金米鍋 (已結業)

很久沒有寫食評了，再次執筆，全因這間完全是中伏之選。從好的說起，餐廳環境尚可，出面有露台，適合有吸煙的朋友。用餐日是閒日夜晚，不可思議，完全包場，只有我們一枱客人。說回食物，我們當晚選了蟹粥底，煲了很久，蟹味不夠濃，始終蟹粥用花蟹比較恰當，麵包蟹始終差一點。由於粥底淡而無味，我們叫的食物縱然尚算新鮮，但滾熟後仍是淡淡的，絶不可取。:(跟著我們退而求其次，再叫一個湯底，希望不用浪費已點的食物，可惜我們想要較為濃味的香辣蕃茄湯當晚沒有供應，我們只好選擇昆布湯底，此湯底用料足，味道尚可。但此時我們有奇怪發現，就是湯底怎樣也滾不起，我們起初以為是 gas 爐無氣，但換了後仍是一樣，最後我們發現原來因為冷氣風口在爐頂，所以湯一直煲不滾，我們要叫店員把冷氣關掉，才可正常打邊爐，當然我們就會覺得很熱了。埋單一計，人均消費要$400，絶對物非所值。…查看更多

這家主打海鮮既粥底火鍋 乃是我大愛 因為感覺健康唔罪疚.😉🦀🦐🐟🦑🐙🐡桂花蚌超爽甜💯 爽爽爽到我想再叫多碟😚!!!鮮蝦滑又甜又滑💯脆肉鯇超脆💯白膳片鮮甜💯. 🤔漏左講: 喜歡南瓜既小編叫左有機蔬菜粥底入面有南瓜🎃粟米🌽蕃茄🍅 加埋已經好甜先嗌半隻滑雞滾到好似雞粥 然後再落海鮮打邊爐最後成煲粥吸收哂最鮮味既精華🤩仲要俾埋脆脆你撈粥食 真心食到停唔到口.🤤🤤🤤最欣賞咁有誠意既食店 先會不惜一切打一口氣講哂俾你聽我既感動位!🤓👍🏿…查看更多

一直都好努力尋找好味嘅粥底火鍋呢幢大廈出名多餐廳，一於今日嚟呢度搵食！由於我哋6點已經到咗，人流較少睇下menu先～當然亦唔少得混醬啦 ($15/位)我哋揀咗個「金銀蛋豚肉粥底 $98」「美國桶蠔 $138」侍應上菜前會先攞出來俾你睇佢喺桶入面新鮮開隻隻蠔都十分大隻，好鮮味「韭菜餃 $58」皮好薄，師傅功力唔錯，餡料亦豐富飽滿「鮮製牛肉丸 $68」牛肉味濃，爽滑彈牙「松露花枝丸 $58」淡淡嘅松露味，仲有花枝粒係入面，正！「皇帝菜 $68」打完邊爐會奉上薄脆，蔥花同埋生菜粒伴粥×注意：係無限添加架×總括而言，雖然今次打邊爐嘅配料我哋唔係叫咗好多，但食埋個粥就真係飽，好味～下次想食粥底火鍋，一定再來幫襯～…查看更多

我今次新嘗試呢一間粥底打邊爐 材料新鮮超正👍，而且服務態度 一流👍，環境裝修 好靚👍！btw…如果食煙嘅朋友可以出露臺食 超方便👍，九點後入坐全單仲有八五折👍★推介…墨魚膠釀油炸鬼😋、波士頓龍蝦粥底🤤、2L啤酒抵飲🍺★鍾意食粥嘅朋友 粥底可任加😍，今次我哋特別order咗粥底多米要綿D，再加兩隻皮蛋嚟煲超有口感！不過有D美中不足 鯪魚球打得過火…雖然口感麻麻地好食！但係呢間店嘅老闆 肯接受客人意見會去改善，值得一讚👍…查看更多

三個人叫了個爆膏蟹粥底火鍋，鮮牛肉丸、五寶丸、美國牛肉、半隻雞、雜菜籃。蟹好新鮮，牛肉丸和五寶丸都是手打的，好好味。開頭感覺粥底比較淡，但後來加埋隻雞落去，最後令個粥唔同晒，我吔食完一碗又添一碗，好味😋😋用粥底烚菜初時覺得有點奇怪，但原來都有驚喜，是好味的。整體來說都唔錯，因為食材好新鮮！👍👍老闆又好好人，地方又乾淨，真係值得推介！如果唔喜歡粥底，都有好多唔同嘅鍋底選擇。下次會再來試下唔同嘅鍋底！…查看更多

