影片
港铁湾仔站 A3 出口, 步行约4分钟
继续阅读
电话号码
28850999
营业时间
今日营业
11:30 - 15:00
17:30 - 23:00
星期一至日
11:30 - 15:00
17:30 - 23:00
以上资料只供参考，请与餐厅确认详情
有关奖赏计划
公司年尾做冬去咗湾仔一间相当有格调嘅潮州菜馆食晚餐，由地下搭专䢂已经有特别的摆设。到一楼入口处明亮、宽敞而且配搭粉绿色的装潢，令人觉得非常舒服，感受到高贵而不俗套。坐低左无耐就上咗茶、花生同咸酸菜，好欣赏个潮州咸酸菜，甜甜地唔会咸好爽口，真系食唔停口。今晚叫左-尊贵鲍鱼四人餐：前菜：葱油海蜇、潮宫五香卷、梅羔骨，一小碟十分精致，五香卷外层是炸腐皮内里以素菜为主，香芋头味。而梅羔骨甜甜地，虽然半肥半肉，但唔觉腻。卤水鹅肉拼盘 - 有鹅肉、蛋、豆腐、猪耳、猪大肠。鹅肉味香、柔软，猪耳有胶原口感又有咬口，正👍🏻药膳炖竹丝鸡汤 - 浓郁的当归、红枣药材味，饮完暖笠笠。豆酱香煎鳕鱼片 - 有家乡味，鱼片好滑。鲍汁扣原只15头鲍 - 鲍鱼软心咬落去又带有少少粘牙，中间重有鲍鱼的鲜味。云腿扒大芥菜 - 芡汁偏甜，中和芥菜的苦。干煎伊面 - 就系糖醋两面黄，外面香口、内层就软身，配糖醋食，酸酸甜甜😋桂圆红枣炖雪耳 - 够滋润，甜度又啱啱好，钟意有d咬口的粒粒，赞😍
继续阅读
之前经过湾仔道，深深被呢间呢间冠冕堂皇嘅中菜吸引眼球，决定今年做冬就去呢间‼️门面相当华丽，架䢂都有特别嘅design，完全感受到自己系VIP👑做冬梗系食豪少少 — 尊贵鲍鱼套餐三小碟 — 葱油海蜤、潮宫五香卷、梅羔骨春卷状嘅五香卷集脆、爽、香、酥于一身，外皮酥脆，内馅爽口，入面有马蹄、炒香嘅五花肉，入口份外好味梅羔骨味道酸酸甜甜的，有啲似京都骨，但肉质更爽嫩有弹性「卤水鹅片拼盘」有卤水豆腐、鹅片、猪耳、猪大肠，猪耳食落有啲胶原口感，而中间嘅筋系爽脆，第一次食有啲黏口爽脆嘅猪耳，非常出色「滋补药膳炖竹丝鸡汤」一打开盖，已经闻到浓郁嘅药膳养生香味，非常足料，用乌鸡炖汤特别滋补，饮完即时feel到个人暖笠笠❤️「鲍汁扣15头干鲍」一切开会黏住把刀，系溏心鲍鱼呀入口好软弹，鲍汁亦调得好好，晶莹剔透，唔会太杰‼️「干煎伊面」潮洲茶出名嘅面食当然系「糖醋面」，将两面都煎得好香脆，再配上砂糖及醋，特别开胃又唔腻食埋甜品就完美哂，呢个套餐有「滋润雪耳糖水」，甜度岩岩好，仲有粒粒爆珠增加口感，正😋
继续阅读
1716 浏览
