金龍泰國菜館

营业中

休息中

第二次黎食食完一次生菜包，真係念念不忘，好大碟肉碎，調味得好好，生菜份量充夠，生蝦勁新鮮，拼盤每一款都好好味，金邊粉見人見智，明爐烏頭魚勁好味🤤全部價錢優惠抵食 ，值得光顧

🌟🌟🌟餐廳食物推介🌟🌟🌟- 生菜包肉碎惹味，炒到粒粒分明，唔會好辣/好乾。適合唔食得辣嘅人。-泰式生蝦生蝦鮮甜，有水準。酸辣汁同蒜片互相配合，將生蝦嘅味道昇華。（可惜嗌咗細份，唔係幾夠喉-沙嗲串燒有肉汁，唔會燒到好柴，食落有驚喜。沙嗲醬汁唔會好咸，味道啱啱好。一碟有6串，配埋泰國象啤一級棒👍。-冬陰功明爐烏頭烏頭嫩滑，冇泥味。冬陰功湯底味道正宗，有香茅味。足料配菜。😋餐廳氣氛好好，員工又有禮貌。雖然地方細細，但座位唔算多，唔會坐到人迫人。同朋友/屋企人聚餐可以試吓揀哩間。最後嗌咗9碟餸，$7XX埋單。最緊要係隔離仲有咪錶位，泊車食飯方便。🅿️

何福堂站對出的這間寶藏泰國菜館，真的是讓人大呼過癮！生菜包不僅新鮮爽脆，而且搭配的肉餡調味恰到好處，每一口都充滿了香氣。除了生菜包，這裡的冬陰功湯也別具一格，湯汁酸辣鮮香，湯頭醇厚，湯中的香茅、檸檬葉等香料完美融合，讓每一口都充滿了泰國風情。青木瓜沙拉更是清新爽口，木瓜絲細嫩，搭配上花生碎和辣椒，口感豐富，讓人回味無窮。店內的裝修風格也充滿了泰國特色，讓人在享受美食的同時，仿佛置身於泰國的街頭小館。服務也很周到，店員熱情友好，會根據顧客的需求進行推薦。這家店絕對值得一試，不管是泰國菜愛好者還是第一次嘗試的朋友，都會在這裡找到屬於自己的美味。

經常來光顧的泰國餐廳，無論蝦餅串燒、豬頸肉都好好味， 菠蘿炒飯，泰式炒河或者金邊粉都好有鑊氣😋豬頸肉沙律有少少辣，不過好香， 皮蛋金蝦， 炸蝦餅配皮蛋， 配搭都幾特別，蝦餅好脆脆中間嗰啲皮蛋就有少少似日本嗰啲流心蛋， 好有新鮮感。

今日諗唔到食咩，所以去咗食泰國。嗌咗好名野海鮮炒河：即炒，足料，色香味俱全。每次都必嗌🤤海穌炒飯：好香蛋味，飯粒分明，香氣十足鮮蝦炒西蘭花：非常入味，好香蒜味加埋有少少甜

冬陰功真材實料，用多種香料熬煮，非常香濃，微辣微酸，適合冇咁食得辣嘅人。用匙羹撈下會見到香料、番茄仔同蝦仁，用嚟撈飯食一流。肉碎生菜包辣味適中，強烈青檸香味配合魚露同洋蔥，超開胃🤤包住生菜食好清爽。肉碎好大碟，生菜都俾得好大方。沙爹串燒微焦，適合濃味人士，一份$68/6好抵食！！喺香港嚟講唔易搵到咁平嘅串燒。呢間份量好大方，兩個人差啲食唔晒🤩店家喺飯後仲送咗幾隻好甜嘅桔仔真係好好人😆仲好好笑容

朋友喺美國返嚟，話想試吓泰國菜跟住搵間之前食過價廉物美生蝦刺身非常新鮮生菜包正到爆仲嗌咗蠔餅 豬頸肉超多嘢食 老闆娘好好人請咗我地飲嘢我覺得生蝦係必點 因為真係好正！

