金鳳大餐廳 (D2 Place TWO)

营业中

休息中

睇完「想見你」，趕得切返學前食個下午茶餐（5點半前先有），梗係食個下午茶扒餐，勁抵食，只係$65，仲要凍飲唔使加3蚊！以$65可以食塊牛扒、又有煎蛋、又有薯條，真心抵，塊扒仲要幾好味😋，真心推介。

之前去過太子的金鳳大餐廳，扒餐係分量十足，今次去試吓D2的金鳳大餐廳，這裏的裝修有少許中國風，有紅色的摺疊門和窗框，很有心思。我哋兩個人都想食牛，所以叫左兩份牛，美國牛小排餐同埋蘇格蘭牛扒餐，揀咗羅宋湯和餐飲凍檸檬茶，侍應姐姐仲提議我哋兩份牛扒order五成熟，加埋用鐵板上就啱啱好。首先上餐包同餐湯，羅宋湯有少少辣味，正合我意😋，而餐包暖笠笠，配餐湯就非常之好，輪到主角出場，侍應姐姐倒汁時，又好細心叫我哋攞起餐巾，避免汁濺在衣服上，我哋分別點左黑椒汁同蒜蓉汁，正如侍應姐姐所講，五成熟加鐵板上，真的剛剛好👍🏻，最後飲埋杯茶味濃嘅檸檬茶，就將這－餐畫上完美的句號。順帶一提，11:30-17:00，金鳳扒餐有88折，真係抵食。

金鳳人人都知係食港式扒餐唔食扒，其實可以唔洗黎黎親9成9都係食扒D2 Place Two 依間只有嘅discount真係好抵，88折所以到2點半下午茶時間都係有大把人排隊中座位唔算多，所以有人等唔到就叫外賣外賣好似仲再平d見到個menu 都想試哂佢黎金鳳一定係叫紅湯酸味適中，足料凍飲正常港式扒餐一定係鐵板上不過有人拍大煙都可以碟上係小左d 風味T骨牛扒餐 $167計埋加一肉好大塊，下面有小小薯菜不過食塊扒都夠哂肉淋，調味道夠美國牛小排餐 $189貴小小都係計埋加一所以都係抵食過出面牛小扒有咬口，彈牙有d texture食得出係靚野。美國嘅

今日同朋友係D2 Place行完街，就嚟到呢間港式風味經典扒房享用晚餐。呢度有各式各樣唔同嘅扒餐可供選擇，美式又有，港式又有，豬牛羊雞扒全部都有。最後我哋叫咗一個西冷牛扒餐、一個鴛鴦扒餐，以及一個小食拼盤。餐包同餐湯係扒餐嘅標準配搭，紅湯白湯我哋各點了一碗，都幾大碗，紅湯嘅材料比較多，味道酸中帶有點點辣。小食拼盤 ($88)小食拼盤包括黑椒蜜糖雞翼3隻、日式吉列炸蝦3隻、吉列手指魚3隻、脆脆薯格。原本其實只係想叫脆脆薯格，但見到有呢個小食拼盤，價錢只係貴少少就可以試多幾款小食 ，非常之抵。所有小食都炸得好香脆，特別係脆脆薯格，一啲都唔會稔。日式炸蝦配上千島醬非常之夾。 鴛鴦扒餐 ($124)佢係雞扒加豬扒，份量非常多。兩塊扒都好大塊，揀咗黑椒汁。黑椒汁淋起鐵板上產生出既咋咋聲，真係好治癒 。雞扒同豬扒都好稔，豬扒一啲都唔會鞋口。 雞扒吸收晒啲黑椒汁好入味西冷牛扒餐($138)揀咗七成熟，但由於鐵板原本都有熱力， 所以令七成熟嘅牛扒食落似九成熟 。西冷牛扒冇牛柳咁諗，但較有口感，牛味亦都幾香。唯一係啲筋位有啲太靭，要咬比較耐。PS1：餐飲跟餐價冷熱同價PS2：我地六點半入座剛好不用等位，

大約12點半同同事去食lunch，我地一行3人先到，另外2位同事後join，共5人襟飛仔排隊等入，飛仔上寫明過半數可入座，等左陣有位，諗住入去食啦，點知被帶位肥肥地嘅男侍應A攔截，話我地唔夠人數😵‍💫😥明明話半數可入，我地好聲好氣同佢講，我地過半數人喎，另外兩位同事黎緊，侍應A西住面咁帶我地入座😵‍💫一坐低，我地已經幫未到同事叫左餐，共點5個餐，侍應A又摧問人到未，我地話黎緊喇😤😡，餐都叫左啦頂佢個肺，d食物啱啱到，食唔夠兩啖，第4位同事已到，侍應A又走埋黎摧，佢話咩人多，第5位到唔到？前後唔夠10分鐘，問長問短，態度勁差，我地心諗，到叫左5份餐啦，點解仲咁煩問到唔到？想輕鬆食個lunch ，都咁煩，又要受氣，食物質素又唔係特別好，唔會再去😡😤