今次帶朋友食以田雞做配料的粥底鍋。朋友說想不到香港也有這個類型，她只在大陸吃過。粥是無米的粥，非常滑，奶白奶白的。滾了之後，再下田雞，三大隻。邊聊邊等，其實很快就可以食了。最初的粥比較純，味道比較淡，這個時候嚐，田雞是特別的嫩及鮮，而且因為本身很大一隻，肉也比較多，放鍋前，肉還在自動跳，新鮮得不得了。然後我繼續放菜及墨滑老油條菜煮久一點，食起來很甜很甜，令平時不太吃菜的朋友也食了不少。老油條煮一陣就可以食了，味道一點都不油膩，有墨滑的鮮味，加上浸滿了不少粥，一起食特別美味。牛肉是食火鍋必點的吧，在粥中飄揚的感覺非常好，味清清的，再沾醬油吃簡單又好食。我廷喜歡粥底鍋，一來清鮮，又不會太熱氣什麼的，而且一定吃得飽飽的，很棒！…查看更多

I wouldn’t recommend coming to this restaurant. The congee base was tasteless and the ingredients were poor quality. Even after adding lots of ingredients the base was still mediocre. We complained and was given a poor excuse. They eventually gave us a “chicken stock” base but it was clear that they used stock powder rather than one that was made with chicken broth. …查看更多

呢幾日天氣涼涼地，又想去打邊爐喇，朋友帶左我去金米鍋試「粥底」鍋，打邊爐就打得多，粥底還是第一次！未開始前，店員先遞上醬料，幾齊全，打邊爐必備！鍋底有幾款，朋友話見隔離枱既田雞好新鮮咁，於是我地都叫左個「農場田雞粥底」，店員先上粥底鍋，粥煮得好綿，睇到都想食，然後店員再幫我地放入田雞件！「農場田雞粥底」的田雞另上，上枱時田雞肉仍在跳動，可見非常新鮮，份量還可以，兩個人食剛剛好！田雞肉尚算肥美，啖啖肉，配埋啲粥一齊食，真係好味！美國肥牛 $98份量尚可，$98都算抵食！美國肥牛片用粥底煮，入口比普通邊爐更加滑，好似食緊滑牛咁，幾驚喜！口感鮮嫩，牛肉味香，再點啲醬汁，令味道提升！墨膠釀老油條 $78老油條打邊爐就試得多，墨膠釀老油條還是第一次，真係幾驚喜！墨膠爽口彈牙，配上用粥淋浴既老油條，真係好正！爽口墨魚鬚 $68墨魚鬚好肥美，放落粥底度，令墨魚鬚口感外層好滑，肉質爽口彈牙，不過都幾大碟下，最後我地兩個女仔都食唔晒雜菜盤 $68雜菜盤更不能少，邊爐必點，可以清清味雷！唔經唔覺食下傾下已經過左三個鐘，哈哈！平時啲餐廳一定會趕人走，但金米鍋冇，食物同服務都唔錯，讚！…查看更多

定期的聚會食飯朋友刻意訂了粥底火鍋，有驚喜，有機蔬菜底都這樣鮮甜😍😍地方夠大，裝修特別，由於6pm 時間尚早，上菜很快，店員nice👍食物種類都算應有盡有！牛同豬必點😂😂美國牛肉同西班牙豬腩片同屬高質⋯⋯牛不太厚，吃起來夠軟，豬腩片肥瘦比例剛好👍👍金針菇，唐生菜🥬新鮮，配上粥底，特別有味魚磚其實是魚片頭差不多的东西，彈牙，扺食👍👍粥底用上有機南瓜，蕃薯，粟米，吃完配料之後，南瓜，蕃薯都軟綿了，粥加上蔥花，脆片，好美味呀！整鍋吃光光😍😍…查看更多

粥底火鍋初體驗之前睇op見到已經心思思想試下，未試過用粥底打邊爐，點知一試即愛上。😍😍😍蟹粥底，只麵包蟹好新鮮，仲要有蟹膏，好有驚喜。職員係即叫即「湯」真係新鮮既，場內仲有cctv望住～食肉獸又點可以無牛呢😋仲有依個都值得推薦，用油炸鬼包住蟹籽蝦滑口感爽脆的墨魚👍👍👍仲有當然吾少得我嘅至愛午餐肉，厚切啱曬我，填滿整個口腔，正！順帶一提，粥底可以無限加，最重要吾系比粥水，依個值得一讚。😋😋😋…查看更多

香港是火鍋天堂🥘一年四季都會喜歡打邊爐，所以就引伸不同類型，港式，台式、雞煲，蒸火鍋，今次朋友就訂位粥底火鍋🍲其實是第一次試呢😂😂位於The L square，地方易找，就在銅鑼灣地鐵站旁👍👍地方裝修懷舊，場上都話冇彩畫感覺幾新鮮😎這裏除了粥底，還可以選擇湯底的，當然啦，我們點了粥底，清清地！點了有機素菜粥底，感覺很清新😉配料選擇都不少，都擺得很漂亮很整齊令人食慾大增！美國肥牛份量都不少，如果厚一點就更加有口感😆特別喜歡西班牙豬腩片，肥瘦均勻，豬味濃，口感不錯👍午餐肉是極厚切，$28元這個價錢真的會虧本囉😅😅蟹子鮮蝦滑也不錯，足料彈牙，而且份量也不少還有鮮蝦肉食完所有配料之後，精華所在~~~粥底，店員很細心，立刻拿上生菜絲，蔥粒和脆片，吃了3大碗，非常鮮甜😬😬😬金米鍋真改變了打邊爐的想法，原來也可以清甜健康呢😉…查看更多

