個鐘，放個牌係你張枱，大大隻字寫幾點乜水留左位，方死你睇唔到咁。呢啲世界級服務我真係第一次見啦。我去高級餐廳都唔會咁啦，限你食幾耐，一定入座前同你講明，唔會出啲咁既賤招囉！呢間野等位一個鐘，食野限你半小時，你話死唔死，入座前唔同你講，食食下先整你！咁既酒樓真係第一次見！最慘係啲野本身唔平，茶位又貴，野食份量少，假日乜乜xx都話加你幾幾多十蚊，陰啲陰啲陰乾你！結論：唔係熟客唔洗指意食，慢慢等位啦，食食下出陰招趕你，落單又多野講，成程黑口黑面對你，食都食到背隻骨落。如果鍾意受氣既可以去呢間野試，包保你受氣都受飽:)…查看更多

星期日飲茶，原來都非常便宜。5個點心，两個人109元。特價點心，星期六日都會有，只是每款加3元。炸雲吞，不油膩。杞子燒賣8.8+3元，平，有蝦的。蒸飯也是10元左右。不俗，性價比高。本想點炒銀粉，14.8+3元，但太飽了。看到隔離枱，銀針粉很大碟，可以裝两大飯碗…查看更多

今日2019年6月18日下午2:16，我和媽媽囡囡去荃灣眾安街千色匯釣魚翁飲茶，我們先在門口按籌等位，號碼是B20,而當時叫到B18,A38。當時櫃位的女接待員叫B19幾次沒有人，便叫B20,之後女接待員(該職員長黑髮齊蔭)見我和B19的客人一同到櫃檯便叫我再等等，這樣做沒有甚麼問題。之後我一家3口繼續等，在等的時候A字籌已叫了10幾個號碼，亦不斷有人入去坐，而B字籌一個號碼都沒有叫，這時我媽媽抱住我囡囡行去櫃檯睇睇，我媽媽只跟我囡囡講左句“等咁耐架，都仲唔叫3位果d",這時這位知客沒有理會我媽媽，更沒有望過一眼，只顧玩電話，這時我們已等了30分鐘，在這30分鐘內，這位知客電話不離手，不斷打“喊露“及“黑口黑面"。之後我便走到櫃檯企住等，我亦叫我媽媽去旁邊坐。之後我媽過來講左句“咁耐都唔叫3個位果d",接著這位知客黑哂臉態度語氣極差愈講愈大聲同我媽媽講野仲指手畫腳，之後我就話“你咩態度呀？我媽媽第1次同你講野，你就咁大聲咁既態度?"之後我話要見佢經理，我要投訴，我指住佢個咪即佢帶住既對講機，跟著佢話佢依個唔係咪叫唔到，明明見住佢對住黎講野，之後佢指住收銀果邊叫我過去，收銀果邊幫我搵左個男經理出黎，該男經理一出黎便企左係知客旁邊，當時該男經理做緊野，我便等佢做完野先講，誰不知依位知客態度極度惡劣同我講“講啦！講啦！仲唔講！?“之後我話"我等你經理做完野先姐，你放心，我一定講！"之後我告知男經理事情經過，及問男經理拎卡片，佢話用哂，之後我問佢咩名，佢話佢姓劉，我話要全名，我問左2，3次，佢都唔出聲。我同劉經理講我要知客王小姐同我媽媽道歉，劉經理只說"我冇權要佢道歉",之後我同劉經理講，我都有權叫王小姐同我媽媽道歉，王小姐連"唔好意思"一句都冇講過。之後劉經理先係對話當中同我講唔好意思，但我亦都同劉經理講我係要王小姐同我媽媽講，而唔係劉經理你同我講。之後劉經理更指住收銀櫃檯叫我打去投訴，我話我打去依度咪又係你聽，之後劉經理冇出聲。我同劉經理講你地個知客咁既態度換左佢啦，之後劉經理同我講叫我黎做，我同劉經理講"我黎做，我個囡係咪你幫我湊呀！?"我講左2次，劉經理都冇出聲。之後劉經理話比台我地入去，問我介唔介意搭台，我話你依度不嬲都係搭台架啦，我唔介意喎！跟住劉經理同另一位女職員帶左我媽媽同囡囡入去坐。之後王小姐繼續態度惡劣咁講野，王小姐更前言不對後語，最初話我媽有同佢講野，之後又話冇行過去櫃檯同佢講野。事後我媽同我講，該位知客曾同我媽講“想有位就唔好下午茶先黎啦！"我地因咩事咁遲黎食野佢又唔知，講真，飲左咁耐茶，從未試穿有知客對客既態度如此惡劣，更從未見過工作態度咁差既知客。…查看更多

趁有啲時間同屋企人食午餐，就一不做二不休—去飲個茶啦！荃灣呢個商場有好多間茶樓，以前都有食過釣魚翁，覺得唔差，所以今次再黎幫襯！飲茶就係每次睇住張點心紙，呢樣又想食下嗰樣又想食下咁。所以我每次黎都嗌個點心拼盤，起碼我食到5樣野先！每款點心質素都唔錯！然後就到屋企人必嗌既鳳爪，幾入味但唔會死鹹，幾好食！好似食鳳爪食上癮咁，又嗌左個鳳爪排骨飯。飯都係乾爽唔會淋到一pat pat，好味！XO醬炒腸粉都係我去茶樓就會嗌既點心，好惹味但略嫌有少少唔夠辣🧐另外一個必點既點心，流心奶黃包！一定要熱辣辣先好食！我係好鍾意食紅油抄手的，呢度既抄手係幾香口的，微酸令人開胃！呢餐食得都幾滿足，飽飽的又返屋企！…查看更多

