影片
食记 (33)
老人家生日,订不到心水店,便就近选了此店.乳猪 - 皮脆,肉稍厚,都算O.K.,香芹带子鸳鸯蚌 - 带子,象拔蚌,桂花蚌都新鲜,加夏威夷果仁来炒,咬的感觉非常好!沙律酿蟹拑 - 热辣辣炸得够脆,虾胶亦弹牙,几好,鸡煲翅 - 原只光鸡炖散翅,汤几甜;鸡另上,鸡肉可食,尤以翼和腿为甚.香芹龙趸球 - 肉爽甜,炒的火候和功夫都好,蒸龙趸头腩 - 好食,但有些部份的皮,仍有很多鱼鳞黐著,是最大失著!北菇海参玉掌 - 够腍,入味,炸子鸡 - 因已饱,只食皮,够脆.荷叶饭 - 冇食,不评.伊面 - 芡汁均匀,几好.寿包 - 蛋黄莲蓉馅的超大寿鲍,皮松软几好食.杏汁炖万寿果 - 木瓜糖水清甜,加粒芝麻汤丸亦不错!食物O.K.不如想像中的差,侍应服务亦勤快,但价钱就偏贵,15人埋单近八千,真系几贵!
继续阅读
在平日同班同事一行十一人订左围12人o既团年饭一起食, 睇到评语后都做定心理准备, 6:30pm已准时到达, 因为未人齐所以未上菜, 极肚饿之制, 部长拿了盒蛋卷出来, 原来个餐包的...虽然条蛋卷缩水幼左...但味道都ok等到7:00都未齐人, 所以决定另叫小食先, 叫左个牛展 & 烧火腩, 火腩一般无咩特别...细细旧! 反而牛展就好好食, 好入味一咬就开!! 终于等到齐人可上菜, 第一道系乳猪全体, 成只乳猪真的都只有层皮食, 想找少少肉食都无, 味道一般! 脆肉瓜炒象拔蚌,象拔蚌几爽口弹牙, 好食! 个金汤翅, 好劲忌廉味...好似饮紧西汤但有翅..., 亦有好多虾肉连壳...!! 甜品的蛋挞亦比想像中唔好食, 皮太厚! 但糖水的杏汁炖万寿果就好润, 好香的杏汁, 又不会太甜! 其他的菜式亦一般, 不过个餐千几蚊连甜品糖水总共十二样又送1枝红酒又包12罐汽水仲送埋蛋卷, 食物亦不过不失, 食到我地全部人饱都晒已好抵食, 而服务方面...值得一赞系部长跟得好好, 反而d阿姐唔醒目...到尾声时才过o黎换碟!!可能当晚系平日, 坐唔满, 但呢间比旺角o个间坐得舒服, 呢间大得o黎位与位之间无咁迫!!
继续阅读
一家五口黎食大闸蟹宴为老人家贺寿,点左半席(即六人)A餐,五个人分享,预左食唔晒。黎蟹之前先上蟹粉小笼包同埋五式拼盘,蟹粉小笼包虽然多汤,而且全部都系橙黄色,好似好多蟹粉咁,但系个皮好唔掂,趁热食都略嫌硬,真系麻麻地!五式拼盘方面,猪手,叉烧等等都好求其,反而豆腐同鸡肉最好味!呢两味之后已经系六只大闸蟹,细细地都ok,不过无乜肉食。经过长时间同蟹搏斗,侍应先会上其他菜,先系金汤海鲜翅,又几得意,系橙色,而且味道似西汤,唔似一般食开既翅,我都系第一次食,食落仲有好多料,似鱼肉,又有一些胶胶地唔知系咩海鲜,都几有趣,唯一唔好系成日食到蟹壳碎!之后果d真系普通,只系平日酒席的象拔蚌,炸子鸡,蒸鱼,生炒糯米饭等等,一般货色。值得一提系脆炸华盛顿卷,人地果d乜卷物卷通常个馅系海鲜或者沙律,佢竟然系芝士肠同烟肉,实在骑呢兼悭皮,唔怪得个个餐都有呢一味!最后系甜品,包括姜茶汤丸(12粒)同埋脆麻花(6件),前者个姜茶辣到我试左一啖已经无法再入口,好在汤丸系麻蓉,而且完全无姜味,唔系真系唔使食!脆麻花唔掂,唔够脆,但系加左好多糖浆,劲甜劲腻,不太好!仲有一点,个餐包六罐汽水,佢俾左可乐,雪碧,橙汁汽水各二,我地话想改健怡可乐,竟然话唔得,话个餐唔包呢款汽水,有无搞错!服务方面,有个女侍应挂住睇"珠光宝气",连有野做都唔知,哈哈!
继续阅读
无去金龙船都有5-6个月, 之前系一星期起码两三次, 唔去既原因系觉得d食物水准开始唔得, 其实觉得左一段时间架, 不过见佢d service都仲ok, 所以容忍左一段时间, 最后都系决定放弃, 上星期有朋友请食饭, 这位朋友一向都食得几豪下架(佢一向食饭既人均消费都7-8百架), 唔明佢今次点解会选择金龙船, anyway....有人请咪一于no pay ok心态去箩唉... 食物质素...一早有左心理准备, 无要求(只是我本人)当日菜色有...1.金汤翅 - 无甚味道, d翅少之又少, 唔好食及唔吸引2. 鲍鱼片鹅掌 - 鲍鱼好淡, 无鲜味, d鹅掌唔够火候, 大硬3. 龙虾 - 唉...所谓上汤.... 浪费左只又贵又新鲜既龙虾其他食品更不想再提唉... 食品唔得咁对侍应招呼...真系有d期望, 最终.... 唉其实在饭局中人,个个都知唔好有太大期望, 但无咩期望都唔可能接受一样野,就系来消费食饭要睇个侍应面色,应该话系高级侍应(佢著黑衫应该系d高级卦),唔知我们边个令呢个肥头侍应不满, 由坐低开始, 佢一路黑口黑面, 叫又唔多应, 问佢野好似问佢借钱咁, 唔知以为同佢有家仇国恨tim 全程气分就系一个咁既肥侍应搅坏晒, 所有朋友都发誓永不再黎, 仲要系呢班全部都系食得起既豪客 (我可以唔算, 我既人均消费大约4百左右)... 唉..唉唉唉.. 真系唔明金龙船老板点谂, 成盘生意就败左一个咁既人手上 唉唉唉唉唉要我们再去消费.....等待佢地有大大改善先再作考虑是次消费: 每人约HKD$500 (晚餐)
继续阅读
朋友叫了个套餐, 简直要用难受来形容...虾沙律... 难食!香肠春卷.. 古怪个翅d 色素... 差点以为系哈密瓜糖水鲍鱼冬菇菜, 冬菇与小唐菜都尚可接受... 但个鲍鱼... 肯定唔系鲍鱼, 鲍鱼螺唔似鲍鱼螺, 素鲍唔系素鲍... 连鲍鱼菇都唔似... 都唔知系乜...只有鱼, 鸡, 烧味拼盘, 伊面系可接受服务就更加唔好讲.....最后果几碟...等到都唔想食, 要吹.... 都要仲要吹几次先上哂... 一个字慢! 食个饭... 要食三个几钟.... 真系滚!
继续阅读