想食港式西餐，不嬲都第一時間諗到呢間餐廳！今日同另一半放工過嚟呢度撐枱腳！是日忌廉湯（轉套餐＄25）忌廉湯味道濃厚，而且夠晒熱！值得一讚就係麵包都係熱辣辣嘅可以令到啲牛油查上去時候即刻溶咗！✨美國牛小排餐(五成熟）（洋蔥汁）(鐵板板上)叫咗五成熟，真係五成熟！洋蔥汁沒有搶過濃郁嘅牛肉味，同埋呢塊牛扒一啲雪味都冇👍👍牛肉好容易咬開，沒有筋！✨野菌忌廉煙三文魚意粉三文魚好多！野菌忌廉味道適中，食得出野菌味道又唔會太鹹！意粉質地適中，同埋都啲醬汁都可以黏附喺意粉表面！✨檸檬茶(熱）檸檬夠晒多，而且夠厚切！檸檬味超香！總括來講，每人百幾蚊已經食到唔錯嘅西餐！而且地點方便，位於地鐵站附近，怪不得到七點幾已經要排晒隊，不過我見呢間餐廳條龍去嘅速度都好快！

金鳳應該好多人都聽過，好好彩佢喺荔枝角有，所以之前都成日嚟食Lunch😆 佢啲午餐真係好抵！平時兩點後嚟仲有九折🫣 $60都食到個扒餐～ 性價比勁高！👍🏻 不過自從工作地方搬離D2 Place遠咗，都少咗行過去食，但有日同同事突然興起話想過返去鋸下扒！😝 今次真係有興緻食吓鐵板😗 雖然平時食西餐嘅扒都有各自嘅好，但係我諗唔少香港人都對港式鐵板扒餐有種特別情意結😆 尤其是當侍應放低份餐之後過嚟淋汁嗰吓，「炸」一聲真係好治癒🤭 好似係我哋港式獨有 懷舊扒餐先有嘅感覺🤤我今次試咗份帶子牛扒餐，鐵扒餐可以揀生熟程度，我就揀咗五成熟，嚟到嘅牛扒切開仲有少少粉紅色☺️ 啱啱好！而同事叫嘅野菌牛柳餐，牛柳肉味幾濃！同埋佢叫七成熟都唔會話熟過頭或者會靭～👍🏻Btw，鐵板扒餐已經包咗餐包、餐湯同埋飲品，我個人習慣最鍾意加啲胡椒粉落白湯，再將餐包點啲湯嚟食🤤 每次都覺得呢個食法好正好好食！餐飲配埋杯港式奶茶同埋檸檬茶～今餐夠晒滿足！

真係好鍾意食金鳳既焗飯/意。Lunch set價錢食真係性價比超高，又飽又好食。但係點解荔枝角分店Lunch set D餐焗飯/意粉從來都唔賣焗豬扒，而且經常都係牛。一個月入面有超過一半時間都係做緊焗牛，why????明明睇過其他分店係lunch set都會有做焗豬。個輪替可唔可以平均少少，2月13~14號係焗牛腩，15~17又係焗牛腩！而且上個星期都有做焗牛腩🤡。

我塊吉列豬排有少少紅，本來都見食得，所以無出聲，點知有個似老闆衣著既人，企係我旁邊見我塊豬排係咁，好主動提議我換，咁我見佢咁主動就話好，等左十幾分鐘，我太太話應該幫我重新做過，咁我見最後拿來的是全新既一碟，而且塊豬排超靚，心諗一定要讚下佢同食哂，不過真係好飽，依d叫對得人，對得自己。🤣依家肯咁主動做野既餐廳真係好難得，好值得肯定，希望好好鼓勵佢地，令依種文化可以發揚光大，令更多好既老闆夥計得到肯定，我地食野都食得開心d。😁

今日叫左五份黑椒牛柳餐，生熟程度不一樣，大家都滿意，我就要五成，大約變左七成，所有牛柳都俾預計之中熟，個紅湯唔錯，夠酸，杯港式奶茶都可以，幾香，系侍應落單時態度差d

今晚收工去左荔枝角D2 place 行街，行完忽然又想食下牛排，於是就來了金鳳。原來宜家仲做緊外賣自取9折。我去扒房最喜歡的就是這些熱辣辣的餐包了，好軟熟，又夠熱，配埋牛油真係好正。我和朋友餐湯分別點了羅宋湯和忌廉湯，咁就可以一次飲哂兩種。羅宋湯：個人覺得有少少辣，幾香口，材料好多好豐富，酸，咸，甜，辣的味都平衡得好。忌廉湯：好香滑好好飲，個味岩岩好。美國牛小排餐（$195）：加左$2要生蒜，比左勁多勁抵，加上牛排選了蒜蓉汁，加埋一齊好夠蒜香味，最岩我呢個蒜蓉控。牛小排我選了5成熟，又幾好食，個質感幾好同好重牛味，食得出應該冇落咩鬆肉粉，唔會太淋，但同時都唔會太韌，剛剛好。西冷牛排餐（$138）：都是點了5成熟，選了黑椒汁，黑椒汁配牛排真的經典配搭。肉質方面偏淋身，入口即溶，如果是較喜歡吃偏淋身的牛排的人點這個就最合適了。

