金碧酒樓

经过漫长既等待，终于book到食怀旧手工菜既金碧酒家！听朋友讲成年前已经开始book，但店家可能太忙一直无回覆，直到早几个月前终于成功book到！手工菜系需要提早预订，唔预订系无得即场叫架～.豉汁蟠龙鳝上台时系一整条鳝无断开，豉汁浸入每一件鳝片，上台后职员会用剪刀将缮骨剪断，方便食用，鳝肉香滑火喉掌握得好无over cook .鲩鱼鱼肠蒸蛋蛋蒸得好滑，鱼肠入口绵密入面有姜丝.锦卤云吞锦卤云吞做法传统，云吞皮炸得香脆配上甜酸菠萝汁好开胃.剁椒鱼头鱼头肉质鲜嫩，搭配剁椒的脆爽，口感层次分明，剁椒既辣味恰到好处，好适合搭配白饭.荔芋香酥鸭香酥鸭外表炸得松脆，芋头粉糯香软，鸭肉肉质鲜嫩，最重要系鸭肉去唒骨，每啖都食到鸭皮既脆，鸭肉既嫩同芋头既粉糯，口感丰富，好食啊！.花雕蛋白蒸海虾份量大超级多虾～蛋白配上酒呢个配搭几夹，蛋白蒸出黎超香超滑，虾肉新鲜又弹牙.杏汁猪肺汤个汤有果皮香，杏仁味唔算太劲，岩唒想饮又怕杏仁味既朋友.椒盐鲜鱿炸粉唔厚，薄薄一层，鱿鱼炸得香脆.听朋友讲马拉糕系必食，但我哋无预定无得立即order，好好彩个日有朋友既朋友甘岩又系个到食，让左件马拉糕比我哋试！马拉糕松软但系可能我哋太高期望，未去到系必食😂.…查看更多

好几个月前已经查询预约, 但回应说一个月前先再问, 想约9月的要在8月20日早上7:00 whatsapp, 同抢演唱会飞差不多.原来包场优先预约, 我只系想同奶奶到此庆祝生日, 所以都在等到8月以whatsapp再预约, 竟然已读不回, 劲呀!  可能我无准时8月20日早上七时预约呀, 无福消受噜! 所以古语有云, 出来做人做事, 几时都系要关系好先得架~ poor & loser …查看更多

小时候在这个屋邨长大当时经常到这间酒家食午饭食嘅都系碟头饭例如杨州炒饭，肉丝炒面 。芙蓉蛋饭屋邨预计今年清拆 。现在回来要预订晚餐怀旧一番预先订下一席菜12位用菜单：杏汁猪肺汤（大）酥炸蟹钳12 只八宝鸭茄汁大虾12只豉汁蒸蟠龙鳝香芋扣肉锦卤云吞蒜子芥菜胆椒盐鲜鱿…查看更多

怀旧菜～🫶🏻60年历史的彩虹邨金碧酒家，彩虹邨快要清拆，宜家食得一次得一次🥹难忘嘅味道，呢类酒家真系买少见少～日日都满座，围围大台，好难book台，book 到都两个月后我钟意呢间，去过就会明，人情味满满，气氛总是好好的，每次都好好食，劲大份，样样都好食，最钟意食炸蟹拑，蚝豉生菜包，蜜汁烧鳝球😍杏汁猪肺汤蚝豉生菜包酥炸蟹拑鱼肠蒸蛋锦卤云吞 蜜汁烧鳝球茄汁大虾炒鸡柳马拉糕鸳鸯炒饭肉丝炒面南瓜西米露…查看更多

