金鶴拉麵 (閩街)

营业中

休息中

之前講過必定再食～今日再去試試～去下其他分店試味道😃唔知觀眾們有冇去食過呢～小編決定試下其他味道先😎醬油拉麵湯底用上醬油～醬油味唔會好濃～令湯底唔會好咸～拉麵爽口彈牙～配上滑溜雞胸同豬肉片👍色濃味清～唔想食太濃味醬油湯底幾適合😋—————————————————☻非專業食評·純個人口味☻—————————————————📍總結:味道都唔錯～湯底屬清淡口味～同埋佐敦店裝修感覺上比較舒服👍佐敦區有咩好介紹俾小編😉多謝你地先👏👏

龍蝦控出沒注意❗❗平時都幾鐘意食拉麵🍜仲要俾fafafoodie 見到出左龍蝦湯底，終於出開街經過可以試下😜#極濃龍蝦湯拉麵 🍜 ❣️ 配一隻 #龍蝦尾拉麵一黎到見到冇溏心蛋即刻問職員係咪漏左，因為見餐牌有架，跟住補上返半隻溏心蛋🙈好彩好記性🙃 打左泡泡既龍蝦湯濃稠滑身重龍蝦味😍金鶴用開有啲啲粗既拉麵，有咬口👍🏻冇鹼水味，麵既份量都幾多，男仔一定夠飽，女仔應該食唔晒。龍蝦尾開邊，附上鉸剪🤔原來啲肉都幾痴殼😳唔怪之得要俾鉸剪🤣肉唔多，少少彈牙唔梅，炸過有啲乾，不過超級鹹😣落左好多鹽🤔唔知定係龍蝦尾來貨就係咁…因為有朋友仔係北角分店食都係太鹹🙈店家要留意下了… 呢個加埋一過200既拉麵有啲貴🧐咁我會推介想試既朋友仔淨食龍蝦湯拉麵唔加龍蝦尾就HKD138平啲😉個龍蝦湯我飲晒😋😋HKD198間中會有會員優惠就會抵啲😉同埋原來而家經第三方平台e.g. #OpenRice book位係冇得儲分架😩會員要留意喇有冇人食過佢既蟹湯拉麵🦀？值得一試嗎？最後附上雞白湯拉麵圖一張～加一服務費金鶴拉麵佐敦#fafafoodie_佐敦

今天父親節，囡囡揀選了話間拉麵店，我們第一次幫襯，雖然位置不是很就腳，地方不大，但全店已滿，而且拉麵真心好食，反而是串燒上的調味料就比較鹹，但是如果用來送酒，應該是一流的

終於試到金鶴拉麵, 聽聞都有幾間分店, 質素應該都唔錯, 甘岩經過就入去試下, 假日中午一去已經滿座, 不過等左陣都好快就入位.我地叫左2個拉麵: 雞白湯拉麵 ($98)湯底好濃郁, 雞味鮮甜. 雞白湯仲會配咗炸牛蒡, 第一次食炸牛蒡, 脆脆地幾特別.黑蒜醬油湯拉麵 ($98)黑蒜醬油湯好香的黑蒜味, 仲配咗塊大紫菜. 每碗拉麵都有2件好厚的慢煮雞肉同1件大叉燒, 肉量十足同埋肉都好嫩~ 仲有半隻半熟蛋. 拉麵韌度適中, 好掛湯. 

係佐敦行街突然落大雨 ，匆匆入左間餐廳食飯同避雨，但竟然有驚喜😚極濃龍蝦湯拉麵🦞（$198配龍蝦尾）一上菜已經非常滿足，岩晒大家打卡用😍湯底飲得出真材實料，非常濃郁但又唔會太鹹～龍蝦方面肉質都唔錯，值得一讚就係舖頭好貼心，仲比左剪刀同濕紙巾我地用雞白湯沾麵（$138）餐廳主打雞白湯拉麵，但男友鐘情沾麵，所以就叫左餐廳唯一一款沾麵🤣雞湯底既沾麵我真係第一次試，湯底好香但唔算杰身沾汁既掛麵效果亦不錯，而且仲配上慢煮雞胸肉👍🏻貓頭鷹柚子啤酒（$58）酒味唔算太濃，飲到後面就feel到淡淡既柚子味，配上濃味既拉麵就岩岩好🍴金鶴拉麵 (閩街) (佐敦)佐敦閩街3號地舖#foodie #foodiegram #拉麵 #沾麵 #日式美食#佐敦美食 #雞白湯拉麵#香港美食推介 #香港美食分享

