金滿載 (已結業)

近年經歷兩年多的抗疫，我們便開始學懂更珍惜人與人之間的溫暖及愛惜食物。『施比受更為有福』…… 這句說話很久沒有出現了；今天在腦海裡不斷浮現……網上話題說，兩餸飯、三餸飯最受歡迎的也是最吸引民間小市民。 此店很為老人家著想，在黃大仙區都存有老人家人口，他們需要的除了多點溫暖也很需要幫助。在黃大仙銀鳳街的遠處我們見到有人陸陸續續在一間在店員們在忙碌外賣及堂食的小店。 吸引我們的除了兩餸三餸飯之外，而是麻辣雞鍋及烤魚，坐在店內深感很有人情味的氣氛！#芥末八爪魚 ：芥末不會搶喉，容易入口，一年四季也可吃。#醉香鴨舌 ：鴨舌爽又腍，濃濃醉酒香，佐酒吃，美味可口。#芝麻辛辣雞煲（半隻）：店員很細心問我們接受麻辣程度；店員分享說，有客人點要求九級的辣，真的辣得厲害。我們喜歡微辣，濃郁的秘製醬汁，吃到我們唔得口，嘴舐舐#麻辣雞煲（半隻）＋ 配上生菜，平衡了吃多了雞肉的罪疚感。健康飲食金字塔温馨提示我們，多菜少肉類，完全附合了。#麻辣雞煲 ：熱呼呼的雞鍋，冬天之選 吃完，再加上湯底，吃了生菜，滿足感十分。#夏威夷西瓜冰 #柑橘熱情果很喜歡一邊吃熱呼呼的雞煲或打邊爐時，一定要有杯飲品。今次要了杯特飲，顏色及味道全天然，飲得爽口又解渴#紅棗雪耳元肉茶 ：養生甜品，很正氣的潤喉的甜品，好味道😋🤣😋😂…查看更多

♡ 高CP值 情懷惹味家常小菜 ❤️ 金滿載 ♡-今日約咗幾位朋友一齊食飯就嚟到呢一間食家常小菜嘅餐廳🍝餐廳嘅食物款式好多同朋友仔都睇到眼花撩亂好彩老闆同員工都好熱情主動推薦唔同嘅菜式比我地☺️*現凡惠顧雞煲/烤魚 仲計人頭送一杯特飲🍹～ 😍 * 特飲大大杯 仲好好飲😍- ♡ 鹹魚雞粒炒飯 ♡ $42大大碟 好抵食同行有人好鍾意食鹹魚雞粒炒飯鹹魚夠晒鹹 雞粒亦都好新鮮☺️炒得好有鑊氣😍同行嘅朋友仔都食到停唔到口😍誠意推薦❤️-♡ 芥末八爪魚 🐙♡ $58我平時唔係好食芥末但都覺得好好食😋 八爪魚好彈牙 作為前菜真係啱晒～ -♡ 醉香鴨舌 ♡ $58呢個小食一上台就好快俾人清晒啦鴨舌勁入味鍾意食鴨舌嘅真係唔可以錯過～ -♡ 冰鎮話梅蝦 ♡ $58話梅蝦酸酸甜甜 勁開胃蝦🦐仲好鮮甜 ❤️-♡ 蜜椒金茨牛柳粒 ♡ $60牛柳粒簡直冇得彈😍炒得好香 入口勁鬆軟 好好食☺️-♡ 椒鹽鮮魷🦑 ♡ 鮮魷入口好彈牙 ～ 炸到熱辣辣、脆卜卜好好食😝😋加埋椒鹽 真係好邪惡呀😝-♡ 麻辣雞煲 ♡ $228 雞煲好有水準😍食落口啖啖麻辣香～❤️雞件數量好充足 雞肉滑嫩 吸哂麻辣汁既精華～～ -❥ 估唔到小店既雞煲 水準咁高☺️ 同朋友們都食得好滿足😝 而且性價比仲好高 下次一定要同屋企人你試吓佢嘅烤魚😋😋#⇢店鋪資料：金滿載 (黃大仙)黃大仙銀鳳街9號地舖#-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處…查看更多

