影片
点解质素下降哂，夏天会买芒果豆腐爽，最近天气干燥，转食中式热糖水，以前觉得系全元朗最好食嘅糖水，金玉满堂系咪转左老板？我一星期至少买四次，每次都买腐竹发果薏米糖水，最近十次有9次都煲㶶，一打开盖已经闻到阵㶶味，食落口㶶到苦，最近一两次啲汤圆系冇乜馅同硬掘掘，究竟咩事？好失望🤦🏼♀️🤦🏼♀️如果冇转老板嘅话⋯⋯可否留意下啲品质，好唔好食都其次，㶶到苦就真系食唔到落口，其实装外卖碗时一定会闻到，点解都仲可以照出比客？我身上都发生咁多次都仲比机会仲会买，系因为真系好想食番唔㶶嘅时候真系好好食嘅味道
继续阅读
一入到去老板娘挂住打电话，唔理客人，打唔通都要继续打，之后先至肯收线收钱，返嚟攞外卖个太子女问我做乜，我话攞番薯糖水，明明见到攞得外卖，佢又唔理，之后见到佢阿妈出嚟仲叫佢阿妈收钱，九唔搭八，服务态度恶劣，佢阿妈先至如梦初醒俾返碗糖水我，返到去仲嬲，得五旧细番薯，仲要全部番薯烂姜又烂，好心做生意有啲良心，最后成碗要倒咗，谂住支持吓小店都吾平要$25，呢间列入黑名单以后不再去，如不想受气或食烂东西，就不要去啦，贴钱买难受
继续阅读
元朗就出名食甜品，不过之前食过元朗好多间甜品店，都系觉得一般！唯一呢一间我觉得系最好食同埋最足料嘅甜品店，之前已经食过好几次，今次特登过嚟买佢嘅榴梿甜品！讲真佢嘅猫山王榴梿爽真系好食，当然食猫山王榴梿价钱就一定会贵啲，但我又真系觉得值呢一个价！另外再买咗碗芒果西米露，本身想要芒果四重奏，但因为天气太热我哋系外卖，坐车要半个钟先返到屋企！所以决定转做芒果西米露！之后我哋叫咗的士因为未黎到，疑似系老板嘅人劲贴心，将我哋嘅甜品先放入雪柜，话车到先帮我哋拎出嚟！虽然店舖细小，只有几张枱，但食物质素好，服务也好！如喜欢食甜品或榴梿的人不妨一试
继续阅读
以前系元朗，食黎食去都系食个两间糖水。难得系元朗朋友屋企打完边炉，佢就话要带我哋试好嘢。于是我哋就动身去食呢间金玉满堂。铺头唔算大，等左一阵决定转外卖。大概两个字左右，外卖就到手。呢个椰皇系非常惊喜，椰汁底又香又浓，唔会稀到好似水咁。个鲜奶蛋白好嫩滑，时间控制得刚刚好。成兜仲有劲多桃胶同西米，不过食到一半先记得影，好足料啊！同埋我最欣赏佢个椰皇一刮就可以起到肉，我哋嗌左两个椰皇，两个都比我哋刮得干干净净！呢个益力多冰超级大份，咩料都有啲，绝对系贪心人士嘅恩物。个益力多冰都好重益力多味，食到最底都仲系劲浓，我哋去到最后要分住黎食都食唔晒。
继续阅读
今日夜晚谂住去食糖水，点知只系食到一肚气。事源同朋友入到去，叫左三个糖水之后，一路等，见到陆续好多人催单，但只系见佢地系咁做外卖单，然后又见到迟过我地黎个啲都出左糖水，我地都好有耐性咁等左七八个字先催单，侍应催左厨房，但都无反应，有几张枱都出现呢个情况而取消，实在等得太耐，最后我地等左一个钟再催，佢地都未做我地张单，我地真系忍无可忍，唯有取消张单，佢地都无歉意，真系好激气，浪费晒啲时间，都仲未计系出面等位，呢间店以后都唔会再去食。
继续阅读