收工想食拉麵，就試試OpenRice人氣高既金鶴拉麵❤️其實除左雞白湯，仲勁想試鰻魚飯，黑蒜湯…..但見佢龍蝦湯係期間限定，試左先😛下次再試其他。勁濃龍蝦湯拉麵-$198(4.5/5)佢龍蝦湯$138就淨湯，$198就連埋龍蝦。咁加$60有埋龍蝦就點都加埋啦🤪一上黎已經勁黎香。佢絕對對得住佢’勁濃’龍蝦湯拉麵姨個名，雖然知肥，但都飲左半碗湯，我控制唔到！好好味！下次黎要再叫。黎到萬眾期待既雞白湯！-$98(4.5/5)，今次叫左普通版，都已經好！濃！下次要試極濃版！佢對得住我既期望！又係一上黎有好清甜既雞香味，佢啲雞肉雖然望落好似白雪雪平時做gym 食既雞胸肉咁，但食落完全唔係，一啲都唔嚡口，仲要實肉得黎個肉質細嫩，好好食。佢面頭既牛篣都好好食，想食脆既就咁食，食食下想食淋既就浸湯食，兩種食法都好正！再來叫左串鰻魚串-$68(4.5/5)omg!!好有驚喜！我下次一定要試鰻魚飯！我地坐個吧枱位係望住佢係生鰻魚(街市見咁樣，再開邊)，再放入個烤爐到燒，再查漿料，勁似係韓國食自己燒鰻魚既味道，肉質厚，仲勁香口！總結:好欣賞佢拉麵既湯底，真係做到勁濃，食完行左三個鐘街都無特別口渴，佢既湯底應該

久違了的金鶴拉麵🍜越開越多分店當晚掛起黃雨 嚟到佐敦總店 幫襯嘅人依然絡繹不絕 人氣不減❣️其實除咗拉麵 我都好鐘意食呢度嘅鰻魚飯 食過無數次 呢晚拉麵癮起 即刻叫返兩碗招牌拉麵先🥢▫️金鶴雞白湯拉麵▪️黑蒜醬油拉麵▫️日式唐揚炸雞質素保持不變 好好味呀😍招牌雞白湯依然香滑 飲落好順喉 如果想個層次再提升 仲可以揀極濃雞白湯🐔而第一次試嘅黑蒜醬油湯底🧄濃郁得嚟好清澈 唔會有膩嘅感覺 加咗芝麻令到味道更加香 唔錯唔錯👍🏻兩碗拉麵都會配有溏心蛋/雞肉同叉燒🐷好鍾意呢度嘅雞肉 好滑 浸過湯之後食真係好正雞白湯仲會配咗炸牛蒡 好香脆 絕對係錦上添花 而黑蒜醬油嗰碗就有兩塊大紫菜 可以睇得出店舖喺配料嘅配搭上都落個心思💕最後唔少得就係每次必點嘅唐揚炸雞 無一次失望 雞件好大件 炸到表面脆卜卜 入面嘅肉依然好juicy🤤$38配呢個份量再加呢個質素 簡直係超值

Lunch time忽然好想食拉麵，於是去左公司附近一間拉麵店食拉麵，之前從來冇食過今次第一次黎試吓叫左一個雞白湯拉麵同炸雞試吓今餐lunch食到飽飽😋雞白湯拉麵湯底雞味唔會太濃，拉麵彈牙，好足料，有兩塊叉燒同一塊雞肉炸雞炸雞夠juicy

雞白湯拉麵愈開愈多，搵間就腳嘅試下。2個人，叫左4樣野，雞白湯拉麵無揀特濃，要左個基本版，另外試一試沾麵，同兩款串燒，黑椒牛舌同鰻魚。湯麵正常發揮，湯頭香濃唔咸，無味精感，叉燒同雞肉厚薄適中，叉燒無油膩感，如果想食麵又驚食滯就啱曬。沾麵驚喜，沾汁唔會過咸，唔算杰身，麵身較粗，配合到沾汁做到掛麵效果，食落比湯麵口感更好。鰻魚油脂感飽滿，魚皮香口，一串兩人分啱啱好，喜歡鰻魚可以直接叫鰻魚飯，牛舌厚切，牛味ok但黑椒味太濃，失色。

放工同朋友去chill下，揀左都岀名嘅金鶴拉麵，今日餐廳都有八成入座率，雖然坐bar枱，但都幾舒服😊🍜黑蒜拉麵 $98端上嘅時候，黑蒜味撲鼻而來，令人食指大動。麵質幼身有口感，湯底味道濃郁，黑蒜味都幾突出，鍾意黑蒜嘅我表示滿意🥰🐥雞白湯拉麵 $98賣相好吸引，嗰個炸牛蒡最吸睛，脆卜卜，話說個湯底係用隻雞熬製6小時而成，唔怪得呈現奶白色而且味道都濃🥳，不過如果要追求濃厚creamy 嘅可能要揀返極濃雞白湯個款喇😝。每碗拉麵都有兩大片雞肉，一大片薄切豚肉，雖然雞肉應該係雞胸部份，但一啲都唔嚡口，豚肉亦都肥瘦適中，軟腍好食🥰。🍖明太子雞翼 $48即叫即做，去骨啖啖肉，皮脆肉嫩，咬開有好多明太子，雖價錢略貴，但幾好食😙🥟炸餃子炸得好靚仔金黃色，脹卜卜，張相係冇調過色㗎😝，餡料豐富，蘸上餃子汁，清新又去膩。