今日同屋企人出街食，係屋企附近搵野食。見到呢間餐廳幾特別，賣兩餸飯之餘仲有雞煲同烤魚食，價錢都算平，一於就試試佢。🤭老闆娘招呼好周到，又好好傾，佢地煲湯唔會落味精，整既餸都盡量唔會咁重口味，因為知道黃大仙區老人家多。😁食物質素都好高，款式又多，都好吸引。性價比又高，基本上每人150蚊都食到超級超級飽。😂麻辣雞煲 BB辣 (細 $128)細即係半隻雞。雞係超級嫩滑，好有口感。個麻辣味都好過癮，因為我地唔太食得辣，呢個BB辣吊下癮幾好！😋整個煲係超香，配料落得足，好入味！👍🏻另外仲要送多個菜，今日既就係生菜，都好大碟下，有雞又有菜，都係$128，滿足！醉香鴨舌 ($58/份)記得細細個好鍾意食鴨舌，大個都無乜食過鴨舌，今次食番覺得好正！😍加左小小酒去吊下個香味，而且鴨舌口感都唔錯，正呀！👍🏻花雕話梅蝦 ($58/份)好爽口，肉質嫩滑。好滿足！而且調味做得好好，第一次試已經被吸引。😋芥末八爪魚 ($58/份)份量睇落唔算，但就食極都仲有。😂小食黎講呢個真係推介！口痕食呢個好一流，芥末味過下癮，細細粒八爪魚易入口！椒鹽鮮魷 ($68/份)個皮已經炸到好脆，份量又多，抵食！另外可以自己點淮鹽，但我覺得唔加鹽都好好食。👍🏻夏威夷青梅梳打 ($18/杯)味道幾特別，好Fresh，而且賣相吸引！金桔檸檬百香果 ($18/杯)好Fresh好解渴，又唔會太甜，岩曬我。😁夏桑菊呢個係老闆娘另外請我地，俾我地食完雞煲下火！😍清清淡淡感覺好健康。…查看更多

烤魚和鷄煲，這兩個菜式都係好多香港人所喜愛的！本人也非常喜歡，隔一段時間就會好像上癮一樣要去食一次！朋友知道我的僻好，尊登同我去黃大仙"金滿載"，佢話可以滿足你兩個願望😂😂去到門口，見到賣三餸飯，我問朋友係咪攪錯左。點知一坐低，睇下餐牌，原來佢有好多特色菜……有小籠蝦，有不同冷菜，鷄煲，烤魚和特色飲品………等等👍👍諗唔到，一間小店可以有咁多選擇。我哋叫左3個冷盤，2杯特飲，當然唔少得我最喜愛的鷄煲和烤魚冷盤：芥末八爪魚， 酒香鴨舌和話梅蝦芥末八爪魚： 八爪魚好鮮，完全沒有比芥末醬汁蓋過，而且好爽口，好食！酒香鴨舌： 酒香味濃，好入味，口感爽脆！話梅蝦：餐廳用了新鮮蝦來做這個冷盤， 淡淡花雕酒的香味加上甜甜酸酸的話梅，出來的效果出奇的夾！😋😋主菜當然就係我的最愛…… 雞煲和烤魚鷄煲： 半隻鷄HK$128(送生菜一碟), 廚師用了自家秘製的蔴辣醬汁去煮個鷄煲，我哋叫了個小辣， 一攞出嚟香氣撲鼻，望著個煲好想叫佢快啲滾，真係香到忍唔住即刻想食。 鷄好滑，味道剛剛好，不會被麻辣汁搶走的雞味，所有配菜也可以食到原本味道，洋蔥好甜， 芹菜和芫茜的香味發揮到淋漓盡致， 不會像外面那些雞煲得鹹和辣………烤魚：原條青江魚 HK$298, 香辣味適中，廚師把整條青江魚炸好，加上秘製醬汁和湯底，還有配菜薯仔、青瓜、金針菇！ 魚的火喉炸到剛剛好， 入口外脆內軟，魚肉鮮甜，最重要係沒有過多的魚骨，非常好食！並且，配菜非常入味，連薯仔都吸入魚的鮮味和醬汁的獨特的味道！他們的烤魚，不像外面烤魚店那麼濃味， 但勝在沒有太多加工味道，可以吃到原材料的本味，值得一讚！👍👍👍另外，那裏的老闆十分好人，他還沖了兩杯新的特飲(餐牌沒有的)比我哋飲，“青梅芒果梳打”和“金桔檸檬特飲”，淨係睇過顏值都抵哂，而且味道仲好好飲，唔太甜，還可以解辣😂😂！總而言之， 他們的食物水準能夠給于我驚喜！😋😋😋…查看更多

