金苑越南食館 (已結業)

剛回香港，已經三個月沒有吃過亞洲菜了，是夜跟喜歡的朋友來到「金苑」，由於朋友強烈推介，於是滿心期待。星期五晚的九龍城真的擠擁，街道兩旁盡停泊了私家車，好不容易才找到一個泊車位啊，然後走進不是太多人的「金苑」…點了一個二人餐，有越南春卷、煎扎肉及咖哩雞，另點了一個蒜蓉包及香辣青口。先來了香辣青口，大約一碟10隻的青口，看來十分肥美啊！的確青口滿是香葉的味道，可是不應叫香辣，因為並沒有辣味的啊，「香鹹青口」應該比較貼切。朋友抵不了過鹹的味道，於是請阿姐取回翻煮一下。阿姐的態度很友善啊，不停的道歉然後取回青口。再端出的時候，香辣青口已經不覺鹹了，但卻變得很淡，非常肯定是加水翻煮了一下，小妹已不能再說什麼了。之後是咖哩雞及蒜蓉包，小妹是非常愛好咖哩的，無論印度咖哩、泰式咖哩或是日式咖哩一律通吃，因此對咖哩的要求也相對地高。咖哩辣味夠、雞肉亦入味，不過沒有椰汁香，而且仍然略為偏鹹，蒜蓉包本身夠蒜蓉味，沾咖哩汁後更覺可口。越南春卷是朋友推介的「must試」item，春卷皮薄可是無論賣相味道都平平無奇，而且一般越南春卷都會有蝦的，可我真的不覺得這春卷有蝦的存在。經過之前的菜色，已經對煎扎肉沒有任何期

今早到了九龍城區工作，所以完成工作後便與同事在附近午膳。同事說想吃越南菜，於是我倆隨隨便便的找間越南餐廳用膳，剛巧經過這間「金苑越南食館」。之前到九龍城不是吃泰菜，就是吃清真牛肉館，在此區吃越菜，今次倒是第一次!此店地方不大，裝修有點殘舊，但好在不用等位，於是便內進試試，不知水準如何呢?這裡午市有lunch set供應，一客粉麵飯跟一杯飲品，只不過是三十餘元，十分經濟。今日天氣較熱，加上胃口不大，所以點了客札肉雞絲湯河，餐飲要了雪梨冰，潤一潤喉!札肉雞絲湯河: 賣相相當一般，湯底多數是以牛骨熬製的，所以味道夠濃，不錯。鮮粉紅色的札肉約有三片，厚度算是合理的適中，咬落肉質幾彈口，而且不會過鹹，味道可以。雞絲應該有醃過的，所以夠入味，不過肉質不夠滑兼有點乾身。好在今次點了湯河，把雞肉浸回湯中，可作些微補救。河粉略嫌厚身了點，不夠晶瑩剔透，好在條條算是完整，沒有碎濕濕的，吃落亦未致於"鞋"口，所以ok啦! 雪梨冰: 今次是第一次喝雪梨冰，所以點了。起初還一心想著應該像是龍眼冰、珍多冰那些較有特色的越式飲品，充滿期待! 上枱時才知道是一杯普通不過的加了冰的雪梨茶，有點像鴻福堂那些樽裝雪梨茶，不

今次係為左周未家庭聚會再整餐私房菜，專誠駕到九龍城一間上海貨店買毛豆同烤麩，順帶一提，呢度既烤麩好香順路再睇下有咩地方食，睇見越南兩字，不如今次黎試下呢區既越南野OK唔OK啦。因為今日放工唔係好餓，所以2人只係各叫左一個飯黎食，但係睇到廚房入面有D大麵包，其實好想試下個咖喱蟹包味道如何，唯有下次先可以再去試多次。首次，黎左一碟泰式香芒炒飯，我自己試既話覺得係幾吸引，首先炒飯底係唔濕，佢用一個鐵盤盛住炒飯，盤邊亦有少少既飯焦香。每粒飯都有醬汁包住，香芒亦都香甜，新鮮 (當造卦)，再加蛋碎炒，我覺得論價錢及味道，其實都係合格有餘，就算今晚我唔肚餓，但都好想食多2啖。泰式香芒炒飯反而呢個海南雞飯就遜色好多，其一，隻雞冇咩肉，雞皮亦好乾，配既雞油飯亦唔多雞味，其二係醬汁亦都較得平平無奇，配埋既湯我亦都冇飲，若果以40幾蚊黎食，深信一間連鎖店椰X閣既海南雞飯會比呢間好食，試完呢個有少少失望同扣分，果然食要食佢當造既，地道既同埋新鮮既好重要海南雞飯

