影片
营业时间
今日营业
10:30 - 00:00
星期一至日
10:30 - 00:00
以上资料只供参考，请与餐厅确认详情
少去土瓜湾，经过都无咩餐厅选择，结果拣左间粉面店，装饰偏旧式，以为会好食，结果伏伏地叫左牛腩+鱼片头面$37+$6，鱼片头加$6得2旧，味道同口感都很差，系实滴滴既口感，吾弹牙。面份量好少，食完都吾够饱加$9有冻饮，柠檬茶正常发挥仲叫左鱼旦河多腩汁，河粉份量叫ok，但河粉质地吾滑，较面粉口感，多左腩汁都无腩汁味、好清，落辣椒油又吾辣，得个咸字，真心伏到呢加$9有通菜，腐乳味道吾浓😪最后唯一赞既系炸鱼皮，$13一份，份量少，真好脆好食，系要赞总结吾会再比机会食，价钱适中、但食物质素好普通，吾好食
继续阅读
我系土瓜湾返工，都系喺附近食晏，呢间系我一星期里面都会去食两至三次。今日食晏叫咗个牛腩鱼面跟餐菜芯，一开始系碟菜芯嚟先，但份量系比平时少（得四条，铺得一层，平时系两层有六至七条）。我即刻讲咗句，"哗 咁少嘅"。一个阿姐就讲跟餐系咁少，我话我食开都知无咁少，我都系嚟比钱食野消费。之后我再同疑似老板娘讲话今日碟菜咁少嘅？佢话可能渌淋咗所以细碟咗。听完呢句我即刻庆咗，不过之后无出过声。我照食完，比钱，走人。唔系食啲咩贵价野食，但收咗钱都要对得住良心过得到人，各位小心。
继续阅读
今次系食呢个墨鱼酥加云吞面另外加姜柠乐 。因为周边都冇呢啲舖头，所以变咗佢比较多人，佢仲要营业到夜晚12点 。 虽然嘢食系正常 ，但系有个女楼面唔单止对价钱唔熟悉要望住餐牌嚟写，并冇解释清楚跟餐嘅嘢饮唔包姜柠乐，而系要另外再俾$18(唔系热饮补钱) 唔系话唔肯俾钱，而系佢讲冇清楚仲喺度狡辩，仲要闹人 ，收银亦都冇帮拖 。 所以冇下次 。呢间嘢独市唔系大晒，你真系唔好怪人哋点解啲人唔出街食嘢。 希望佢唔会多谢街坊多年支持而加快执笠。 🙏😇
继续阅读
下午坐车出土瓜湾，落山道巴士站落车，距离约会时间仲有半个钟，又未食嘢，够时间食个快餐，望两望，装两装，食碗粉面肯定最快手，点知畀我揾到嘅间惊喜嘢。一坐低，店员即刻过嚟问我食啲乜？大佬呀！我第一次嚟帮衬，鬼知你有咩食咩？于是同佢讲话等阵先，佢行开咗。我迅速打开餐牌，入面好鬼多选择，但好彩第一时间吸引我嘅系大大只字「鱼面」，再望下细项，吸引我嘅字系「鲜墨鱼须」，正在犹疑之际，个店员又走埋嚟问我食啲乜，前后我谂两分钟都无，讲真咁嘅态度真系好赶客，你又唔系澳牛，间舖又只得5成满左右，何必咁赶住落单呢？佢既然咁赶，我亦无谓心多，一于叫鲜墨鱼须鱼面，见到佢个餐牌有话加钱可以有我至爱之一嘅鱼皮，咁就加埋落去啦！鱼皮先到，弊！韧口。再过几分钟，鱼面终于到，原本想叫杯饮品，但饮咗一啖汤之后，取消呢个打算，事后亦证明我呢个决定系正确，因为我系成碗汤饮哂，之后一直唔口渴。手机食完到我食，我先将鱼皮放落汤度浸腍，咬一啖墨鱼须，个鲜味即时出到嚟，虽然系硬咗少少，但鲜味真系没法挡，鱼面就无乜惊喜，但唔会太差，可以啦！而鱼皮浸腍后，唔会太难食，埋单$46，应该会有下次嘅，虽然个店员催命鬼嘅态度真系好唔掂。
继续阅读
【九龙城区】【金苑粉面】之前行过土瓜湾，都系为咗揾卖两𩠌饭畀游客而上咗报纸嘅港明美食，结果佢嘅性价比都唔错，令我眼前一亮。咁我作为一个八卦精，行过呢头当然就碌埋附近𠮶几条街，睇吓有冇其他嘢好食。碌吓碌吓，就见到呢间嘢。咁我诚然唔会癫到食完个两𩠌饭然后再去食粉面啦，我系之后再有机会去𠮶头先去食埋嘅。个招牌系黑底金字写住「金苑粉面」咁啦，另外旁边就写住牛丸、牛杂。所以我入去就想食呢两样嘢，尽量唔使叫两碗嘢就最好啦。咁我就叫咗「牛魔王牛丸鱼面」，牛魔王系一个𩠌，牛丸系一个𩠌，双拼转鱼面，一流。所谓牛魔王即系牛杂、牛腩、牛筋，都几好㖞，一次过食晒呢三样嘢。不过质素方面就唔算话好突出咁，普普通通，冇咩值得提起。反而另外拼嘅𠮶个牛丸，虽然得三粒，但系入口弹牙，牛味又香，几正。鱼面就争啲鱼味，我唔系太建议喺度食。嘢饮我拣咗「冻杏仁霜」嚟饮，又整得几浓几好饮，哈哈。夹埋食咗 $74，本身牛魔王同鱼面都唔系平吖嘛。。。（地址：土瓜湾土瓜湾道253号东兴大厦地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am九龙城区 #土瓜湾 #金苑粉面 #牛魔王牛丸鱼面 #牛杂 #牛腩 #牛筋 #牛丸 #杏仁霜 #1am1027 #1ambackup
继续阅读