影片
住在西贡，好自然地，好少会选择留在西贡食任何野。所以，有好多新店，小店，对我来说，都好陌生。近日，因为一早要去覆诊，见完医生后，也肚饿了。咁，我就近近地选中这一间名叫《金豚亭》的小店，食返个简单既港式早餐。这《金豚亭》，基本上，只是一间小小的外卖店。说是要堂食，就要借用行人专用区的空间，摆台摆凳去招呼客人了。天气好，在室外位饮食也许是一件好爽既事。但遇著不好天气，就......因为店方早就做好挡雨的工作，而且两次来都不是倾盆大雨，所以，我没所谓，冒少少雨都照坐。第一天来，我来了一份鸡扒五香肉丁面。简单的一碗五香肉丁面，味道算是OK。餐厅选用的肉丁虽比较肥，但也是够香口的。鸡扒虽香，但我觉得店方煎到太硬。第二次，又是看完医生来食个 quick breakfast。这一次，我点了他们说是人气的猪膶面。果然，这是一碗出色既面，大大旧厚身，而且是刚刚好熟的。入口少少腥，但有姜丝中和了这腥的味道。再者，汤底也充满了猪膶的香味。整碗汤面，感觉是良好的。而太阳煎双蛋也看得出师父有用心去煎刑㶶边的。奶茶，是一般茶餐厅拥有的质素。不算得上是差，也不算得上是好饮。我只觉得，这是能接受的质素，评分就是 OK! 听说，这儿中午的焗饭才是真的的招牌。不过，我真系唔系几常有机会系西贡停留食午餐。也许，下次有机会时，又咁啱选中黎呢度食 lunch，再评。(不过，西贡既午餐选择，的确是好多。)
继续阅读
有惊喜。。。时常经过都见到坐满人，价钱又唔系特别贵，可能真系好味呢，所以今日就特登去试🙂最后，点了一个牛扒连薯条，加多一个吉列鸡扒蛋包饭。等咗15分钟牛扒送到，一个$148的牛扒，厚度同大家乐早餐𠮶块一样。。。😤 但系照片系成一寸厚！😡餐牌写Grill / 烧，最后佢系煎。。个分别就系有油定系冇油，营养价值不同。肥好多，如果系咁我最初未必会点。商品说明不同。。🤬叫五成熟，牛扒中间就三成，侧边就九成。。唔通咁样拉返匀就系五成？好数口👍🏻食完个牛扒，侧边啲人都走晒。我都好好脾气哋跟进左三四次，”请问我个吉列鸡扒蛋包饭整成点”?? 店东不停话整紧整紧，去到一次问佢，佢话头先鸡扒都卖晒，而家用溶紧雪（等咗20分钟后同我讲依据嘢），不过都整紧㗎啦。。再过多5分钟，我问佢，我会否转食其他嘢快啲❓ 我都好多谢佢好诚实咁同我讲，佢话转其他嘢会快啲。。。咁即系未整啦😤浪费晒我啲时间，食物又唔系好食，跟住食物进度又呃骗骗咁样。难道西贡真系冇其他美食，以及舖位的较优越地点，所以佢间舖头也能够屹立不倒？🙄
继续阅读