補祝老公四十大壽~近近地去九龍城!半年前食過這間一次, 覺得不錯, 所以想再去多一次!但今次差咗!生蝦刺身 - 一般, 蝦不是太新鮮!蟹肉炒粉絲 - 這個味道不錯, 可以再試!香茅雞翼 - 好乾, 味道普通, 可以不吃!冬陰公湯 - 我最愛這個, 夠酸又夠辣! 但老公卻嫌不夠香草, 不夠濃!椰汁黑檽米 - 還可以, 多啲椰汁仲好!下次或許會試第二間了!

又到午膳時間，三個人想來想去都想不出吃甚麼。隨便驅車前往九龍城，隨便駛至唔知邊條街，再隨便見到有車位….咦！旁邊就是金苑，看其午餐餐牌都算抵食，就這家吧！甫坐下，見餐巾，方發覺這是永珍的姐妹店，有點滴汗；不過飯類較抵，都只是30蚊左右，比永珍的抵，既來之則安之，也就一試究竟。三個人就各叫一個set。香茅豬扒飯 - 豬扒頗滑嫩, 不過香茅味不夠香，而且份量寒酸咗少少泰式炒飯 -幸好不像永珍般在炒飯裏下雜豆，反而用上金不換，散發出獨有的香味；太公最愛就是金不換，而且帶微辣，開正我果飯；雖然炒得不太夠爽，太濕也太油，但我還是為了這金不換而吃個不停！烤牛肉檬 – 檬粉爽滑度、牛肉鮮香度，越南醋的質素，也只屬不過不失的水準，沒有驚喜，卻也沒有驚嚇。 反而是飲品最令人稱心滿意；我要的亞答子冰，亞答子甜甜地煙煙韌韌，與椰汁同吃，甜美非常！亞答子形狀可愛，混在椰汁裏，與冰粒形狀委實太相像，「幾可亂冰」，我們就在玩這個「估冰遊戲」，是一個絕佳的「飯後甜品」。不過其實質素始終一般，重來的意欲不算很強烈；寧願冒險去發掘下其他「新大陸」好過。

尼間係永珍姐妹店(話左BAD LIST獅子石道果間 侍應問題) 我為了食照樣幫趁分店 今回去金苑..入到去 點解班夥計熟口熟面 調左E間做 奇怪班阿姐今日既態度殷勤左 自動波添茶 仲介紹菜式比我地 比客投訴得多?? 始終做生意招待好 食物OK 都可以吸引或KEEP住客人再幫趁 GOOD!! 叫左扎肉同豬扒凍檬 跟魚露配上都淡味 焗芋頭飯多芋頭粒但味唔香口 飯有D爛其中叫了一客蝦春卷 $55/8支 反而好香脆味美 必叫既~越式炒粉 份量好多 味就OK.. 而炒菜 咖喱一般 ..不得不提 這裡價格偏貴 仲要收加一 久不久食下還可以..

呢間大約一年食倒一次已經食左約十年越南春卷 ok...唉,放响枱面果樽百搭甜酸汁...樽汁滿架,但樽內既蒜蓉,椒粒奇少,同以前搖兩搖就有一小碟蒜蓉,椒粒酸汁相去千里...咁個春卷好平平無奇囉....越南粉卷............無味既,甜酸汁又幫唔倒手咖哩牛肉湯河($32)(舊年$26).....呢個最忟....次次都叫佢地牛肉分上,佢地就會俾一碗咖哩湯河+一碟生既牛肉,我自已撈埋,咁咪唔會過熟囉.....但今次...睇下張相~~咁分黎為乜呢?????咖哩海鮮煲($86)...朋友A 話叫蒜蓉包點汁食....結果個個之後話唔抵,因為只有幾粒蝦,幾粒青口,幾粒魷魚........而個汁就同咖哩牛肉湯河個汁一模一樣...水 lunglung......蝦醬炒飯....有蝦醬咩??唔覺喎..........不過呢個問題好普遍......兩位阿姐都係熟口熟面,但第一次見佢地掟碗、掟羮、掟筷子...唔通我唔想坐你指我去果個厨房出菜位,坐另一張激嬲你????有三張空枱喎..今晚更破天荒見兩位阿姐,有七,八枱客都坐响後面一張兩人枱傾計,每逢有個白裇衫男人回來佢地至起身....

