金鳳大餐廳 (D2 Place TWO)

营业中

休息中

咁多年來，想食港式扒房，一定會選擇呢一間喺香港屹立多年嘅<金鳳大餐廳>，直到今時今日，呢一間港式扒房，依然人流不絕，平日晚上九點幾，依然仲有唔少客人，足以證明它的受歡迎程度相當高。羅宋湯用料十足，用上大量蔬菜作為湯底，而忌廉湯則creamy又惹味。餐包大大個，又綿又鬆軟。呢度嘅凍飲無需加錢，絕對超值，凍奶茶大大杯，味道正常發揮。<帶子牛柳餐 五成熟>牛柳有成寸幾咁厚，而且仲有兩大塊，非常大份，牛柳外面煎得非常焦香，切開來之後，見到入面嘅肉質非常粉嫩，咬落去柔嫩而腍，而且配埋蒜蓉汁，非常惹味。配上的兩隻帶子係珍寶重量級size，鮮嫩美味。<美國德州頂級西冷扒餐>西冷牛扒同樣係屬於重量級，大大塊，而且牛肉味極濃郁，咬落去肉汁非常之豐富，而且同樣又嫩又好味。配上即炸既薯格，又脆又好食。餐廳位於商場入面，所以環境都算舒適同乾淨企理。由於人客都多，所以建議如果想食嘅話，都係預早d嚟排隊。兩個人埋單都係三百幾蚊，就食到咁大份牛扒，真心抵食呀！！～

最近想減醣，即係食少啲澱粉質，但出面嘅餐廳通常主食都係澱粉，所以就去咗金鳳度鋸扒。叫咗一個鐵板牛柳餐，走薯條淨係要菜，然後餐包淨係食咗一半，再加多一份西蘭花，就可以滿足到我今餐需要嘅蛋白質同埋纖維。呢個配搭非常適合夜晚唔想食澱粉質想減重嘅朋友。牛柳嘅肉質好冧，唔會好乾好難咬。叫咗五成熟，喺鐵板上邊仲會慢慢再加熱，去到七成左右，所以如果想食生啲嘅朋友，可以叫三成。好鍾意飲佢個羅宋湯，因為每次配料都好多，有好多蔬菜，蕃茄味都好濃。同埋間房最正嘅地方，係凍飲唔使加錢😂😂

叫了一份金鳳焗豬扒飯外賣，除有焗豬扒飯外，跟羅宋湯、餐包和餐飲。豬扒醃得超咸，真的過咸，其他東西味道正常。由於是第一次食金鳳焗豬扒飯，不知道此咸度是不是正常呢？！

以前細個嘅時候 成日同屋企人去啲港式既扒房食鐵板餐 今日經過D2 Place見到金鳳呢間咁懷舊既餐廳 當然要入去試下😋😋 佢呢到大部分都係跟餐既 包個餐包 餐湯同餐飲 餐湯方面簡咗白湯 味道就當然係好港式 普普通通咁啦 餐包可能擺咗一段時間 略嫌有啲硬 唔夠軟身😣😣扒方面就簡咗雞扒 份量黎講就好大啦 有成兩塊咁多 仲有啲薯菜係個底到 相信一般女仔都應該無咩可能食得哂🤣🤣 唔知係唔係因為餐廳太過忙 個鐵板送到黎既時候已經唔係太熱 店員倒啲汁落黎都完全唔會彈起 雞扒味道方面係唔錯既 薯條就因為放咗係啲雞扒下面 加埋啲汁 一早已經淋哂😣😣總括黎講 金鳳比較可以話係一個食回憶既地方 食物同環境都係普普通通啦