早排跑班有同学发起，组团去彩虹邨金碧酒楼食饭，为食既我当然即刻报名🤪当晚菜单：1 杏汁猪肺汤2 锦卤云吞3 驰名叉烧4 蚝油手撕鸡5 生炒骨6 鱼肠蒸蛋7 炸蟹钳8 荔芋香酥鸭9 蟠龙鳝10 香芋扣肉11 红烧元蹄12 鲍鱼炆鸡13 豉油王炒面14 上汤菜心15 马拉糕当晚book左6点半，人数22人所以分开两围，早到左既同学(包括我😎)已经开始品尝同学自家浸制既梅酒😂(免收开瓶费)大约7点人齐，先上杏汁猪肺汤，猪肺洗得干净冇异味，汤水饮出系老火汤，带有浓厚杏汁味道，十分鲜甜👍🏻之后开始上第一道菜锦卤云吞，锦卤云吞系传统果种，云吞内无馅但云吞皮炸得香脆，另外既甜酸汁同配料味道恰到好处，十分开胃👍🏻第二道菜系驰名叉烧，叉烧肥瘦适中，唔会烧得太㶶同韧，味道唔会太咸或者太甜，钟意食叉烧既我当然食左唔少🤭第三至五道菜系蚝油手撕鸡、生炒骨同鱼肠蒸蛋，哩三道菜虽然难度唔高，但都系下饭菜，送酒一流👍🏻鱼肠蒸蛋更加系”秒清”🤣相都未影到已经清晒🙈第六道菜系炸蟹钳，炸蟹钳外层炸得松脆，但口感较为结实，冇平时酒楼饮宴咁弹牙(可能系配料问题🤔)，略为失色。之后几道菜都系大家期待既菜式，第七道菜系荔芋香酥鸭，香酥鸭外表炸得松脆，芋蓉粉糯香软，鸭件肉质鲜嫩，冇令我地失望👍🏻不过食完哩道菜已经开始有少少饱🤣好搅笑地，上菜既时候，唔知点解会各有支幼蜡烛插左喺两碟香酥鸭上面，而咁岩我之后一个星期生日，所以个个唱晒生日歌🤣第八道菜系蟠龙鳝，白鳝蒸得岩岩好，冇over cook，鳝肉香滑，豉汁更加带出鳝既鲜味👍🏻连我本身唔嗜食鳝既都觉得好味👍🏻😋隔篱枱见到都叫我地俾碟盘龙鳝佢影相📸🤣(佢话佢果枱叫左脆鳝球，有啲后悔🥲)第九道菜系香芋扣肉，扣肉煮得好腍，肥猪肉入口即化，芋头一样都系粉糯香软，底下既黄芽白吸收晒扣肉同芋头既精华🤩不过因为要留肚应付之后未上既菜式，所以唯有忍口净系食两旧就收手🥹第十道菜系红烧元蹄，元蹄软糯入味，肥但系唔腻，入口松软，食到浓厚既胶原口感，肉汁亦都被底下既生菜完全吸收👍🏻第十一道菜系鲍鱼炆鸡，鲍鱼炆得入味，口感弹牙唔会好韧；鸡肉炆得岩岩好唔会过火，吸收鲍鱼蚝汁精华，自己都忍唔住食多几旧😂最后既系豉油王炒面同上汤菜心，炒面炒得够干爽唔会过油，又系被”秒清”🤣相都未影就清晒🙈菜心用既应该系菜心苗，用上汤灼得岩岩好，鲜甜爽口，食左咁多肉用黎清一清，吸收返啲纤维岩晒👍🏻上晒所有菜式，最后(真系最后😂)甜品系马拉糕，马拉糕松软有弹性，唔会太甜，如果加返啲榄仁口感会更丰富👍🏻不过因为成晚食得太饱，所以都只系食到少少😅另外唔知同学系咪当左个马拉糕系蛋糕，所以又唱多次生日歌🤣唱完生日歌，事头(应该系🤔)唔知系咪俾我地搅到hihi地，突然开咪唱黎明首”我的亲爱”，每当唱到chorus，即刻全场一齐” Sayonara o Sayonara o…” 当事头唱完之后，我地又接咪唱左两首，最后连事头婆都唱埋一份😂(其实事头婆冇传闻中咁串/难相与…)即时全场气氛去到极点🥳不过当晚全场最嘈都系我地两台，有啲食客都对我地侧目，真系有啲唔好意思🙇🏻‍♂️走既时候见到厨房师傅、企堂坐低食饭。原来佢地都有返咁上下年纪，真心respect佢地🫡经过中学母校，谂返21年前喺度中五毕业，当时金碧酒楼都系一间唔显眼既屋邨旧式酒楼，每日会开埋早、午茶市，酒楼出面仲有档报纸档，午饭时间都只会有老师去果度食饭，而我地就只会喺附近食烧味饭，烧味档而家都已经拆左lu…(叫老友记)。而家因为彩虹邨要重建，令到金碧酒楼曝光出左名，先有咁多人book台食饭(仲要好耐之前book)，自己中学母校新校舍都未有消息，牛池湾寮屋区都将要迁拆重建(好多好野食)，都真系有啲唏嘘😮‍💨希望哩啲旧式老店、手工、情怀都可以传承、延续落去啦🙏🏻🫂…查看更多