約咗幾位朋友嚟黃大仙食飯想食返啲家常小炒呢間金滿載就係非常好嘅選擇喇！我第一時間想試吓佢哋嘅麻辣小龍蝦但係老闆話今日嘅小龍蝦賣晒🥺想食嘅朋友記住早啲嚟喇🥺鹹魚雞粒炒飯 老闆十分推介佢哋嘅鹹魚雞粒炒飯叫我哋一定要試 既然咁熱情推介就試吓啦炒飯份量好大 但係我哋食唔晒 就叫咗老闆少飯 炒飯粒粒分明，鹹香入味，夠鑊氣！唔錯😋酒香鴨舌🦆鴨舌有8隻 隻隻都好大隻口感有少少微辣 酒味好香同蒜蓉嘅味道都好夾😋芥末八爪魚🐙芥末八爪魚口感彈牙 又唔會有好濃嘅Wasabi味 細細份適合做小食話梅蝦🦐好少聽到有話梅蝦咁嘅菜式😂 決定要試吓每隻蝦都勁大隻 話梅汁嘅甜味包裹住蝦肉食落有少少酸甜味 蝦肉亦都爽口彈牙😝椒鹽鮮魷🦑老闆亦推介我地試呢一款菜式上菜時熱辣辣 口感香脆魷魚彈牙 加埋啲椒鹽就更加好食啦😁密椒金茨牛柳粒又係十分不錯嘅一道小炒牛柳粒份量好多 食咗好多仲有牛肉入味幾好食😋 麻辣雞煲最後我哋仲食埋歌麻辣雞煲醬汁夠濃 又唔會好咸 佐料搭配得好好仲送埋個生菜一齊煮 生菜索哂啲汁食真係正😂😂😂 雞肉嫩滑 件件雞都索晒啲汁 真心不錯👍幫襯雞煲或烤魚仲送人頭一杯特飲 💗餐廳價錢親民 食物質素都OK員工服務態度都好好 推介大家嚟試吓👍金滿載 (黃大仙)黃大仙銀鳳街9號地舖…查看更多

金滿載【WTS好味雞煲之選】星期日嚟咗黃大仙搵好嘢食，銀鳳街呢間金滿載好似好正，menu都幾豐富，於是入去食lunch 🥰叫咗個麻辣雞煲，小辣辣度好適中，雞件厚肉，肉質又夠滑嫩，香口惹味，而且配料都好足，滿滿嘅洋蔥、芫茜，令風味倍增😋孜然茄子都好有驚喜，配搭好味，茄子保持好juicy，有咗孜然嘅加持滋味更佳😋芥末八爪魚爽口唔會太攻鼻，話梅蝦都好特別，酸甜得嚟又唔會蓋過蝦本身嘅鮮味🤩木瓜雪耳湯都好值得一贊，入口清甜，而且足料，夏日炎炎飲到啖靚湯，正啊😙兩杯特飲青梅夏威夷同柑桔檸檬都好飲，酸甜開胃，冰涼解熱，又可以中和食雞煲嘅膩感☺️餐廳嘅整潔程度都好高，而且職員都好friendly，會幫你炒吓個雞煲，食得好舒服👍🏻…查看更多

