金記冰室

Lunch 同同事去左金記食叫了佢個炸雞脾沙律公仔麵餐同熱朱古力同事話附近茶記冇朱古力全部跟我叫左朱古力叫做正常冇特別但個餐就真心唔ok炸脾完全醃得唔夠味仲炸得好乾好柴皮咁仲好細隻心諗大快咩大咩樂雞脾茶餐隻脾都大過佢沙律全部係扮蘋果既薯仔我至憎唔好食個火腿就唔知點解有吞拿魚味唔知係咪本身諗住用黎做吞拿魚火腿治平時好有衣食既我都食淨左好多真心難食總結零分食第二間好過同區有好多其他選擇食扒就咩華好食同抵食過佢間餐廳真心提升下食物質素先增強到競爭力…查看更多

The place is clean. you can see the food is freshly made.the milk tea is nice.  The chicken rice is with Hong Kong style which I enjoy eating the most.The french toast is super heavy but tasty, you can resist...hahah.…查看更多

金記冰室開係屋企附近，落去食lunch好方便番茄牛肉湯飯，蕃茄味好濃，成個湯好甜，牛肉好新鮮無雪味！份量好夠，識落唔重味精味，食完都唔係好頸渴。下次試埋野菌湯飯😝…查看更多

週末郊遊樂，今朝同一班朋友一行6人行完摩星嶺後，返去堅尼地城嗰頭搵食，時間係下午一點幾又未到兩點，時間有d尷尬(介乎午餐至下午茶餐之間的時間)，好肚餓嘅關係，等唔到平少少嘅下午茶就入去嚕。平時喺香港各區行街都會見到金記，不過入去食都係第一次。入到去等咗5-10分鐘左右就有位，期間有位姓陳的女職員好有禮貌咁為我哋介紹同話唔好意思要我地久等。（我諗過會咁好招呼)坐了張大圓枱，大家各有各叫自己嘅食物。豬潤米粉不錯，沙嗲牛肉好食！其他食物味道不過在失。杯凍檸茶雖然要加$3，有5塊厚切檸檬片！P.S.有段小就係塊多士上面有隻扁咗嘅大蚊。好彩店員話換就真係更換成份俾我！…查看更多

凍咖啡變了凍奶水，茶走沒有煉奶味，食物偏凍，沒有出煙，肉醬意粉味道頗酸份量偏少，炸雞翼薯條只有一隻雞全翼，餐枱沒有餐巾供應，員工服務態度及衛生環境惡劣。是我至今食過最差的一間港式茶餐廳…查看更多

今個星期，我哋冇去過西環食飯，本來諗住去西環食點心，點知間點心鋪太多人，所以我哋決定又係金記。同之前一樣都係叫午市套餐。太少依然鍾情青蔥豬扒飯，而我今次叫咗瑤柱肉碎蒸滑蛋飯。同平時一樣，餐湯係羅宋湯。上次大少話佢哋咖啡唔錯，所以我決定跟大少一樣飲咖啡。d豬扒仍然係兩塊大大塊，旁邊亦鋪左好多青蔥，白飯加咗色。我個蒸滑蛋飯亦都唔差。雖然個蒸蛋上面有少少水泡，但對我來講已經夠滑。個蒸蛋亦都會好足料，啖啖食到乾瑤柱。個咖啡真係唔錯，味道似係用西式大咖啡幾沖,而唔係港式咖啡。大少同我已經2月內食咗三次金記，但係我哋依然覺得好食，翻兜機會甚高。…查看更多

態度極差，嗌嘢食一開始唔講冇咩嘢，嗌完先逐樣講。擺d餸倒瀉咗又唔say sorry，好似啞咗咁。你咁學咩人做生意？千企唔好幫襯！心情全無。真係好差好垃圾，好似d客欠咗佢哋咁。…查看更多

上個禮拜，同大少食完金記之後，覺得值得番兜，所以我哋今日再過嚟厚和街又再食金記。太少叫咗個蒸肉餅飯套餐，而我就叫咗咖喱牛腩飯套餐。同上次一樣有餐湯同餐飲。個蒸肉餅淋咗甜豉油，以我嘅咖喱牛腩飯有勁多汁，兩個套餐，撈飯簡直一流。肉餅係半肥瘦豬肉，再加左馬蹄粒。肥豬肉比例多咗啲，馬蹄粒亦都大粒咗啲，總括來說都幾好味。如果肥豬肉少啲，馬蹄又細粒啲，咁樣就更加好啦。我個咖喱牛腩飯唔似一般港式咖喱，應該冇落椰奶，顏色係深啡色，一啲奶白色都冇。我見到個咖哩落咗Bay Leave, 個汁亦都唔油膩。可能因為我唔食得辣嘅關係，所以我覺得個咖喱有啲辣，但係大少就唔覺得冇乜問題。啲牛腩一啲肥膏都冇，全部都係肉，薯仔都有三舊。我俾咗兩三夠牛腩比大少，但我自己都仲係食唔晒。今次翻兜金記，我哋仍然覺得佢係一間性價比高嘅餐廳。…查看更多

