金漢宮 (已結業)

今晚買了半隻燒鴨前所未有的難食隻鴨完全無味肉質又霉，鴨皮韌到咬唔開，70元事小有被騙的感覺，即使在屋邨街市的燒臘檔都不會有這樣的質素，打死我都唔會再幫襯呢間食店

今天第一次光顧該酒樓，帶位員安排坐位後，等了一陣仍沒人執桌，之後有趣事件不斷發生…隔離枱的茶客用個身撞到我的朋友後仲要鬧我們。被人鬧完還要等很久先有服務員來執枱，但服務員話張枱布有部份反在桌面上而唔執枱，之後走左去。她5執枱，我們唯有起身5坐那枱服務員服務的區域，同經理反映完，經理只問邊個服務員，我們指出那服務員，她出來話番我們...之後我們自己坐在新席後，等了後久仍沒有人比咭和開茶，叫了部長，部長可能玩開太極...慢慢來，同一個人重覆來回問了3次要咩茶先開到茶。這個茶樓真是一絕，大家一定要幫襯及看住d服務員態度好看過千奇百趣，茶錢都值回票價啦。

上次食完覺得唔多好，不過可以係廚房問題，所以諗著再去多次試下，不過老實講最真嘅嘅原因係唔洗等。不過間間都咁多人等，得佢唔洗，其實大家都心裡有數！精點三色餃，其中一隻係蝦餃，肥肉唔算多，個皮厚薄適中，都算幾好。另一隻係鮮蝦菜苗餃，蝦肉完全唔同，個質感好爛，豆苗又唔夠滑，味道好淡。仲有一隻係潮州粉果，不過竟然連花生都無粒，既無香味又無口感，失敗失敗。花膠灌湯餃，都算渡錯嘅，起碼比其他野好，唔會太油。不過料就唔多架喇，但總算有件花膠食下，好過無啦。甜品...係最差嘅一樣...清香紅棗糕，之前喺其他酒樓食過,覺得好好食,不過地方唔同果然同一樣野都可以完全唔同...成件糕軟棉棉咁...係軟到挾唔起呀...毫無質感，又無紅棗香味，實在難食，睇怕都又有一段時間唔會再去喇!

隔咗斷時間無嚟飲下午茶了，之前食過覺得唔好味，今日比較趕時間，就揀呢間喇，因位於邨內較為隔涉，所以無需等位，勝在夠快，即時有位。今次叫左幾樣點心，最快嚟的是鮮蝦腐皮卷，蝦較碎唔夠彈牙無口感，外皮唔脆，有點失敗。家鄉煎薄罉，睇到都知唔會好，外觀唔夠金黃，食落粉重又唔夠香，都唔要求佢脆，愷料口感似軟燒餅多過煎餅，算喇食少樣罷了！再黎多個客家仔炒飯，算是最好的一味了，飯都炒得乾身，粒粒分明，料就少咗點，以蝦乾為主，蛋碎太少，缺乏蛋香，如稍多加點蛋碎會好些，味道都係一般。就係咁樣吃了一頓午飯，好彩只係和家人食啫，如果請朋友食餐咁嘅野就唔好啦

假期公司請飲茶，我地唔敢揀太遠去左葵芳金漢宮飲茶，環境ok，乾淨企理，侍應態度都唔錯，會自動自覺清枱，加滾水服務幾好!呢到點心款式都算多選擇，乜都有d! 我地因為人多，都可以叫多d款式，每樣都有得食下! 好鍾意食呢到既馬拉糕，每次我去到酒樓我未叫既點心，馬拉糕好香好鬆軟，調教既味道同顏色好有以前舊式酒樓既味道! 蒸蝦米腸粉，好滑蔥花蝦米又唔會太多太少，份量岩岩好，豉油味道都教得好好夾埋一齊食就更加好味! 牛肉球唔會淨係得粉，好大粒彈牙，落埋喼汁一齊食係最正既! 咸水角，炸得好金黃香口，餡料份量岩岩好，又夠熱，食起上黎特別好味! 家鄉炒米粉，炒得又夠好香又夠晒乾身，條條分明，撈埋甜醬一齊食，我最like! 粉果皮薄，餡料又多都唔錯! 其他點心基本都幾好食唔錯，最緊要公司請，不過食物質素係唔錯，下次有機會，自己都會再黎飲!

