影片
港铁长沙湾站 C2 出口, 步行约8分钟
继续阅读
电话号码
46247721
营业时间
今日营业
08:30 - 21:30
星期一至日
08:30 - 21:30
公众假期
08:30 - 21:30
公众假期前夕
08:30 - 21:30
以上资料只供参考，请与餐厅确认详情
$88喺长沙湾食午餐，的确唔算平，平过佢嘅选择大有人在。睇下餐牌有咩食，睇完用QR CODE 落单依家2点未够，只可以叫全日餐，价钱高啲。人流唔算多，本身系因为新开店，感觉环境静啲，可以hea住慢慢叹，食得舒服啲，系已知嘅好处。不过第一次食台湾套餐，有前菜、小食、饮品同甜品--唔系平但系「抵」；食过之后夜晚份量可以缩减，悭返一餐钱。🍱大大鸡排卤肉饭餐 $88南投云笋麻油凉拌嫩竹笋，沙少辣油够开胃炸花枝丸花枝丸炸到金黄，外脆内弹牙，花枝粒感突出，食落鲜味同咬口一样有惊喜。炸杏鲍菇外层薄脆、咬落烟韧多汁，一丝丝纤维原来有食肉嘅感觉，啖啖菇香完全唔油腻。大大鸡排虽然叫大大鸡排，都用左台湾地瓜粉炸法，不过用鸡腿肉，代替台湾常见嘅鸡胸，呢种做法盐酥鸡比较常见，但大鸡排就好少。炸粉一样香脆，但食落更嫩滑唔干柴，材料更易买，更加确保唔系急冻预制菜。人地切件系为左节省成本，呢度系为左俾俾食多几件，感觉应该有1.5块茶记鸡扒嘅份量，原来假货比真货更好。卤肉饭呢个卤肉饭，有油香分明嘅五花腩粒，配半只入味卤蛋。表面系南部口味，又加咗香港本地元素—用丝苗米取代珍珠米，食落粒粒分明、唔会糊。日式黄萝卜，变成白醋腌青瓜，更加酸甜开胃。食到一半又有惊喜，卤汁放饭底又系大加分，食落唔会湿晒，保持饭粒干爽又入味！真系几多饭都唔够送，完美演绎本地台式fusion！😋仙草芋圆呢碗仙草芋圆睇落超吸引，啲芋圆色彩缤纷又烟韧，真系分到紫色系紫薯，白色系芋头。黑色仙草软滑又爽口，糖浆加奶又香又甜，食完透心凉好满足！😋水果乌龙茶 +$9呢杯水果茶，放弃常见嘅苹果、橙、西柚。改为大大块西瓜加去皮苹果，浸喺乌龙茶底，色水清新，卖相已经赢晒。生果真系预客人会食嘅，满满嘅维他命C。生果本身未开味，等浸耐啲就有微微西瓜清甜渗出，茶味唔苦抢分，完全无柑橘类生果，都做到暑气全消，食材新鲜又冇加工感，港台fusion做到一流！🍉总体卖相一流，色香味俱全，份量大、材料新鲜、冇预制感觉，完美港式台味fusion。总数：$97
继续阅读
最近我同朋友去长沙湾睇戏，行行下见到喱间金缘居台式料理，价钱又几合理。我地2个叫左2份全日套餐，红烧牛肉面同埋一份大大鸡排卤肉饭，价钱几十蚊，仲包埋前菜、小食﹑陈饮同埋仙草芋圆甜品。红烧牛肉面红烧牛肉面嘅牛肉煮得软腍入味，汤底浓郁，面条弹牙，有一种置身台湾既地道感觉。大大鸡排卤肉饭讲起台湾野就一定会谂起鸡排，喱到个鸡排卤肉饭都做得唔错，鸡排超级大份，外脆内嫩，卤肉的酱汁搭配白饭简直系绝配！