金龍海鮮酒家

营业中

休息中

食海鮮既好選擇，相信都話推介西貢，鯉魚門等等，今晚帶埋Monkey baby一齊黎慶祝母親節，大家一齊食餐好既，去鯉魚門食海鮮！母親節泊車好難呀，周圍都係車，我地搵左好耐先有位！牡丹蝦刺身: 有四隻大蝦刺身，下面有堆冰托底，十足十日本刺身咁！本地既海蝦同日本既牡丹蝦真係唔同，呢個蝦肉質好結實，咬落去無鬆既感覺，而且有海水味，咸咸地咁，好新鮮。我鍾意佢唔連蝦肉，淨係得蝦肉，唔使拆殼，連手都唔使污糟架！蒜蓉粉絲蒸扇貝:四隻大大隻，扇貝好清甜，肉質結實飽滿，一啖咬落去大大舊肉，咬都有排咬喎！扇貝好新鮮，但係有少少韌。蒜蓉差左少少，因為d蒜蓉只係係扇貝上面，碟上面一d汁都無呢！仲想撈下飯tim！原隻椒鹽瀨尿蝦: 一上菜就覺得，好熱氣喎！但食落又唔覺，因為有大量椒鹽，所以好香口。瀨尿蝦大大隻，新鮮醃制，肉質鮮美飽滿，色澤又靚，因為用椒鹽製造，所以脆卜卜，香醇酥軟。芝士龍蝦焗伊麵:平日酒樓都有呢個菜，但係永遠都係白雪雪咁，但呢個伊麵，焗既表現好出色！上到菜真係有焗既感覺！(雖然我覺得呢個有d似咖哩伊麵)。芝士味濃厚，但係唔膩，值得一讚！龍蝦肉厚，鮮味比芝士味蓋過了，所以唔係太食到，龍蝦鉗都相當大隻

15-1-2016 (Fri)同事請去鯉魚門食晚飯,一行九人,佢o地o黎呢間,然後o係出面揀海鮮,有:1. 清蒸蝴蝶蚌第一次見蝴蝶蚌,外型好靚,唔蘸任何o野食,好鮮甜.蘸o左醋就唔好食.2. 上湯龍蝦伊麵同樣係鮮甜,伊麵唔多亦唔係好腍,鹹度適中.3. 清蒸鮑魚蒸到o岩o岩好,鮑魚o既軟硬度適中.4. 象拔蚌刺身同事同酒樓溝通上出錯,佢o地係要原隻象拔蚌,但酒樓俾o左雪到凍一凍o既例牌,不過都好鮮,蘸wasabi豉油同食,唔錯.5. 薑汁芥蘭唔知點解俾o左蒜蓉芥蘭,芥蘭夠腍同唔苦,蒜蓉味唔算多,唔會太俗.6. 清蒸海斑亦都蒸得o岩o岩好,唔會好o鞋.7. 豆腐魚湯淡奶白色,飲得出兩樣才料,而且冇落味精,飲得好舒服.8. 蒜蓉粉絲蒜扇貝香蔥多,金蒜唔算多,加上冇淋豉油,呢個勁唔夠味,因而一般o左,失望.9. 白灼墨魚呢個唔蘸o野食唔得,因為冇乜味.蝦醬太鹹,都係蘸wasabi豉油食吧.10. 豉椒炒蜆呢個唔係咁莣味又冇乜鑊氣,而且最後都食淨.11. 椒鹽瀨屎蝦已經一開三, 椒鹽夠味又唔過鹹,熱騰騰,真係手指都啜埋.12. 豉油皇炒麵一個平平無奇o既炒麵,一食,竟然係唔停得口,鹹度適中.13

