金金日式燒肉店

营业中

休息中

初試呢間日本燒肉料理餐廳，一入到去環境就好似日本嘅居酒屋一樣，入邊嘅環境都幾舒適，唔係十分多人，最啱就係d想一邊食燒肉，一邊飲啤酒傾計嘅朋友。一共點左三分餐，有澳洲黑毛和牛盛合，薄切牛舌，同鹽燒雞軟骨，真係不得不讚佢嘅牛舌，味道爽口之餘仲口感軟熟。而今次正餐主角既黑毛盛合既賣相都非常吸引，每款和牛都有三片，包捨肉眼，黑肌肉，肩胛，同埋一口和牛，擺設相當精緻，厚切的和牛帶着油脂，所以說味濃而不油膩，肉質彈牙。雞軟骨就不過不失，最後因為牛舌太好味，仲即場叫多咗一份。今餐果然無令到人失望，鍾意食燒肉嘅朋友仔一定唔好放過啊！

點了Lunch set:南蠻雞定食 $68加一Set lunch都好豐富有沙律、湯、前菜和一杯飲品 但愕然的是問侍應有什麼飲品選擇時 侍應話有凍檸茶和汽水 我點了一杯凍檸水 但侍應呆了望著我 我就問佢係未冇凍檸水可以嗌？ 佢話唔係 但佢依然一臉呆滯地站著 於是老闆娘就大嗌 凍檸水同凍檸茶的做法都係一樣架咋 只係用水開咋嘛 於是佢去左水吧整我呢杯凍檸水 整左好耐 起碼都有六七分鐘 終於整好 一飲之下 冇甜味的 於是我問佢有冇糖漿可以加落去 佢話等等 跟住我又見到佢喺水吧度拎住左支礦泉水樽狂滴d糖漿出黎 但就搵左豉油碟來盛載給我 成件事都好奇怪😰 不過餸菜是好食的

今晚同朋友食燒肉，近呢幾年都係食韓式燒肉，仲要係任食嗰隻，今次揀咗一間日式燒肉，價錢稍為貴小小，因為係單點，當然燒肉嘅質素會高質啲。點左一份VIP二人盛。櫻花龍蝦沙律豆腐前菜係沙律豆腐，豆腐上面有龍蝦肉同魚子，豆腐本身無味，加埋魚子食落去幾好食。金目鯛刺身沙律金目鯛刺身幾爽脆，都唔錯。之後開始燒海鮮，有極上松葉蟹腳、究極香茅綱走大蝦同清酒黑松露帆立貝。大蝦同帆立貝都幾清甜，肉質幾飽滿。肉盛之後開始食肉，有佐賀產A4黑毛和牛、蔥蒜牛舌薄燒卷、鹽燒角切牛舌、燒汁牛肋骨、梅子味增黑豚腩、意大利香草雞腿肉。肉類真係幾高質，用咗唔同嘅醬料去醃製，食戶口我都食到有啲分別。同平時韓燒嗰啲肉爭好遠啊!真係一分錢一分貨。有機蔬菜盛合食完開始食蔬菜，不過啲蔬菜又唔算好特別，而且唔係好識燒，所以都唔係食好多。黑松露和牛炒飯最後食返炒飯就完美喇，炒飯有好香嘅黑松露味，仲有啲牛肉粒食落去啖啖肉，而且份量好夠都幾飽肚。唔品係自家製牛乳凍，凍冰冰食落去牛奶味幾重，呢餐食得好滿意。

自從韓式燒肉大行其道之後, 日式燒肉係市場上好似比較少見. 老實講, 韓式同日式燒肉嘅分別, 我真係無乜研究. 單從外表睇, 好似韓式的比較多強調醃料及調味, 但日式的就比較簡單, 以鹽、蔥、黑椒等. 當然韓式的價格親民, 環境熱鬧, 氣氛好. 日式的就好似較為高檔, 環境優雅清靜.今日去到位於銅鑼灣嘅金金, 地利位置極其方便, 正正就係sogo對面的大廈. 上到去, 燈光幽暗,環境寧靜, 都幾舒服. 另外幾欣賞佢冷氣好夠, 一來食燒肉對住個爐好熱, 二來冷氣夠大唔會焗住d油煙一陣味.本身見到有個二人餐都覺得好抵食, $538, 有兩款前菜, 三款海鮮,豬牛雞, 牛肋骨, 牛舌, 最重要係有佐賀黑毛和牛. 唔止, 仲有兩款飽肚飯食. 但因為我地得兩個女仔, 實在好難食得晒, 為免造成浪費, 我地決定散叫. 我地叫左個芝士櫻花黑豚肉卷, 特上厚切牛胸腹, 佐賀產極上黑毛和牛肉眼, 24CM壺漬牛肋骨肉同埋一個青瓜蘆筍石鍋燒.芝士櫻花黑豚肉卷, 半肥瘦嘅黑豚肉上面灑滿芝士粉, 每邊燒大約4-5分鐘就搞掂. 食落其實芝士及櫻花味不太重, 但勝在切得夠薄, 快熟又唔會韌.4片厚切牛胸腹幾好

