金象泰國菜 (已結業)

係美食平台見到有間新嘅泰菜加入，菜式選擇都幾多下，最後叫左兩個飯同兩杯飲品，辣椒肉碎炒飯/乾炒雞河，同埋泰式奶茶/青檸冰。雖然美食平台送到黎，都足足等左成40分鐘，好彩送到黎都仲熱~~~肉碎炒飯辣辣地，越食越停唔到口😂下次試埋另一個肉碎飯乾炒雞河啱晒囡囡食，冇芽菜洋蔥，芥蘭好爽口，幾好幾好，不過啲雞肉應該就冇調味，無咩味道，炒埋河粉都ok,啲味補翻叫左兩盒飯，兩大一細食都啱啱好，份量適中…查看更多

住係將軍澳想食地道泰國菜真係唔多選擇，哩間小店仲要免費送上門，係免費送上門！所以已經食過好多次，終於的起心肝寫下食評😂辣椒膏炒蜆，🤩真係極力推介，一盒唔夠食所以加錢加底，啲汁撈飯真係好一流，唔會好辣好惹味炒肉碎又係送飯首選，食唔晒老公第二日帶飯翻工食😂泰式豬手，豬頸肉食左幾次，可能街市買餸返到屋企隔咗兩個鐘先食，所以略為乾身，但味道搭救~尤其係兩隻秘製醬汁，酸酸甜甜，真係好想買一樽返屋企😂…查看更多

食物睇落唔係好新鮮，話因為即叫即整，所以要等好耐。。。食物唔算熱，似係求奇翻熱再比客人！唔似即整！問收銀既小姐有咩食物推介佢答我樣樣都好食！叫我樣樣都可試下。。。如果我揀到就唔會問你啦。。。答左等如冇答。。。唔明點解有人推介。。。大家都比佢既香味吸引左吧！聞落係幾香，拎到返屋企都仲好香，食完就發現應該係太重香料味！蝦餅最唔好食好重香料味，食完好口渴仲要好腥又咸又乾串燒都好咸好乾！好似燒左全日咁！唔會再幫襯！唔好再浪費錢幫襯！大把鋪頭好食過佢！…查看更多

團年飯冇堂食 又唔想食盤菜 咁就一家人決定食泰國菜食咩當然我地決定 因為親戚都未食過跟住就打電話落去預訂 點知鋪頭有得送埋外賣服務一流 抵讚屋企人食完個個都讚野食唔洗多講 食過既街坊都知夜晚有時去街市 經常好多人等外賣…查看更多

諗住求其買啲嘢食去野餐睇OpenRice介紹見到新開小店去到點知勁多人等外賣 店員都有提醒起碼等40分鐘買左冬陰公。豬頸肉。生菜包。春卷。海南雞 係好食既 足料 味道好 價錢唔貴 好抵下次會再幫襯 會介紹多啲朋友…查看更多

呢餐真係夠經典，我呢世人從未食過咁離譜嘅一餐，唔知呢間小店開店之前到底有冇過煮食經驗？我認為稍有丁點煮食常識嘅人都做唔出呢種驚世杰作！1.濕炒海鮮河 $55如圖所示，實際為"上湯浸河粉"更離譜是，啲蝦係霉！啲蝦係霉！啲蝦係霉！啲河粉我更是一d味都食唔到，我以為自己係咪鼻塞！而河粉口感亦浸到溶溶爛爛！呢碟野我食左幾啖已倒落垃圾桶！(下圖是我倒走啲湯)2.泰式春卷 $48一打開見到已經唔開胃！油浸春卷，成舊都係濕的，放左舊落口都覺得好核突，唔知食緊啲乜！🤮🤮🤮🤮3.泰式炒飯(豬) $52放左一啖落口即講粗口，啲飯係濕嘅！好似岩岩新鮮煲完爛飯就落鑊係咁意兜兩下咁！而且個飯係冇味嘅！(利申我平時係食淡口味嘅人)間鋪已經喺街市入面，價錢又唔平，煮啲咁嘅野食俾人，你自己都唔會放得入口，我真係想問一句你有冇良知？本人真誠告誡，各位街坊切勿以身試法！！…查看更多

屋企附近好少泰國菜，經過街市見到新開既泰國菜小店，價錢又唔貴，就買少少返屋企試下就快聖誕節，小店都好有心思佈置，滿滿既聖誕氣氛🎄❄️今次買左燒豬頸肉($58)同泰式炸魚餅($58)黎試下，收銀員姐姐好有禮貌咁話即叫即整，所以要等5-10分鐘左右，叫我可以轉頭再返黎拎。等左一陣都好快有，一拎上手已經好香好想快啲返屋企試下，果然冇令我失望，豬頸肉好好食一啲都唔乾，必食推介！！！魚餅好香泰國香料味，好香好好食 一定會再幫襯既小店…查看更多

聽街坊報料 屋企樓下街市新開左間泰國菜 今日放假梗係要落去試一試 點知原來係外賣小店 有少少失望 唯有夜晚買返屋企食野食選擇都算多 睇相好多都好吸引 最後經店員推薦就買左佢哋嘅招牌豬手 菠蘿海鮮炒飯 同埋香茅豬扒 豬手真係值得一讚👍🏻👍🏻👍🏻滷得好入味 好淋 入邊啲咸酸菜又好開胃 連屋企老人家都讚菠蘿海鮮炒飯都唔錯👍🏻👍🏻個飯炒得好乾身 啲腰果好脆卜卜 小朋友最中意至於豬扒 略嫌咸左啲🤏🤏香茅味好重 不過不失整體黎講幾驚喜 下次會再黎試下其他 當加餸確實唔錯😋…查看更多

今日放假同屋企人去街市買餸 經過一間不起眼既小店 門口貼晒相 行近睇原來係泰國菜外賣小店我心諗有新野梗係要試下 經收銀姐姐介紹就買左泰式生菜包，豬頸肉沙律，泰式蠔仔蛋三個餸返去生菜包有水準份量足 辣味夠嫌生菜小左啲 豬頸肉沙律 酸酸辣辣好開胃豬頸肉好食泰式蠔仔蛋 蛋夠滑 唔會過咸 蠔仔大大粒 唯一唔好就係無堂食 外賣返屋企啲食物凍左但係整體味道90分👍🏻👍🏻收銀姐姐好有禮貌 耐性👏🏻 👏🏻同收銀姐姐傾 原來開左兩業左兩星期會繼續支持小店 下次試下其他野…查看更多

試下新店，外賣店在街巿內，同出面鋪樣，好多泰國菜都有，買外賣回家慢慢嘆，豬手好入味和菠蘿炒飯好好味，叫埋炒金邊粉、鳳爪和串燒，好豐富的一餐，下次再試埋其他炸野小食。…查看更多