金都海鮮酒家 (新豐路)

营业中

休息中

見好耐無上去金都, 今日就俾多次機會佢賺我钱.上到去, 見到場面真係好冷清, 成個場得嗰五六枱客. 我點左豬腳薑、北菰雞燒賣、煎蘿蔔糕及南乳豬手.兩款點心噶豬手都炆唔够身, 最陰公係豬腳薑噶豬腳根本咬唔入. 蘿蔔糕成舊粉咁, 加上煎唔夠身, 調料又不倫不類, 見到都唔想食味呀,最後剩番北菰雞燒賣叫做正常D . 金都本屬福苑集團名下噶酒樓, 以前D 出品唔錯㗎, 尤其是南乳豬手, 係佢噶鎮店之寶, 但依家搅到爛身爛世咁, 真係令人唏噓呀！唔好成日埋怨港人走晒上深圳消費, 食肆自己都要做番好本份先至係打正路波！

全包宴$2188套餐，家庭聚會環境舒服服務有禮。熱石乳豬最好食，上枱時熱辣辣，就味到喊行咗一啲，整體不錯。酒樓蒸魚水準一流，魚肉嫩滑，剛剛蒸熟，蒸魚豉油不錯。今日扶手電梯壞了，需要行樓梯。

見間茶樓冇乜人，就入去試下，點咗皮蛋瘦肉粥，鯪魚球，煎釀茄子，燒賣及乾蒸牛肉，整體嚟講味道尚可，但都冇咩驚喜，服務OK，因為呢間茶樓嘅價錢都幾平，呢啲水平已經可以接受，最緊要開心，總體嚟講都尚算合格。

上次訂左一圍枱食飯 餐牌又話有乜鬼1蚊定1蚊晚市優惠 但到左之後又話因為係訂枱電腦入唔到單所以唔比叫。雖然已經一肚火 但條賊船唔上都上左都黎左咁唯有照食啦。乳豬皮係脆既，但得骨少肉。龍蝦賣相係不錯，但龍蝦肉無龍蝦味之餘，伊面完全唔入味，蟹鉗略凍又唔甜。翅就無料係入面。所有菜既份量係足夠的，所有食材又唔上但一點都談不上好吃毫不特別。最重要係間餐廳係上水賣單每人400幾蚊一d都唔值。唔怪得佢成間餐廳好似人影都無隻咁，好後悔揀左呢間野。

蘿蔔糕淋豉油胡椒粉，叫佢比甜醬辣醬又唔聽，舊蝦餃入面仲要有舊硬物(蜆殼?)，豉油又冇味，芋角一上枱就已經係凍。成枱嘢食，得個粥叫算係咁，下次上樓上海港食冇咁嬲！

今日落上水飲茶第一次去金都海鮮酒家飲茶見佢門口冇人排隊咪入去一入去見到嗰類似主任問佢兩位有冇位！點知佢調頭就走跟住個類似知客問我哋幾位就求計指一個方向叫我哋行連位都唔帶🤬🤬🤬一坐低冇水沖茶咁諗住走去問個着西裝札馬尾既部長佢唔理我掛住同同事講嘢嗰刻真係想xxy佢哋唔怪得知冇客星期六午市可以有剩十幾張吉枱咁既服務態度真係揾鬼嚟食咩貼錢買難受！🤬🤬🤬真係 登個老細難過請咗D倒米既伙計依間酒樓永不再幫襯！！！食物質素真係差叉燒腸好刀功D叉燒切到好似粒米咁細完全食唔到叉燒D茶冇茶味完全中伏🤬🤬🤬🤬🤬🤬🤬🤬🤬🤬🤬🤬🤬😡😡真係想問下你哋係唔係唔收加一同茶介！！