麻辣雞煲 $228/隻煲滚之後，陣陣麻辣香味🤤 雞件嫩滑入味，鐘意食麻辣嘅人真係無法抗拒，兩個人好快就清晒成煲雞🤓椒鹽茄子 $68/條店員大推呢道招牌菜，原條茄子裏上超薄炸粉，加上香口椒鹽調味，外脆內軟，一上枱熱辣辣食最正！好juicy，咸香得宜😋特飲店員仲推介左佢哋嘅特飲，口味就視乎當日師傅嘅心情而決定🤣🤣🤣 特飲顔色好吸睛，味道都一樣咁出色！另外，餐廳仲有兩餸飯，堂食外賣都得，餸嘅選擇好多，望落好吸引，好多街坊幫襯👍🏻…查看更多

冇諗過喺黃大仙食到咁好食嘅烤魚，一定要出post支持👍🏼👍🏼今日行完獅子山，成個人都好攰，想搵間好啲嘅餐廳食，經過黃大仙呢條街好多餐廳，想搵間坐得好啲又冇咁多人又多野食，揀咗呢間看似其貌不揚嘅餐廳。.坐低之後，老闆極力推薦我地4個人可以share食「原條清江烤魚$298」，如果唔夠食可以加配料。叫左呢個烤魚中辣，上碟真係好驚🫢訝，因為真係好大條！！原條清江魚鋪滿海量洋蔥芫荽， 用大鐵盤坐熱盛上，滾滾下咁真係好惹味，條魚仲要滾好耐都好夠脆，清江魚得條大骨好易食，仲好入味Tim。.之後叫左兩款小菜餸酒食，「椒鹽粟米$68」同「椒鹽鮮魷$78 」。椒鹽系列十分推介👍🏼👍🏼粉薄又好食，調味得好唔過咸。另外仲有特飲都好推介😋「百香果益力多」同「夏威夷菠蘿梳打」整得又靚又好味，食烤魚呢啲濃味既野食+特飲就岩晒。…查看更多

📍金滿載 (黃大仙)呢間餐廳主打平價雙餸飯，成日都好多人買，估唔到佢嘅重慶烤魚都好有驚喜。✨重慶烤魚 $298大大條江團魚三個人都夠食。先炸後煮，魚皮香到不得了，以背鰭位特別香口。成條魚嘅魚肉都好嫩滑，魚腩位直情係滑捋捋。我哋怕食到成身汗所以叫咗唔辣，估唔到都夠香濃惹味。✨酒香鴨舌 $58鴨舌爽脆有口感，酒香唔重但有陣陣麻香。✨芥辣墨魚墨魚仔爽滑，配搭酸酸辣辣嘅芥辣醬好開胃。佢哋仲有唔同款式嘅特飲，唔止賣相好，都幾好飲㗎。…查看更多

麻辣小龍蝦，在香港小龍蝦雖然慢慢普及起黎，但仍然唔算好多地方可以食到，要整得好食就更加難遇到，麻辣汁確實正宗，咀唇有麻痹既感覺，辣度方面已經揀左微辣，就算只係輕輕啜蝦殼既汁都仍然好辣，十分刺激，夠香夠惹味。酒香鴨舌，共有8隻，每隻都飽滿，酒香濃郁，而且帶微辣，配啤酒做佐口小食非常夾。wasabi八爪魚，同樣係美味既佐口小食，wasabi汁包住八爪魚粒，肉質爽口，如果八爪魚切成長條口感會更好。話梅蝦，係餐廳獨門秘方，話梅汁帶少少甜而且味道有回香停留在口腔，蝦厚肉大隻，彈牙口感。椒鹽鮮魷，即炒即上菜，仍然熱辣辣，炸粉香口酥脆，魷魚彈牙並且冇筋容易咬開，本身已經好夠味，加少許淮鹽令味道提升就足夠。玫瑰白蘭花梳打 / 夏威夷檸檬梳打，特飲除左清涼解渴，賣相仲好靚好鮮豔，充滿夏威夷氣息，冰粒係隻有不同顏色既熊仔。木瓜雪耳糖水，木瓜清甜軟林，雪耳一吸直接滑入口中，食埋個甜品咁就非常完美。…查看更多

