金莎冰室燒烤茶座 (已搬遷)

屯門既優雅茶座 係山景村特色餐廳🤤地方有分為室內同外 燈光較暗 幾有情調🥳價錢比較相宜🤓而且包一個湯、飲品、主菜(配薯菜/飯/意粉)、甜品德國咸豬手(半隻) $62呢個真係十分掋食！ 份量係一人份咸豬手個皮好脆 應該有先炸再煎而個肥肉同豬肉比例都好好 食落去好軟熟十分推薦！！另一個主菜八安士澳洲T骨($78)份量相當之大份 一個女仔都食唔曬啊！而呢度可以自選幾成熟，幾啱各人既口味切落去好易切 食落有牛既香味同黑椒味相當岀色而呢個茄汁意份 係配餐的份量夠曬2個人食啊淡淡既蕃茄味 ，真係令人忍唔住食曬去！餐包 係有預先烘焙同搽定牛油個人覺得 好有心思！為餐前做好準備湯 選左2個粟米忌廉湯 幾濃味 粟米都ok多飲品 叫左好耐冇飲既朱古力同利賓納2個都好好飲啊甜品：…查看更多

今日路經屯門，無意中俾我發現了一間特式冰室，被餐廳門外的爆谷機、棉花糖機所吸引！除了我以外，亦有不少小朋友及大朋友落手落腳弄棉花糖，那確實較少機會可以親手弄棉花糖，難怪個個都排住隊。除此之外，炮谷機裡的炮谷都好吸引，周不時還傳來陣陣焦糖炮谷香味。除了有特色玩意甜品之外，他們的意粉也不錯，賣相相當吸引。什菌菠菜汁海鮮意粉分量亦不賴，$6x算頗低吃，有大蝦、有青口，而且還有啖啖什菌，算得上真材實料。好喜歡他家的意粉，口感相當好，綿綿的又帶點爽口，令人吃了又想吃。…查看更多

今日無意中俾我發現到有間隱世冰室，位置上佢確實樹立一角，好似遠離鬧市般，正正如此，吸引了我。雖然裝修算不上時尚、豪華，反而盡顯別樹一格，給人舒服的感覺，而且還有露天座位，望下街景。真的沒想到冰室都可以如此舒適，讓我好放鬆。來到冰室總會令人想吃鐵板燒，這是美國安格斯牛扒鐵板燒，賣相也不錯，還可配上飯或意粉，至於醬汁方面我選了洋蔥汁，略嫌醬汁少了一點,只怪這洋蔥醬汁太惹味，拿來伴白飯一流👍🏻。至於牛扒我點了七成熟，肉質剛剛好。再看看餐牌，已經在想下一回再來要吃什麼了😋！…查看更多

經開山景邨，夜晚見到呢間冰室好光猛就去左試下～呢個係佢嘅是日晚餐，但我冇乜相食所以就係佢menu揀啦店內嘅環境都好懷舊傳統風味十足男朋友叫咗一杯黑牛($25)，佢話係細細個飲嗰陣味，係百事上面配朱古力雪糕，當甜品又當野飲，正！仲好大杯添！我帶咗碟鮮茄海鮮燴意粉($65)，加$20就轉套餐好友餐湯餐包嘢飲同甜品，餐湯方面有羅宋湯同忌廉湯揀，我揀咗羅宋湯入邊好多菜味道好濃，至於個意粉我10分驚喜入邊係超級多海鮮🦞！有青口蝦峴鮑片，務求令你每一啖都有海鮮食，真心抵！配搭埋青椒同蕃茄令到口感冇咁dry，意粉都好彈牙，10分推介！…查看更多

呢間餐廳其實係喺村屋入面都近輕鐵站之前有住喺附近嘅朋友話都可以食下 佢係一間幾港式嘅餐廳 我哋就睇中佢嘅酥皮湯同埋扒嘅款式都好多 所以就嚟試一試本身想要澳洲雪花牛 不過佢冇曬貨最後就要咗一份紐西蘭西冷扒同埋美國肩胛肉眼扒 佢個餐已經包咗湯同餐包 我哋就加錢要酥皮湯 餐包送上嚟熱辣辣 酥皮湯就當然係非常之熱同香啦 跟住主角鐵板就好快嚟啦 我哋係食鐵板上所以我哋就只係要三成唔想太熟肩胛肉眼扒分量非常之大 肉味亦都好非常濃厚 可以選擇配飯意粉薯菜 由於知道會好飽就叫左薯菜 淋埋黑椒汁真係一絕西冷牛肉就冇肉眼扒咁重肉味 不過都非常唔錯 佢肉質好嫩 又厚身 選配洋蔥汁 所有兒時味道都出晒黎再飲埋餐飲 食埋甜品 好飽好滿足侍應們非常有禮貌 食物質素又好 真係要再黎支持小店…查看更多

