金鍋清湯火鍋

呢间餐厅打边炉好正，我地拣咗就皮蛋莞荽锅，皮蛋份量多，煮到个汤好入味，加上粟米同大量莞荽，令到汤底非常浓郁。🌿佢哋嘅手打墨鱼仔，质感真系一流，⼀入口已经感觉到啲墨鱼仔粒粒分明，而且有嚼劲，工夫真系唔简单，完美保留咗墨鱼嘅鲜味同口感。🦑再讲下个海虾，呢度用嘅海虾虾肉嫩滑鲜美，每只虾都够大只。佢哋嘅海虾保持咗啲海水味，好似啱啱喺海入面捞返嚟咁，冇太多加工，简单煮熟已经好食得唔得了。🍤美国雪花肥牛厚薄适中，雪花纹理分布均匀，一煮落锅入面，啲油脂溶化得啱啱好，食落口感非常不错。🥩至于百分百新鲜手切吊龙牛肉，就更加系一绝。呢个牛肉入口即溶，好有牛肉嘅原味，肉质亦都相当鲜嫩。🐂最后讲下猪颈肉，猪颈肉嘅肥瘦比例完美，每一口都系嫩滑，食落口感爽口弹牙。🐷…查看更多

去咗佐敦食打边炉，见到「金锅」呢间餐厅，感觉几港式，唔似会好贵，一于试吓啦！金锅嘅服务态度好好，好适合同朋友或者家人一齐去～员工仲会介绍有咩好食汤底拣咗牛骨清汤，几鲜甜，滑口又唔会太油腻，仲有啲冬瓜片，加分！雪花肥牛，牛肉油脂分布均匀，入口即溶，牛味浓郁😋吊笼牛肉，系牛背脊内侧上边一长条肉，肉质够肥，味道香口❤️❤️另外要提吓，新鲜肥牛嘅碟好特别，有写到部位同埋建议渌几耐，咁就可以放心食到啱啱好熟，唔会老嘅肥牛。鹅肠，白滑嘅鹅肠条条鲜甜，爽口，肠内肥膏够厚，所以入口香醇。炸午餐肉，好香脆，外脆内软。手打墨鱼滑，墨鱼滑口感弹牙，鲜味十足，好出色。杂菜拼盆，$32 有好大萝卜，打边炉嚟讲性价比高。…查看更多

今次嚟呢间打边炉，真系有惊喜，我哋系叫猪骨清汤，但系清得嚟系好饮嘅！另外，配菜方面，叫左牛肉肥牛、白柏叶、墨鱼滑、花鱿鱼、韭菜饺、芝士肠，同埋加咗个乌冬做主食。当中最惊喜嘅系白柏叶，白雪雪好爽口！至于饺子，系少数火锅店里边我觉得好食嘅饺子！唔会煮完变一pat嘢咁款。同埋最最最钟意系入面既素菜区可以任食😍最后煮咗个乌冬，吸晒唔同煮完既食材味，非常之饱，又满足😋😋😋另外仲有加配烧鸡髀菇同埋安格斯牛，非常浓厚嘅烧烤味😚好少一餐里面可以同时享受火锅同埋烧烤！系吃货嘅幸福♥️会再帮衬！…查看更多

之前都嚟过打边炉，觉得整体都唔错，所以再嚟帮衬。今次拣咗经典嘅皮蛋芫茜汤底，都有唔少皮蛋喺入面，一上台已经劲香芫茜味，令人食欲大增。配料方面我哋两个人点咗蒜香滑牛肉、雪花肥牛片、皇帝菜、手打鲜虾滑、牛筋丸、韭菜饺同乌冬。好钟意呢度嘅蒜香滑牛，腌得好入味，肉质嫩滑弹牙；雪花牛肉份量都多，牛味都几浓；鲜虾滑口感细致绵密，有虾嘅鲜味；韭菜饺馅料饱满多汁，饺子皮薄吸汁；整体上啲配料都新鲜又大份，抵食又坐得舒服，值得encore👍🏻…查看更多

今日同朋友黎到依间火锅店烚下烚下，店面骨致装潢走搞笑风。除咗一般嘅火锅材料之外，仲有唔少特别嘅部位，剔纸落单，简单方便。隔离有调料区，俾客人自助混酱，入面有我最中意嘅麻酱、沙嗲酱同豆瓣酱。我地点咗牛骨清汤，牛骨汤非常清甜，入面有冬瓜、冬菇、红枣等等嘅配料，打边炉之前一定要饮番碗先。牛脷，牛味非常重，口感烟烟韧韧。牛黄喉，即系牛嘅主动脉，估唔到依度竟然有得食！口感爽爽脆脆，值得一试。黑豚肉片，每一片都好大片，肉质嫩滑一啲都唔韧。鹅肠肥瘦均匀，爽得黎又带有油香味，千期唔好煮太耐呀，如果唔系会好硬。最重要一定要试下小酥肉，炸得好酥脆，洒上胡椒粉，就咁食或者渌落去都得~…查看更多