 近年疫情對香港🇭🇰有不少影響，食肆更係首當其衝生意受挫，不少餐廳都轉型經營外賣生意，「兩餸飯」亦因此變得大受歡迎，而係黃大仙呢個美食沙漠，都有間幾受歡迎嘅「兩餸飯」店—「金滿載」，時不時都會見到有好多人排隊～😳「兩餸飯」$33起，仲包埋飲品/自家製涼茶/老火湯/糖水，好抵呀！😎小菜款式多樣化，又經濟實惠，唔怪得咁多人捧場啦～😏另外，仲有長者香學生優惠～南瓜紅蘿蔔湯自家煲製嘅老火湯，真材實料！啱晒小飲煲湯水嘅上班族～先食個開胃小食～有啲是日小食真係老闆「廚師發辦」，所以唔係Menu度～⭐️推薦❗️泡椒雞腳（$42）雞腳好入味，酸辣又爽口～如果整泡椒雞翼就更啱我口味。🐒芥末八爪魚🐙芥末味食落唔會好嗆，八爪魚口感十足，值得一試！醉香鴨舌一份有成8隻咁多，但搭配太多蒜蓉，有少少蓋過清澈嘅酒香。⭐️推薦❗️秘製烤魚（$298）店家選用原條江豚魚，這種河魚坊間少見，屬四川正宗風味。江豚魚斤兩十足，三個人share都夠食！😏店家先將魚炸至金黃香脆，魚肉厚實，嫩滑多汁，而且仲包埋多款配菜，如洋蔥、芹菜、香菜、青瓜、金菇、薯仔等，性價比相當高！如果仲可以加薯粉或寬粉就更好！☺️因為屋企人唔係好食得辣，所以烤魚只係要左小辣，不過店家好貼心咁比左碟🌶️辣椒油我自己加料，soooo sweet☺️，辣得好過癮。如果唔夠飽，仲可以加配其他火鍋配料如生菜等打邊爐～除咗汽水、咖啡或茶，仲可以飲返杯色彩繽紛、富有水果香嘅特飲解解辣～玫瑰花梳打（左）夏威夷芒果梳打（右）最後，店家仲送上精美嘅🍉水果盤，作為今頓晚飯完美嘅總結～…查看更多

老公平時都好鍾意食魚，今次同事介紹咗呢間食烤魚雞煲嘅舖頭俾我哋，咁就一於趁收工就嚟試吓！呢間舖頭位於黃大仙銀鳳街，地鐵站行過嚟都係10分鐘左右，都好方便同易搵！呢間舖頭係啲小店模式，餐廳有堂食之餘仲有做外賣兩餸飯，餸嘅款式好多，見到店員裝飯都裝到成座山咁，下次都想來買吓佢哋嘅兩餸飯！💠秘製烤魚（原條江豚魚）一上菜真係嚇親，原來係咁大條魚！江豚魚我都係第一次食，唔算多骨，對於唔識食魚嘅我嚟講好friendly!老公話呢條魚嘅肉質都幾嫩滑，好新鮮，算係啖啖肉既魚黎，好啱我哋兩個人食！湯底叫咗小辣，都好惹味，店員仲問我哋夠唔夠辣，另外配咗啲辣椒油俾我哋點，辣辣地好好味！仲有好多配菜有青瓜金菇洋蔥，真係好豐富😋😋💠麻辣雞煲（半隻）老公食完魚話唔夠喉，想叫半隻雞煲嚟食，雞煲我哋就叫咗中辣，都唔會話好辣，反而辣辣地都幾開胃！半隻雞嘅份量都好多，雞件都好大舊，唔會好鞋，配埋生菜一齊淥真係好好食！💠 香辣雞翼尖、醉香鴨舌、泡椒雞腳店員推介呢三款小食都係必嗌，咁我哋都有叫黎試吓，真係冇介紹錯，三款小食都辣辣地好惹味，好啱我哋冇辣不歡嘅人，如果唔係第日要返工我哋一定會嗌酒飲，送酒實會好正！😍😍💠 玫瑰芒果梳打、提子梳打呢兩款嘢飲嘅賣相好得，打卡一流！飲落都好清新，好啱食烤魚雞煲呢啲重口味嘢嘅時候飲，一飲即刻好解渴好fresh!不得不提店員好親切好nice，一路食都會問我哋夠唔夠食好唔好味，仲送咗五花茶同木瓜雪耳糖水俾我哋，真係好有家的感覺！下次一定會再嚟食，推介俾大家🥰🥰📍 金滿載 (黃大仙)黃大仙銀鳳街9號地舖…查看更多