以前返LCK，間唔中都會食金鳳。今日帶小朋友故地重遊，貪附近多嘢啱小朋友玩，食完仲可以去埋Toy Plus睇玩具💯👍星期六大約1230去到，攞咗飛大約10分鐘就入閘。兩仔爺order了午餐A鐵板西冷、午餐D意粉。Order 完湯同餐包唔使一分鐘就送到。先來西冷，炸炸聲好夠熱度。肉質預咗唔係咩靚貨，亦冇得你揀幾多成熟，不過勝在夠淋，配菜亦很夾。意粉就失色少少，料太少，但好在夠al dante。值得提服務算周到，上菜收碟速度亦迅速。叫佢攞餐具，遞茄汁都冇黑面。食完又冇催埋單（可能本身食得快😅）總結：兩個人食咗$160，食得飽，又湯又包又嘢飲，幾十蚊食個鐵板，好過食大家樂，算係咁啦。

一至兩個禮拜都會去到一次，今次外賣，見到個飯盒擺咗喺櫃檯10分鐘都冇人理，見到有個女職員經過，就問吓啦。點知作非常凶狠，喝我「你喺到等啦！」我當然係喺門口等啦？ ？我一直都喺度乖乖咁等之後佢拎完個飯盒，明知係我嘅，都唔俾我，就咁劈喺枱面，一聲唔出 新年流流，唔明點解要咁嘅態度囉講返外賣，抵食，貴茶餐廳大將嘅，$20 ，但係質素不錯通常會用OpenRice app先揀定俾錢買咗先，去到就唔洗等咁耐（今次例外）

平時間中都會逛下D2 PLACE，但真係唔覺原來有間金鳳係度。從外面外表看上去格調好像又高級了似的。想不到星期一至五晚間時份都很多人，幸好早收拎到位，否則就要在外面排隊了。因為都不是第一次食金鳳了，突然發現原來各間金鳳都有自己的特色，而位於D２這間的金鳳最與別不同的就是它的羅宋湯和忌廉湯了！！！感覺上這間金鳳的湯味道額外的濃郁，不是那麼稀稀水水的，我和朋友兩個差點係一口氣飲晒連照片都不記得拍！為了這個湯我下次都會再光顧佢！美國牛小排（七成熟）＋＄２蒜蓉＝＄１９２這塊牛小排的肉質很滑嫩，咬下去有入口即融的感覺，同時因為有些筋（？）結締組織在，所以口感豐富，咬落有得嚼下嚼下，越嚼越香，而且加了蒜蓉汁和本身香濃牛肉的香氣，非常非常的吸癮人！！！忌廉汁燴比目魚飯＄９８比目魚本身是白肉，脂肪成分低，所以為了控制卡路里選它中和一下，卻沒想到它煎得外脆內軟，咬落質地密又多肉，唔會散收收，再配上香濃滋味的忌廉汁，非常的下飯，直接一口又一口的食完成碟飯。成餐飯最後兩人食左三百幾元，感覺都OＫ划算的！

今日和老公喺D2place 睇完戲，突然記得附近有間港式經典扒房～金鳯大餐廳！好嘢食當然要花點時間排隊，幸好大約排咗半小時就可以入座！我們入座後，點了以下的食物：美國牛小排餐 $190鴛鴦扒餐（雞扒+豬扒）$120熱西洋菜蜜雜果賓治 餐前包+忌廉湯其他餐廳的餐包通常凍冰冰，但金鳳的餐包永遠熱辣辣，這點我十分欣賞！忌廉湯亦相對比其他餐廳大碗，creamy 得來又濃味，好味😋美國牛小排 ～我點了七成熟～黑椒汁，牛排好淋身，牛味濃郁，黑椒汁配牛扒絕對冇得輸，亦有好多配菜和薯格，份量十足，這個絕對是我的最愛鴛鴦雞扒+豬扒配蒜蓉汁，又係大大份，雞扒煎到皮脆肉嫩，一啲都唔會鞋口，另外豬扒厚到十足，亦係好軟淋，配上蒜蓉汁加熱辣辣的薯條，味道非常好整體而言，餐廳食物質素非常高而且份量足！雖然非常忙碌，但職員態度友善，淋汁的時候一定會提你拿起餐紙擋住，以免弄污衣服！下次想鋸扒的時候，金鳳一定是不二之選!