尋日出左糧，專登同個朋友出街食。我個朋友話由細食呢間越南野食到大，仲話次次都食到鬼咁飽（最緊係又唔係貴），咁我咪去試下咁囉。點知一去到間野先知，原來只係一間普通茶餐廳咁既裝修，完全冇越南餐廳既感覺一於唔理咁多叫左野食先算，一黎叫左個咖啡雞煲、沙嗲雞軟骨串燒、香蒜雞翼、蘇炸軟殼蟹。先黎個咖啡雞煲，睇個色好似好正好辣咁，因為本人非常之鐘意食辣，但呢個唔會話好辣但又有好香既咖哩味，食落D雞唔單止好軟身而且D咖哩仲好入味。即刻叫黎多兩個白飯（$12好大碟飯）之後食食下就開始黎其他餸，沙嗲雞軟骨串燒正到連D汁都想啜埋，佢個串燒真係叫我想死，我諗我每次去親都一定會叫再黎香蒜雞翼，睇落好似好普通，但咬落個皮度好脆，個汁好正蘇炸軟殼蟹係尾聲，未黎之前其實已經飽飽地，但我一見到個蟹又真係好想試下係咪真係可以成隻就咁食冇骨。點知真係勁脆而且仲有一大舊蟹肉係入面，嘩！食完坐左陣就埋單。而埋單每人都係＄150度，都值得一試

因為我o地住近九龍城o既關係,間中都會o黎呢間食店, 而通常食湯河粉,拼盆,沙律等等小食,都ok o既。但尋晚我o地一行4 人食其他o野, 只係覺得沙嗲串燒同芒果糯米飯係ok,其餘o既就如下:蒜容飽(3 件一客) - 唔熱, 頗硬, 其中1 件仲有灰綠色點(發霉!!), 好彩媽咪發覺(其實一望就見到)多士(3 件一客) - 都係唔熱同頗硬白飯一碟- 唔熱, 硬硬地, 唔新鮮, 好似食緊冷飯咖喱牛腩煲- 牛腩頗硬, 汁稀稀香茅炒黃鱔- 頗硬, 唔係幾新鮮(唔通炒得過熟?)生蝦- 唔爽口, 冇鮮味(好彩冇肚痛...touch wood!!)越式炒粉絲- 散收收, 唔好味...芝士蝦丸- 芝士加蝦膠炸, 好彩夠熱, 但冇咩特別(睇個menu 推介... 以為好特色) 薏米水; 綠豆冰- 一般service 就冇唸過會有(之前經驗) ... 但冇唸過連薏米水都要等咁耐(要追先o黎) ... 原來溜o左單(又唔係爆棚, 好忙咩?!) ... 今次真係不吐不快... 是次埋單- hkd507 (呢個價錢, 同我之前食泰國o野差唔多, 但就好味好多)

繼續有得weekday 0係九龍城食lunch, 今日想食越南0野, 唔想去金寶又唔想去永珍(詳見我的2007 年4 月22 日食評), 糊里糊塗0黎了呢度-- 點知一坐低先見到檯上的濕紙巾寫住「永珍金苑越南Restaurant」, 唯有見步行步, 只叫了生牛肉湯河($26) 及熱咖啡(屬「特飲」, 須加$5).生牛肉湯河先0黎, 賣相係全熟牛肉, 比中環芽莊/ 明珠的粉紅色medium-rare 牛肉更嚴重... 先飲啖望落幾深色又帶點污濁0既湯, 雖然賣相麻麻, 但夠晒熱, 味道幾「牛骨」, 亦唔係太人造味精(當然, 亦唔代表無), 意料之外; 河粉都幾滑, 但黐埋一餅0野的, 見到都幾無癮;「生」牛肉就完全唔得, 除0左已全熟之外, 仲切得太厚, 柴皮得很, 食落又無肉味, 好在有一條條洋蔥(又係黐埋一疊的) 0係度可以用0黎送0下牛肉, 勉強叫做「迫」到d 肉味出0黎. 係幾唔好食的一碗粉.熱咖啡望落稀稀的, 飲落係非常酸澀的一杯啡色奶水, 比尋日0係栢檔飲0個杯凍咖啡更難飲. 原來「特飲」咖啡係「特」別難「飲」0既意思, 早知叫「乜冰物冰」算啦!環境少少up dup, d