今日大少同我又去咗厚和街食飯，大少上次已經試過金記茶餐廳食夜晚飯，咁今日我哋就決定食午餐。大少叫咗薑蔥豬扒套餐，而我淨係叫咗番茄牛肉湯泡飯。個豬扒套餐有兩塊大大豬扒，豬扒上面全部鋪咗滿滿嘅青蔥蓉，白飯中加咗色，係小小甜嘅豉油。個豬扒好入味，連埋啲青蔥蓉食，真係好惹味。大少都話唔錯，可以再返兜。我個番茄牛肉湯泡飯真係好多飯, 我自己覺得牛肉就唔係好夠。大約有7-8片牛肉。個湯底應該係自己煲另加番茄膏調味，見到有粒粒薯仔同埋粒粒西芹。個味都好食㗎，只不過係飯太多，肉太少。因為性價比高，所以我決定比好評。…查看更多

老字號金記冰室，睇電視廣告都唔少啦係西環開始重新包裝重開，開到周圍都有分店添，裝潢就新裝舊派，光猛舒服係聚腳同歎港式下午茶既好地方保留冰室傳統，食物種類並非以多取勝，招牌推薦有幾款，包括：鮮豬潤通粉、焗豬、西多配雪糕、蛋白杏仁茶、生炸雞脾等等聽到都想食鮮豬潤通餐，火腿奄列唔使講啦，豬潤通已經配左大量葱同薑絲豬潤係厚身個隻，爽滑，口感不錯，味道亦鮮連葱、薑絲、湯一齊食果然係招牌之選，通粉細細粒，同大舊既豬潤好夾如果湯既味濃多少少就完美金記生炸雞脾，賣相一流望落食落都唔油，雞皮香脆生炸既關係，肉質鮮嫩，仲有肉汁，唔會乾或者實加左啲椒鹽，好鬼惹味成隻脾唔同既部位都幾好味果然係招牌，即食麵以為求其野，點知湯底都有花啲心機，味道幾好幾特別，又唔會過鹹超班既茶餐當然要品評下杯茶，用左隻畫滿舊建築既杯，有心機茶唔算好香，入口相當滑，奶味濃而同茶味結合得唔錯奶多但唔合稀身，反而質感幾厚身，好茶！好多想活化舊招牌既餐廳都只係金玉其外，金記雖然價錢比較貴，但各樣食物、環境、味道都keep到，算係幾有質素服務都相當好，希望佢唔好執啦#呢間無做晚市六點就收舖#食客後生仔多過老人家…查看更多

今天到西環工作，完成後決定到處逛逛，走著走著來到厚和街被這間懷舊冰室的大招牌吸引眼球，剛巧肚子有點餓，決定來個一人下午茶。從店面到店裡都充滿懷舊風，從鐵信箱，昔日新聞，舊式冰室設計的門口，以前的廣告，都是一副老香港格調。一個人吃不了那麼多，於是要了個生炸雞脾意粉，火腿烚蛋拼雜果沙律茶餐和一杯凍咖啡。生炸雞脾絕對有驚喜，從顏色已經看得出來絕對是新鮮剛炸出來，普通茶餐廳的雞腿由於長期烘著，以保持熱力和爭取上桌速度，所以上桌時都已經乾得不行，咬下去雞腿肉就是硬，味道自然也吃不出個所以然，這個雞腿由於剛炸上來，而且火喉控制得宜，所以能夠做到鎖住肉汁，吃得到雞肉香味。火腿也很特別，有外國火腿的口感，也就是吃得出真的有用豬肉製作的火腿，想不到一個普通得不能再普通的下午茶餐能夠做到驚喜連連。消費也只是50塊左右，這個價錢有份量足的食物連飲品，而且食物質素真的不錯，環境又舒服，剛進來時留意到他們午市套餐直到每天1430，有空一定要再來試試。…查看更多

星期三中午一個毒L諗唔到去邊度食晏，行行下見到間懷舊茶記就入左去。咦，乜原來係金記呀是日午餐是甘的其實毒L一個真係冇咩胃口是但叫左個公司治，果然，當你冇期望既時候，就會出現驚喜 麵包烘左底，入面d料幾厚，尤其午餐肉同蛋👍🏻 d醬夠多又好味見到個公司治整得幾好，即時想加多個特飲，原來有好多都未飲過。因為好鍾意飲支裝可樂，所以點左黑牛。可樂同朱古力雪糕分開上枱。慢慢倒左一半可樂落個杯先，小心d泡泡會標晒出泥呀 個雪糕都幾好味，入面仲有朱古力碎添 溝埋個味好得意，到個雪糕溶晒就會得返d朱古力碎，我都係覺得一啖雪糕一啖可樂正d亮點：D野食上齊，侍應見我攬實個袋食好呢hea，就搬左張凳過泥俾我放袋，對毒L真好…查看更多

