影片
呢度唔系样样抵食，但有啲选择系超值既~早餐可拣牛奶麦皮配烚蛋（2只），盛惠$29，包饮品。饮咖啡的话，呢度的咖啡应该系即磨，但仲有一个更抵的选择：鲜奶！！早几个月我喺无意之间发现呢度的餐饮转热鲜奶系唔使加钱架（其他茶记热鲜奶要+$3-5）。牛奶麦皮几大碗，系双奶（鲜奶+炼奶；炼奶独立上，可自行决定落几多），食晒都几饱，通常我会带走1-2只烚蛋，当点心。呢度的早餐供应至1130，如果接近1130嚟到，早餐可充当午餐（份量系午餐的轻食版）。茶餐的话，我通常会点面包餐，价格视乎所拣包类而定。提子麦包餐$21，但有时提子麦包会卖晒（尤其早餐时段；早餐同样有面包餐），健康啲的次选可考虑同价位的猪仔包。同样，茶餐可配热鲜奶。最近一次光顾，一心想揾个地方倾计，拣咗呢度，点咗面包餐，（因单点1杯热饮~$20），而提子麦包则外带。朋友点咗炸鸡脾配迷你西多士餐，细份啲，但佢食得都ok。呢度大部分伙记几helpful。环境方面，呢度差唔多全部都系卡位，好适合人少少t倾计。
继续阅读
职员很无礼貌，叫佢攞野扮听唔到，要叫几次先应人，职员每个都黑口黑面都好似系度赶黑咁 ，都未食完唔问人就收走左人哋野食，同佢讲我未食完，佢好似讲到我问题咁，真系好失望，经理态度都好差，见到佢仲系度打机，无言
继续阅读
星期日中午 一点嚟到商场， 见呢间餐厅门口有人等位 ， 应该不会太伏，所以就拣呢间食。我哋都要等咗10分钟才有位， 一入去，畀咗张大圆枱我哋，我哋四个大人一个小朋友 ，座位都排得比较迫，用手机点餐， 餐厅给人哋感觉比较污糟，枱边发晒黑色 🤢毛菌，地下又有垃圾， 立黐黐😵。我哋点咗 午餐: 蒸仓鱼配饭， 同埋麻婆豆腐饭， 包咗两杯热饮，另外叫蕃茄火腿通粉， 麻辣牛肉米线，另再加一碟炒饭，cp值最高就系个蒸仓鱼🤫， size比想像中大，味道都可以， 其他食物就真系好一般， 不要抱期望 ，一般茶餐厅级数🤐。 埋单好似食咗大约四百蚊。
继续阅读
Pathetic experience!职员态度恶劣！食物味道差！Blacklist 以后唔会帮衬！职员态度好有问题，叫极唔应！仲成日摆乌龙，送错食物！凉瓜炆牛肉，凉瓜好硬！有牙周病嘅一定唔可以吃，牛肉得𠮶薄薄几片，咸到上天花板，好难食！霸王鸡，鸡肉嚡口又老，我都咬唔开，鸡肉冇鸡味又唔够姜葱霸王味！冇料扮四条！鱼香茄子鱼柳煲，茄子硬个铁！鱼柳冇鱼味！个汁好咸但系唔够香！pathetic！新鲜菠萝咕噜肉，既然菠萝行头，咕噜肉行次，应该菠萝多个咕噜肉先至啱，但菠萝得𠮶两三粒，真系冇逻辑； 咕噜肉好硬，我咬唔到，又酸到上天花板，好难食！
继续阅读
【西贡区】【金记冰室】我间唔时都会过嚟调景岭呢边做嘢，大家都知道我去到边食到边，而且呢度系以十八区 foodie 为主嘅生活杂志，因此难得喺西贡区，点都想食吓佢哋嘅餐厅。然而，心水清嘅读者可能会见到我成日都喺调景岭食，呢点我尽改。不过喺冇乜选择嘅情况之下，我今次都系食一间连锁茶餐厅，之前喺会展做嘢𠮶时已经食过一次湾仔分店。希望大家体谅，因为𠮶头嘅食肆，要食嘅好似都食过晒，剩返低嘅一系就系啲大型集团连锁店，一系就唔适合一个人食。我记得上次我食金记系食佢啲午餐，所以今次食「金牌经典」，即系啲类似常餐咁嘅套餐。我叫咗个 $58 嘅，主食系「招牌鲜牛肉米粉」，都几好食，清清哋咁。我将配菜「西煎双蛋」改做「炒蛋」，加埋「牛油多士」，都唔错。由于呢间系用 QR Code 落单，所以有啲咩要求都唔会唔好意思开口。呢一点除咗转炒蛋之外，亦都彰显咗喺杯嘢饮度，我叫咗「荷兰谷咕」转「炼奶(少甜)浓D」，我想讲咁配搭系劲好饮，大家可以一战。埋单就系 $58，唔贵嘅。。。（地址：将军澳调景岭景岭路8号都会駅2楼R03 & 027号舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：湾仔区分店：1am1157#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西贡区 #调景岭 #金记冰室 #金牌经典 #招牌鲜牛肉米粉 #西煎双蛋 #牛油多士 #炒蛋 #荷兰谷咕 #1am1274 #1ambackup
继续阅读