一間自助式沖茶，水滾茶靚點心夠哂平的酒家🥳不經人手，一桶蒸溜水，方便衛生，茶壺煲水設計及自動上水⋯⋯有新意，方便，無水唔使搵伙記，飲幾多就自動化有水，仲煲到滾一滾，包你沖到靚茶飲😝—————————-點心又平，叫到成檯滿哂，選擇困難症的我，乜都叫齊哂，想食就食，想叫就叫，叫到成枱滿晒，埋單只係三百幾元，食唔哂打包返屋企，食埋今晚嗰餐😂😂😂😝😜🤪😛😆🤣——————————淨係睇到呢一堆點心咁大堆頭，就知道我實在好過分😂😂😂😂😂😂—————————1⃣️🦐原隻鮮蝦餃：蝦餃大大隻，皮夠薄又彈牙，仲有西芹咬落好清爽😋2⃣️🍆豉汁炆釀茄子：麻麻地，覺得煎好食D 😁3⃣️🫑 煎釀虎尖椒：魚肉彈牙爽口、尖椒爽，辣🌶️⋯⋯😅4⃣️🥟安蝦咸水角：香脆煙靭口感😉5⃣️🐷黑椒豬手：之前食過好好味，今次有D失準炆得唔夠腍，好硬，味道比之前差咗D6⃣️🧈琵琶豆腐：呢個唔ok，💁‍♀️🙅‍♂️🙅7⃣️🐂鮮竹牛肉：正常點心一個8⃣️🐔豉汁蒸鳳爪：9⃣️🐷豉汁蒸排骨：🔟🥬腐乳通菜：通菜好爽口，腐乳夠味道，好食😋1⃣️1⃣️🐟🐷鹹魚肉片飯：想食鹹魚唔食飯😂😂😂😂1⃣️2⃣️🐷🐔鳳爪排飯：都係一樣想食鳳爪排骨唔食飯😂😂😂😂1⃣️3⃣️🐔🍄北菇雞飯：三個飯嘅款式，十幾元咁平，唔爭在叫埋佢

同屋企人食下午茶3個人食啲呀姐好似發夢咁問幾多個人 講完又問 講左幾次先記得 先去比位我地樓面好似得幾個啲人手唔夠之餘啲人都唔係好願做野咁點解唔用qr code落單等得黎都天光個茶壺話污糟要換 但冇理過啲野食麻麻地 勝在夠熱🥵🥵🥵🥵🥵🥵叫左9樣野一共 $229正常價錢都ok👍腸粉麻麻地 啲皮太孩😭😭😭😭😭蝦餃 唔鐘意佢入面有西芹皮好似太厚普普通通 後悔叫依幾樣都係正常牛肉球最滿意因為夠熱 都ok

5月8日母親節當然去上水食飯，岀菜慢不特止，服務態度非常之差，叫極人都唔理人，當我哋透明，落完單之後等上菜等左1個鐘，火🔥都黎啦，的菜又差又難食賣相又唔好睇，下次唔好去。未試過服務態度可以差到極點⋯⋯

結束坪洋壁畫村遊，乘坐小巴從粉嶺到上水「金都海鮮酒家」吃下午茶。時菜牛肉炒河、黑豚肉叉燒瀨粉、鳳爪排骨飯、炸雞翼、安蝦咸水角、馬拉糕。黑豚肉叉燒瀨粉，半肥廋叉燒很美味，肥的甘香、廋的也鬆軟可口。安蝦咸水角炸得淡黃，色澤不金黃，饀料很少，欠缺水準。炸雞翼、時菜牛肉炒河、鳳爪排骨飯、水凖尚可。古法馬拉糕很鬆軟，鬆軟得像吹入空氣，而且很細件。由於限聚令下是兩人一枱，大堂祇有三成客人，侍應得兩人，我們下午茶人均消費$64，不算貴，也不相宜。

