金田日式餐廳

打從此店開張營業的第三天開始, 我和太太便開始有規律地光顧... 已經給我有一種"家"的感覺~ 當然我們喜歡在此進膳仍有原因的 是因為此店離我的廠房不遠, 地方寬闊且比較偏僻... 對! 我們就是喜歡這種偏僻感~ 關於食物方面...這裡的款式頗多, 而最值得讚的是客人所點的食物, 會如實如數的奉上...絕少漏單的~ 不會甩甩漏漏! 食物及服務的質素也有保證~ 食物款式多, 分門別類的, 編列在不同顏色的order 紙上 (鯨龍魚, 劍魚腩, 針魚, 赤貝) 絕對驚喜!! (芝士焗蠔) 可以一試 (一口芝士, 吉列生蠔, 芝士年糕) 一吃上癮!! (冬菇博多, 紫香梅醬雞肉博多)-- 必吃, 超正!! (豆腐沙律, 蕃茄沙律, 和風青瓜沙律, 三文魚沙律) 非常清新醒胃!! 不點來吃會是一種損失~ (鴨胸鵝肝卷, 牛油焗野菌, 沙律米紙卷) 好吃!! (( 枝豆 )) 乃本人的不二之選!!! (串燒牛舌, 燒羊鞍, 燒明太子魚綿, 冬菇, 牛仔肉) 值得一試..再試! (胡麻牛舌, 薄燒牛肉, 三文魚)... 可再 Encore, 好吃! (朝鮮泡菜豆腐鍋) 不值一晒,可以不試...以免頂胃唯一不足的, 是飲品不能任點! 甜品規定每人送一客~ 不過, 中肯來說, 以這價錢, 吃到如此不錯的食物, 有這麼好的服務態度...算是物超所値~ …查看更多

對日式放題一向不存在太大期望，在朋友約會下第一次來到偏僻的和宜合道分店，真的是偏僻，要從葵芳轉巴士或的士才能到達，幸好每位收費較其他分店平，就當車費補貼。地方：尚算寬闊，環境ok；食物：刺身都幾新鮮，特別個螺肉幾鮮甜，但劍魚腩有根，其他都合格； 羊鞍唔錯，唔太羶，幾淋。款式都算多，但甜品得一款，失望。服務：可能人少，侍應都好忙但有反應，服務唔錯，比想像好。以這個價錢，無限時間加上服務同食品質數合理，比期望高。會再幫襯。…查看更多

前兩日我同女友受兩個fan去左呢間店食晚市放題,講穴呢間店比較吊腳,唔識路o既話都幾難去到,我地四個行左好耐先到,我地叫左好多野食,有大量o既刺身啦,壽司,串燒等等,佢o既刺身唔太新鮮,壽司亦有同樣情況,而且壽司飯幾乎一夾即散,d串燒燒得過曬火,比較乾,其他野亦唔太好.呢間店同荃灣d一樣價錢,但質素差得多,反而d小二就好過荃灣店,但要再食o既話我都係會去返荃灣店食law.…查看更多

一分錢一分貨,,,之前食過兩間唔同既日式放題,..係mk既 日x食, x川 (前者ok,後者差)都係150$埋單左右今次食就要200$埋單..聖誕期+多30$..先係刺身,3文魚好大舊..真係第1次食放題咁大..雖然唔會好入味..但對我黎講算標準...尤魚...赤貝,,,北寄貝...甜蝦...一般..本身唔太識食呢d..或者從未知佢有鮮味會係點...所以刺身都係愛3文魚多點..芝士焗豪,一般,,無乜豪味..係賣相吸引...芝士稀左d..羊安,食左4件度...抵返哂..ok la有味.幾羶下..但我啃得落..一口芝士,明太子海綿(軟綿糕入面係蟹子只是),芝士吉列蠔 都係麻麻..反而芝士年糕唔錯..之後串燒個d一般..但都似樣..仲有燒牛柳粒,,唔錯唔錯..豬軟骨就差左d..無軟骨存在過..呀..醒起刺身仲有向螺刺身唔錯..幾好..而仲有個向螺係蒸熟左一陣藥材湯味..幾濃郁..但係應該岩大人多d..多春魚,天婦羅蝦..都係好正下..!而什麼梅醬雞就麻麻..幾日前吃..不太記得其他無咁出色既..聖誕期間所以前菜送左碟迷你火雞沙律..火雞不嬲無乜味..尤佢..埋單有甜品送上..係朱古力酥條+用燸米茲做成既雪人公仔..中間用朱古力醬點成眼鼻口..嗯...最最最大好處係(嘿..恨不得想將呢句加大size字形)就係個陣7.8點..都係坐左3成人...唔知佢地點經營落去..埋單9點走直頭得返兩張台有人..但當然食野方面上碟快好多.. ..都可以比得落笑容..始終最近x川不愉快之旅真係明顯比下去..服務好覺得唔錯..好笑容..埋單都顯出笑容..…查看更多

