金牌滷爺 (已結業)

尋日出海釣魚，早一晚整左幾串試吓，又做得唔錯喎，整體爽口，個芥辣正，賣處乾淨衛生，嘉亨灣上船的釣友，行開可以到太安樓買來試下，記得擺落冰箱先食，凍冰冰食好鬼消暑。…查看更多

屋企人經常幫襯太安樓呢間新開嘅金牌滷爺，發覺西灣河筲箕灣有好多滷水店，雖然平但其實有好多都處理手法唔乾淨。但呢間我覺得值得推薦大家去食，整體感覺比較衛生，係最近經常都外賣返屋企同屋企人食今次我哋就叫咗兩樣嘢。一滷水豬耳隻 $40一滷水鵝腸 $40 好好味，唔會太鹹。 而且老闆都好好，買嘅時候都會問我哋啱啱食，關心我哋係咪新客。 所以鍾意食滷水嘅人都可以外賣試吓 😋…查看更多

今日行過見到有新鋪開咗，見到佢乾乾淨淨於是膽粗粗去咗幫襯買佢啲串，買咗腎，腸，魷魚腎- 好入味腸 - 係最正嘅，好多間滷味嘅腸比較淋身，但呢一間就好爽口，個人比較喜歡爽口嘅腸，大力讚！價錢公道，下次行過一定再食！…查看更多

今日晏晝幫襯左佢，食物質素非常好，乾淨衛生，味道堅抽好味，價錢暫於我黎講係物超所值，絕對值得番轉頭再幫襯，個人推薦生腸，墨魚，腎墨魚，生腸夠爽口，腎個味道好入味.…查看更多

試了鹵鵝198餐，勝在多元化。樣樣豬耳，kidney 也有。不差。但鵝肉不及對面老字號tender, 和街尾新開堂食水準差不多。vinegar 過甜。。。。此店暫收現金，如想用消費卷便不行。…查看更多

近幾日發現咗太安樓商場對出嘅一列街舖，有一間新舖開張，原來係賣滷水食品，店內嘅主打食品當然係滷水獅頭鵝，不過當我細心留意咗店內張貼喺玻璃門上嘅餐牌之後，我發覺價錢呢間店所標示嘅各種滷水食品價錢，都比對面馬路嘅順興滷水店略貴，尤其係滷水蛋要$7蚊一隻，真係有D貴，我再細心睇吓佢哋嘅各款滷水食品，整體其實OK，色澤如果可以再深多少少會仲吸引，如果講到質素，我好難話究竟佢好唔好得過順興，應該話金牌滷爺同順興，大家都係不相伯仲之間，但順興嘅價錢更吸引，都係嗰句～大家各有捧場客，互不侵犯…查看更多