幾年前發現這間新墟的泰國餐廳後，成了常客，老闆娘很好人，10分地道的泰國菜，屯門街坊必吃。地方闊落，很適合幾個朋友一齊來，相當之抵食。通常都會叫椰子雞湯，炒芽菜。

第一次去呢間餐廳食晚飯，侍應服務一流，有問必答，食物質素高，青檸梳打、龍眼冰、椰汁冰都係$18杯，食物調味啱啱好，唔會過咸，適合約埋三五知己食飯，冷氣都夠凍，推薦！

行過屯門新墟嗰邊 見到幾地道食物幾正宗 都幾抵食 推薦二人餐 $200有三樣嘢 生蝦都好食 最後埋單四個人$600 抵食抵食老闆娘都好nice小曼谷之外另外一個好選擇🤣🤣🤣

好食！由細食到大味道依然一樣咁好食！泰國住家菜風味 😛 做咗咁多年價錢都係一樣咁抵食！二人餐抵食 ！有炒飯 菜晒 烏頭！份量夠多😍特別推介小食拼盤 生蝦 馬拉盞通菜 蝦餅 龍眼冰！

細細個就嚟呢間度食泰國菜，水準keep得住，生蝦好新鮮，冬陰功湯好夠味，其他菜都好好味，價錢唔算太貴，值得推薦，多人嚟食又得，小人嚟食又得，飲住啤酒食住串燒，真係唔錯

這間泰國菜館位置都唔算旺區，因為我住咗屯門幾年都唔知道呢度有嘢食😆😆炒飯味都唔錯，飯粒唔會黏在一起，粒粒分散，幾有咬口，而且份量都唔少椰汁雞湯味道尚可，但略嫌雞和椰汁味不夠整體來說都算不錯，價錢亦都幾抵食👍

尋日一行四人去咗何福堂嗰邊試咗間唔顯眼嘅泰國菜， 入到去雖然唔大但食物都還ok嘅 咁我哋叫咗一個 生蝦刺身我哋叫咗個大嘅約18隻 相當好食呢個值得一推介其次嗌咗個冬陰功 還可以不過就細路啲 嗌咗個鳳爪因為我唔食腳趾所以我冇試到但係另外三個人食曬相信應該都ok嘅可以好好味嘅應該係咁另外嗌咗個燒豬頸肉 個豬頸肉就麻麻地因為考得好燶我諗對相信係用電烤爐火候唔得控制得唔好囉同埋佢個醬則唔好唔好食所以呢個扣分佢太過嗰個紅菜好都好食嘅我都食咗好多咁其次嗌咗一個烏頭魚咁烏頭魚都可以嘅成條食曬係唔錯嘅 不過你要我再去我就覺得麻麻地囉咁呀琴日食咗平均二百蚊一位到啦咁五先係太過貴但係就味道一般除咗係個酸辣湯同埋嗰隻生蝦刺身其他都一般啦我覺得

好耐無食泰國菜啦！決定唔煮飯走去食泰菜去咗金龍泰國菜館到食。點解簡呢間？因為佢哋嘅廚師全部係泰國人正宗泰國菜首先叫咗我最鍾意食嘅泰式生蝦仲泰式燒豬頸肉當然唔少得一定要叫嘅冬陰功湯啦之後仲叫泰式椰菜苗同蒜蓉包。再叫咗凍檸檬可樂我超鍾意食生蝦，每次食泰國菜必點食落好生鮮。啲蝦肉夠爽脆燒豬頸肉就男友愛吃。個人覺得普通無乜驚喜。冬陰功好足料。椰菜苗我個人就稍嫌不夠辣。味道ok，如果再辣啲就正了蒜蓉包就真係比較遜色唔脆，唔香無乜蒜蓉味成餐飯唯一敗筆。另外講下佢哋嘅檸樂。佢哋喺杯到加咗檸檬汁。然後係用青檸嘅。所以酸度好夠