今日公司有一位同事生日，咁我哋就幾個一齊去咗飲茶，因為都冇咩人等位咁所以我哋都唔駛等就入咗去，一面嘅位置都算幾大🙄呢度菜式都同平時茶樓差唔多，咁我哋都叫咗叉燒餐包、蝦餃、燒賣、奶黃 包等等咁我就食咗叉燒包，個包都算幾柔軟，但係裏面嘅叉燒就好多肥肉，食落去就口感好肥女仔就未必鍾意食另外有叫多鹹水角同埋春卷，但係感覺就麻麻哋，因為佢哋係放左好耐之後再重新炸，所以外面個皮就好油，都唔新鮮😔另外我哋有叫到雞扎，裏面都算幾足料嘅，味道都唔會太咸還可以接受呢度嘅點心就不過不失，係蝦餃個皮會比較厚，口感不太好個馬拉糕就係我哋嘅生日嗰個同事嘅自愛，但係佢都幾失望，因為個馬拉糕一啲都唔彈，可能裏面嘅粉用得唔係咁好我諗下次佢哋應該會試公司附近另外一間

 今天陪男友家人到酒樓吃晚飯。這間酒樓在屋邨內，算是屋邨商場，做街坊生意。我們遲Auntie ,Uncle 一步到，他們已點好了餸。燉湯原盅上，店員為我們添湯後便將內裡的螺頭、雞腳、瘦肉等湯渣用碟放好。湯水清甜滋補，有螺頭味，應該燉了一段時間。螺頭蠻多，大約有６，７片。鹹魚香茄子煲上枱時香氣撲鼻，沙鍋耐熱放了一段時間茄子仍是熱騰騰的。茄子忟得軟腍，辣度適中，最適合跟白飯同吃。惟茄子未夠入味。切雞嫰滑，雞肉不會過老。切雞本身有小小鹹味，不用沾薑蓉來增加味道。魚雲經薑蔥爆炒後惹味非常，魚雲滑溜但較少肉。用來送啤酒一流。吃飽後送Auntie ,Uncle 搭車回家，男友就送我回家～簡簡單單又一天~haha

看完醫生去吃下午茶，這酒樓平常來吃午飯，第1次來吃下午茶，食物味道一般，這餐2個人 連茶芥加一，吃了HKD77.6，但價錢平，真的抵食。******************************蔥花炸兩，HKD16.5。腸粉皮夠薄滑，可惜這炸兩不夠脆。香滑沙流包，HKD9.8。這是特價點心，沙流包其實一點都不流，哈哈。四寶魚肚雞扎，HKD19.5。這雞扎有芋頭、魚肚、火腿、冬菇和雞件，是傳統的做法，味道也不錯。蝦餃拼粉果，HKD13.8。這是特價點心，一個點心可以吃2款色，不錯。蝦餃也爽口，粉果雖細件，但材料十足，不錯。