許久沒吃過燒肉了，燒肉對我來說，有種難忘的青蔥回憶，中學的時候，學校附近有一家韓式燒烤店，跟朋友在那裡有過不少回憶，即使畢業，偶爾也會跟舊同學去那裡聚一聚。今晚沒有回憶，只有我對燒肉的渴望。今晚沒有回憶，只有我對燒肉的渴望。餐廳裝潢低沈穩重，設有卡位或多人座位，環境寬敞，坐得舒服。點了一份VIP二人盛$538⭐️菠蘿波子汽水$25吃燒肉少不了波子汽水助興，看到瓶中的波子，搖晃搖晃，煞是好玩。前菜⭐️櫻花龍蝦沙律豆腐豆腐嫩滑，上面還有薑絲、魚籽和龍蝦肉，吃起來口感豐富，清新爽脆。⭐️金目鯛刺身沙律金目鯛入口軟腍，魚脂配上沙律，清爽開胃。海之幸⭐️極上松葉蟹腳烤松葉蟹腳真是一大學問，首先時間難以掌握，烤好之後沒有小工具輔助，吃得有點狼狽，加上烤得太乾，蟹肉已經蒸發，甜美的口感也蕩然無存。⭐️究極香茅綱走大蝦大蝦肉質彈牙濕潤，口感不錯。⭐️清酒黑松露帆立貝烤過的帆立貝殼上還有不少汁液，入口清甜軟香。肉盛⭐️佐賀產A4黑毛和牛和牛非常嫩滑，送入口，軟綿綿的肉質，脂肪油而不膩，很讚！⭐️蔥蒜牛舌薄燒卷烤過以後，牛舌口感軟而富彈性，捲著蔥蒜吃解膩。⭐️鹽燒角切牛舌角切牛舌口感較厚實，能享受它肥美的肉質，跟薄切有不一

朋友成日講呢間燒肉好好食，於是我帶埋男友黎~順便慶祝佢生日個日book左6點，唔算full，啲位坐得好舒服，係冷氣大左啲 我地睇左一陣唔知叫咩好，最後簡左個 鹿兒島極上 黑毛和牛套餐，有5種不同牛嘅部位一口牛，牛肋條，西冷，肉眼同厚切牛舌肉眼同西冷啲脂肪份佈好正，要用生菜包住先食到，唔係成口油 海鮮拼盤又係五樣野，最好食係尤魚~所以之後再單點魷魚黎食 呢個泡菜鍋都幾大，又唔會太辣，對唔食得辣嘅朋友可以一試由於厚切牛舌好正 ，我哋又單點咗鹽味牛舌 口感無厚咁正，但仍然好有牛味 好好食

燒肉系列放工同友人一齊食個燒肉，傾個計。自從韓式燒肉開到成巷成市之後，好少去日式燒肉店喇。近近地就去銅鑼灣食啦！我地叫左鹽葱牛胸腹，厚切牛舌，芝士櫻花黑豚肉卷，24cm壺漬牛肋骨肉，佐賀產極上黑毛和牛。食物份量唔大，每樣都可以淺嘗到，可以試多幾款食品。牛胸腹嘅油脂分佈都相當平均，睇落都覺得唔錯。牛胸腹同牛舌肉質係有少少韌，可能我地燒得過左火，不過都食到牛嘅味道。和牛比較好，有多少少牛香，如果可以再厚d就好喇。整體都算不錯，寸次可以試其他嘅款式。

星期一至五番工辛苦, 既然錢搵黎係要果腹, 當然要對自己好一點。這天選了金金日式燒肉店，是因為已經對放題任食的型式起了免疫力, 寧願吃貴一點卻是高質的肉。日系木式設計風格, 裝潢充滿和風味道，讓人感覺置身日本的居酒屋。肉類選擇也很多, 鹽葱、燒烤、辛辣與及雞、和牛、羊架、豚肉及海鮮任君選擇特選厚切鹽燒牛舌78牛舌每一塊都切得好厚身，而且燒香完食落去都非常淋之餘更是惹味非常油脂滲透在牛舌肉內，吃起來鬆化, 1D都唔un, 肉剛剛燒好時是非常嫩滑美味澳洲黑毛和牛盛合 一盤共有多款和牛部位, 有肉眼、肩胛、黑肌肉同一口牛。每個部位也有不同吃法:牛肩胛含有筋絡, 而油花紋分布適中，牛肩唯一較軟的部位, 所以吃起來軟嫩。一口牛吃下去的時候滿口牛汁, 油香十足, 油花馬上從口腔裡爆發。西冷部位的肉香也很強, 輕輕燒一燒, 香口得黎也非常好吃。豚肉野菜湯烏東58雖然是燒肉盛宴, 但朋友需要一點澱粉質才會感覺飽足。豚肉野菜湯烏東以傳熱十足的石燒碗送上, 即使一邊燒肉, 湯底也是保持熱燙燙, 可以保持到食完仲係熱。雖然金金不是主打烏東的餐廳, 但豚肉分量多, 而奶白色的湯底更見到豚骨的精華，飲一啖fee