行過呢間兩餸飯，好多人買外賣，見到晚市有烤魚就試下😋江團魚 小辣 魚烤得好香 魚肉滑 湯底惹味 老細仲主動問夠唔夠辣 可以加辣 啲金菇索曬啲湯汁好正 份量都好多 兩個人食完條魚都好飽雞煲 半隻 香噴噴 愈食愈辣 泡椒雞腳 夠辣夠咸 食到上癮醉鴨舌 整得好林 而且好入味 蒜香味好出日式wasabi八爪魚🐙幾個前菜都好開胃最後老細仲送左兩碗腐竹雞蛋糖水！好滋潤好開心！不得不提係呢兩杯特飲 好得意有兩隻熊仔冰 味道好清辣有渡假feel!呢間小店啲野食好有鑊氣 老細又好有心機做 對品質有要求 而且好下次會幫襯佢既外賣小菜！…查看更多

我一向不食魚，怕有腥味， 竟然在金滿載第一次食麻辣烤魚 令我十分驚喜， 食落去第一口完全沒有腥味 ， 使我一食難忘， 還有我最愛的雞翼尖，雞腳和鴨舌， 再加埋美味的甜品 簡直一絕…查看更多

金滿載📍地址：黃大仙銀鳳街9號地鋪黃大仙銀鳳街一帶美食林立，唔同種類菜式嘅餐廳都應有盡有。見到有間新開嘅餐廳叫金滿載，而今晚又想食小菜飯餸，所以二話不說，決定試一試。與友人共2人獲安排卡位就座，餐廳環境舒適，裝修新淨企理。餐廳款式眾多，有烤魚、雞煲、海鮮、小菜等等，又有佐酒小食，花多眼亂，今日決定叫兩個小食加兩個招牌菜試試。🌟　芥辣墨魚芥辣味啱啱好，味道唔會太濃郁過辣，墨魚爽滑彈牙，非常開胃。🌟　酒香鴨舌濃濃嘅酒香加上蒜茸香味，送酒一流。🌟　秘製烤魚餐廳選用原條江豚魚，份量十足。江豚魚較少魚骨，食落啖啖肉，魚肉入口非常嫩滑 。麻辣湯底亦非常出色， 唔會一味死辣，而係辣中帶麻香，味道有層次，呢道嘅烤魚絕對係食過咁多間烤魚之中算數一數二。🌟　麻辣雞煲麻辣雞煲同樣咁好味，醬汁同樣非常惹味，濃而不咸，香料味道出眾。配上生菜索哂個汁係食，無得彈。而雞件入口相當嫩滑，唔會處理得太熟而影響口感而且雞件非常入味，佳作。🌟　夏威夷菠蘿梳打、玫瑰白蘭花梳打食完咁濃郁重口味嘅食物，當然要有飲返啲冰凍嘅飲品。呢兩杯特色飲品色彩繽紛之餘又好飲，同烤魚，雞煲絕對係 perfect match。呢間餐廳嘅價錢大眾化得嚟，食物質素又高，非常驚喜。加上店員服務態度又好，下次一定會再嚟幫襯，再試埋其他菜式。…查看更多