平時早上都間唔中會黎食早餐我想我都算是常客 基本上一星期都幫襯1至2次一直都當佢普通茶餐廳 飽肚唔難食就算數今次何解忍不住來寫評語呢？今早到來環境不太衛生 我坐的位置有一陣怪味雖然食物質數都不太差 算是正常茶餐廳級數咖啡的品質是非常一般其實我都冇乜所謂 只係早上來睇下新聞消磨下重點來了比錢時我先排隊 準備比錢 銀包都拿了出來跟住呀姐話要去落單先 叫我等一等落完單返黎居然可以讓後面的人打尖比錢 我叫住佢都仲要收錢 對服務極為失望 絕不會再幫襯本人生平最討厭人打尖 搭車如是 比錢如是收銀櫃枱居然容許咁既事發生 仲話唔會阻我好耐 不知所謂!…查看更多

羅宋湯通粉餐＄48套餐有羅宋湯通粉、火腿奄列同牛油多士，配一杯熱飲朋友話金記既羅宋湯好出名，fooooodie一於試下羅宋湯微辣，少少酸味，都幾開胃有好多蔬菜，略嫌湯底唔夠濃郁，亦都冇肉香味通心粉比較淋，整體尚算不錯牛油多士用左蜜糖麵包咸咸甜甜既味道岩岩好外皮烘得香脆，方包內裡軟身，口感幾好火腿奄列都算大份蛋唔會過熟，切開依然有嫩滑蛋漿，不俗朱古力唔會沖得好淡整體而言，食物質素正常作為茶餐廳黎講，定價稍高但偶爾體驗下懷舊味道，都幾有特色…查看更多