今日同左朋友去銅鑼灣呢間粥底火鍋，聽同事講話好正，今次專登去食！坐低冇耐，店員就會拎上拎個調味盤，可以自由選擇醬料。今日專程係你食呢個爆高蟹粥底，個包高蟹超新鮮，而且真係幾多膏！仲好大隻添，感覺非常抵！將個蟹倒入粥底慢慢煮，成煲粥都充滿蟹嘅鮮味，非常鮮甜。牛肉方面，我地點左呢個安格斯雪花牛，雪花牛擺盆都幾靚，雪花分布均勻，牛味十足，非常好味。食火鍋店個菜係必須，啲菜放入個粥到煮竟然係唔會黃，煮耐左都仲好好食。仲有我地點左呢個蝦膠老油條，個油條浸完都仲脆脆地，唔錯唔錯！蝦膠都好鮮味，都好彈牙！食完所有配料後，店員會幫我地整個粥底，不過食到最後已經好飽喇！今餐好滿足！…查看更多

聽朋友講介紹粥底火鍋點好食，我都忍唔住出黎試下，響openrice一search就見到呢間，地點又方便，就來試下。配菜同出邊打邊爐有嘅差不多，佢仲有配粥食一流嘅榨菜。另外仲在脆脆，葱同生菜絲。手切肥牛尚算新鮮，好有牛肉香，厚度適中，肥瘦剛好，好讚！將麵包蟹放落粥底，粥底混入蟹膏慢慢變淡黃色。不過因為用麵包蟹，蟹味唔算太多，如果用三點蟹可能會更好。但麵包蟹勝在有少少肉食。粥底火鍋不能缺少油炸鬼，味道最夾。芝士獅子狗也不錯。粟米甜度一般？加多d肉會好食d。…查看更多

收工來到銅鑼灣，好想打邊爐，但係又想食清淡些， 朋友介紹去食粥底火鍋。 :)選了食金米鍋，餐牌上好多款“粥底”, 有鮑魚雞，龍蝦，人參，日式鰹魚昆布, 多款選擇； 最後我地揀左龍蝦湯底。食物方面， 推介究極Prime牛，西班雅豬梅花肉，鮮製手打丸。選好粥底，係時候調配醬汁， 在九款醬汁之間， 一定可以找到自己的口味！綿綿的粥底滾起後，店員將已斬件的新鮮龍蝦放入鍋裡面，待再一次滾起，就可以開餐！首先試龍蝦， 肉質爽彈，份量十足。再試梅花肉，淥過後依然彈滑，肉味香濃； 五寶丸一份有齊線蝦丸，墨魚丸， 牛肉丸，豬肉丸，鲮魚肉丸，每款都好新鮮！到了蝦膠釀老油條，蝦膠釀得厚身，老油條脆口，滾後兩者型態依然保持得好好！再加上一份豐富雜菜盤，粥底配上鮮甜蔬菜，令人滿足超滿足！整體，金米鍋出品新鮮，食物質素有水準，環境清潔舒適，係粥底火鍋不二之選！…查看更多

冬天快完既時候先想起今個冬天無乜點食過火鍋，問下朋友有無咩正既地方可以去，朋友就帶左我黎呢間金米鍋，位置好易搵，因為預訂左，所以好快就安排到我地入座！望到menu 原來呢間金米鍋主打粥底火鍋，好正！我地就叫左個金銀蛋豚肉粥底，內裡有皮蛋、咸蛋同黑毛豬肉碎！咁等待火鍋黎既時候，可以先簡醬汁配料，有九種選擇非常多，重口味既我落左好多炸蒜同蔥粒呢！好快個火鍋到左，佢係類似粥湯咁既，如果想有米飯咬口，可以另外加米飯落去！不過我地唔想咁肥就無加啦！我地配料簡左蝦肉雲吞，蝦肉好大隻，皮包得好 唔會放耐就穿！當然唔少得叫埋佢地既招牌究極prime牛！牛肉以花型擺放，賣相吸引，牛肉好嫩滑唔會un !最後我地仲叫左個丸，一盤有5種丸，我最中意就係墨魚丸同牛丸，墨魚丸好彈牙而牛丸唔會有根，入口牛味都濃郁！飲品我地叫左竹庶水,1.5L都係$48 超抵飲，而且仲好清甜，岩哂食火鍋既時候飲！…查看更多