鯉魚門出名食海鮮，廿多歲仔也只因舊東主慶功才能多試幾次，作為一名港人，絕對要多多支持本土的漁港風情。鯉魚門劏人傳聞聽得多，怕自己也身受其害。今次有幸獲女友家人邀請，極好海鮮的我對此萬分感激！免除充當「水魚」的份兒。餐廳酒家多是作料頭廚煮與奉茶侍菜，村料則在外端的海鮮檔購入。區內一間酒家附近就有多間檔口，好比八陣圖。依女友家人經驗，還是買熟一兩檔，找一間可靠的酒家最為穩當；當中少不免要交些許學費吧…幸好龍華海鮮檔和金龍海鮮酒家與他們熟悉，屬老顧客。龍華就在金龍的外頭，一個個透明玻璃崗內的生猛海鮮，像向我們揮手道出歡迎光臨般—鯉魚門簡直是海鮮版果欄。揀選過程有專人拍導是晚靚貨，另有歡樂叔叔表演雞泡魚充氣、龍躉兇狠食蝦。搞掂就回食店傾計等食！油鹽水浸瀨尿蝦第一味，清清哋。我未曾見過長過手板既瀨尿蝦。先幫佢跳一大輪舞，再中間剪開，一大條肉就咁呈現眼前，方便！痛快！肉質因新鮮而爽口，味道鮮甜。豉椒炒蟶子蟶子是本人大愛－「可惜不是蒸，走進我的口」。炒得有點老，而蟶子掛上的汁也不上味，有點汁肉分離。蒜蓉粉絲蒸扇貝嗰頭話無蒸，呢頭就有帶子食。黃金組合，無得傾；這道菜最經典是由帶子、粉絲、蒜粒的三重口感

爸爸車我哋同埋叔叔一齊去鯉魚門食海鮮同大閘蟹, 本身怕皮膚敏感嘅我一於少理, 作戰!龍蝦伊麵好大隻, 芝士太濃有點兒喧賓奪主, 炸生蠔夠juicy, 蒸扇貝就唔夠味喇, 大閘蟹好好食, 我對大閘蟹唔多大興趣但係今次一食食咗6隻!!! 爸爸重教我分男女, 神色紅啲就係女仔, 肉實膏多味濃, 我覺得適合男士多啲; 而男仔蟹就淺色, 林啲啲膏黃色希啲, 似粥狀, 鮮甜帶海水味, 有少少美國生蠔嘅感覺。不過我覺得最好食係椒鹽賴尿蝦, 外面香口裡面啖啖肉, 真係唸起流口水!好耐無同屋企人一齊食飯了, 有啲感概, 日忙夜忙為個家, 但偏偏做做做做到唔得閑理個家, 諷刺。

椒鹽賴尿蝦 ---- 多肉又鮮甜芝士龍蝦伊麵底 ---- 龍蝦好多,芝士汁又香又濃,伊麵都好多 豉椒聖子 ---- 又爽又甜,一點都無沙,超正(唔夠食,下次去要叫多啲)炸生蠔 ---- 外皮香脆,生蠔仍然很滑 蒸扇貝 ---- 貝肉大,亦都很鮮甜(粉絲無味,下次試蒜蓉蒸)生炒骨 ---- 酸甜味適中,排骨入口還是脆脆的,正墨魚刺身 --- 切得夠薄,鮮甜味美,很快就搶光一碟辣酒煮螺 ---- 我不吃辣所以無試這個,但吃清光程式,我想味道不錯炒豆苗 ---- 豆苗不會老,不過尾聲已很飽,吃剩不夠半碟一行5個人,大家都很滿意