現在坊間大部分港式茶餐廳裡面的沖調飲品裡面，我只在日間飲用咖啡、奶茶、鴛鴦、朱古力、凍檸茶、青檸梳打等等原提神成份在內的飲品。如果去到了晚上，我就只能選擇飲味道較淡的凍檸水。但是今日我來到西環堅尼地城，幫襯另一間茶餐廳「金記冰室」的時候，我終到了另一種，可以在晚上飲用的飲品，而且飲品的味道頗為清淡的。那杯飲品的名稱叫做「蛋白杏仁茶」，「蛋白杏仁茶」是屬於熱飲的飲品。而且「蛋白杏仁茶」沒有含提神成份的食材在裡面，是我很有興趣一試的茶餐廳飲品。「金記冰室」樓面座位最引人注目的地方，就是座位之間以圍欄鐵架去分隔它們，食客享有私隱度的同時，都不是百利而無一害，「金記冰室」缺點就是，食客拍照的角度，可能會被欄杆所遮蔽住。就像我一樣，我拍攝到的「金記冰室」樓面，都被密集的欄杆所掩蓋住，令我無法真正拍攝到「金記冰室」樓面的真正面貌。另一方面，由於「金記冰室」廚房水吧製作「蛋白杏仁茶」，以及我的午飯主菜「麥美倫雞扒飯」需要一定的時間，所以等候期間我舉起手機不斷拍照，卻拍照不到什麼的「金記冰室」樓面圖片。反而「金記冰室」的食品、「蛋白杏仁茶」以及乒乓球拍造型的餐牌，我就成功完完全全地，以手機的鏡頭拍攝下來了。論「金記冰室」的樓面環境跟餐牌設計，我直覺認為它很像另一間有名的冰室「喜X冰室」，因為兩者感覺都好像走港式懷舊文化，跟集體回憶的港式茶餐廳。所以我選擇了的「金記冰室」飲品「蛋白杏仁茶」，「蛋白杏仁茶」的造型跟味道，都彷彿重拾以前港式茶餐廳食品跟飲品的味道，尤其是「蛋白杏仁茶」的杏仁香味，連我這個還未習慣杏仁茶味道的人，都開始喜歡了杏仁茶的味道。至於我選擇「金記冰室」的午餐「麥美倫雞扒飯」，不曉得「麥美倫雞扒飯」是否也是港式的懷舊菜式了，不論份量，「麥美倫雞扒飯」的味道已經有點懷舊的甜味味道。不過，我在「金記冰室」一看見午餐餐牌裡面，有「麥美倫雞扒飯」這菜式名稱，我直覺第一時間在想：「麥美倫雞扒飯」跟電視臺那位叫「麥美恩」有沒有關係？其實我頗為欣賞「麥美恩」的，她演繹喜劇的能力跟酷似「吳君如」的傻大姐形象，總比其他女星更有吸引力。不過這些題外話我還是言盡於此，專心評論「麥美倫雞扒飯」的味道好了。「蛋白杏仁茶」如果是配「金記冰室」的午餐，「蛋白杏仁茶」的跟餐價錢會是原價的一半左右，原價二十二元，跟午餐價錢則只需要十元正。「蛋白杏仁茶」在「麥美倫雞扒飯」上檯，更加顯得大杯和抵飲，因為「麥美倫雞扒飯」的造型太過美觀，份量反而因此而忽然縮小了。「金記冰室」的「麥美倫雞扒飯」，「麥美倫雞扒飯」的雞扒雖然只得一塊，但是雞扒始終還算是很大塊。講句說話安慰自己，就是「麥美倫雞扒飯」的大雞扒，份量可以一塊頂兩塊。所以「麥美倫雞扒飯」的總份量，勉強還能讓一個正常食量食客吃飽。另一方面，「麥美倫雞扒飯」的配飯位置，雖然「麥美倫雞扒飯」只是白飯，但是「金記冰室」卻有在白飯面頭，蓋上一層炒蛋的蛋絲。所以「麥美倫雞扒飯」的配飯雖然不是蛋炒飯，但是卻換來了有炒蛋絲作為配菜，成為「麥美倫雞扒飯」份量補回少許加分，彌補之前失分的「功臣」。至於「金記冰室」午餐的跟餐餐湯，餐湯味道有點像「羅宋湯」，但是整碗湯以雜菜為主，肉類感覺不多，所以餐湯實際感覺像「雜菜湯」多過「羅宋湯」。幸好「雜菜湯」的湯味尚算濃厚，內裡蘊含甜味，當是午餐的餐湯前菜，「雜菜湯」肉食不多但味道仍有甜的感覺，整體還可以接受。至於「麥美倫雞扒飯」配的醬汁，醬汁的味道有點偏稠，但是味道酸酸甜甜，仍算是適合配白飯享用的碟頭飯醬汁。把「麥美倫雞扒飯」的雞蛋切絲，撈勻白飯跟酸甜醬汁一起享用，我終於感受到雞蛋切絲的實在口感，可惜雞蛋切絲入口時已經放涼，所以雞蛋切絲感覺有點冰凍，是美中不足的地方。至於「麥美倫雞扒飯」「一夫當關」的雞扒，雞扒大塊之餘不算難切，而且勉強能吸收甜酸醬汁的味道，味道變得酸甜開胃容易入口。吃到一半過後，我已經發現自己，已經把「麥美倫雞扒飯」的雞扒吃至所餘無幾。「金記冰室」的午餐份量始終是偏小，「麥美倫雞扒飯」是賣相味道佔優，份量卻不夠食飽。回顧「金記冰室」的午飯價錢，「麥美倫雞扒飯」午餐，單是雞扒飯已經需要港幣五十五元正，卻只有一大塊雞扒，性價比稍為略打了折扣。而「金記冰室」午餐的重要味道精華，反而落了在飲品「蛋白杏仁茶」的身上。「蛋白杏仁茶」用上了修長身形的茶杯，茶杯的修長身形遮掩了杯面不大的缺點。而實際上，雖然「蛋白杏仁茶」的杏仁味份然很濃，但是我經過了多次接觸試飲過「杏仁茶」後，某程度上已經開始接受習慣了「杏仁茶」的獨有杏仁味道。幸好「蛋白杏仁茶」整體的味道仍然算甜，即使有了杏仁自己的另類味道，我仍覺得「蛋白杏仁茶」的味道開始變得容易適應和習慣。喝到中段，我開始用匙羹輕輕攪拌「蛋白杏仁茶」，終於還是給我發現「蛋白杏仁茶」裡面的秘密要點。原來「蛋白杏仁茶」裡面，真的有如此多的蛋白，蛋白多得要我努力用匙羹刮起慢慢享用。蛋白的口感頗為滑溜，所以蛋白配合味道有微微甜味，跟有少許杏仁味道的杏仁茶，對我來說是新鮮的味覺體驗。「蛋白杏仁茶」對「金記冰室」來說，或許是食店的限定推廣飲品，所以熱飲還需要加十元，價錢比配凍飲還要昂貴。儘管「蛋白杏仁茶」味道頗甜頗易入口，但是若然「蛋白杏仁茶」不能像一般熱飲般收回原本跟餐價的話，我下次應該不會再試了。因為我始終還是比較喜歡喝熱奶茶多一點，所以我下次來「金記冰室」可以選的話，我還是會飲「熱奶茶」多一點。…查看更多