本身去過荃灣分店..但見呢間分店新開..又黎試下..地點唔多就腳..所以渣車去,,但原來無free parking..入去到..個場都幾大..好闊絡..唔會好逼坐得唔舒服..$178加一..轉左新野食..第1輪點左刺身..夠凍呀...希靈魚籽個味好特別..一定要試下..第2輪就食串燒炸物o個d..唔知係咪因為客人唔多既關係..點完好快就有..所以都唔洗咁急入單..唔係會食唔切凍晒..燒物不過不失啦~無咩特別..芝士年糕就一定次次去都會食..必食!鐵板類都ok...但牛柳粒無咩味...點知後來d侍應同我地講~原來要點芝麻汁,,埋單每人有一份甜品..可惜無雪糕...不過好處就係有電視睇..食得飽可以睇陣,電視,,抖陣再食多轉!…查看更多

本來打算去尖沙咀, 點知無位, 荃灣裝修中, 所以揀左去葵涌, 點知勁差, 食日式放題當然係要食刺身啦, 但1) 北寄貝, 甜蝦, 三文魚, 赤貝.... ~~ 完全食唔到鮮味, 仲有少少雪添2) 牛粒 ~ ok3) 炸蠔 ~ 一般4) 炸天婦羅, 蕃薯, 南瓜 ~ ok雖然新裝開幕, 做特價 $168, 但以後都唔會再去囉…查看更多

本身想去荃灣果間，但見葵興都開左，位置唔太就腳，應該會少D人，所以就揀呢度。地方幾闊落，一D都唔逼，走廊闊得驚人，擺多張檯都仲得新開張，招呼相當唔錯，上菜速度加水收碟都好快速，大家唔駛急於落單，食完再落單都得，最緊要一張Order都冇漏，抵讚.....講番野食，種類唔算太多，但一般大路野都有刺身類: 甜蝦最好味，三文魚就好一般，幫襯當日冇吞拿魚，有點可惜，好彩由劍魚頂上，還可以喇 ~壽司類: 壽司手卷做得唔錯，最起碼塊紫菜脆既，飯既調味都好適中，唔會過酸炸物類: 蝦天婦羅幾好味，唔厚粉；一口芝士都OK，芝味濃D仲好添 ~燒物類: 正既有多春魚、牛舌、羊鞍，串燒麻麻地沙律冷盤類: 青瓜沙律、螺肉都唔錯一品料理: 大部份只屬普通貨色，反而甜甜的粟米就幾好味鐵板燒類: 薄燒牛肉、蒜片牛柳粒都唔掂，可以唔嗌埋單后仲有飯後果消滯一下，相當細心So Far食物環境都唔錯既一間日式放題，希望Keep得住水準啦 !!!…查看更多

小弟偽食家, 本著 [ 不求好味道,只求唔難吃 ] o既心態周圍痴飲痴食.以下係小弟第一次食評, 不喜勿插.話說偽食家妻於石籬附近上班, 網上開一下飯, 就近見有金田放題, 儘管一試.金田不難找, 可在麗晶中心A座穿越直入使可. 當諸君越覺得唔對路, 燈光越暗, 就無行錯喇. 門口並無知客接送, 大可長驅直入.閒話短說, 第一巡來個刺身熱身.三文魚有魚鱗作為點綴, 大有畫蛇添足之意, 且無鮮味.北寄貝不過不失, 不記亦罷.玉子食完欲言又止, 點完即止.赤貝意想不到出奇地鮮,鶴立雞群.芝士焗蠔, 芝士不[漏], 蠔有保留.小女子魚干, 第一口甘甜, 第二口鹹澀, 第三口進不了口.冷麵, 麵有生味, 淋而不爽, 麵汁竟是苦味, 偽食家以為自己熱氣, 喝一口茶, 漱一漱口, 又是食得苦麵.左起鴨胸鵝肝卷, 鵝肝味道怪異, 鴨胸肉味普通.咖哩餃子, 沒有咖哩味道, 餃皮不脆兼炸得過硬, 沒有肉汁.泡菜八爪魚, 泡菜味酸, 八爪魚霉.醬汁豬軟骨, 肉質淋, 骨都淋, 味道不錯.粟米粒粒燒, 牛油味夠, 可惜不是熱上.左起多春魚, 已烤乾.燒羊鞍, 味道很好朝鮮泡菜豆腐鍋, 第一鍋發現發霉豆腐, 被侍應急速收回, 第二鍋上時已不見了一半豆腐.左上麵豉醬燒魚餅, 很硬, 醫汁既怪且臭.左下蜜汁黑椒豬肉腸, 如沒怪醬, 會極惹味.右烤蝦天婦羅, 第一次粉薄蝦正, 第二次厚粉蝦霉.炸雞軟骨, 一口芝士, 芝士年糕, 滿口粉糊, 吃不出味道.薄燒牛肉, 燒得不俗, 肉蔥齊香, 值得再點.魷魚鬚, 又係配上怪醬, 且魷魚鬚已霉.煙肉青口, 白汁Creamy, 奶油味重, 可再Encore.大阪燒餅, 成口粉, 根本不熟.沙律米紙卷, 正所謂本來無一物, 何處惹塵埃, 加左黑醋變得又酸又糊日本水雲醋物, 名存實亡, 醋加上藻 = 鼻涕糊.牛仔肉串燒, 用上BBQ牛肉, 僅可入口蒜片牛柳粒, 跟牛仔肉串燒不天壤之別, 肉嫩蒜香, 沒有肉渣, 好牛者別錯過其實吃得已飽, 就點了兩杯凸飲, 無打錯, 眼凸個凸.芒果乳酸, 荔枝玉露, 完全失望, 點了兩杯高濃度化學糖水, 試想像鯨吞椰果蒟蒻內的水, 使可知道芒果乳酸,荔枝玉露有幾眼凸.叫埋單後有燉蛋吃, 都算好吃.講完食物, 服務十分好, 侍應加水快速.環境較為嘈吵, 既開音樂, 又開電視, 幾個頻道撞埋一齊.…查看更多