上星期食公司飯，響金龍擺左幾圍。 衷心感謝升職ge同事，請我地食左如此豐富ge一餐直入正題，講吓食左d咩先: 白灼海中蝦 ---------- standard水準，蝦隻唔大，但肉質鮮甜。 椒鹽瀨尿蝦皇 ---------- 正野! 選料上乘，椒鹽同瀨尿蝦皇真係最佳拍檔! 蒜蓉蒸大元貝 ---------- 元貝足有手掌大，食落唔韌有但口感，證明蒸功恰到好處。可惜鮮味稍欠。 清蒸鮑魚仔 ---------- standard水準，但size較大。 翡翠炒斑球 ---------- 啖啖肉，炒功用家，堆頭亦甚夠，估計條魚有三斤以上，可惜唔太食到魚ge鮮味。小弟雖然唔出係咩魚，但係比較perfer清蒸，原汁原味好d。 薑蔥炆斑骨腩 ---------- 用起肉後ge魚身做菜冇問題，但係用薑蔥係敗筆。因為本身d骨腩已經冇咩味，所以應該用番d本身有味ge配料，如涼瓜「入一入味」好d。 上湯龍蝦伊麵 ---------- 勁大碟! 第一次食龍蝦食到唔食 估計係澳洲龍蝦來的，size大、多肉，但係肉質就冇咁鮮甜啦。Again，對於本身味道唔夠ge材料，用較濃味ge做法好d i.e. 芝士焗

第一次去鯉魚門食海鮮, 多得男友仔DADDY請客加上識海鮮檔老闆, 有餐好食!!因為同男友仔DADDY既朋友一齊食飯, 唔好意思影相, 但每樣海鮮都勁鮮味好食!!椒鹽賴尿蝦 - 勁大隻, 斬件, 估唔到賴尿蝦都有膏呢!!! 肉好爽, 正!清蒸鮑魚仔 - 大半隻手掌咁大, 不過唔夠入味, 但仍然係好鮮味!蟹 - 唔知個D叫咩蟹, 雖然細隻, 但好多膏, 好有蟹味, 仍然有海水既鮮味! 肉好爽, 最正既一味餸!魚湯 - 好鮮甜, 唔腥.龍躉兩味 - 好入味, 爽口.炒通菜 - 夠鑊氣, 少辣.食完仲有生果糖水, 估唔到生果係每人有半個木瓜, 真係飽到癲...haha~

Came to this restaurant for dinner with my family last evening. The price was quite high at $380 per person for ordinary seafood (no lobster, no abalone, no fish). Even worse cooking was very poor too, even "san chow pai gwat" (sweet & sour spare rib) was soggy. This was the last time we ever come here again.

上星期六, 諗住食海鮮, 點知去了間賊竇, 又貴又唔好食. d 魚未熟, 連炒菜都唔掂

我好耐之前就和家人試過, 但觀感和你差不多, 自此之後就覺得呢D 只係適合遊客地方, 唔適合我地呢D 本地人去消費,因為盞囉錢食飯兼成肚火, 反而去另一處西貢都有鯉魚門的風味, 價錢起碼平一節, 我覺得西貢會招呼好些,無咁一頸血.

今晚同男朋友和2個friends去食海鮮....諗住都唔錯丫....又有feel...就揀鯉魚門啦....拍好車就檔檔行下啦.....一行到每店...已經係人海戰術.....比各間海鮮檔大包圍.... 入得來呢度食海鮮....預就預左係貴...但就無預一肚氣呢.......事情係甘既::行到呢檔... 就諗注問下價啦, 見海鮮舖又死圍注我地....米是旦揀間囉.... 點知...初期招呼都OK, 但我地4個人食...緊係例牌問下D加工費幾錢啦.... 點知...海鮮佬開始有D唔耐煩, 就話...四圍都係甘價錢啦...好平遮...每位加工費60-70一位, 好抵架啦.... 呢度唔係大排檔, 有冷氣, 燈油火蠟都要啦.... 食海鮮wor... 係甘貴價錢...就係聽到呢段話....我已唔想幫襯呢間啦... 問他D魚咩價錢....他又唔係好想答...整係話...好平好平.... 保證新鮮wor.... 我地4條友...佢就係甘"鵝"我地食條成差不多2斤的東星或老鼠斑..... 係甘介紹D貴兼唔抵食, 舖舖問親價就兜圈之後話自己最平....你話丫.... 問下價錢都唔多like....仲