荔枝角D2呢間金鳳雖然細細間又唔算就腳不過次次黎親都要排隊 今次就算係平日都唔例外😅7:00去到等位差唔多半個鐘先至有位😞喺出邊有凳可以坐喺度等 而且係冷氣位置 附近又有廁所 所以其實都幾方便 一定比起太子嗰間更加舒服👌🏽雖然有少許油煙味 但係鋸扒一定會有肚餓嘅時候喺度等位真係好難頂😆我就叫咗羊架餐🤤 男朋友就叫咗牛扒一開頭一定要食佢嘅牛油連麵包 熱辣辣又鬆軟嘅餐包呢度嘅羊架 算係冇得輸 主要係夠肉而且個汁朔晒入去呢個價錢雖然加咗價 但係有舊式扒房嘅風味食嘅係情調🤗🤗

金鳳太子本店係鋸扒界嘅老字號，無時無刻都大排長龍。近年越開越多分店，但品質管理做得好，食物質素、CP值同本店一樣咁高！今日放工想鋸扒，近近地同朋友去左食D2 Place嘅分店。原本就諗住嗌一個西冷一個牛柳，可以兩樣都share嚟食。但係menu個帶子牛柳餐張圖實在太吸引，所以忍唔住兩個都嗌左依個😂😂結果實物同照片完全相符，帶子大大粒，彈牙唔霉🤤牛柳嗌7成熟，唔見血又唔太熟，又稔又有肉汁。加埋濃味紅湯，少少辣又酸may may，好開胃😆雖然啲枱有啲窄，但無阻大家食金鳳嘅決心😂由入座開始直到食完走人，全場一直坐滿，外面keep住有人等緊位，可想而知依間餐廳質素如何😌

今日真係好想食扒～放工去咗supplier度攞嘢，就同同事去呢個商場鋸扒。平時同同事黎食都係食牛，今晚就好想食羊，鐵板香燒羊扒餐，cp幾高，脂肪比例啱啱好。咬落去好juicy，非常香噴噴嘅羊肉味。幾種醬汁我就揀黑椒汁食，加上粗薯條真係好美味～同事食嘅係招牌牛柳餐加蒜蓉，佢話牛柳好嫩，肉質夠細緻，牛味好濃，好好味咁話～其實個扒未上枱之前，我已經飽左，餐包同餐湯都好好，好足料，仲有唔少得嘅凍檸茶，幸福就係咁簡單～

自從疫情之後，我都好耐冇嚟過荔枝角呢頭，咁啱早幾日跟個朋友喺附近上咗個興趣班，咁當然要周圍行吓搵啲好嘢食啦🤪嚟到 D2 Place Two， 未入到商場已經feel到嗰股人氣🔥 正當係lunch時間，餐廳都排滿等位嘅食客😵‍💫 雖然我已經對 金鳳大餐廳 食物嘅味道已經忘記得一乾二淨，不過話晒係朝聖之地，冇選擇底下都去試吓啦😅 嚟得呢度食飯，都無諗過會有五星級嘅服務，所以負責落單嘅阿姐雖然佢粗魯啲，不過我都可以接受嘅。落單之後唔夠5分鐘，2碗熱辣辣嘅羅宋湯已經送到我哋面前，味道都OK嘅，只係爭咁啲牛肉嘅味道😅 跟 #餐包 嘅包裝 #牛油 🧈似乎一早喺雪櫃拎咗出嚟好耐，啲牛油已經溶到一個點😅 至於我哋嘅 #主菜 #牛柳 同 #西冷牛扒 外貌都係我預期之中，算做合格。阿姐老遠就叫定我哋要拎起塊餐巾，黑椒汁隨即淋喺 #牛扒 與鐵板上邊，吱呢渣啦嘅趕響🔥 就係我呢餐最期待嘅一幕🤣 至於我order嘅 #西冷牛扒，真係唔多ok，肉質過份鬆軟 #冇口感、#黑椒汁 又過份咸，擺落口根本搵唔到牛扒應有嘅鮮味😅 睇嚟我對 #口碑