长辈疫后首次回港，临返美前，其爱女及女婿专登喺湾仔「金陵会潮宫」设宴一席为其饯行，年纪兼辈份最轻嘅XO仔有份被邀，实感荣幸万分！中菜厅占用面积两层，设于地面嘅招牌相当显眼，接待处有专人带位上楼。大堂及走廊嘅云石地砖拼红墙有气派地渗出中国风味。二十人派对安排于二楼一间超大且毫华嘅厢房内进行，私人空间足，见到一边有个大大嘅电视，心知一定有歌仔唱。厢房楼底高高，又够光猛，水晶吊灯十分贵气，仲有私人洗手间，相当卫生。房内有专人服务，厚垫椅櫈阔落舒适，唯一斟酒一环唔系几够快。每位席上都摆有自用及公用餐具，整洁齐备。主人家早已订下菜单，当中包含鲍鱼、鲍翅、燕窝，当真盛设得很！潮式卤鹅头：据经理豪哥介绍，打头阵嘅潮式卤鹅头经过六个月封干，咁咪即系好似火腿咁？！每件连皮食嘅鹅头咬落唔油唔干，口感烟烟韧韧，味道就比较咸，啱唔啱口味真系好个人啦，不过细佬会情愿食返平时食开爽润多汁嘅卤水鹅片同鹅肉啰！普宁豆腐：转盘定咗以慢速不停自转，由于自己唔可以同时揿住个转盘单手影相，所以影出嘅相部份离咗焦。潮州名小食皮脆干巧，虽然冇烟出，但个豆腐心嫩滑得黎好热。椒香凉伴鲍鱼：冻食嘅鲍鱼件柔韧软润，微辣惹味，送酒一流！胡麻蕃茄：已预先去哂皮嘅蕃茄仔色泽艳红，清新开胃又多汁。五香卷：五香卷外层酥香，无奈调味偏咸，卷心入面啲肉较为干嚡，不吃也罢。红烧潮州翅：二十人份量嘅翅翅喺手推车仔上用煲滚住黎续碗分，个势强得黎热力十足！以确保进食时翅翅唔会变凉，上枱时每只碗底仲点住蜡烛架！潮州翅个红烧汤底十分香浓，稀杰适中，翅翅都好软滑。黑松露燕窝扒蛋白：透明嘅燕窝本身冇乜味，为显足料，厨师专登舖喺蛋白面！蛋白同燕窝质感都好滑，唯一食落淡而无味，就连松露香都唔突出。咸香煎游水东星斑：XO仔一向少食鱼，完全唔讲究，不过席上嘅鱼王鱼后就似乎各有己见，有人大赞煎东星皮脆香口，亦有长辈嫌鱼肉欠缺鲜味且干而不嫩滑，卖相好似条鱼缩咗水咁，食落仲有阵腥味，如果真系游水鱼的话认真嘥哂㖞！潮式黄金水瓜烙：薄身嘅水瓜烙内含花生，小肥因敏感问题唔食得，结果由相机代食。七彩霸王鸡：霸王鸡皮光肉滑，连同啲七彩椒丝食落去即倍添芳香与清爽。咸排骨大芥菜煲：胀卜卜嘅大芥菜好爽腍，汤底唔油，排骨啲肉又够腍，可惜调味咸中带点涩，啲虾干仲好粉嚡，甚为失色。干煎伊面：靓面金黄吸睛，外表脆巧嘅面条软润富弹性，又够薄身，自行加点醋汁可一解腻感，尽显简单美。潮州清甜汤：糖水清甜滋润，圆肉松爽甜美，混入爽脆嘅雪耳直令口感更为丰沛。湾仔潮州菜馆「金陵会潮宫」面积宽广，二楼派对厢房尤其富丽堂皇，虽则人手略为不足，经理哥哥完全冇摆架子，亲自招呼并为菜式作出简解，好客落力。十道菜潮州晚宴用上高级嘅食材，无奈演绎水准有点不稳，仍有好大嘅进步空间。
继续阅读
