金禧食堂

营业中

休息中

最鍾意呢類型嘅工廠區食堂，即使是午市焗飯，正價應該都只是50多元。早餐點了個餐肉煎蛋多士，多士比較乾，不過餐肉及煎蛋都偏向正常。不過早餐的雞扒就比較乾，沒有想到這類型餐廳的雞扒會這麼乾，我想，可能是煎完之後放在烤爐旁邊，因此沒有什麼肉汁，質地比較乾身，吃到口鞋鞋不過下午茶就更加好，例如這個瑞士汁雞髀配沙律，沙律有雜果以及薯仔，雞髀都不會太老，瑞士汁的雞髀，肉夠多，而且瑞士汁夠甜香，相當不錯的。無論外賣自取定還是送外賣，都不算等得太久，這類型的工廠區廉價食肆，室內環境又老舊，室外的門面亦都相當之古舊，就連火炭那邊的喇沙專門店都已經結業，的確是買少見少。

吊頸都要抖下氣，下午茶時間就叫個下午茶食下！同同事兩個人share，$52都唔算貴。一份西多士黎講份量算少，不過味道好唔錯，中間嗰層有好多花生醬，外層都有好多牛油同煉奶，鍾意重口味嘅我覺得好味！薯條仲係好熱、好脆，應該啱啱炸好無幾耐。瑞士雞翼外層睇落去好似好入味，但係咬開裏面仲係冇咩味其實可以吉d細細地嘅窿系煮之前，會入味好多。另外奉送熱飲

蔥油三寶飯...首先，佢地既飯好硬，硬得黎又凍凍地，搞到無咩胃口！油雞味道唔錯，雞肉幾滑，仲啖啖肉！叉燒好瘦，但係偏硬，味道都夠，但係無蜜汁味。紅腸就普普通通，無咩特別。建議餐廳俾多幾條菜，全部肉有點兒漏蔥油咸咸地配飯一流...送既是日例湯，味道一般，正正常常咸咸地，應該有味精，而且仲有陣膠味佢地用既發泡膠碗唔耐熱是日午餐 $36 唔平唔貴

Tea time 肚餓就叫外賣食下午茶呢間下午茶餐唔係好貴，所以就叫啦，同事叫完之後叫店員重複一次，店員表示不耐煩！我明明係叫雪菜肉絲、腸仔、餐肉配米粉加辣醬，雪菜肉絲變咗榨菜肉絲，加辣醬變咗冇辣醬！咩事？我有影單嫁！我唔係刻意話佢地，但係太過分啦！佢哋嘅餐肉乾爭爭，唔知擺咗幾耐？成個湯底得個咸字同埋基本上無咩湯腸仔普普通通，米粉都發脹了。魚香茄子炆米加辣醬，見到都唔開胃味道就係咸咸地辣辣地....米粉非常淋甚至有d煮到爛晒

Lunch Time諗唔到食咩又唔想落街，就決定叫間近近地嘅外賣。叫咗個時菜牛肉炒河粉，簡單來講佢係一個用生粉溝成嘅汁，我唔明邊度有炒過啲河粉！完全係就咁用水煮完就算！重要啲河粉爛晒你哋係做快餐又好，咩都好，都唔應該呢啲垃圾客人食！食咗我＄36比埋啲咁嘅嘢我？我落樓下街市食個飯＄20就有！遲咗送來都算，送到黎無拎餐具又冇飲筒！

近排返工晏左，買唔切早餐食，咁唯有返到公司先至order 啦。同幾位同事一齊，每一天都會叫幾份早餐來吃。呢一間金禧，食過好幾次。亦都忍受左好幾次！夠了！今日我叫左份好普通的餐旦面加腸仔。佢俾啲咁既野我我一打開個碗，就見到一塊穿哂窿的熱香餅，原來咁樣叫做煎旦我找不到塊熱香餅裡面有蛋黃，唔知佢隻是什麼蛋成碗面，半滴湯汁都搵唔到，仲要我乾哽！