今日放假就同家人出去飲茶，諗住去千色稻香，誰知家人話經常去，不如試其他，之後就上多2層試釣魚翁燒鵝，一去到勁多人，雖然係咁，但個場勝在好大，好多位，約15分鐘就入左去，下午茶時段，就見到燒鵝粉$19.8碗，馬上叫碗，家人叫左叉燒瀨粉，及數碟點心，點心都好快就到，燒鵝店果然係唔同，隻鵝非常肥美，真想不到咁平就可以試到，其他點心都非常出色，好明顯是即叫即做，自覺得性價比最高既就是牛雜，竟然只需$10碗，真係勁平，最後3個人，食左約$220，都叫左幾多野食，總結：回味無窮，一定再來。…查看更多

上星期日為車婆婆預祝壽辰！慣例中午約埋八姨回家打雀雀之後夜晚食生日飯，而乖女婿車爸爸就肩負重任，撲出旺角為我取生日蛋糕！我在小念頭訂了個紫薯流心戚風蛋糕，還特意減甜希望車婆婆喜歡啦！生日晚餐訂在荃灣的釣魚翁燒鵝海鮮飯店，首次來試感覺相當不錯，相信到車公公的生日飯都可以Encore。 我們選了十道菜的翁盛宴，先上的是鴻運乳豬全體，豬皮弄得很香脆可口，唯獨調味過重鹹了少許！ 上湯玻璃蝦球伊麵賣相就不美了！我只吃了蝦球又出乎意料的鮮爽，至於伊麵味道跟份量大家也很滿意！ XO醬翡翠炒雙蚌最合我吃了不少荷蘭豆，而象拔蚌和貴花蚌都新鮮沒腥味，配合點點辣的XO醬確很惹味！ 趕快地又上了冰梅黃金大元貝，接連的上菜時間太快了不得不叫稍停！這味冰梅黃金大元貝脆漿有點厚，而我只吃了內裡的元貝味道挺鮮的但我那件細隻了點點！ 我覺得配上的冰梅芭樂更為吸引，芭樂本身香甜配上略帶微酸的冰梅汁很合襯！ 終於稍緩了上菜的速度，吃罷上述菜式才上這道紅燒竹笙海皇翅，我已戒掉多時那益了車爸爸多吃一碗了！ 接下來是清蒸大海沙巴龍躉斑，兩斤有多的沙巴龍躉蒸至剛離骨，魚味不俗亦冇腥氣質素不錯！ 再來是蠔皇扣原隻八頭鮑魚，鮑魚扣得煙韌炆得入味，我略嫌獻汁稍稠撇開後吃口味會更佳！ 到了我滿懷期待招牌脆皮燒鵝皇賣相都算像樣，吃了一件皮一點也不脆，還幸肉質都鬆化但味道就真係不夠香，整體上都有點失望！！ 單尾是瑤柱蛋白炒飯，夠乾身不油膩水準不賴！ 甜品有影漏了的紅豆沙當然全數入了車爸爸肚中，本來訂了的壽包竟然漏了單，不過侍應都很識趣送上桂花、馬豆糕作補償，所以除了上菜速度控制不宜外整體都算不俗！ 多謝八姨一家和車婆婆好友微姨每年都賞面出席，4月到車公公壽辰再見啦！ …查看更多

同朋友相約飲早茶，等左約20分鐘就有位，不過要同人搭枱。酒樓內人頭湧湧，十分熱鬧。叫左幾個點心，點心整體算幾好味；蝦餃- 皮唔算好薄，但都幾爽口。菜苗餃-好足料，大大件。春卷-炸到卜卜脆鳳爪 - 好入味點心質素算幾好，但都有d貴，3個人一共食左280蚊。…查看更多

🔅🔅🔅飲茶係每個週末假期同屋企人既指定動作今日跨區去左荃灣飲屋企人話呢間幾唔錯但係會有超多人排隊果然不出所料要排隊至少要排上半個小時🔹酒樓既面積不算太大檯與檯之間相隔好近個人感覺好局促好逼感覺坐得唔係好舒服🔸呢度款式選擇有好多點心小食粉麵飯有齊人多就可以每樣叫D🔹<鳳爪排骨煲仔飯> 鳳爪和排骨份量好多仲係剛蒸好都幾新鮮🔸<百花釀魚肚> 魚肚蒸得爽滑又唔睲百花蝦肉大大隻好爽🔹<鮮竹牛肉球> 牛肉大大粒好新鮮～肉不但啖牙又夠滑仲有條菜打底正呀🔸<木魚燒汁煎釀茄子> 大大件茄子加煎香魚肉再淋上燒汁和木魚絲～好似變左日式小食😍呢個好好味要推介👍🏻🔹<香煎咸薄餅> 個人最愛咸薄餅外脆內軟好香口蝦米和蔥花好正🤩🤩🤩🤩🤩🔸<豉油王龍鬚炒麵>龍鬚呢個名認真架勢麵炒得好干身唔會油魷魚鬚好爽口唔錯😊🔹<香麻叉燒酥> 叉燒酥係剛剛出爐熱辣辣好鬆脆好香但略顯叉燒餡較少🔸<總結>食物質素大致上不錯不論點心小食或炒麵都係新鮮出爐值得讚🔅🔅🔅…查看更多