琴日10月27日.我同老公7點幾去呢度食..入到去..即感到焗,地下好"立"又跣..但因我地行左幾間食店都好多人(清真牛肉館)..所以咪入去試囉..我地叫左3餸1 garlic bread 分別係: 炒通菜$42 (尚可,好似烚咁)) 咖哩牛腩煲$68 (差,curry汁好似水咁,唔香又水, 牛腩唔入味,又唔淋,成煲得2舊腩,3舊根,2舊薯 仔,4條生菜) 蝦仁炒金邊粉$52 (最差,最唔抵,無味,又夠熱,好 似整定哂返熱食..3隻蝦,D蝦肉有D霉霉地,一隻例 牌碟咁細碟咋) garlic bread 3塊$18 ($6 per each) [ 最好味一樣食物,不過都係將舊法包擺入去焗,所 以唔可以值得讚. 同埋6蚊一件太貴啦]total :$180原本打算嗌飲品,不過食左佢D食物..就打消左個念頭LU..同埋佢幫我地落單後,D食物5分鐘就黎齊哂..新鮮極有限啦..(好睇大家接唔接受到,總之我接受唔到啦)

唔會再有第二次*=]今日同成班同學去左呢間野食野!!我叫左個越式炒河+ 可樂真係過份" 唔比蝦我都冇咁嬲"成個炒河入面得2隻小蝦"一係就唔好比喇札肉得個10小條,,過份油"個餐牌上寫住可樂同飲品+ 5蚊不過其實當叫野飲個陣時,樣樣野就話要+ 10蚊仲要加一" 不過唔知道係唔係見我地學生,最後冇收度!!total"31蚊31蚊其實唔叫貴,,不過平衡返碟炒河,超唔抵"

我和男友到金苑食下午茶，我叫了豬肉凍檬（約$23），個檬普普通通o拉，男友要沙嗲豬肉飯（約$29），完全唔掂，個飯好小得幾片肉片，好孤寒o羅!男友餐飲叫了杯咖啡，救命呀，一飲就知係即沖三合一的咖啡粉，簡直是crazy......我地以後都唔會再去，大家都唔好上當呀!!!

同暖暖的一班波友去食。一行七人。叫了好幾款食物，是日特價是雜菜牛肉煲，$43，抵!仲有好好味的咖哩蟹，炒通菜，豬扒檬，蝦卷，雞串燒，炒蜆等。野飲水準就一般，青檸冰麻麻。始終無飯到肚，係差D，我都唔係好飽。慘，仲大食過全檯的男士。阿姐好好招呼，反應亦快。不過，真的多咀了一點。不過幾時都話，最開懷係一大班人食野。

是晚家庭樂（真正沒束搏的一夜），吃的通常我拿主意，今晚就來吃越南菜吧！其實選擇來九龍城是為下文鋪路的...(見家庭樂～下），看過之前的食評，這裡都不錯呀。三位大男人一看menu就雙眼發光，好像什麼都想吃﹐但我就最怕眼闊肚窄了，可是連我也肚子餓，就盡情點吧！海哲芝麻雞：好開胃的冷盤！海哲爽，雞肉絲滑，芝麻香。亦均和了很多爆香了的小洋蔥頭和蒜片。酸酸辣辣的汁相信是魚露加入檸檬汁和麻油香。酸酸辣辣的汁相信是魚露加入檸檬汁和麻油而成的。好好味，值得推介！越式酸辣雞腳：好辣哦！有好多好多香料和檸檬葉，香辣得不得了的一道前菜。爽脆的雞腳去了骨，吃起來方便得多=)小吃帡盤：有炸魚蛋，沙爹牛串燒，香茂豬頸肉，炸蝦春卷，炸蝦餅（像甜不辣之纇）。炸魚蛋算最好的了，其他一般而已，還略油膩呢。炸香茂雞翼：樣子像鹵水雞翼。味道非常入味，皮炸得好香脆，但肉仍然濕潤得很。正！生牛肉河：湯熬得好夠火候，一定不是味精湯，加入大量洋蔥﹐就彷忽嘗到肉的鮮甜呢！生牛肉片好新鮮，如果再保持得生一點會更理想。扎肉凍蒙：扎肉比很多地方出色, 因他不是死實實的，吃上來有肉的鮮味，真是想一片接一片呀！凍蒙有點過碎，但質感算不錯。炸過的