今日聽屯門嘅親戚推介去咗山景邨附近一間好多居民幫襯嘅港式鐵板餐。 夜晚嚟到，餐廳係一間村屋改裝而成嘅冰室， 都幾有氣氛有戶外同埋室內嘅位 。餐牌上面頭幾版都係鐵板餐有美國牛扒，雜扒，羊架豬扒選擇，仲係套餐 連埋餐湯餐包， 甜品飲品。我就唔使諗揀咗美國安格斯肩頸肉眼扒配薯菜 ，忌廉湯 加埋十蚊轉酥皮， 食鐵板餐必選酥皮 ，酥皮勁鬆軟。個鐵板上係侍應即時到洋蔥汁， 熱辣辣出曬煙， 個肉眼扒唔算好厚 ，牛味濃 ，都算多肉汁 。 連埋個薯菜分量好足夠好飽，最後上埋個花奶啫喱 ，好滿足。呢間餐廳價錢實惠份量夠飽值得返轉頭再試。…查看更多

係屯門探朋友，一齊食個飯。原來係屯門楊小坑村，唔止係村，仲有好味西餐廳。入到黎，環境幽靜，都坐得幾舒服。餐牌裡面既都可以加$20轉套餐。紅湯係羅宋湯，非常足料，有好多雜菜同牛肉粒。餐包焗過，外脆內軟。芝士焗肉醬意粉，上面舖滿芝士，焗完岀黎好香，蕃茄醬濃厚好好味，意粉每條都沾滿醬汁，肉碎粒粒有咬口，正！厚切豬扒配司華力腸，真係好有份量，仲可以跟飯，意粉，薯菜。豬扒雖然厚切，但食落好腍，味道一流！餐飲叫左凍檸茶和凍檸水。仲有甜品送，今日係黑加倫子啫喱，我要加花奶呀，唔該晒！…查看更多

今日因為工作問題經過屯門山景邨依頭，見到有一間門口裝修得幾靚嘅冰室，就諗住入去食返個午餐，補充一下體力先😆冰室嘅位置都唔易搵㗎！要行入少少，依個係佢個門口。餐廳嘅坐位唔算多，但都坐得幾舒服呀😆餐牌嘅嘢食選擇好多，而且有廚師推介嘅每日精選，價錢亦都相宜。我同朋友分別叫咗一個西冷牛扒鐵板套餐同埋半隻燒春雞套餐，好少餐廳會連午市都有鐵板餐食，而且價錢都好吸引，連埋野飲都係60蚊有找😻😻凍檸茶嘅茶底好濃郁，天氣熱啲冰溶得好快，但係店員好細心比咗一杯冰我地自己加返🤣🤣凍飲都係加返$3!!我自己就叫咗菠蘿冰，加咗$10，但係真係超足料😆西冷牛排黑椒汁配飯，牛扒超級大塊，黑椒汁好濃，諗返起$5x都覺得好抵🤣🤣燒春雞有成半隻咁多😻配洋蔥汁超配^_^食完主菜之後店員收走，仲會有粒雪米糍食😙不過無影低！最後埋單兩個人先$123😆午市食鐵板餐又飲埋特飲先依個價，質素好店員又細心🙆🏻‍♀️大家經過依邊都可以試下依間呀🤙🏻🤙🏻…查看更多

茶記、冰室，一直都係我至愛，近年亦有興起之勢但係我地忘記左香港仲有一樣類似既味道，就係茶座今日就黎到屯門感受返舊時既味道典型港式ｍｅｎｕ，而且價錢相宜我就點左個海陸空鐵板餐加酥皮湯食鐵板餐最開心就係可以食到餐包同餐湯酥皮湯都做得唔錯酥皮幾酥脆送埋濃郁既忌廉湯一流凍檸茶都幾大杯，而且茶底都幾靚有茶香海陸空鐵板餐海陸空係指魚柳、豬扒同雞扒魚柳都幾嫩滑而且外皮輕輕炸過更好味豬扒豬扒啖啖肉，而且唔會有豬騷味，靚貨！雞扒就好嫩滑，口感亦都好結實老闆仲好好人送左隻吉列蠔睇下隻蠔幾ｊｕｉｃｙ，而且唔會腥，好味食完仲有甜品，可以揀啫喱或雪米滋，我就揀左後者然後再另外叫多左杯依家買少見少既懷舊飲品：黑牛其實即係可樂＋朱古力雪糕，黑＋黑朱古力雪糕夠晒香滑，加埋有少少可樂味，夏天食一流…查看更多