邪恶抵食小店🍖拉丝芝士薯条🥞一口朱古力西多！-唔知大家知唔知，有调查话西贡系全港最有钱嘅地方，好多人以为，入黎食嘢好似主题公园咁贵，但其实呢到超多隐世平民小店。而呢间小店主打厚切猪扒，环境贴地，主要坐街边室外枱凳，当然价钱就更加贴地。今季黎行山露营，或者下次夏天玩水出海，Save定就知食咩了。-🍛招牌厚切吉烈猪扒 配 日式咖喱半熟蛋包饭 ($56)1️⃣睇样都见蛋包饭超诱人，半熟滑嫩，微甜咖哩制作简单，唔算浓厚，但拌蛋包饭已经够满足。2️⃣而招牌猪扒真系超厚切，外脆之余肉质够软熟，呢个价钱冇得输。🥘脆嫩吉烈鸡排 配 香浓鲜茄芝士焗饭 ($56)1️⃣盖上邪恶芝士嘅焗饭，表面烤得微焦，酸甜蕃茄汁再混入鲜茄肉，真系平靓正。2️⃣而其实扒同饭系自由搭配，焗饭都可以配招牌猪扒，相比之下会推荐配招牌猪扒多啲。-🍖秘制BBQ酱烧猪肋骨 配薯菜 ($78)睇价钱已经觉惊人，秘制BBQ酱汁非常惹味，猪肋骨肉质结实啖啖肉，如果再软嫩啲就更正，但呢个价钱份量真系超值。🧀拉丝芝士烟肉脆焗薯条 ($32)🫕芝士黑松露焗忌廉大啡菇 ($32)而呢到亦有唔少邪恶芝士小食，同样价钱惊人，例如必食焗薯条，芝士拉丝之条，薯条够香脆。🥞一口朱古力西多士 ($28)完全贯彻邪恶嘅宗旨，香脆西多士，淋上朱古力酱，再包住朱古力馅，简单得黎够邪恶，而且真系超平。🍲值得一提店内仲有个招牌南瓜汤，自家拆肉鲜制，质感浓厚，而且系跟餐免费附送，基本上冇咩好挑剔了。
继续阅读
🍪【#西贡】金豚亭 Fusion🐷吉列猪扒专门店 高性价比$78豚肋骨🐷.🍪西贡食街一间高性价比日本西餐，其中🐽吉列猪扒系招牌菜，即叫即炸值得一试🥰！人气猪肋骨唔洗$100有找😱！就系咁吸引咗我嚟食😆！~~~~~~~~~~~~~🐷 人气！秘制BBQ酱烧豚肋骨拼薯菜 $78 (3.5/5)摆盘好靓，直程好似去咗西餐厅咁😳！猪肋骨有5条，份量够慷慨😚，美中不足系肉质鞋口咗啲🥹。薯条有调味，惹味香口😋。沙律菜有落芝麻酱，个人觉得落柚子醋同猪肋骨更夹👍🏻。.🐖 招牌厚切吉列猪扒 拼 猪骨浓汤乌冬 $50 (4/5)吉列猪扒即叫即炸，质素令人喜出望外😍😍😍！外皮炸粉轻盈，新鲜脆口，肉质软熟😋！猪扒唔算太厚，所以称唔上厚切🤔。后来揾到餐厅社交平台，先知金豚亭系吉列猪扒专门店😳，唔怪得猪扒几正👏🏻！爸爸话乌冬健康清淡，后生嘅未必钟意🤣。.🍽 跟餐加$10即有🎃南瓜汤及饮品，本来期望唔高，冇谂过南瓜汤咁高质🤤，浓郁之余有忌廉香，爸爸话阿华田都好饮☺️！~~~~~~~~~~~~~🍪猪肋骨唔洗$100有找！就系咁吸引咗我嚟食！~~~~~~~~~~~~~味道 Taste：🍪🍪🍪🍪/5环境 Ambience：🍪🍪/5💸消费 Spending：$69 /人 Person🔥推介度 Recommendation：4/5.📍 金豚亭 Fusion
继续阅读
今次带埋狗狗入西贡，唔入巷仔食，去咗望住公园仔、枱櫈摆街嘅小店。连舖头名都唔知就揾位坐低咗，连狗狗都自动波坐定定等食。个餐牌系早餐专用，只有早餐。早餐种类选择多到花多眼乱、菜式齐全，大女食西式，我、细女同老爷食港式。最钟意嘅仿鲍鱼通粉，竟然有鸡丝，啲鸡丝啖啖肉冇乜皮，啱晒怕肥嘅我；啲通粉系我钟意嘅冇坑冇纹又实正最估唔到嘅系仲有几粒/片脆脆，好香好脆好过瘾，可能我见识少，我都系第一次食到有脆脆嘅通粉呀！值得推荐！
继续阅读