金金日式燒肉店位於英光大廈，其實就在Sogo對面過一條馬路就到，非常方便，餐廳裝潢走日本和風路線, 環境舒適。餐廳燒肉選擇有很多款，牛舌、牛胸腹、牛肋肉、海鮮都有。除了有散叫的肉食外, 也有多款套餐供應, 有鹿兒島牛盛合, 也有澳洲黑毛和牛盛,及海鮮盛合等任匿選擇。餐廳已為每位客人預備三款醬汁, 燒汁係點肉的, 蒜汁是點海鮮, 而辣汁可以按個人喜好醮點。特選厚切鹽燒牛舌牛舌切得厚身，先燒約廿秒，即時反轉再燒多兩燒就食得, 且燒香完肉汁緊緊煎封在牛舌內, 食落惹味無比, 帶少少油花, 但入口牛香滿溢，香氣更是久久不散，入口有溶化既感覺特上厚切牛胸腹牛胸腹肉, 牛味濃厚、油花細緻；只要輕輕用火燒燒的牛肉油脂即刻爆發，一邊反手一邊夾就已經成為肉香味濃的燒肉, 雖然係薄薄一片, 但油香十足，肉汁和油脂不住的溢出, 入口即溶。生牛肉石窩飯剩食肉未必夠飽, 所以我地另外揀左生牛肉石窩飯，整鍋飯石燒鍋真係勁熱，可以燒到鍋底變出香口的飯焦來, 而且keep 到食完仲係熱, 又生牛肉非常嫩滑, 又唔會怕石燒鍋整到佢變老, 配上少少的芽菜和菌類與及甜辣醬,  非常香口惹味。海鮮盛合海之幸盛合裏面有：廣島蠔

今日同老公去行街後好想食燒烤咁啱SOGO 對面就有一間所以我地就上左去. 店舖既位置都好寬敞既, 枱與枱之間都好夠位置. 鹽燒牛舌粒表面都好似小小熟咁我地再放入去爐上面燒更加增添到牛舌既香味.果醬牛肋粒就係有用左醬醃左先再放上爐度燒. 醃左既牛肋粒相對比較容易燶不過更加香口野味. 極上和牛牛胸腹上帶有大理石油花紋, 仲要分佈得好平均, 肉同脂肪既比較平均食落超重牛味超重.食落去好林好有香肉味. 完全係令到我靈魂食飛上天, 可惜4片實在好唔夠喉. 最後我地叫左個澳洲醬燒和牛, 呢個好好玩同好好味. 好玩係我地要先沾在秘制醬汁中約3-5分鐘再放入爐度燒. 開頭店員唔講我地仲以為燒完用黎沾既醬汁. 我地叫左個生菜盛合去中和番咁多肉既油膩. 包住生菜食又有另一番風味. 最MAJOR 呢個盛合係個SAUCE. 睇落似千島醬不過食得出係多種SAUCE MIX埋而成, 有食到腐乳味同肉味真係超夾呀. 

同朋友去左銅記食一間燒烤, 地點係正SOGO對面上樓, 超方便!! 餐廳黑黑地都幾有FEEL. Menu既選擇都算多, 平均每碟都唔算貴, $58-288左右. 有平有貴都好大眾化. Like facebook 仲可以用$88食到呢個和牛西冷, 不過我地黑仔去到已經賣晒所以叫唔到叫左幾款唔同既牛. 牛肋肉, 牛柳粒, 牛舌粒同厚切牛舌, 樣樣都有唔同既配料. 有鹽燒, 果醬,蔥燒同燒汁. 肉質都唔錯,勝在碟碟都精緻PORTION又唔算多, 2個人既話仲可以試到好多唔同既款式. 黑毛豬肋肉既大理石紋分佈都好平均, 呢個我地叫左鹽燒. 果然係食到豬既香味油脂都從肉中滲出. 我地叫左咁多肉當然都要叫番個生菜盛合 $38 黎包住D 肉食. 令到成餐飯都冇咁油膩. 