屯門．一個特色小店林立的地區，有各種各樣的食肆，但西餐廳就冇乜幾間出色，但去完呢間金莎冰室之後，如果有人問屯門西餐我會推介哪間，就必定係呢間金莎冰室，因為好有舊式西餐風味餐廳對出可以泊車，不用太擔心抄牌，因為職員會通風報信，所以大家可以安心食用餐廳店面不算好大，但感覺好舒服，裝潢舊式簡單，好似有家的感覺紅湯蕃茄味好濃，酸甜適中，而且熱辣辣，配埋餐包就perfect肉眼扒配黑椒汁未放上枱已經聞到好香，肉眼扒非常多汁，極為juicy，而且牛肉汁味道好香濃，唔加黑椒汁，牛肉味好濃好香，好有口感，一切出黎裡面既汁就流晒出黎，拍得住幾間知名扒房呀花奶啫喱以前細個成日食，但大個咗之後就好少食，好classic ，好正，兒時回憶番哂黎。…查看更多

今日突然之間好想大大啖咁食肉 本身冇諗定食咩 但經過朋友介紹話上次食過唔錯 今次要帶我黎 一入門口見D人食緊大大塊扒既鐵塊餐 聽到埋鐵板餐既吱吱聲 即刻流口水餐湯就要左職員推薦既紅湯 真係唔錯 係帶D微辣既雜菜湯 好香既辣味 搭暖笠笠又脆既餐包食一流 個湯入面都幾足料 有好多唔同既菜、青椒、西芹等等 飲落都幾濃當晚餐廳仲送左碟炸蠔俾我地 新鮮即炸所以個皮好香脆 裡面蠔汁有爆出黎既感覺 唔錯既餐前小食叫左份星級什扒 包括了兩塊很大的雞扒 一塊豬扒 一片厚火腿 一條司華腸仲有一隻雞翼 非常豐富 用加熱了的鐵板盛上 再由店員淋上蒜蓉汁 馬上就能聽到滋滋滋滋的特效🤤記得要拿起桌上的格仔枱布遮擋喔 不然汁可能會濺到衣服上說真的 豬扒讓我驚喜的🥺 不是一般用鬆肉粉醃的口感 另外雞扒有咬口有雞油香 而且很大的兩塊 我最喜愛浸泡在蒜蓉汁而且被鐵板燙得焦香的火腿和司華腸 吃起來特別juicy 當然唔少得跟餐的意粉 非常滿足最後甜品有涼粉 加上花奶非常滑 感覺像充滿兒時的回憶…查看更多

今晚朋友帶來我來到一間像家庭式的冰室。這間冰室座落在商場旁，是一些村屋的地下，有駕車的話，應該可以免費停在門外！餐廳帶有一點點的懷舊味道，最特別的是連餐牌也是手寫的！這裡有很多不同的晚餐選擇，所有的主菜也是套餐形式，包了餐湯、飲品和甜品。我選了德國咸豬手配黑椒汁鐵板餐（＄118）。先來了羅宋餐湯和餐包。餐湯熱而且酸味適中，偏向蕃茄味多一點，是我的喜好呢！很欣賞裡面既材料好足！有胡蘿蔔、蕃茄、 西芹、 椰菜、洋蔥、馬鈴薯，一應俱全！餐包也是微暖的，個底有少少脆，成個包好鬆軟好味。到了主角--鐵板豬手！估唔到佢個份量比我想像中多！侍應在面前替我們淋汁(我選了黑椒汁)，喳一聲，很有鑊氣呢！香味四溢，令人垂涎，我唔客氣啦！初初以為豬手會難切D，點知佢外脆內軟，好易切！肥瘦均勻，豬手亦很入味，非常好吃！眼見身旁既食客，都有叫鐵板餐，我估應該係呢度幾出名的！果然有質素！當然少不了要飲杯透心涼既野飲啦！我點了一杯雜果賓治 （跟餐加＄10，好抵）。你睇，D雜果都有返咁上下份量架！正！甜品方面，可在涼粉和啫喱選其一。我選了後者。侍應仲會問你加唔加花奶添！雖然是免費跟餐，但啫喱味道濃郁，彈下彈下，不會夾雜過多的水溝稀。支羹仲好得意，係心型黎架！好好味，食到好滿足！我返到屋企，念念不忘佢個豬手，世外桃源的美食，不用加一，有齊餐湯、餐包、主食、甜品、飲品！的確性價比超高！題外話，最近流行夾公仔機！餐廳外面竟然有得玩！技癢可以一展身手呢！…查看更多

