影片
3月9日揾食肥华和靓妈，喺新蒲岗大有街用咗廿多分钟，等候时间，攞到大有街必食名物，上海栥饭后，便齐齐到爵禄街呢间，前身喺做烧腊茶餐厅，因顺应时势转营，两三𩠌饭嘅食店用膳。而此店所供应配饭小菜，除咗一般嘅家常，菜，瓜，肉外，最令肥华欣赏嘅，就喺蒸鱼种类甚多，由下价鱼到星班，大鳝都有，价钱则丰俭由人，任君选择。而肥华，靓妈今餐所选嘅𩠌菜，豉汁蒸大鳝，芋头扣肉，白菜炒肉片， 椒盐猪扒，鱼肉酿苦瓜，鱼香茄子，和随餐的两碗，菜干，甘笋，佛手瓜汤，味道都算OK，今餐肥华两人，合共消费都喺$11O元，喺低食好食之选。不过此店嘅卫生环境就，未如人意，地面枱面有，黐立立，油淋淋嘅感觉，如果有洁癖嘅人仕，肥华 劝喻你，唔好嚟光顾呢间小店‼️
继续阅读
最近返屋企途中见到呢间餐厅，外面大大个banner贴住三𩠌饭嘅价钱，今次咁啱经过就买一个套餐黎试 🤗行到入餐厅，发现原来有得买四合一饭 🍚即系一个套餐包一条鱼、配菜、例汤同白饭，睇到餐厅摆出嚟既都系啲大大条既煎鱼，而配菜就有好多选择 🥬🌶️🌽，今次就忍唔住叫咗个仓鱼配茄子四合一饭。拎返屋企一打开个饭盒。见到条䲝鱼都真系忍唔住哗一声，实在系好大条。鱼肉鲜嫩，同啲豉油汁好夹味，而茄子就沟肉酱炒，亦系惹味十足，例汤略嫌有啲油，不过猪骨汤嚟讲都算有料到，至于个饭就大大盒，其实呢份餐两个人食都得，咁样都系 $46 真系超级抵食！！😱不过平玩平，等拎外卖期间见到餐厅嘅卫生环境都唔太理想，成个环境都比较油，职员将饭𢳂随便放，望落真系唔舒服 🥹
继续阅读
工场环境好恶劣 出品又好差，尤其是烧味 佢啲烧味仲话系叉烧王，佢烧完啲叉烧没有颜色 烧鸭又有一阵异味同烧到好黑 另外 个砧板都有一阵异味 呼吁大家千祈唔好食金翠啲烧味 一定会出事！
继续阅读
餐厅：金翠餐厅 (爵禄街) (新蒲岗)地址：新蒲岗爵禄街36号地下叉烧河粉 $29放工收早响新蒲岗谂住返屋企，咁啱经过金翠，都真系好耐冇食过，而家变咗一部份系双𩠌饭，仲以为佢冇再做烧味，但竟然见到下午茶优惠，由以前$35减到而家$29，金翠叉烧质素一向唔错，呢个价钱的确好吸引，结果我就入咗去食，粉面加叉烧再加埋饮品，份量都真系几多，而且都几抵食，叉烧质素系冇以前咁好，但都算唔错，而餐厅个环境就真系比以前差好多。
继续阅读
又黎到食饭时间喇😋同啲同事叫左金翠烧味食。打开个盒就咁见到只鹅髀已经好开心🤤超级大只！！然后同事叫左个五宝饭，又真系估佢唔到会比只鸡髀我地㖞😂另外佢除左有烧味饭之外，仲有啲两𩠌饭拣，而且都几多款式下😜
继续阅读