影片
以上资料只供参考，请与餐厅确认详情
大年初一！－家3口去帮衬吓！18:30分去到，门口支客话俾我听只有2个位枱！应唔应该俾我哋一家三口坐！ 真系离谱赶客、好似唔使比钱去食！街坊都咁样＇要比利是先俾位咩＇等执笠！
继续阅读
今日去咗牛头角依家明星食晚饭叫咗半位酒席食，星期六日假期半席要加150蚊=$1148，已经包晒茶芥加一所有费用。𩠌菜碟碟都大碟仲要食到打包都几抵食。街坊酒店来讲都唔错1架嗱。1。乳猪全体：半席有半只，件件都大皮脆有少少肉汁，味道ok啦2。酱爆花姿虾仁：都好大碟，西兰花同花姿虾球都好，多味道都唔错，最钟意就去碟虾酱🤣3。鲜果沙律茶果子白虾球：个虾球入面啲肉都少少弹牙ok啦4。红烧龙皇鱼肚翅：鱼肚都大大粒又唔会有腥味，份量都多每人食到两碗。5。翡翠北蔬玉掌：啲冬菇超大粒有厚度，鹅掌都好大只同蚊得淋，个芡汁有啲结同多咗少少，但整体嚟讲都ok嘅。6。清蒸大沙巴龙趸：鱼一条ok好食7。当红一品烧鸡：个皮几脆入味肉质就有啲干呀8。瑶柱蛋白海王炒饭：无谂过都几好味9。个餐要咗蟠桃半打：热辣辣每个都几大旧个馅唔会好甜10。合时生果：西瓜ok正常发挥甜嘅，橙有啲酸整体嚟讲呢个价钱大打碟饱到食到打包真心ok。味道就一般街坊酒楼，食得过嘅。注意：所有职员清一色冇表情，有啲甚至乎会黑面见你唔到....但要赞下个瘦瘦地嘅男部长，我哋叫人攞番个生日蛋糕出来执枱要切生日蛋糕，个部长嚟嘅时候都系完全零表情，听完行咗去冇一个职员彩佢，系用返冇表情嘅容貌过嚟自己执枱拎蛋糕畀我哋（我哋见佢真系好惨，帮手碟啲碗碟畀佢拎走😅）后记：结算时先睇到有个banner写住八点半后传单八折，可惜我哋今日食七点响用唔到😅
继续阅读
呢个位置嘅茶楼转左好几手，都系做茶楼，我谂系因为交通非常方便，但系就唔方便老人家，因为佢有一条长楼梯，但系又冇lift,上到去楼底好矮，导致佢嘅缺点就系噪音好劲，BB去过2次一去到就俾啲嘈杂声嘈到喊要即刻走食物不过不失，下午茶都系好多优惠，晚市都有好多海鲜特价，但系海鲜质素参差，有时好新鲜，有时无味，keep唔到个品质
继续阅读
淘大的酒家 / 茶楼不算多，大概三间左右，这间在淘大商场（牛头角道），要行上一层，无升降机或扶手电梯，行动不便的长者，或轮椅人士，就招呼不到，要拣另一间了！上到来，楼面都算大，够光，枱都有点点距离，一两个人坐细枱的话，都够阔落的。再望望早市有甚么点心先！？孖宝一般三十蚊左右，这里都不算贵。单点一碟就由十五蚊起。我还未落单，就先听到旁边的侍应讲粗口，骂不知哪位茶客（是非通处飞），之后侍应来问我是否落单，我都好有礼貌的话「系啊！唔该妳！」她完全没有回应，大概是我太细声最后我急急脚，叫了碟菜，有点油，我怕油，所以冲一冲水，快快脆食完就走了。埋单：HK$27.00（连一位茶钱）
继续阅读
平时好少同老豆食饭，主要系因为大家收工时间唔同，加上我成日出街，有时几日先见到佢一次haha…今日老豆放假就做下乖女陪下佢食饭😂老豆话要去淘大食饭，收到！收工就去做乖女😎.上汤焗西澳龙虾伊面 $218龙虾多肉新鲜，伊面份量多两个人都食唔唒伊面唔会好咸，整体几抵食.蒜蓉粉丝蒸蛏子 $108蛏子鲜甜再配上蒜蓉同粉丝好惹味.虎班仔同烧鹅系一个set黎$228清蒸虎斑仔🐟细细个就好钟意食蒸鱼，成条我都食得唒😂鱼肉鲜甜嫩滑，好食🤤.金阁烧鹅(例) 烧鹅肥瘦均匀，外脆内嫩.整体黎讲每样都唔错，性价比高会keep住去食😎希望水准keep到啦
继续阅读