金記冰室 (皇室堡)

仿鮑片及火腿絲通粉是用雞湯煮的，湯特別甜，通粉軟硬適中。麵包吐司搽了牛油，也烘焙得脆脆的，蛋是幼滑的牛乳炒蛋，加上吐司上面食，味道方面唔錯。飲品方面是熱牛奶，熱了的牛奶給我一種暖心既感覺。…查看更多

服務員口黑面黑，餐牌大概一半嘢都没得供應，飮品要少甜都係超甜，八達通和任何其它支付方式都唔得，只收現金，金記大公司有咁多分店，哩間點面對咁多競争，不進則退自作自受。…查看更多

同太太兩人放工後搵地方食嘢經過金記 決定試一試目測顧客可能得三四成可能平時做午市比較多人，夜晚就少啲人我叫左無骨海南雞飯加羅宋湯，加檸檬味賓納老婆叫咗涼瓜魚柳飯 加檸檬利賓納 個汁味道偏濃 我鍾意，但係老婆覺得鹹少少唔記得影相 下次去時再影…查看更多

同朋友行完街想食西多士，牛肉湯米，自助點餐顯示全部沽清。正常茶記食物都冇，好失望呀。最後點了干抄牛河，豬扒焗飯，牛肉三片，粉唔熱，豬扒尚算ok, 以前金記焗飯是抄底的，而家是白飯。總結是食物、待應都冇以前水準。:(…查看更多

口味係好主觀， 但我覺得金記冰室真係唔差。 對上嗰次去係同母親大人食早餐， 印象中唔錯。 昨天去銅鑼灣， 母親又想食，於是再去皇室堡金記。一位穿著藍色恤衫的男士很有禮貌咁話畀我哋知已經冇做早餐，十一點才開始供應午餐。於是我地就唯有提早食晏。Order咗二人套餐， 三餸，兩湯，兩飲品，兩白飯， 都係$155. 樓面戴眼鏡的年輕侍應也很有禮貌。 咕嚕肉不是用罐頭菠蘿 。xo醬蝦球炒西蘭花有6隻新鮮蝦。 湯沒有味精。 真係唔差， 上網睇到原來好多分店已結業， 希望皇室堡呢間唔會啦！…查看更多

兩點半坐低，剛轉下午茶餐牌，用手機點左個火腿蕃茄通，一另外一個炸脾配西多，點完過左5分鐘侍應過嚟話水吧唔夠人手冇呢啲餐，得三文治可以叫，其他就炒粉麵，我搲哂頭，水吧唔夠人手所以冇下午茶餐，但下午茶餐剛開始喎大佬，呢個理由真係第一次聽，冇餐又俾人係qr code點餐，真係垃圾…查看更多

返工同老闆食個快餐，去咗金記唔使諗，咩都有得食有午餐不過我今日想食湯飯，本身一心想嚟食蕃茄牛肉湯飯，而且見到隔離大大碗，但係又有啲想試吓佢個豬膶湯飯，佢又話王牌所以最後都係決定試吓，不過下次就都係要返蕃茄牛肉好啲，豬潤份量唔多，而且個湯充滿味精，啲菇應該炸過 不過啲豬潤真係幾好味，係份量同埋細件啲！佢嗰個菜係類似食米線嗰啲酸菜 好味不過份量如圖，所見非常之少 我哋加咗個金銀蛋時菜，係白菜仔！好味，個兜睇落好大碗，但係其實唔多，因為佢係尖底嘅老細個海南雞飯都幾靚仔！不過呢嗰個醬唔正宗，冇咗嗰個泰式辣醬 呢個係精粹嚟㗎嘛不過侍應服務態度都幾好環境舒適:)…查看更多

金記冰室的食物和服務令人感到相當失望。首先，食物的質素並未達到期望，味道平庸，不值得花費。菜單上的選擇雖多，但口味並未能令人印象深刻。更為令人困擾的是，這裡的服務表現極差。員工態度冷淡，缺乏熱情，讓用餐體驗更加沉悶。訂單處理速度緩慢，讓人感到不耐煩。客戶的需求似乎並不是他們的首要關注，這在一家飲食店來說是相當嚴重的問題。總括而言，金記冰室在食物和服務方面都表現得相當差勁，給人一種不值得再訪的印象。建議他們應該加強菜品的品質和培訓員工的服務態度，以提升整體形象。…查看更多

