金記冰室 (赤柱廣場)

营业中

休息中

冇服務冇招呼，上一台食客走咗，請員工抹台，竟然同我講，果邊有紙巾，你地自己抹ok, 冇比服務費，我自己抹！再來就係上單慢之餘，仲要錯單；錯完單，來到食物都係凍，咖喱牛係凍，米線係凍，連即食麵都係凍！冇下次

一行三人叫了凍檸茶和2個紅豆冰，檸茶小甜拿進廚房親眼看到侍應用手（當然事先沒洗）把檸檬放進杯裡，不想肚子痛只有整杯留低 。大家要來喝凍檸茶建議告訴侍應注意基本衛生 😨

on 19/3/2023 at 1550 hours we waited for a table for 7 people for 15 minutes. The waiter took us inside and said we ll have to take 2 separate tables far from each other. we politely declined and said we want to sit together. The waiter rudely told us to go back outside and wait. while we walked out, he shouted to another waiter and said IN chinese thinking i didnt know Chinese "THESE PEOPLE LOVE WAITING AND LET THEM WAIT UNTILL 6PM". We went to another restaurant. I have been to different branc

尋日打風前大家食咗咩？ 我哋就開心大發現咗 ，店面裝修到好似街邊大排檔咁，食嘢特別覺得有鑊氣。我哋叫果幾個午餐都唔錯，相信依度其中一個賣點係 #碟頭 夠大，食極我哋都好似未食完咁🤣#肉絲炒麵 個麵勁脆😋😋#沙拉汁焗鬆化肉眼豬扒 酸酸哋、入口真係幾鬆化#XO醬日式叉燒蝦球炒滑蛋飯 呢，係唔小心叫咗午餐中最貴果樣，點知食落無乜特別… 個蛋係滑嘅、叉燒就一般水平嘅日式叉燒、蝦嘅量都唔少，可能就係咁貴啲…整體來講都唔錯，我哋仲睇中咗佢哋個 #下午茶 menu, 希望遲啲有機會試吓啦！

赤柱半天遊，最尾站是食埋個晚餐才打道回府。揀左食個快飯地方「金記冰室」其集團出品水準都差唔多，基本上冇乜失凖。平日來的日子，座位任坐，乾淨光猛。此店冇自助落單，所以要搵人幫。但店員反應差，叫極都冇反應，終於忍不住自己行出去搵人落單。「鮮茄焗厚切豬扒飯 」$72賣相超吸引、先切開豬扒，真心厚！入口又稔又夠味、炒飯底冇可挑剔，有蛋絲，炒飯底加左菠蘿洋蔥蛋絲、蘑菇，飯粒不太乾，茄汁甜酸平衡得好，份量也剛剛好，整體來講是我吃過頭三甲的好味焗豬扒飯，出色！紅豆冰 - 加配半價 $14花奶椰汁底，可惜味道較淡，紅豆入口軟棉可口，甜度適中，以此價錢來講是可以的。

早前去咗赤柱小旅行，由於空肚入去，十分肚餓呀！！而且好想食雞髀，所以我哋去咗金記食個早午餐，太肚餓嘅關係，叫咗好多嘢食😂😂。.🔸炸雞髀蕃茄汁焗意粉炸雞髀好好味，皮脆又入味，中間嘅雞肉juicy！好滋味！茄汁夠多，每一啖意粉都食到香濃嘅茄汁，正呀！.🔸公司三文治材料豐富，有午餐肉、蛋、火腿、芝士、蔬菜，好味又均衡，個包係烘底，所以好脆，好味！.🔸老火靚湯.🔸冰鎮芥蘭第一次食凍嘅芥蘭，口感非常爽脆，有一兜Wasabi魚生豉油點嚟食，味道出奇地夾，好食！

第一次幫襯係赤柱分店，叫咗星洲炒米，可以接受啦，算岩食。價錢方面，同出邊嘅茶餐廳差唔多價錢。但第二次係粉嶺中心分店叫左個牛腩米，好似成$65，唔好意思都講句，真係又貴又難食的牛腩米。牛腩真係好難食🥲🥲🥲好想同老闆講究竟佢那裏來的自信做牛腩米，又大嚿但係又唔好食。

今日嚟赤柱, 最主要原因係企響沙灘教寵物傳心.無收人錢所以唔存在呃人問題....咁.... 人地都好醒目, 請我食個 Lunch 囉....求求其其去金記點咗碟乾炒牛河算.另外再點咗蛋撻.佢地就吉烈豬扒烏冬同豬潤米.試咗少少吉烈豬扒, 外層夠脆, 而且厚切無偷工減料. 滿意!蛋撻失望, 好似擺咗好耐咁, 唔夠新鮮凍冰冰, 中間已經凹咗落去, 唔夠滑.同樣, 乾炒牛河又係好似炒完攏底好耐, 冷冰冰全無鑊氣, 牛肉淡而無味,  七十幾蚊價錢唔平重要係 menu 話推介, 差評!另外，點凍0茶少冰，都好多冰！有相有真相.如果唔係冷氣夠, 相信俾負評.

