影片
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
食家推介
因为贪方便快捷，一直都有keep 住食金记。仲记得两年前，第一次食，佢嘅出品系正常水平，亦因为咁开始左，系附近又赶时间就习惯性地拣佢。直到大约半年前开始觉得佢愈做愈差，去到今次竟然连餐记最撚手嘅杂扒饭都可以失手到咁，睇嚟系时候脱离金记快饭行列了。今次点左佢今期新出品-金记杂扒炒饭。炒饭正常，但杂扒出晒事，首先系有小忽鸡扒，干过牛肉干嘅牛肉，两小半条干到龟裂嘅肠仔，最正常两小块午餐肉，同半块连骨嘅猪扒，即系得小小肉痴住果只。成件事好奇怪，每样都系唔完整一块，宁愿佢俾小一两样𩠌，正正常常俾块完整。另外，干得离谱嘅牛肉直情系咬唔入，点解咁都可以出俾客🥲送嘅例汤亦唔知点解好大阵猪骚味。另外，餐厅一d 角落亦不时有小昆虫出现。餐具有饭汁污迹亦系常态。待应叔叔姐姐，态度亦属一般以下。整体嚟讲，真系愈做愈差，失望。
继续阅读
话说附近冇乜茶餐厅，唯有去金记。首先，入到去个地已经跣吓跣吓油淋淋，谂住茶餐厅都差唔多系咁就算啦。跟住冇服务: 问啲姐姐攞个杯斟水都指手画脚，跟住用QR code落单叫咗份西多士。刀叉都系要自己喺柜桶度攞，但冇一只刀或者叉系冇饭粒或者饭汁黐住，又油淋淋。跟住又等咗20分钟问阿姐可唔可以跟下单，啲阿姐敷衍了事之后就走咗。前后问咗两三次，都好似同空气沟通咁。跟住再等多10分钟，依然懒理不理。茶餐厅一份西多士都要等成30几分钟，夸唔夸张啲？ 最嬲嘅系，结果去收银讲你个西多太耐我唔等啦，佢仲追问你坐喺边。 态度极其嚣张！ 香港而家生意好好咩？点解可以对顾客态度咁差？ 而家会有人打劫你个西多士吗？未食已经一肚气，以后唔会再去任何一间金记，贴钱买难受。
继续阅读
话说今晚同朋友去咗金记冰室，首先嗌咗个招牌生髀，配朗朗嘅雪糕，真系食落口感几有层次：外皮嘅脆香配上嫩滑鸡肉，真系正到弹👍！仲有个独特嘅金粒西多，分开嘅糖浆我就随意加咗啲，美嘢呀，雪糕令西多提升咗个水平，一流！再来讲下𠮶南乳大虾盛，简直似食紧盆菜咁，料多得嚟又鲜，每一啖都系满足，个味道正宗得滞👌。呢啲材料，每款都咁入味，真系食得津津有味！饮品部分，个雪糕红豆冰冷喉又解腻，仲有隐约嘅椰香，添上面头𠮶层雪糕，真系完美嘅组合！至于热嘅蛋白杏仁茶，呢个寒天热饮，啱晒啫喱般滑溜嘅口感，满满杏仁味，冬天饮真系暖笠笠嘅。食完𠮶晚，行出金记冰室，成个人都饱涨涨。如果你想找一个味道佳又有亲民感觉嘅饭店，金记冰室肯定系你嘅首选！谂住下次仲要再嚟，试埋其他嘅美食呢！🍴🥤👏
继续阅读
今日路过试下, 叫咗个牛腩河粉, 啲牛腩系煲到烂晒,好似汤渣咁,跟住个仔食咗鱼蛋汤,啲鱼蛋系冇味嘅, 都唔知系咩嚟, 咁难食都可以做得住, 真奇怪!不会再帮衬! 杯冻咖啡酸嘅, 奶茶还可以.环境槽冷气唔够非常热.
继续阅读
午饭时间，同细佬去呢间冰室食饭。两年前食过一次觉得d嘢食ok，所以今日再去呢到食饭。我叫咗个“茄汁焗猪排饭” ，跟餐饮一杯 涷奶茶。细佬就叫咗个‘’白汁焗鸡脾饭‘’，餐饮 涷华田。等咗都几耐，差唔多要15分钟左右，两个焗饭先到。我咬咗啖块猪排，好“鞋”，吞唔落🥵，难食，吐返出嚟。净食埋d饭就算。细佬果个焗饭，佢话只鸡脾都系好“鞋”，唔好食🥵。又系食埋d饭就算。杯涷华田偏淡，唔好饮😓。最后大家都食得唔系好饱，埋单走人。连涷饮差唔多要成八十蚊一个饭，咁嘅质素，真系冇下次再帮衬。我哋之后要出去揾其他嘢食填肚。记得两年前我食过都系呢个焗饭，焗饭超满，块猪排又大块，肉质又淋，超好食。但今日再食，水准明显下降，超难食🤮。如果用呢个价钱去其他餐厅，冰室食饭。分分钟好食过佢，什至“平”过佢。所以认真冇下次再去帮衬佢。试埋佢其他嘢食。😡今日认真中伏。
继续阅读