星期二踏完單車回上水，就在附近食晚飯。平日不多人直入，是一般酒樓環境，衛生也是一般，服務人員不足，想找人時都不見到，服務欠佳，但是抵食夾大件，一蚊羊腩煲，當然要加$加其他食材如枝竹，因是朋友埋單唔記得影單。三人叫多一個小抄皇，兩個白飯，四罐可樂，共約三百二十元，份量大，價格相算相宜。羊腩煲 - 都夠腍，羊肉就一般，無騷味，枝竹好入味，汁也可以，配料也多，好食過主角羊肉。小抄皇 - 油稍多，味濃，多配料，韭菜好食。

諗唔明呢間野啲人個腦係咪裝飾。-1.啲碗碗碟碟應該係洗碗機洗，洗得唔乾淨。咁自己洗啦，叫個服務員拎個水盅嚟，同我講「冇水盅架喇」？？？我明白宜家沖茶加水都要自己嚟，但一圍枱要遞個碗，要輪流倒水落個水機去水口度，我真係r爆頭都唔明點解咁麻煩。-2.張枱轉野食個玻璃，表面全部都係油污，叫個姐姐幫手抹下，佢同我講個玻璃舊了？？？污糟抹乾淨到底同舊唔舊有咩關係？？？最後都係冇幫我地抹。-3.間野應該得2個服務員，要服務等5分鐘啦。-結論：如果樓上酒樓有位，就去樓上啦。

去上水搵家姐幫手搬屋，執嘢搞到八點幾先出去食飯，諗住求其搵間餐廳，因為10點後就冇嘢食。見到呢間裝修唔錯就入去試吓，入到去就即刻有服務員問我哋要唔要食象拔蚌，我哋見$400左右有兩隻就叫咗兩隻試吓。象拔蚌真心唔錯，雖然係比較細隻，兩隻切出嚟仲少過平時一隻。另外仲會送一個清湯俾唔食刺身嘅人灼一灼。之後叫咗個四人餐，套餐以每位計算，大概$200左右一位。本身會送每位兩隻鮑魚，鮑魚嘅味道就係充滿蒸魚豉油嘅味。另外仲有一人一碗湯。喺指定餐牌裏面我哋揀咗四個餸，味道中等，偏向較清淡。因為四人限聚，所以要分兩台，另外一台嘅屋企人就選擇左單點。呢個甜酸排骨好唔錯！呢個魚香茄子煲就麻麻哋，茄子煮得唔夠腍！對比起平時食開嘅芝士龍蝦伊麵，好滯好膩食緊野期間有嘢想搵侍應都好難，完全唔夠人手！埋單嘅時候，收銀員態度非常差！我哋埋單前一早講咗會員儲分，佢好差喺度同我哋講冇yuu!!!其實你哋理解能力有問題就檢討吓自己嘅態度，當佢理解到嘅時候都冇道歉。

第一次去金都飲茶遇上一位身著橙色工作服女士問佢拎二次飯盒都唔成功，第一次扮聽唔到，第二次係佢面前問左佢二次，然後佢叫我問廚房拎，廚房經理叫番佢拎。然後佢拎到飯盒黎，禮貌地問佢拎埋個膠袋，點知被佢鬧：點解唔一早出聲。我真係無經驗原來要飯盒唔跟袋。部長明知同事甘樣欺凌客人，無意處理。飲茶唔洗排隊總有佢原因

假日早上去飲茶, 冇乜所謂咁行咗入去。珍珠雞 - 好咸又生米炸腸 - 正常但太細舊蝦醬粉絲魷魚 - 成世人都未食過淋過毛巾既魷魚，勁咸，份量少（好彩）鮮蝦菜苗餃 - 個皮太軟太爛茶正常最唔掂係服務，好嘈，唔係d食客，而係d樓面員工。個個好似係農村咁互相隔著幾米大喊溝通，好難頂。又推著收污糟碟架車周圍去收碟，收碟時「評玲彭爛」聲不斷，總之全程都好嘈，食得好後悔，唔會再去。我連相都冇影過，因為當時冇心之後要寫食評，但愈諗愈覺得要寫出來。