影片
以上资料只供参考，请与餐厅确认详情
小妹初来报到 🙏🏻 请大家多多包涵先嚟过利益申报，突袭暗访朋友小食店🤭叫基本嘢试吓个质素，原来老板好贴心听咗客人嘅意见👍🏻 鱼蛋都有三款俾大家选择（鱼蛋王、陈皮鱼蛋、白鱼蛋）酱汁有惊喜！ 系细个食嘅味道（香而不太辣），会想追住食嘅味道。拼咗鱼肉烧卖，够大粒有鱼味唔会成口粉。老板当日唔喺度但系睇得出员工有培训，唔会催你嗱嗱声俾钱就下一位，抵赞👍🏻 香港地区小店就系需要呢一啲。另外听到其他食客话碗仔翅都好食，仲有抵食捞面餐，但系夜晚约咗朋友食饭，所以今日就试住咁多先。
继续阅读
途经深水埗淘多多旁的这家地道小食店，见不断有食客买嘢，再见到独家酱汁，价钱又好鬼合理，忍唔住买个最基本嘅鱼旦烧卖！点知店员问我要边款鱼旦，原来有得拣㖞！因为佢有个三色鱼旦餐，即系鱼旦王 白鱼旦同陈皮鱼旦可以选择。重点来了，独家酱汁果然不是一般辣油，酱汁辣度适中，不是麻辣那种得个麻痹感，好有口感，攞嚟捞面应该好正，可惜现场唔见可以单买！跟住仲见到个瑞士汁鸡翼捞面个样都几靓仔，下次再试吓！
继续阅读
今日去深水埗买嘢，特登走返去金满拮鱼蛋😁 哗哗哗，多咗好多新嘢㖞😍 生菜鱼肉、碗仔翅、面餐…. 我今日就试咗面餐，出前一丁加瑞士鸡翼。出前一丁煮得软硬适中，最怕啲面太腍😅 瑞士鸡翼好入味，里面多汁又滑，可惜得三只鸡翼，唔够喉😂
继续阅读
之前食过呢间嘅烧卖同炸鱼旦配佢嘅独家酱汁好好食，今次一心谂住试下佢嘅白鱼旦，点知去到佢加左好多嘢食，最吸晴嘅相就系佢嘅瑞士鸡翼，加埋捞面都系$25，忍唔住就叫左，喺等嘅其间比我见到佢竟然卖大埔振兴嘅牛丸，众所周知呢间嘅牛丸虽然好食，但出左名贵，佢卖$20-4粒🤩🤩，真系好抵，可惜个肚位置有限，下次必食！再睇埋佢其他小食，全部都系贵货，真系高品质嘅小店。讲返我嘅瑞士鸡翼捞面，劲大只鸡翼，个瑞士汁好好味，鸡翼里面仲有肉汁，唔会好干，配埋佢嘅独家酱汁捞面真系冇得顶😋😋😋。其实我好少写食评，佢真系值得我去为佢点赞👍🏻👍🏻一定要支持呢啲好食嘅小店舖！！！
继续阅读
再次帮衬，多咗好多新产品😲买咗份瑞士鸡翼捞面，鸡翼劲大只，又够入味，捞面拣咗独家酱汁味，超正🤩仲有好多新产品，仲有生菜鱼肉，等我下次试下先😏买咗小食过隔离share tea买嘢饮，仲有9折，好抵🤩
继续阅读
您可能会有兴趣的...