上次同朋友泥食，已經食過反尋味，咁岩今日要過泥銅鑼灣呢面，就約埋朋友一齊再戰金金燒肉。上次泥可能因為岩岩新開張，今日再泥，全場坐滿哂，好不容易等到張卡位，入坐滿心歡喜望餐牌，叫野食！芝麻亞波雞軟骨好好味，炸得夠脆，夠香口。腌製亦好到位，不會太咸！什錦海之幸盛合呢個海鮮組合好抵叫，有蝦，有蜆，扇貝，生蠔，尤魚先至118$。好豐盛芝士櫻花黑豚肉卷呢個黑豚肉質嫩，灑滿芝士粉，油脂平均。燒既時候香味四溢。流口水！食落一點都不油，而且香豬味！香草麻油手羽呢個好出色，香濃麻油味入哂味。燒到小小燶，雞皮脆皮內肉嫩滑。好食泡菜芝士海鮮石頭飯呢個係我食完再反點既飯，大愛！有尤魚，蝦仁，大虎蝦等。配以泡菜配菜芽菜，羅白絲，波菜等加辣醬搞伴一起食，飯微微蕉香，石頭鍋夠熱上枱，服務生好好幫我伴埋，需知道伴飯要搞得均勻麻。哈哈今次再次光臨，依然味道滿意，服務亦好好，服務生好有禮貌，價錢亦好合理，這樣一間燒肉店，對我來說是不能抗拒的！還要再來！

mewo每過一排就會好餓肉, 好想食燒肉, 今次試左呢間金金日式燒肉店, 就咁聽個名, "金金"有啲似中菜鋪, 伏伏地, 但見倒咁多好評都走去試下啦, 點知一食又有驚喜。個人大愛呢個前菜。凍豆腐+芝麻醬冇咩味, 但加埋上面嘅(食落類似)調好味嘅蝦滑一齊食, 口感同味道都好有層次。魚生salad. 好fresh好長, 男朋友食到流哂口水主菜, 好豐盛......個人大愛個牛舌同埋 帆立貝(雖然要燒較長嘅時間先熟)最尾燒埋啲菜, 不過太飽食唔哂。好豐盛嘅一餐, 略嫌對我嚟講有點兒貴左少少😂不過個食物質素都抵嘅。

上次同屋企人已經黎食過1⃣️次,個個都讚不絕口！事隔1⃣️段時間心血來潮又想再黎食過，就相約哥哥嫂嫂1⃣️同再來品嘗美食同上次1⃣️樣，我地1⃣️行4⃣️人點到成枱都係野食，埋單大約$1000到，4個人除番開1⃣️人2百幾蚊，抵食🤭👍🏻👍🏻我地黎到已經全部坐🈵️客人，十分好生意19:30前結帳及離座，仲會🈶️20%折扣優惠首先先黎飲品，4個各飲不同飲料🥤左起：sapporo premium 🍻$48菠蘿波子汽水$25 鮮榨西柚汁$28、可樂$20呢到除左燒肉外，亦有多款熟食供選擇芝麻阿波雞軟骨$38雞軟骨咬落去十分香脆可囗，炸到熱辣辣 正豚肉生菜包$58豚肉再配上其他配料包住生菜食口感1⃣️流咬落去有些少辣味，新穎又特別！！食完熟食，終於到主角出埸😆😆😆鹽燒牛舌$68本身已經切到薄薄1⃣️片，放落爐到燒1⃣️陣，便可以拎起食得了！！左：岩鹽青檸燒雞腿肉$58肉質非常鮮嫩，入囗飄來淡淡青檸味 正右：鹽蔥角切豚腩肉$48豚腩肉非常肥美，適合喜歡吃肥肉的人仕🤭🤭上：芝士櫻花黑豚肉卷$58下：香草麻油手羽中$58泡菜芝士海鮮石鍋飯$68呢個石鍋飯上次都有食到，真係超好味值得推薦，侍應還會幫我地將醬汁放落個飯到撈好俾我

食好西, 是假日的指定動作。今天亦不例外, 特意前往銅鑼灣一試這－日式燒肉專門店。店內外均是日本和風裝修。環境舒適。餐牌上種類及選擇亦多, 雞、牛、羊、豬等任君選擇, 總有一款適合你。鹽蔥角切豚腩肉 $48燒製後, 味道較為濃郁。油而不膩。辛口牛肋骨肉 $73是日推介。辣味滲入肉質, 口感嫩滑且帶辛辣味, 非常開胃, 食個不停！ 法式香草羊架 $98羊架大大件, 性價比高。燒製後, 羊油佈滿整件羊架, 非常惹味。和風胡麻牛舌 $68本晚唯一即食前菜。厚切牛舌, 口感濃厚, 配搭和風胡麻醬汁。又一味停不了的菜式。鹿兒島極上黑毛和牛盛合 $438焦點菜式。全屬鹿兒島高級黑毛和牛。牛脂分佈非常平均, 部分位置更加入口即溶。每一面大約燒1分鐘左右即可食用。非常鮮嫩惹味。配上店內特製烤肉醬汁, 味道加倍濃郁, 男士們必選！