今日我哋一入餐廳已經聽到鐵板嘅滋滋聲 好吸引 口水已經開始流😂😂餐包+餐湯美國牛小排餐呢款主打美式style嘅扒餐 係跟薯格 而且係可以選擇用鐵板上或用普通碟上 我就最鐘意食薯格😍😍😍 所以依個美式扒餐正中我下懷😂 牛小排肉味夠濃 大件好味抵食 完全滿足哂我哋鋸扒嘅慾望😎😎西冷牛扒餐我哋叫咗五成熟 牛扒有兩塊 每塊都係一大塊的👍🏻 底下仲有雜菜同薯條 份量真係好多 食肉獸都一定會食得飽🤭🤭😂😂 牛肉肉質夠冧 食落都幾juicy🤩🤩凍奶茶+凍檸茶最正就係食嘅前一刻由侍應倒醬汁落鐵板😋😋由聲音嚟刺激人嘅味蕾同唾液腺🥳🥳

首先，個人覺得金鳳係做緊港式情懷嘅扒餐，所以你話攞佢嚟同和牛/ 扒房/ 燒肉比，係唔太合適嘅🙊！黑椒蜜糖雞翼 - 呢款雞翼好食，在於佢層蜜糖喺好貼服咁黐係雞翼上面，加黑椒嘅微辣，甜得嚟帶點刺激🤩！什扒餐 - 呢個一定係細個時候必點，因為想試多d款式嘅扒😀！佢用嘅牛牛鐵板都非常懷舊。幾款扒都唔錯，都處理得好鬆，好軟、易界開，唔會好韌😜。西冷扒 - 肉質不錯，幾嫩滑☺️！最後，建議大家抱一個尋找回憶既心態去食，體驗應該會更好！🐣

金鳳餐廳咁出名😛應該冇人唔識，原來D2 place都有，今日喺呢度附近training，一於試吓先午餐時間差唔多坐爆場🤗應該都唔錯，特別係lunch set真係好抵食，但嚟到呢度一定要食一個鐵板餐！貴族牛扒 $187食扒一定有餐湯同埋餐包，餐包大大件配有牛油仲好鬆軟，感覺都幾ok，個扒用鐵板上😍份量都係大得好誇張🤣🤣🤣要左五成熟，幾香牛味，肉身厚。配上黑椒汁，下面仲有好多薯格、菜。墨西哥汁鴛鴦扒（鑊仔牛拼豬柳）$68Lunch set真係平得好誇張，特別調配嘅墨西哥汁，我哋選擇左沙律。佢哋嘅雜果沙律入面有好多薯仔、而且部份薯仔打成蓉，所以食落好香口。鑊仔牛柳仲有少少骨，味道唔錯，豬柳大大件。

擁有大約50年歷史嘅港式扒房，位置係正荔枝角D2 plaza，易搵之餘又近地鐵站。唔好以為佢咁有歷史就會好古舊嘅感覺，裝修一啲都唔舊派，配合商場年青風格，舖面設計運用霓虹燈，特別有種香港味。餐牌有分咗港式同美式。港式嘅四款都有傳統鐵板上，有2款汁揀，分別係黑椒同蒜汁。如果想食落更惹味，仲可以加2蚊有生蒜。今次我哋就叫咗一份港式牛柳同美式肉眼，每份set 都唔使200蚊。港式扒房晚餐嚟講，都唔算貴，果然係貫徹 港式平民扒房嘅特式。 首先係set 嘅餐湯同餐包。湯方面有羅宋湯同忌廉湯揀。我哋怕辣，所以都揀咗傳統白湯。湯味濃郁，仲有一片片磨菇，夠晒熱辣辣。而餐包軟綿綿唔會大油，將佢哋搣碎，放落餐湯食，真係好正，好有港式餐廳味道。 第一份係蒜汁嘅美式西冷。港式扒房黎講的確有水準，切開的確做到order嘅3成，肉心呈現嫩紅色，唔會煮熟咗。薯格脆脆嘅，唔會無生氣。 至於港式牛柳，成熟到啱啱好。黑椒汁上加上生蒜連肉汁，令成份牛肉提升咗唔少。除咗牛肉，仲有啲厚切翠肉瓜，唔會令碟牛太寡。 食咗咁多肉，當然要有杯嘢飲落肚。一般餐廳叫凍飲都要加錢，既然叫得平民，凍飲當然唔使加啦☺️。餐包嘅野飲選擇都好多，大部