今日去佐敦食拉麵，金鶴拉麵，餐廳離佐敦地鐵站非常近，落毛毛細雨都唔使好怕，步行距離。-極濃龍蝦湯拉麵👍🏻，今次食無加龍蝦尾，拉麵一到，立即試下湯頭，龍蝦鮮味非常濃，拉麵夠彈牙，配上溏心蛋同叉燒，上剩之拉麵。-雞白湯沾麵👍🏻，一向都鐘情沾麵，佢個雞白湯非常夠味，每條麵都可以掛到雞湯，仲有慢煮雞胸肉煮得夠淋夠肉汁，推介。-日式餃子👍🏻，外皮夠脆，合格。******************************👍🏻好食 | 👌🏻可以 | 😔 難食評分 : 6.5/10簡評 : 拉麵沾麵都夠濃味，正，見到都有人攞外賣，下次有機會試下外賣先。

絕對係為咗哩度嘅🐓雞白湯而來🤩 人氣度極高🔝 好彩早放工嚟到仲有位，遲多少少都要排隊😃·🐓極濃雞白湯拉麵 HKD$138果然名不虛傳👍🏻！奶白色嘅雞湯極吸引😻，湯頭用咗日本赤雞熬製8個鐘🤩，好濃郁嘅雞湯🥣，質感濃稠又creamy，拉麵仲好掛湯🍲。配料亦十分出色，慢煮雞胸肉口感軟滑，一啲都唔嚡😋，仲有大大件脆卜卜嘅炸牛蒡🤩，吸睛又香口。·🌶辛味拉麵 HKD$88橙紅色嘅辛辣湯底好惹味😋，辣度恰到好處🌶。麵條煙煙韌韌有嚼勁， 但相對雞白湯拉麵就會失色咗少少~·🍗日本明太子雞翼(2PCS) HKD$48無骨雞翼釀入微辣嘅明太子，啖啖肉幾惹味😚，翼尖用錫紙包住，用手食夠哂方便👍🏻·📍金鶴拉麵佐敦閩街3號地舖

前陣子不能到餐廳店內吃飯，就只好買了外賣！之前有吃過中環分店是吃他招牌的雞白湯拉麵，覺得不錯，今次叫雞白湯以外，和鹽湯底的拉麵！雞白湯拉麵味道偏濃郁，湯底亦都比較濃稠，雞片很好吃，但和店內吃的有些分別，亦都沒有炸脆牛磅。他的棉質軟硬度不錯，有彈牙的口感.鹽湯底拉麵家人比較喜歡吃，他的湯底沒有雞白湯那樣濃稠，但味道亦濃郁，其他配料差不多。自己比較喜歡吃烤鰻魚，當然回到家中，亦有烤一烤才吃，熱吃才好吃。

佐敦極濃creamy雞白湯拉麵 呢次同樣係佐敦區搵食 呢間拉麵都出左幾次post每次都因為有優惠 而今次用eatigo book位 特定時段去 竟然有5折 仲平過我4年前去食 如果點⭐️醬油拉麵都只係$44 所以再紀錄一下.⭐️極濃雞白湯拉麵$138賣相幾誇張 因為有塊炸牛蒡 好脆身望落比一般拉麵多配料 上台熱辣辣👍🏻慢煮日本薩摩赤雞胸 凍上 口感特別 小爽口感🔥雞胸做得好食有啲難度 比like👍🏻日底叉燒 大塊 薄身 肥瘦適中👍🏻溏心蛋 溏心效果唔錯😋白色既湯底係重點 勁重雞味 同creamy👍🏻有平時新鮮走地雞feel ☹️但太濃 食到一半會小膩.⭐️金鶴雞白湯拉麵$98呢個湯 同極濃既分別係極濃貴好多 但用左全雞湯 而$98會加左清湯相對性價比高好多 而且唔會食濟‼️仲有建議 上店快d食 唔好掛住打卡‼️因為如果凍左唔夠熱 湯底會小雞腥味.食左好多次 比較下 今次配料比較多 大塊而且有半價真心抵 仲平過4年前黎食有優惠先係重點 點都要重複3次.#hkfunfoodrecord窮遊香港#hkfunfoodrecord_佐敦.#金鶴拉麵 (閩街) (佐敦)地址：佐敦閩街3號地舖.⭐️評分：味道：4

星期六中午12點幾去到唔洗等位幾好間鋪都算多位 比一般拉麵鋪環境舒適 不過依家天氣熱 食食下我都有小小出汗打開餐牌有特濃雞白湯、普通雞白湯、鹽味湯、醬油湯等 不過最後都係簡左特濃雞白湯同普通雞白湯，就試下有咩分別。就咁睇係睇唔出有咩分別既，試落個味道都相似，但的確特濃有濃味小小，同普通比係較稠身，有小小似茶記忌廉湯既質地，但都比較易飽。特濃係會比較食到個雞味，但未至於好突出，而普通version感覺偏咸d雞味唔夠出，但整體都唔錯。而個麵身我就一般般，直身麵，輕微掛湯，但就比較似預製而成既普通麵餅。