湾仔金陵会潮宫, 顾名思义, 系一间高级会所形式的潮州菜馆.有专用电梯, 由接待员带上一楼, 装修美仑美奂, 好有气派, 宫内有两层, 二楼有私人厢房, 一楼有卡座, 摆脱了一般中式酒家格局.浓浓中国风, 有高级木雕, 国画. 云石大堂, 私房菜形格, VIP 房, 装修不俗, 私隐道高. 大厅食堂面对湾仔, 景致开扬, 装饰以绿色为主题, 吊灯, 餐具都好精美. 服务员招呼好好, 水滚茶靓, 餐牌红卜卜, 好有喜庆感, 我们点了 服务员介绍美酒配佳肴, 将道酒.........高粱, 小麦制白酒, 由将道股份国际有限公司出品. 即开一枝试试.话梅圣女果, 好亮丽. 蕃茄已去皮经话梅腌制, 味道少酸甜, 清新开胃.梅羔骨, 调味有点像东坡肉, 滑溜顺口.普宁炸灌浆, 色泽金黄, 卖相吸引. 薄脆皮内包满了甜美美的萝卜蓉, 入口香脆好有层次感.卤水鹅肉拼盘, 摆碟靓, 颜色鲜明.拼盘食材: 鹅片, 鹅翼, 猪大肠, 猪头肉, 卤水蛋, 碟底有卤豆腐 鹅片, 肉厚, 嫩滑可口. 有鹅味, 食落啖啖肉. 猪头肉口感爽弹, 富浓浓卤水味, 食出潮汕真风味. 滋补药膳炖竹丝鸡汤, 每人一盅, 热热的送上, 天气凉, 饮炖汤最合时.滋补养生汤, 汤料足, 火喉够, 圆肉, 竹丝乌鸡, 入口略带点药膳味, 汤炖得清香, 慢慢品尝.中芹萝卜半煎煮黄花鱼, 师傅巧手, 鱼肉保持块状无松散.黄花鱼肉半煎香, 鱼肉嫩滑肉厚, 好滋味. 用中芹萝卜煮, 有助降血压, 又令到 鱼鲜味倍增, 鱼味更突出. 青花椒炒牛仔粒, 青花椒炒得爽脆, 清甜可口, 牛仔粒嫩滑, 牛味浓, 伴上了洋葱菇菌, 口感好调味正. 吃过多道浓味菜式, 最适合是一客 咸骨春菜煲, 春菜配萝卜同咸排骨一起煮, 中和了排骨的油腻感. 咸排骨美味肉质稔滑,春菜甘香清甜, 汤味也不错.干煎伊面, 伊面煎得香脆内软, 配来镇江香醋. 香浓醋味再添加砂糖, 系潮州菜必食的好味道.餐后精美甜品, 紫米露, 香甜软糯, 滋润美颜, 非常好!金陵会潮宫, 巧手潮州菜, 用料新鲜, 用心制作, 服务态度好, 值得再来. 离开时, 在电梯大堂, 行经那小石柱设计, 好有心思. 印象难忘.
继续阅读
跟友人的一次午餐，来到这家潮州菜馆一尝。才走进餐厅，光洁明亮的装潢摆设已经予人格调高雅的感觉，气派不凡。店方以潮式咸酸菜和炸花生作为餐前小食，炸花生当然酥脆，不过我们都甚为喜欢那碟咸酸菜，咸酸之中透出淡淡甜点，令我们都食不停口！点心炸虾卷、鸳鸯水晶包跟豉油皇炒肠粉皆是水准之作。小人尤其喜欢豉油皇炒肠粉，肠粉油润不黏，条条皆被豉油包裹著！咸菜猪肚汤里猪肚肥厚无异味，洗得干净，爽中带滑。落差之处乃咸菜的味道未能尽情释放，致使汤的味道过淡。鹅片、猪耳、猪大肠、墨鱼片和鸡蛋组成了这碟卤水拼盘，每样都卤得入味，友人特别钟爱墨鱼片，爽而有嚼劲。潮式鱼蛋粉虽然只有鱼蛋两粒、鱼片两片，但都是巨大化的，以一个宫殿化的盅盛上，好不豪华！还有特别的是汤里有柴鱼，竟然提升到汤的鲜美，有新意！果然食物跟其格调相符，同样极具气派。
继续阅读
您可能会有兴趣的...