自己係屋企諗住去樓下食個外賣自取，就嗌左呢一個焗豬扒飯，返到屋企食完飯切開舊豬扒先發現成件都係肥膏，完全食唔落口。啲飯就正正常常，但係成舊豬扒都係肥膏就離譜咗少少，唔會再幫襯，好黑心

今年生日，限聚限聚， 哪裡都去不了, 趁天色還不算太差，跑到赤柱遊一圈，算是完了赤口要行大運之願。中午唔知食乜好， 唔想食西餐又唔想排隊， 於是就來到金記冰室。貪佢款式多，而且是QR code落單， 少飯少鹽少油全部可按個人喜好自行選擇， 十分方便。我地一行五人，要分兩枱各自食， 合共點了：XO醬雞扒炒公仔麵, 蝦醬牛菘炒飯， 咖哩雜菜蛋飯，吉列魚柳飯配栗米汁，鮮牛肉通粉配西煎雙蛋牛油多士。蝦醬肉菘炒飯炒得好靚， 好乾身， 牛菘好多，好足料。吉列魚柳夠大塊但粉漿唔會過厚，不過白汁就略嫌小左啲。XO醬雞扒炒公仔麵勁惹味， 塊雞扒是香煎過嘅，好大塊，食極都食唔完。相比下咖喱就較差， 個咖喱汁底麻麻。不過茶記嘅野， 呢間算不過不失啦。

晨早去到赤柱... 先去食個早餐先!😬喺赤柱廣場入面... 金記冰室算係比較經濟實惠嘅食店! 店內裝修唔錯... 光猛又有特色!order咗個餐蛋米... 餐肉唔會好薄... 仲有2片... 都算唔孤寒!😆突然間好想食蛋撻... order咗件... 不過有d失望... 以為有烘住... 應該熱熱地... 但係食落一d都唔熱... 甚至稱唔上暖!😑一般茶餐廳/冰室用樽/盛器装住辣椒油... 但要讚吓呢度嘅辣椒油係一包包... 感覺乾淨好多!👍

Please scroll down for the English explanation of the bun.原來赤柱廣場都有間金記冰室，星期日下午三點幾，有條人龍排喺出面度等緊嗌飛入座，所以就咁買個菠蘿油，快快外賣拎走算。個菠蘿油都幾大個，個包大得黎唔會好似出面果啲“空氣包”咁鬆泡泡 / 食完都無咩點食過野咁。最開心係個皮夠脆脆，中間舊牛油都溶嘅，但如果個菠蘿油係熱辣辣嘅就好啦。價錢方面：菠蘿包$8, 但係菠蘿油就貴差不多一個double, 要$15。Pineapple bun (known as "Boh loh baau" in Cantonese) is a popular Hong Kong style bun, because of its crunchy crust. One of its common variants - Pineapple bun with butter (a.k.a. "Boh loh yau") is served with a piece of melting butter inside in the bun.The funny thin

同友人行春坎山，以為夠時間落山high tea，點知落到赤柱廣場已超過6點，無得堂食，就唯有叫外賣！👉🏻川味回鍋肉炒烏冬 $60有幾條辣椒，以為會好辣，但食落又ok，不過略嫌多油，回鍋肉亦只有兩小片，烏冬不算煙靭。。。👉🏻星州炒米 $68份量多，都乾身，不過不失，唔算岀色！👉🏻凍檸茶 +$3叫左少冰但仍然超級咁多冰。。。而家外賣自取八八折，不過服務態度不是十分好，叫號碼時好細聲，完全聽唔到。。。

As soon as we got here there was a machine outside where you click your amount of people and gives you a ticket. I felt like this was completely unnescrsary. After we got in, I noticed there were specs of rice on the couch and table. We asked the waiter to come clean it up and after that we had to order. Ordering was weird, u had to scan this at code and use it online. Very finicky and I don’t understand why they don’t just order normally. Good quality is ok, looks somewhat like the picture

今晚放工去赤柱吹下海風，食個晚飯。去得金記冰室，我當然叫鐵板西冷牛扒餐。今晚揀咗配薯菜同蒜蓉汁。牛扒七成熟，喺鐵板上滋滋餐煮一陣都接近八九成熟了，牛根同脂肪部分鎖住豐富肉汁。主菜除咗有厚切波浪薯條之外，仲有西蘭花，粟米，櫻桃蕃茄，唔止營養豐富，顏色都豐富。加$16仲有一碟白灼菜心，增加蔬菜纖維無妨，加埋蠔油釣味，甜甜的。今晚揀咗中式老火湯，唔會油膩，又補身。我特飲就揀咗熱嘅蛋白杏仁茶，杏仁味濃郁，熱騰騰的，飲完暖笠笠。