21
2
2
港铁深水埗站 A2 出口, 步行约1分钟 继续阅读
付款方式
AlipayHK 支付宝 现金
其他资料
Wi-Fi
酒精饮料
自带酒水
电话订座
外卖服务
加一服务费
电视播放
当面支付
食记 (37)
等级4 2020-07-17
458 浏览
系啊!我又介绍呢间喇!经过多次告急,最终小店7月31号都要结业了。衬呢排疫情严峻,黎嗌多啲外卖!.⭐️S2.和牛丸鸡软骨乌冬+炭烧咖啡($58)分数: (7.5/10)基本上次次都只嗌呢个餐,因为最正。和牛丸juicy,咬开间唔中有啲汁咇出黎。鸡软骨有少少胡椒辣味,爽脆,但好间唔中会整得较硬。乌冬有咬口,酱汁个味调较得唔错,旁边伴有木鱼片,红萝卜片。.🔸S9.金芝火牛饭($48)分数: (6.5/10)算系老板新出品,好似5月尾先出。牛肉上面有啲酸酸地既芝士汁,肉份量唔多,饭有少少调味。.🔸S10.白芝恋人稻庭乌冬($48)分数: (6.8/10)乌冬个味同上面S2餐一样。配两只芝士磨菇酿鸡翼,鸡翼外皮少少甜甜地,咬开入面系磨菇同芝士,好吸引。.🔸脏脏紫薯香芋($28)分数: (6.8/10)唔会太甜,几香,仲有啲紫薯芋茸hi左系杯入面。.有朋友同我反映番觉得野食一般般,因为本人钟情於S2餐,好少食其他,😋所以诚心推介S2,觉得好味。 继续阅读
(以上食记乃用户个人意见 , 并不代表OpenRice之观点。)
其实一直想试呢间小食店好耐,但觉得佢偏贵😟,所以就未试到佢。适逢呢日外卖自取App有优惠卷用剩,就用咗嚟去金芝龙买Lunch食。由於我喺App预先落单,去到等多两三分钟食物已经Ready,男店员几好礼貌。金芝龙间舖好易认,因为同店嘅立场一样咁黄💛。原来舖入面都有个位置仔可以堂食,但真系得两、三张櫈咁大罢,我相信主要都系做外卖吧!装修有少少似货柜嘅铁闸,上面仲贴咗好多文宣📰。除咗文宣外,店舖仲贴咗好多餐牌,食物种类好似比以前多,而家有卖埋丼饭🍚。不过S金芝龙优惠套餐包埋杯嘢饮,要卖成$58真系好贵啊;另外有只平啲嘅超值套餐连嘢饮就卖$29,选择包括捞面、年糕、乌冬等,但均属轻食类...,即系未必食得饱嗰种。而我第一次食就试下轻食嗰款先,我拣咗A1.首尔捞面($29);套餐奉送无糖红茶一杯,即系其他饮品又要加钱😅。嗌咗套餐,帮衬第二件食品就可以减$5,好过无,因为本身都唔平。首尔捞面味道普普通通,辣味不太劲🌶,面条比较粗身,但面质有少少煮唔开咁。成盒面本身无乜餸料,得啲猪肉碎同红萝卜,好彩有木鱼搭救!另外,份量比想像中多,都够饱。由於我一早都预计到个面无乜料...,所以加钱要咗招牌龙汁和牛丸(原价$20/4粒),承惠$5粒💵。哇哇哇,呢个牛丸超超超超超好食😋,劲多汁同弹牙,而且牛味浓郁,会食上瘾。唔好话我马後炮,粒牛丸个样望落都好靓,会觉得系好食嗰种,而且中间仲食到有少少牛筋添🐮,真系好想再食。题外话,呢到嘅叉好搞笑,原本就系咁,唔系我咬断咗🍴。