不过我减肥中就真系唔食得咁多啦XD套餐其实仲包括前菜同小食，我地叫左小黄瓜﹑猫耳朵﹑鸡米花同埋香肠，小食既份量唔多，但作为配菜都非常足够，仲可以试多几款。炸地瓜条炸地瓜条值得特别一提，我个人超钟意佢外面金黄酥脆，但里面保持到地瓜的软绵口感，好香口!仙草芋圆仙草芋圆系一小碗份量，滑嫩的口感同头先大有不同，完美咁为我地结束喱一餐。鸡排刈包/粢饭另外，我哋见到餐厅新出左个鸡排刈包，都叫左一份鸡排包同粢饭带返屋企做早餐，鸡排超大旧劲正，松软嘅饼皮搭配埋个比较浓味既鸡排，值得一试！仲有我平时最钟意食既粢饭，粢饭都系用到糯米包油炸鬼，非常足料，作为早餐食劲满足。
继续阅读
为食花太郎 Fafafoodblog 金缘居台式料理 🍴大大鸡扒卤肉饭 88 蚊🐥鸡扒真系好大件 出面好香脆 好够咸香味 饭上面既卤肉 肥同瘦肉都有 好有口感🐖🍴招牌三宝面 88 蚊🍜加麻辣鸭血 18 蚊🦆好弹牙大件既麻辣鸭血 加烫青菜12 蚊🥬前菜 小黄瓜 猫耳朵 卤蛋 小食 鸡米花 炸花枝丸 台式香肠 甜品 仙草芋圆芋圆弹牙 甜度适中 个仙草都好够爽滑 加9 蚊特饮 珍珠奶绿黑糖珍珠奶茶 🍴卷葱饼 牛肉36 蚊个饼皮有d似印度薄饼 有层次感弹牙 入面有青瓜丝同牛展肉 好有口感 用埋北京片皮鸭既酱 🦆#台湾菜 #牛展 #准山面 #芋圆 #仙草 #鸭血 #卤肉 Score 平均分< 7.8/10>Taste 味道：👍🏻👍🏻👍🏻👍🏻Present 外观：👍🏻👍🏻👍🏻Decor&Hygiene 环境衞生：👍🏻👍🏻👍🏻👍🏻Value for $ 性价比：👍🏻👍🏻👍🏻👍🏻Service 服务：👍🏻👍🏻👍🏻👍🏻~~~~~~~~~~~~~#金缘居台式料理 长沙湾昌华街23 号地下16 号铺~~~~~~~~~#fafafoodblog #为食花太郎 #fafafoodblog长沙湾====================
继续阅读
亲友知我都钟意食台湾菜，佢就介绍我去佢屋企附近新开嘅「金缘居台式料理」，佢话啲套餐好抵食，性价比高，所以，趁周五晚同老婆嚟轻轻松松食番餐。补充一点，餐厅嘅地址写「昌华街」，但餐厅嘅入口实际晌「青山道」，一来亲友有温馨提示，二来小弟对呢区都熟，所以，唔难揾。走进餐厅，一字长形左右两排餐枱，两边仿砖墙，挂上少少油画，睇落就跟台湾无乜关系，而最突出喺天花周围都吊咗好多植物，此外，最紧要都喺地方整洁。先介绍吓餐厅嘅散点餐牌，有非常多选择，分类包括咗前菜、店式小食、卤水、汤、拌面、汤面、汤饭、水饺、饭品及甜品，仲列齐边啲喺人气，边啲喺推介，最好喺唔收加一嘛！不过，讲到抵食，非全日套餐莫属，包1前菜、2小食、主食、甜品同基本饮品，当然可以升级为特饮，又可以追加一啲菜式，易于分甘同味。