銅鑼灣真係好多野食，同事話想食茶記所以我地lunch 去左食金記。午餐時段人比較多，不過流轉算快好快有得入去坐。 食茶記至正係好似咩都有得食咁，多到都唔知簡咩好。今日我勁想公仔面配雞脾沙律，雖然公仔麵成日屋企食到唔知點解去親茶記都好想嗌公仔麵食。呢個餐有份量超大其實食完公仔麵同雞髀已經好飽，雞髀好大隻係炸髀識落冇雪味，沙律份量，超大沙律醬唔算好多，所以唔會太膩。另外同事嗌咗一個炒烏冬他一向唔算細食，但係呢碟炒烏冬都食唔晒，我都試食咗個味道食落唔會太油味道適中。仲要有飲品同埋餐湯份量十足。整體嚟講餐廳上菜速度超快，其實同一般茶餐廳差不多，價錢算係合理，所以午餐都間唔中會過嚟食。…查看更多

今日叫左個常餐煎蛋腸仔多士加雪菜肉絲米，煎蛋腸仔油到爆，50幾蚊個常餐好心個米粉用新竹米粉啦而家啲冰室全部都轉曬啦，啲米粉整得好淋難食，好彩個熱杏霜都幾好飲。。…查看更多

喺銅鑼灣夜晚行完街，唔知食咩好🤣搵吓OpenRice發現皇室堡有呢間金記冰室😙於是就決定喺度食晚餐😳我哋見佢有一個二人套餐，於是就叫咗嚟食！個二人餐都幾抵，鮮茄濃汁焗厚切豬扒飯🐷🐷另外仲可以三選一簡個咖喱飯，咁我哋就揀咗咖喱雞扒🐣飯（雖然最後黎錯咗咖喱🐮牛腩飯🤣），再搭多碟白灼時蔬🥬加埋兩杯凍飲都只係$164🥤🥤焗豬扒飯有兩塊勁厚嘅豬扒，夠晒口感，超級抵食😋😋牛腩飯個咖喱勁香😳超級惹味😋😋仲配多碟菜🤤食完真係好飽🤣…查看更多

星期五晚喺皇室堡行完街之後就去咗附近金記到食晚餐由於六點時間尚早，所以都唔需要等位就可以即刻坐低。之後我哋叫咗三個粉麵飯💙第一個係黃金招牌乾炒牛河🩷第二個係鮑魚炒飯💜第三個係豬扒炒麵乾炒牛河嘅顏色比較淡，但味道足球有鑊氣，整體都唔錯。 另外鮑魚炒飯有兩隻鮑魚，成個炒飯有成三至四碗非常大碟，女仔嘅話真係兩個人食一個飯都夠！另外豬扒炒麵顏色非常好濃， 豬扒好味，但個炒麵就鹹咗少少🙈 要飲多兩啖凍檸茶先得。…查看更多

今日行下銅鑼灣，想去行下ikea，見到玩具反'豆'城，不如去行下。行到一半想食下午茶，便見到大家香港人都好熟識的茶記。差不多區區都有一間，「梗有一間喺左近」。今次見到有個新特飲，魔芋波波奶茶。唔好笑，都知大家在想什麼的，我個朋友笑咗成分鐘話說回頭，個奶茶不差的，都是太多奶，不夠茶味。不過見到個姐姐大力推薦，都有分加。而個沙嗲牛肉通，味道可以的，通粉太'林'了，應該是太早熟了一段時間。牛肉份量當然可以多d個蛋和多士個樣不錯…查看更多

馬來炒貴刁$74味道對板😌唔會好鹹而且幾多配料尤其是係芽菜同埋蝦仔芝士鮮茄焗牛舌飯$74呢個係朋友大推既 佢話次次都會嗌 呢個飯等得特別耐 原來係即叫即焗 熱辣辣 牛舌有三大塊😍飯係炒飯底所以就算食到最尾唔夠汁 飯都一樣好食👍🏻XO醬豬扒炒即食麵$78諗住麻麻地但比想像中出色 少少辣味 幾惹味 豬扒唔算話好多 乾炒牛河$78味道正常 無想像中咁大碟 同埋唔算好有鑊氣 相比之下呢個比其他三個較為失色 不過佢牛肉多過上面過豬扒😂…查看更多

啱啱去完旅行返嚟想食啲香港嘢咁啱想起金記當時晚上8:30 好彩佢未收門叫咗個煲，同埋肉餅每個都跟一大碗飯 （雖然已經叫咗小飯）個沙嗲煲啲汁送飯一流不過真係太多飯，最後兩個人都食唔晒…查看更多