今日喺荔枝角收工，咁啱醒起好耐冇食金鳳，一於去D2 Place食啦~位置喺D2 place 3樓, 一上到去就已經聞到香味濃濃嘅香味同懷舊風嘅裝修，係佢啦!!八點嚟到都仲有人排隊，扒種類好多，港式美式都有，仲有焗飯意粉之類。🤗經過店員推介，我哋今次就試咗一個港式 一個美式牛扒。order完一陣，就即刻送上忌廉粟米湯同埋餐包 上菜真係好快手～食完湯一陣，好快帶子牛柳餐同埋美國牛小排餐就上菜😙牛柳配蒜蓉汁，牛小排就配黑椒汁，今次鐵板燒得夠熱全程食都可以保持溫度👍🏼超掂整體來講牛小排牛味比較重，而且都非常嫩口juicy冇西冷牛扒咁好韌，食到停唔到口😂至於牛柳餐就比較淋，好似入口即溶😂😂店員幫我哋薯條薯格分開上，令到份量好似多咗好多😇另外再附上兩張相，看得見的juicy😌點兩杯凍檸茶消滯金鳳一向係性價比幾高牛扒體驗，人均消費大約200$，都可以食到咁豐富嘅牛扒餐，滿足滿足🥰

當日係平日晚上八點去到都要等幾張枱，可見呢間餐廳人氣都唔錯，全座滿座有老有嫩，我個枱面度都係一大份鐵板扒餐，真係大食獸既天堂！價錢都係100+就有晚市套餐，有餐包餐湯同野飲，我地叫左凍杏仁霜好似係唔洗加錢，都唔多餐廳有提供我自己係好鍾意飲，見到有都會叫，另外一杯就加💰18叫左佢地既雪糕紅豆冰，雪糕有很揀要雲呢拿或者朱古力味。紅豆很多連綿份量又多😘🍽美式什扒餐💰110鐵板上有豬扒，牛扒，雞翼，火腿。滿到成個鐵板都放唔落，最上面一大塊即係豬扒都幾厚身，佢一共有二種醬汁(黑椒汁同蒜蓉汁）二種都好好味，我自己就比較鍾意蒜蓉汁，但衰佬係比較鍾意黑椒汁，話有少少辣係比較惹味😋🍽金凰貴族牛扒 係50週年特別版個牛扒好厚身佢切左幾刀，咁入內都係medium rare 咁程度好鮮嫩，牛肉味特別濃！推薦👍👍👍另外我地二個都額外加左💰2 加蒜蓉係扒上面 ，份量都幾多！整體黎講性價比同味道都唔錯，但食到最後係有少少咸，可以叫佢少落d汁，同埋如果你食蒜蓉，就建議一定要加兩蚊去加蒜蓉呀！

久違的据扒🍴自從金鳳喺D2 place開咗之後，就會嚟呢間，因為坐得好舒服，唔似得舊鋪好迫好迫🙊😂😂😂都係嗌開平時食嘅蘇格蘭牛扒(5成) $133 呢個係我覺得最好食嘅牛扒，同行有人嗌左肉眼，交換試咗都係覺得我呢個好食啲😝😝😝肉質唔啱，有牛味，加咗蒜真係好香！真係好友細個嘅味道🤣🤣🤣幾個人share嗌埋個小食拼盤$88 應該係有炸蝦、洋蔥圈、薯格、雞翼四樣嘢，不過今日洋蔥圈冇貨🥺🥺🥺所以職員話每樣俾多少少🥺🥺🥺佢個吉列炸蝦好好食㗎，只不過係份量太多所以真係唔可以次次都叫到🤣大家下次去食不妨試吓！🦽: 商場內舖頭，完全冇問題味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 消費$300可免費泊車1小時