星期日又與家人到商場內的酒家飲茶，下午茶時間人不算多，入座時只需等候一張枱便可以了先看看點心紙，被一個點心拼盤所吸引，共有6款點心:有蝦餃、燒賣、菜苗餃、粉果、紅棗糕及糯米卷，每款各兩件，另外還點了咸水角、蓮藕餅及牛乳布甸～牛乳布甸［評分：4/10]最先來到的反而是甜品，布甸質地較稀，再加上了花奶，變得呈半水狀，入口牛乳味雖香，但甜度卻高得過份！吃了兩口後，還是算了吧咸水角［評分：5/10]外形不夠飽滿之餘，入口雖脆，但咸水角已經變冷了，口感帶點煙韌，內裏餡料不多，味道較鹹也沒太多肉碎蓮藕餅［評分：5/10]一般蓮藕餅也是雙層蓮藕中間釀有魚肉餡的，而這裡則只有薄薄的一片蓮藕，而且表面沒有煎至焦黃,但油份甚高點心拼盤［評分：5/10]久違多時的點心拼盤，足足等了一小時才送到！已先後兩次叫店員跟單，但也沒有多加理會，實在太生人了！不過來到時總算是熱的！蝦餃尚算大粒，但餃皮不帶韌力，口感一般。菜苗餃內包裹著大量菜苗，菜苗混合了大量油份，而且蒜味甚濃。燒賣算是最好吃的一款，大大粒，味道適中，帶點爽彈口感。糯米卷比較迷你，質感較淋，幸好油份不高。至於紅棗糕，質感黏黏的，甜度適中，帶淡淡紅棗香，比

適逢假日，又與家人到了酒樓飲茶，大約1時45分來到酒樓前打算快d取定位置，然後才叫家人從家裏出發，正當打算走進酒樓內時，知客提醒我還有15分鐘就到下午茶時段，所以就多等15分鐘吧場內人流甚多，接近坐滿點心紙分成兩張，一張是一般常用的那款，而另一張則專為下午茶而設，畫好後就交給部長，然後等候點心的到來～荔芋旋風包 ［6/10分］外表有如其名，紫色白色混成旋風狀，外層麵包不算非常鬆軟，但顏色真是非常漂亮。芋泥餡味道較淡，帶點芋頭微粒，芋頭味頗重，個人認為甜度不足，但家人卻相當滿意，整體尚算不錯豬腳薑 約有4件豬腳，4件老薑及1只雞蛋豬腳尚算大件，外皮及肉質入味得來又多軟腍，而老薑雖然不辣但感覺粗糙，而雞蛋也煮得十分入味，口感較硬，配合酸甜適中的薑醋，味道不錯海蜇青瓜 ［4/10］$35蚊一客，感覺份量頗多，海蜇比較幼身，影響口感，令爽口度不足。而青瓜感覺不太新鮮，沒有清涼的感覺，爽脆度同樣只屬一般。味道方便，帶點辣勁，可惜只有辣味而欠缺了麻油香，所以整體分數較低迷你點心拼盤 ［6/10］當中包括了：蝦餃、菜苗餃及粉果。整體外皮比較腍身，當中以菜苗餃最腍，內裏包裹著大量菜苗碎及一只蝦仁，味道

好久沒有品嘗聲哥的廚藝了，昨晚特別駕車由港島往葵芳邨捧他的場，还邀請了由加拿大返港的中醫師夫婦陪同，由於人數不多，只叫3道加大份量的主菜，以便好好品嘗，包括燒鵝，燒腩仔和义燒拼盒，銀丝遊龍（上湯浸龍躉肉）和火腿南瓜龍躉皮。聲哥果然宝刀未老，更竿頭日進，龍躉皮以前用東菇伴，今次改用南瓜，與金華腿合拼，咸中帶甜，甜中帶咸，加上甚有口感的龍躉皮，超正！銀丝遊龍湯里有粉絲，有魚的鲜甜，又爽口！ 令我驚喜的是燒腩和义燒也超正！

天麻湯，由天麻、魚香、以及薑味，濃陏而平均，溶和成為味道相當豐富的魚湯，每人飲了三碗至於紅炆龍皮就更加是植入式骨膠原的經典。每一口龍皮都有厚厚的骨膠原，又補身又好味！仲有玫瑰雞，就連一向不吃飯的食友都要了兩口白飯配這個玫瑰瑞士汁，令人回味無窮!最後多謝聲哥用心安排及熱情招呼，使我地可以一再品嘗你的撚手菜式。