很久沒有到過山景這一區，話說中學時間也在這裡留下不少腳毛。今晚在這裡放工，決定來懷一懷舊，到了楊小杭食晚飯。餐廳的名字不同了，但間隔沒有大改動，保留了一道家庭式的風味。餐廳細細間，晚上食客不多，我想餐廳做午市(有中學生和VTC學生)已經足夠。所以雖然坐位不多，晚餐也坐得很舒適。晚市的餐牌也有很多不同的選擇，有A至H的晚餐外，也可以在主餐牌中選擇不同的扒餐。無論晚餐或是主餐牌內，也包括了餐包餐湯、主菜、飲品和甜品。餐廳姨姨介紹我食牛排，可惜我少食牛，所以點了一客金莎星級什排。先來餐包和白湯，很久沒有吃過這些餐包，真的是要來到這類傳統的西餐廳或是搭飛機才有。餐包熱熱的，配上一個大片牛油 很邪惡的；白湯香濃，還會有栗米粒。主菜以鐵板上，店員會將鐵板放到桌上才倒汁，所以可以看到汁在鐵板上熱到出煙的情況，真的別有一番風味。什排有雞排豬排肉腸雞翼火腿配飯，份量十足 非常豐富。肉也煮的剛好，不會因為鐵板而變得老了。食熱野就應該配凍飲，餐廳也有不同的凍飲特飲選擇。我點了一杯白牛（雪糕雪碧），跟餐也只是加＄15，很舒暢。最後還有個小甜品，我選了花奶涼粉，很有兒時感覺。…查看更多

呢一間懷舊冰室位於一座村屋地鋪，環境暗淡，配上o個個年代d 格仔檯布同連燈吊扇，帶住舊式扒房醉人o既情調。聽d 侍應相互之間o既談話，我估可能呢間餐廳係家族式經營都唔出奇。main menu 有正式鐵板餐，o個d 有美國CAB 或者prime 認證當然高級d，但晚餐menu 一樣有較平而唔錯o既選擇，而且一樣有晒湯、包、甜品等等各樣o野。店員推介之下，我點o左一個安格斯板健牛扒晚餐($108)，羅宋湯用呢隻鮮明色彩o既瓦兜裝住，貫徹番餐廳懷舊o既氛圍，麵包籃上o既蒜蓉包亦比想像中大塊。主角板腱牛扒，店員介紹o既時候話係屬於背部o既位置。雖然以我叫三成熟o黎講佢算係熟o左少少，但味道依然十分好。上檯有兩塊扒，一塊連住筋腱一塊連住肥膏，可以試到兩個不同口感。我覺得佢調味o個度尤其出色，以鹽粒同黑椒簡單醃製，更能帶出肉味。切一舊連埋肥膏o既牛肉出o黎，擺入口，齒頰流香。留番少少肉，將個跟餐意粉撈埋d 蒜蓉汁，又是一個新o既菜式。一場o黎到間咁vintage o既冰室，點可以淨係叫咖啡奶茶咁普通？加$10 可以配雜果賓治或者紅豆冰呢d 特飲，但係呢d 都算常見，反而黑牛、紅牛呢d 就真係幾少機會試到，所以加o左$15 試o左一杯金牛。金牛即係芒果雪糕加忌廉汽水，之前只係o係其他地方試過黑牛，原來金牛係咁好飲，芒果雪糕同忌廉汽水兩樣o野超夾，一試難忘……！跟餐仲有一個甜品，可以揀雪米糍或者啫喱，咁頭先食o左雪糕，所以揀啫喱。啫喱仔淋上花奶，連同頭先杯金牛，都充滿舊日特色，為呢餐加o左好多分！…查看更多

住左屯門咁耐都唔知原來有間特色既舊式西餐廳都係住屯門既朋友話我知呢間西餐唔錯喎屯門輕鐵站鳴琴站落車行過去5分鐘左右上左斜路行入少少果間先係呀呢間餐廳用返以前懷舊既格仔布架今晚我地叫左：「牛油蒜香焗蠔 （半打） $92」熱辣辣好吸引呀勁香蒜蓉香味兩個人share「帆立貝忌廉菠菜汁意粉 $72」清清地幾好味帆立貝都有好多粒都幾足料「咖哩焗海鮮飯 $62」焗飯超香有蝦、蜆、青口、魷魚份量又多咖哩味好惹味但有少少辣我地兩個飯或意粉都轉左餐（加$20）餐湯有紅、白兩款揀轉酥皮湯 （加$10）正呀！推介要轉酥皮但食完會勁飽🤣餐包係蒜茸包👇🏻雜果賓治☝🏻（特飲加$10）黑牛☝🏻（特飲加$10）甜品係啫喱☝🏻下次試下扒先得見到差唔多每枱客都叫鐵板扒😍呢間價錢又唔算好貴食完呢餐真係超飽好滿足既一餐…查看更多