原先上個星期去荃灣個間食金田慶祝紀念日, 但係因為太多人, WALK IN去到已經無位, 咁好啦, 最後BOOK左星期一既8點,不過睇間鋪其實得好少位, 2個人要坐迴轉枱~~BAD~~ 因為收工要去葵涌買鞋, 諗住買完先去金田 , 係搭小巴個陣老公拎左張金田咭片出黎, 話原來葵涌都有間分店(新開) , 咁緊係打去問有無位先啦, 好好彩, 有位喎, 因為新開關係, 收費係$168再加一, (但係無任何信用咭優惠) , 之後就即刻打電話去荃灣金田同佢講我地轉去葵涌金田, 吾想HOLD住佢張枱麻~~`去到覺得門口吾錯, 幾光猛, 但係入面既裝修就吾係好得, 好似茶餐廳咁, 冷氣不足, 好在有卡位同電視 服務方面:我覺得吾錯, 侍應有禮貌 , 會不斷同你加茶, 比起其他既放題, 係要叫先會加但係食物方面要講一下:刺身~~ 係吾凍架,仲有d暧~~ 三文魚色澤深, 吾太新鮮, 魷魚同我想像中吾同, 好大塊, 但係好腥, 甜蝦不過不失 (侍應放刺身上枱後好細心咁同你講, 而家d天氣好熱, 提議你盡快食, 吾好返咁耐, 算吾錯的)炸物~ 一口芝士, 出黎個陣都已經硬晒,仲以為入面會係溶溶地添 炸蝦天婦羅反而ok , 串燒~ 雞翼(淋晒, 應該浸左好耐), 雞軟骨(不過不失) , 牛舌(無味), 燒三文魚(呢個ok) , 鯖魚(超硬) , 黑椒腸(好燶, 難食) , 羊鞍(好so) , 豬軟骨(好鞋) , 所有野上枱既時候賣相已經吾ok , 結果真係吾好味蒸蛋吾好味, 面豉湯好咸, 連芝士焗蠔都吾好味 , 豬骨湯拉都無乜味最最最難食係~~吾知叫乜鬼米紙定米卷, 個汁好臭, 好難食, 同埋個 ~泡菜白爪魚~ 係完全放棄成晚最好味係蝦天婦羅, 甜蝦剌身 同埋連既甜品外, 其他都吾得埋單2個人$370價錢雖然ok , 但相信我吾會再去, 始於大失所望~~如果要去都寧願去荃灣愉景既友勢~~~…查看更多

等我打呢度同我自己既第一篇食評啦今日心血來潮想食放題之前已經去過荃灣同尖沙咀二間金田覺得唔錯知道呢度有間新開既就來試試打電話book位個陣佢話可以由6點食到11點 =0=之後我地就沙田坐403小巴去周圍都無乜其他鋪一開始叫左個板壓壽司同刺身好新鮮好正然後叫左燒物同炸物都一樣好好芝士焗蠔亦好好味唯一要改善係有時一張單會漏左一二野但overall係呢間係幾好的食到9點幾就走左了…查看更多