打風所以我同老公都無返學，去左葵芳一齊食野先番屋企。老公一直都話想食芝士焗龍蝦好耐，見到佢既晚市有特價，就入去試試。就係俾呢個牌吸引左入黎，樣樣都唔錯，但可惜一枱只可以揀一款。我地揀左龍蝦，2個人所以得1隻。食得龍蝦，唔爭在黎個海鮮餐。所以仲叫左鮑魚同扇貝，價錢都好平。第一樣上菜，老公期待既芝士波士頓龍蝦伊麵。食唔到芝士味，只係一PAT忌廉汁淋左上啲龍蝦同伊麵到。部長話隻龍蝦有一斤，但老公話連埋隻碟同伊麵就應該有一斤。睇就好似好多件，但全部都無肉食，得個殼。個伊麵細得可憐，勉強裝得滿一隻酒樓既碗仔。但蝦肉係OK既，唔霉。跟住就係迷仔鮑魚仔，$60半打，SIZE都應該係咁上下。又係完全無味，要自己點豉油，不過好彩唔韌，算新鮮，但食到一隻有沙。近鏡，應該用牙籤食。蒜蓉粉絲一向係我既至愛，但呢碟野令我好失望。蒜蓉係夠多，但唔夠香。最重要係個豉油好難食，佢淨係得一PAT油，無鹹味，得千年油既味。無豉油之下，搞到個粉絲好乾身，唔好味。隻隻元貝都唔離殼，十分差。送既紅綠豆沙，我唔食中式糖水，所以老公自己整左兩溝，佢話都OK，唔太差。

16-6-2013（日）這星期，收到遠方老朋友不幸離開的消息，使我心情沉重，學懂要更加珍惜友誼！主動電郵聯絡一些已沒多見面的朋友，他，是第一個回覆！已和他有一個月沒見，他於是日約我出來吃午飯。好，那就隨意選在葵芳的  金漢宮  吃吧！點叫了一碗  切雞米粉  及一碗  燒肉飯。大大碗上桌，米粉多得深不見底，夠爽口；切雞也頗多，夠嫩滑；燒肉是半肥瘦，表皮炸得香脆可口，肉質有咬口感。另外，亦點叫了燒賣、千層馬拉糕、蘿蔔糕及綠豆沙。最讚的是那個千層馬拉糕，蒸煮時間剛好，軟綿綿，有豐富的蛋香味，咬下去又有層次感。埋單約 $140，不錯的一餐！朋友，我真的沒嬲啊！已約定待我從法蘭克福回來後，有時間就在  廣成冰室  見面吧！願 友誼永固！

無希望就無失望......有時可作撞牆後的安慰語, 也有時可以警醒自己千萬別輕易地只憑感覺去對事或對人妄下判語。可悲的是自己往往要撞牆多次, 但有趣的是撞牆後竟會轉身走向自己曾妄下判語的地方, 才發現舊時的自己想法是多麽的幼稚。這酒樓不論位置、裝飾都未能討歡心, 可以講是不屑一顧； 那天早上不知道是那根腦袋壞掉了才走進酒樓大門, 眼前大堂坐了不少公公婆婆, 但感覺是有點不一樣......對! 是少了惱人的嘈吵聲 公公婆婆們就算是閒話家常都是談得頗有公德, 並非會大剌剌的扯大嗓門滿場飛 自己就走入偏廳裏選個位置來坐, 看見枱旁的一對老夫婦的枱上, 竟然每人有個紫砂茶壺, 就在此好奇之際就發現遠處牆上有一塊「金漢宮茶皇廳」的牌, 而牌下的一列玻璃門內就放了多個紫砂茶壺及玻璃茶壺。茶皇廳裏提供兩款國宴元首茗茶茶葉, 每位$15, 分別是貢品大紅袍 及 貢品碧螺春。早茶時段由上午6時至11:55, 優惠及小中大點是由$6.80等逐級跳上, 最貴的特點是$18.80翠玉瓜鮮蝦腸粉 $12.80 ... 腸粉皮有米漿香氣, 兼且質感粗糙中細滑, 蝦肉緊緻而且大小適中, 能剛好一啖一隻；翠玉瓜粒