跟餐唔使加钱嘅冻无糖红茶亦有惊喜,因为我本身Expect系毫无味道的,但点知几香喎,又大杯、又够冻;味道仲有啲似午後红茶添☕️。总括嚟讲,我本身系有少少抱住试伏嘅心态嚟支持下🙈,但结果食完粒牛丸之後,成个人开心返哂😆,因为真系好好食啊,系我食过最好食嘅牛丸之二(另一间最好食嘅系林昌记)!所以呢篇好评主要系畀粒牛丸嘅😋。最後,再次望返个餐盒张相,想讲返句香港人加油,撑支持香港人嘅小店💪。 继续阅读
(以上食记乃用户个人意见 , 并不代表OpenRice之观点。)
等级4 2020-08-01
62 浏览
听讲呢间系网红开嘅店,主打日韩料理同街头小食个个都话食牛丸,我谂住食个饭咋门面颜色鲜艳,用黄色货柜铁闸设计,好抢眼除咗招牌牛丸,仲有丼饭、乌冬、炸物、年糕等轻食外卖店嚟讲其实有啲偏贵,但入面有个$29迷你套餐都算抵食店内有少量座位,不过呢排都系外卖返去食算期间限定丼饭有A级鳗鱼饭 $58鳗鱼、饭量份量均充足鳗鱼表面洒有木鱼碎、芝麻,带有咸香味同芝麻香鳗鱼鱼肉软嫩,唔算原条,但已经比超级市场大条鳗鱼酱汁够浓味同黏稠,但略嫌酱汁较少饭粒虽炒得均匀,亦有椰菜点缀,增加爽脆感但质感未够乾爽,反而带有几分黏稠感韩式芝士年糕拉面 $48 有微微惊喜拉面爽滑弹牙,芝士年糕烟烟韧韧,软身有咬口而且几香口,仅有轻微芝士味,唔会太腻不过,其实呢款菜式唔太适合做外卖做得外卖店应该照顾埋外卖返去嘅情况打开盖嘅时候,芝士年糕拉面份量虽然多但变成一饼嘢,整体硬晒餐饮每杯都几大杯,仲印有香港加油嘅标记杯杯都够冰冻。奶茶味道稍淡,但奶味较香冬瓜柠檬亦唔会满口糖水感,的确有微微冬瓜味,不过不失啦 继续阅读
(以上食记乃用户个人意见 , 并不代表OpenRice之观点。)
等级1 2020-06-09
604 浏览
利申我唔系帮手卖广告,不过佢哋啲野几好食,特别系佢哋个芝士汉堡扒,佢哋个芝士汉堡扒系流心,所以感觉好新鲜。仲有就系佢地啲packing好扔本,全部都唔系啲普通发泡胶盒嚟,系可以放落微波炉啲盒嚟,所以有时买完未必即刻食都可以翻热,所以绝对会返转头食。 继续阅读
(以上食记乃用户个人意见 , 并不代表OpenRice之观点。)
等级3 2020-05-11
664 浏览
黄店💛 告急黄店 招牌📋龙汁🍽和牛丸 🐂$20/4粒呢个整得好出色🥳🥰🤤和牛丸🧆好Juicy 🍾又有咬口👄 弹牙 👅呢个一定要试👍🏼👍🏼👍🏼$20/4粒 呢个价钱💰超抵因为佢真系好好食🤤🤤🤤 韩式🇰🇷芝士🧀年糕拉面 🥢$48唔知系咪因为外卖📦冻咗⛄️ 所以啲面🍝硬晒变咗一旧 同埋冇咁入味 🧂不过都OK嘅 份量都几多 都抵食 🤪总结呢个价钱💵我觉得真系食🍴得过而家疫情严重🦠 政府 又话要啲食肆 🏠1.5米 距离 又话要得一半人🗿d 黑警 又乱咁执法黄💛店一定仲难生存😢 所以大家点都帮手🖐🏽 救下佢哋 回头度🌟🌟🌟🌟 继续阅读
(以上食记乃用户个人意见 , 并不代表OpenRice之观点。)