顺便都贴埋早餐、下午茶同儿童餐俾大家作参考，睇起嚟同样划算。基本上，餐厅采用二维码落单，但不得不赞赞佢个落单系统，除咗分类清晰之外，菜式比餐牌显示嘅多，而大部份食物都有再细分嘅选项，好似我拣嘅三宝面，可转淮山面、米粉，汤底亦可以转，特饮可拣冰量、甜度外，仲可以额外加唔同配料，一如晌出面卖台式茶饮店咁，非常有弹性。清炖牛肉汤米+卤蛋+鸡米花+炸花枝丸 $72呢个喺老婆所选嘅组合，由汤面转咗汤米，选番清汤，汤头虽然清，但唔觉寡。卤蛋虽香，但未有溏心效果；鸡米花似喺盐酥鸡，外脆内软；而花枝丸等我下面再讲。虽然菜名叫牛肉，其实喺牛腱位，厚切大大件，好松化嫩滑，确喺唔错。招牌三宝粗面+小黄瓜+台式香肠+炸花枝丸 $88小黄瓜睇起嚟普通，食落就知喺腌渍过，脆爽酸香，好有开胃之效；香肠皮脆咸香，肉质挺实，亦唔觉好肥，仲伴有生蒜头；花枝丸炸得香口，有墨鱼鲜味。三宝即喺牛腩、牛肚、牛筋，先饮啖汤，浓香而不浊，而牛腩好松化，牛肚爽口，牛筋软腍有咬口，样样都卤得入味；面条就拣咗粗面，柔韧耐浸，极具咬口，食到尾都无话腍晒。仙草芋圆虽然只得一小碟，纯粹过过口瘾，但质素唔错，刚好三色芋圆（地瓜、香芋、紫薯）每样一粒，咬口有韧劲，而仙草非常滑溜，淋埋花奶，啱晒我。古早冬瓜茶加红豆 +$10老婆想清润少少就选上冬瓜茶，而佢本身好钟意红豆，就加配一份红豆。捞一捞，真喺坚有冬瓜，味道确喺清润消暑，拣咗少甜，甜度啱啱好，合晒佢口味，红豆亦好清甜。黑糖珍珠奶茶 +$9去茶记就近乎必然点奶茶，食台湾嘢又喺近乎点珍珠奶茶，有黑糖就百份百拣黑糖口味。奶茶做出基本水准，因为加咗黑糖，入口就更为醇厚清甜，珍珠口感亦够晒烟韧，拣咗少冰、少甜，就确喺少冰，饮到尾茶味都唔会太过淡。招呼确喺几到位、贴心，而侍应好有礼，目测所见，帮衬都喺街坊多。试过两份套餐，果然正如亲友讲性价比真高，值得回访，支持小店。
继续阅读
长沙湾真系咩类型嘅餐厅都有见到有这一间新开张的台式餐厅就入去试一试新开张优惠饮品有买一送一 又可以优惠价配小食全日套餐有主食+两个小食+前菜+饮品仲有甜品好似都几抵我就拣咗红烧牛肉汤面一盘上枱觉得又整齐又有风格小食要咗台湾肠 花之丸 手拍青瓜牛肉面系台湾牛展牛肉， 汤底少少辣 牛肉半斤半肉食落很惹味朋友要咗贡丸鱼丸汤粗面两个餐加埋小食感觉都好多样化朋友要咗粗面觉得呢个粗面几好食有点像乌冬甜品仙草芋圆感觉几有趣有三粒芋圆+鲜草，虽然唔系好大碟但系做甜品觉得都可以饮品我拣咗水果乌龙茶感觉都几有诚意，里面系新鲜水果有火龙果同埋苹果火龙果都几甜不错不错朋友就要咗冻朱古力走甜 朱古力味好浓郁叫咗一份卷葱饼(牛肉)里面有青瓜有点榨菜有些牛展食落觉得很不错觉得如果唔食面，叫一个来做主食都可以整体两个人份量叫得比较多人均100元左右 食咗超多嘢餐厅坐得舒服系倾计朋友相聚的好地方
继续阅读