影片
朋友生日22个人book咗鲤鱼门金龙海鲜酒家，因为我哋人多酒楼好贴心留咗间房俾我哋，望住个海食饭非常Chill 服务周到我哋叫咗12道菜，豉椒炒蛏子王超有镬气，豉油王大虾超级入味，一斑两食不得不赞红炆头腩骨真系好好味，外脆内软😋爷爷鸡煲非常入味👍🏻店主推介芝士龙虾炒饭底真系好出色，伊面底或者米粉底多士就食得多炒饭都系第一次每粒饭都包住芝士汁真系出奇地咁夹，甜品佢哋有生果同埋送咗个腐乳西多士真系值得一试咸甜适中，真系绝配
继续阅读
上星期日傍晚去左鲤鱼门行下观光，突然约到海鲜达人家人开餐，去左呢间佢前同事帮趁左几十年的老店. 其实都系我哋一家三口第一次去鲤鱼门食海鲜. 餐厅最近装修完重开，环境非常新净光猛舒适. 安顿好去左斜对面铺龙华拣海鲜，老板非常老实，本身想点濑尿虾但系佢话唔抵食太贵阻止左我哋，最后叫左龙虾/ 海斑/扇贝/蛏子/奄仔蟹，送左花甲俾我哋. 佢好热心介绍可以点整，最重要叫我地唔好浪费食物，蛏子有米粉底就唔好龙虾加伊面底啦因为食唔晒，仲叫我地唔好叫咁大只龙虾，好似帮自己倒米咁. 拣完晒海鲜仲即席示范鳂条大鱼俾我哋睇，好惊喜. #油盐水浸花甲花甲新鲜有咬口，个汁好鲜可以当汤饮，姜葱劲多超好味. #上汤焗龙虾高汤清清地唔会腻，龙虾爽口弹牙鲜味更突出.#盐焗奄仔蟹处女青蟹膏柔软甘香，整体咸得嚟又唔会over, 粗盐带出奄仔蟹的鲜味，唔加醏都已经好好食. 据说端午后中秋前吃最为肥美.#豉汁蛏子煎米粉煎米粉超好味，脆脆地索晒惹味鼓汁，蛏子爽口肥美.#清蒸海斑 火候刚好非常滑又鲜嫰唔腥，小朋友食左半条！#蒜蓉粉丝蒸扇贝蒜蓉粉丝捞饭一流,扇贝大只，美足不足有少少痴壳可能蒸耐左d. 但都好味. 不过同其他比的确失色左少少. 另外每人送左碗海鲜鱼汤,味道极鲜美香浓，估唔到冇收我哋小朋友茶戒都有汤饮. 最后食饱饱送左个精美果盘出手大方，芒果好鲜甜木爪亦不错. 四大一小埋单二千七，相当高质CP 超高.
继续阅读
好朋友既靓妈成功争取两蚊交通决定去鲤鱼门摆返围贺一贺佢🤪一行12人浩浩荡荡个个都撩哂鼻留晒核酸先够胆出现有朋友食过呢间好味推介我哋再去果然冇介绍错😋😋😋😋鲤鱼门金龙海鲜酒家 有好朋友事先同大厨老细沟通咗落单程序大概系预先同佢讲定几多人人头不值几多左右 然后佢就会帮你设计一个菜单 预份量再同你确认去到就可以坐低慢慢品尝🥰今次食得好满足每一碟嘅份量都好足坐多四个人入黎都食唔晒每人都满载而归又食又拎🤣介绍吓我哋食咗嘅菜单先1️⃣黄金脆大虾2️⃣豉椒炒圣子皇煎米粉底3️⃣蒜蓉粉C蒸日本吊贝4️⃣西兰花扣南非鲍鱼5️⃣酥炸生蚝6️⃣大班两味鱼（西芹炒球，炆骨腩）7️⃣上汤龙虾伊面底8️⃣金银蛋浸菜苗9️⃣波萝咕噜肉🔟杨州炒饭1️⃣1️⃣海鲜靓汤1️⃣2️⃣生果拼盆1️⃣3️⃣杞子桂花糕味道方面我真系冇乜嘢好弹头几样上嚟都太好味唔记得咗仲有后边果一半所以食到后期有啲饱得滞唔可以以正常角度来品尝不过谂返都好回味😋😋服务方面绝对要大赞一下鲤鱼门Dee哥佢唔单止对自己份工好有热诚对客又好热情好有担带而且对佢老板都好热爱🤣声称系鲤鱼门金城武想睇可以去𠮶度帮衬下🤣听佢讲，挞佢个朵出嚟好似喺对面买凤凰卷有特价🤣🤣🤣冇嘅话你入返厨房揾佢叫佢出嚟帮你买🙊🙊整体来讲系一个好好嘅聚餐体验食得多fusion野西式嘢都系觉得中菜功夫最多 喺外国好难食到呢个功架题外话，疫情难做旅游区更加难挨，得闲嘅有啲闲钱咪请下屋企人去食海鲜啰😚#foodie #foodiehk #海鲜 #龙虾 #鲍鱼 #蛏子王 #咕噜肉 #蒸扇贝 #黄金大虾 #炸生蚝 #炒斑球 #金龙海鲜酒家
继续阅读
今日约咗同事一起食海鲜，当然选择朋友介绍既金龙海鲜。超抵食，一台12人，很久没有这样食得开心，我们选了人均消费$400个款，由同事决定食什么，样样新鲜材料，一定无得输。先嘟咗安心及量体温，然后入座，座位舒舒服服，地方够大。我们点了🦐、鲍鱼、🐟、蛏子、龙虾、蚝、赖尿虾、螺⋯⋯个人推介：赖尿虾、蛏子、龙虾⚓️走嘅时候若果家住港岛东也可以考虑搭船🚢，因为贪够近，不用行去搭地铁，非常方便。💰鲤鱼门附近也有一些手信，顺便买回家，一晚嘅行程非常丰富。
继续阅读
今次由于系同家人食饭，而海鲜都鲜甜味美，所以食得好快，影唔切相！中秋节家人想食海鲜，于是入鲤鱼门揾食！由于系揸车入去，见到停车场做紧优惠，食某几间酒楼可以免一小时租，决定揾一揾果几间酒楼睇睇，最后家人拣左呢间金龙！拣海鲜果个档口唔算好大，有2条大鱼坐阵，非常生猛！店主表演喂虾仔俾佢地食嘅时候，大鱼一瞬间就呑左虾仔，仲激起好大水花！今次同家人共三个人，海鲜方面一共食左：蛏子 - 第一道菜，非常鲜甜爽口，多肉贵妃蚌 - 三只蚌肉有大有细，睇运气，蒜蓉粉丝底好够味，蚌肉亦系比较爽口鲍鱼 - 非常大只(应该有手心大，唔计手指),好厚肉！厨师煮得好好，非常软嫩、一啲都唔难咬！琵琶虾 - 听讲店家特别准备左呢个品种，所以会咁大只多肉！再一次，非常鲜甜多肉！仲有膏，相当肥美！我地仲要左一碟菜，而店家亦送左鱼汤同生果，成餐都非常满足！虽然最初8点几到埗时觉得呢间要行咁入，食客唔多，海鲜档又唔大，都无乜期望，但今晚嘅海鲜都真系非常鲜甜，真系非常有惊喜，忍唔住要写返个食评等多啲人知！我印象中几乎无试过连食几种海鲜都咁鲜甜，下次想食海鲜嘅时候仲会再返黎！消费额:$2000有找/3人
继续阅读